Responsive Ad Slot

Pu Norbar Sanate Fin. Secretary, HPC(D) kaphlumna le inzamwa HYA demna

Sunday, January 28, 2018

/ by Simon Infimate
DEMNA THUPUONG
HYA/GHQ/2017-2020/PR/05-18
28th January 2018

Hmarnau haiin inremna lampui dapa kal ei châwi mek lai le politics a khawm hmasawn dep depa ei inngai zing laiin zani 27-January, 2018 (Inrinni) zana Hmarkhawlien hmunah thil ditumlo tak, Pu Norbar Sanate (47) @Bara, Fin. Secretary, HPC(D) chu ralthuom chawi haiin a khawlai lengna hmunah nunrawng taka an kaphlumna le nu-le-nau, mipui an sukthlabarna le inzawmin Hmar Youth Association (HYA) General Headquarters chun pawi ati hle a, pawi tâwktuhai a dem takzet a. Lusun sungkuo hai a sunpui hle bawk.

Hienga pawi tâwktuhai hi Hmar khuo le hnam an suk hmingsiet hle a, Hringna hi Pathien ta a na, Pathien mi pêk laia hlutak khawm a ni leiin mitukhawmin a nuom thu thuin a sukhlum ding ani nawh.

Chuleiin, hieng ang intuolthatna hih a thawtuhaiin thaw nawk ta ngai lo ding le mi tuelkhawm hringna inlâkpek ang zawnga hma la talo dinga ngen le inhriettir ei nih.

“…Khawlai ram khawm mani le mani indo taphawt chu an bohmang hlak; sung khat khawm mani le mani indo chu an bohmang hlak…” – Luka 11:17

Thilṭha thaw, Nundanmawi, Tlawmngaina thupui a neia in sinthawpui,

Sd/-
(UPA LALDAWNLIEN VARTE)
General President, HYA GHQ

Sd/-
(ALAN FAMHOITE)
General Secretary, HYA GHQ

Don't Miss
© all rights reserved
made with by Simon L Infimate