Muolhoi, March 19, 2018, Virthli (ONP): Pu Lalhruoi Hmar, A Forgotten Warrior tia ko hiel chu vawituk khan Muolhoi ah chawimawi a nih. Hi chawimawina hun hi Muolhoi Community Hall ah nei a ni a, Lt. General Pu SB Negi, New Delhi fethlengin Brigadier Parimal Pant Haflong chun chawimawina an hlan a nih. Hi huna hin hnam sunga Organisation dang dang hieng Hmar Inpui, HWA, HSA, HYA, VA thuoitu han an uop bakah khawtlang mipui thahnem tawk takin an uop bawk a nih. Sipai tienga inthawk le Hnam sunga organisation thuoitu han thuhrilna hun hai an nei bawk a nih.
Pu Lalhruoi Hmar hi kum 19 mi a ni chauin kum 1971 khan 3rd Assam Regiment a zawma, thlakhat vel char traning a zo hnungin India le Pakistan Indo 1971 boruok hung insang lai tak ani leiin East Pakistan (tuta Bangladesh) le ramri tieng tir ani nghal a. Hi tum hin ama hi a naupang pawl tak ani a, Ni 5 vel nasa taka an inkap hnungin Pakistan an lutchil tah a. Ama le a ruolhai pasari (7) hai chu Pakistan sipai han inhuolin, pahni an kaphluma, mi 5 man hai lai a thang ve tah a nih. Nasa taka sawisawk ani hnungin Multan Central Jail ah kum 1 le ni 18 zet an tang a nih. December 18, 1972 khan India sipai Indonaa man mi 218 hai an insuo khan insuo sa ve a hung nih.
A hung suok hnung hin sipai ah kum 5 dang ala thanga, insung tieng harsatna dang dang leiin pension a lak tah a nih. Indona leia jail bang zut (prisoners of war) hai thangpuina/hamthatna hai khawm hmu loa umin, hreitfuk alo ni ngai naw nih. Pu Lalhruoi Hmar hi NC Hills a Prisoner of war dam le umsun a nih.
Kum tam tak el sawrkar hriet fuk lova lo um ta kha, tuhin chu ata dingin zingkhuo a hung var ve tah a nih. Kum 2003 NC Hills a hnam in buoina ei tuok tum khawm khan Defence incharge mawphurna lain hnesawtaka phurtu a nih.
Tuhin Pu Lalhruoi Hmar hi kum 66 vel ani taa, naupasal 4 neiin Muolhoi ah an khawsa mek a nih. Ama hi Rev.Lalchawlthang Ṭhiek piengpui unau a nih.
Pu Lalhruoi Hmar hi kum 19 mi a ni chauin kum 1971 khan 3rd Assam Regiment a zawma, thlakhat vel char traning a zo hnungin India le Pakistan Indo 1971 boruok hung insang lai tak ani leiin East Pakistan (tuta Bangladesh) le ramri tieng tir ani nghal a. Hi tum hin ama hi a naupang pawl tak ani a, Ni 5 vel nasa taka an inkap hnungin Pakistan an lutchil tah a. Ama le a ruolhai pasari (7) hai chu Pakistan sipai han inhuolin, pahni an kaphluma, mi 5 man hai lai a thang ve tah a nih. Nasa taka sawisawk ani hnungin Multan Central Jail ah kum 1 le ni 18 zet an tang a nih. December 18, 1972 khan India sipai Indonaa man mi 218 hai an insuo khan insuo sa ve a hung nih.
A hung suok hnung hin sipai ah kum 5 dang ala thanga, insung tieng harsatna dang dang leiin pension a lak tah a nih. Indona leia jail bang zut (prisoners of war) hai thangpuina/hamthatna hai khawm hmu loa umin, hreitfuk alo ni ngai naw nih. Pu Lalhruoi Hmar hi NC Hills a Prisoner of war dam le umsun a nih.
Kum tam tak el sawrkar hriet fuk lova lo um ta kha, tuhin chu ata dingin zingkhuo a hung var ve tah a nih. Kum 2003 NC Hills a hnam in buoina ei tuok tum khawm khan Defence incharge mawphurna lain hnesawtaka phurtu a nih.
Tuhin Pu Lalhruoi Hmar hi kum 66 vel ani taa, naupasal 4 neiin Muolhoi ah an khawsa mek a nih. Ama hi Rev.Lalchawlthang Ṭhiek piengpui unau a nih.
