Responsive Ad Slot

Rengkai Wesleyan Youth Exhibition for Mission 2017

Friday, December 29, 2017

/ by VIRTHLI HMAR
RENGKAI, December 29, 2017, Virthli (ONP): Rengkai Wesleyan Youth in December 15, 2017 a inthawka zan huna Wesleyan Regional Office Compound, Rengkai hmuna Exhibition For Mission 2017 a huoihawt chu a fe mek a, hi exhibition hi Krismas tawm le Krismas lai khan sukchawl a nih. Exhibition for Mission nei a ni huna hin games item chi tum tum huoihawt a ni a, fak-le-dawn chi tum tum buotsai a ni bakah mipui enthei dingin Arts& Crafts chi hran hran pholang a nih. Hi huna hin JFP han projector hmangin Isu film mipui enthei dingin an insuo bawk a nih .


Hi Exhibition nei a ni sung hin kantu mipui an thahnem hle a, hi huna an sum lamsuok hai hi Missionary Fund a hmang a ni ding thu Rengkai Wesleyan Youth hai chun an hril a, Exhibition For Mission nei a ni huna hung dawrtu hai po po chungah Rengkai Wesleyan Youth chun Virthli fethlengin an lawmthu an hril bawk a nih. Hi Exhibition hi vawizan, December 29, 2017 zan hin khar a ni ta ding a nih.
Don't Miss
© all rights reserved
made with by Simon L Infimate