Responsive Ad Slot

Pu Zosumthang hai nupa in Jinam Valley a Kohran tin hai thilpek an inhlan

Wednesday, January 3, 2018

/ Posted by VIRTHLI HMAR
Muolhoi, December 03, 2018, Virthli (ONP): Liemtah tarik 28 December 2017 khan Jinam Valley sunga khawtina Kohran um hai po po kuomah Pu Zosumthang hai nupa chun thilpêk chi hran hran an inhlân. Hi thil pêk inhlân hi Pu Zosumthang in ama dit ang le țha a ti ang ang a'n hlân el ni loin, khawtina Kohran pawl po poin anni pawimaw izirin ditthlang theina an in neitir a, an dit angtak Rs. 10,000.00/- manhû an hung hni hai chu Pathien ropuina dingin an hlân a nih.


Hi thilpêk inhlanna hin khawtina Kohran pawla Kohran Upahai le țhuoitu hai Muollien khuoah fekhawmin hi thil semna program hi hmang a nia, Pathien kuomah lawmthu hril țawngțaina hun khawm hmang a ni bawk.

Hi thil hi politisc le inzawmna iengkhawm a nei nawa, kum 2016 lai khawm khan Kohran Upahai, a sin thawna le inzawma țawngțai pui dinga ngênin Jinam Valley kohran Upahai po po blanket a lo inhlân ta bawk a nih. Pu Zosumthang hai nupa chungah Jinam Valley mipui chu an lawm takzet a, Pathien le ama kuomah nasa takin an lawmthu an hril.
Don't Miss
© all rights reserved
made with by Simon L Infimate