Responsive Ad Slot

VIRGIN MARY

Sunday, December 24, 2017

/ by VIRTHLI HMAR
~ Jami Darngawn

Nunghak thlienghlim Mari le Tlangval feltak Josef hai chu ngaisang an um ngei de! Anni pahni hi lo thlinghlim ta naw hai sien chu nang le kei misuol thi ta ding mi hung Sandamtu ding Lalpa lsu hung insiengna/piengna ding hi Van mipui hai le Pa Pathien chun iengtin am ngaidan siem tang an ta? ti chu ngaituo tham a nih.

Awleh, kha hun lai khan Nunghak tamtak chu khawvel Sandamtu hung insiengna/piengna ding chun lo inring tawl ding an na, amiruokchu ringnawtak sunga khawvel Sandamtu ding a hung insieng/pieng el ta kha chu thilmak a tling reng a ni kha.


Tulai ei khawvel hmang/tawngmek a khawm hin khawvel Sandamtu ding chu nunghak thienghlim sunga hung insieng/pieng ding ti nisienla, a nsiengna/piengna ding khawpa lungril le taksa thienghlim ding chu ei va vang awm ngei maw !!!

Turuok hin chu ei vangnei ngei de aw! Lalpa lsu zar chauin nang le kei chu ei suolna le tirdak umna hai po po theinghil/ngaidam pekin ei um tah a, ei suol ang anga mi pawmtu/dittu ei Pathien chun A naupa Lal lsu zar chun Nau thienghlim tak le dit umtak angin A mi pawm thei tah a nih.
Lawm ava um ngei de maw? Lalpa chu inpakin um mawl raw seh.

Ei Pa Vana mi mita chun mit nauleng ang ei na, ei thienghlimdan khawm A naupa Lal lsu thlienghlimna ang chun a mi en ta lem a, chuong chun nunghak thienghlim "VARGIN MARY" ang ei ni tah a nih.
Haleluiah Lalpa kan va lawm ngei de aw !

"Emmanuel" Pathien ei kuomah a um zing. Lalpa Thlarau Thlienghlim chun nang le kei hi mi chenchil zing mawl raw sen ie.

Christmas Lalpa Thlarau Thlienghlim le hlimtaka lo hmang dingin ka ditsakna Vochuom Chibai 🤝🏻 ka buk che.
Don't Miss
© all rights reserved
made with by Simon L Infimate