Haflong/ Retzawl, February 6, 2018, Virthli (ONP): N.C Hills Indigenous Students Forum (NCHISF) huoihawtna in NHAI le Railway siemna leia in le lo sietna tuok khuo sawmthum (30 villages) an'thawk representative khuotin anthawk ṭhahnem tawktak fe khawmin Retzawl hmuna zani khan Joint meeting nei a nih. Hi huna hin Indefinite Road Blockade chu tarik 8th February 2018 anthawk hin nei dingin thuthlukna an siem.
A hnuoia tarlang hai hi Road Blockade thaw na ding le inzawma an thil phût hai chu a nih:
1. NHAI sinthaw na leia In le Lo suksiet le tawk buoia um hai kuoma thuneitu hai an'thawk zângna dawmna ṭhangpuina pêk vat a phût.
2. NHAI in an tiemna ang a, Fûr ruotui thlak hma ngeia Jatinga to Harangajao Road Blacktopping zo an phût.
3. PWD Ministers of State thutiemna angin Jatinga le Haflong in kara Road Simplex Som Dutt builder (J.V) enquiry report mipui hmuthei a pholang ding a phût.
Ni 26.11.2016 a Shri. H.K Jaggi, General Manager, N F Railway chairman na hnuoia Joint meeting ama conference hall a ngei Maligoan Guwahati a nei dungzuiin thla hni liem hma ngeia Zerrat Value le Land Development cost hai compensation pêk dinga hrila lo um ta chu kum khat liem ta hnunga khawm Land Development cost hi pêk ala ni naw zing leiin February thla sûng ngeia pêk an ni naw chun hung tlung ding Ni 01.03.2018 hin Rail Blockade tiem chin um loin huoihawt a tum bawk.
