IMPHAL, December 02, 2017, Virthli (ONP): Independent Church of India KTP Lamphel, Imphal chun vawizan December 2, 2017 dar 6;00PM khan Lamphel ICI Compound ah meithai le fahrahai ta dingin ‘ Gospel Charity Concert’ an huoihawt. Hi huna hin hlasakthiem, Nk. Gladys Lalparzo Sanate, Joseph Pakhuongte, Eljay Ngaite, Vanlalchhunga Neitham, Nk. Valentina Tusing, Nk. Catherine Lalremlien Ralsun le Nk.Daisy L. khawbung le ICI Lamphel KTP han Pathien inpakna hla mawi tak takel sakin mipui an inawi a. Hi huna hin Evan John in Gospel messsege hrilna a nei a. CKTP, ICI a thouitu- Rev. Zothanghrim. Pu Ramhlunsang hai khawma an uop a. Rev. H. Chungthang Thiek khawma a uop ve. Hi huna hin mipui an hlim tlang hle a. Fahra le Meithei hai thangpuina dingin sum-le-pai iemanizat lamdawk a nih.
