Responsive Ad Slot

Guwahati ah Joint Advance Christmas ropuitaka hmang a nih

Sunday, December 10, 2017

/ by Lalrintluong Kungate
Guwahati, December, 10, 2017,Virthli (ONP): Vawisun Hmar Churches Guwahati hmalakna hnuoia Joint Advance Christmas 2017 ropuitaka hmang a nih. A hmun hi EFCI Centre, Pillangkata, Guwahati ani a, mipui khawm thahnem tawk tak fekhawm a nih. Programme hi zantieng dar 2:00PM a tan ani a, Conductor Rev. Vanlalsang Khuptong, Local Pastor, Guwahati Hmar Christian Fellowship keihruoina hnuoia hmang a nih.

Praise and Worship Joint KTP in anei a, mipui lawmlutna Upa Lalchawisang Infimate, Chairman Organising Committee in anei bawk a nih. Christmas Gift Exchange kohran tin hieng ICI, Guwahati Hmar Christian Fellowship, EFCI in hun an hmang bawk a nih. Hlapawl hieng ICI KTP, GHCF KTP, Solo Nk Deborah EFCI in mawi le nal tak takin an inhlan bawk a nih.

Message (Pathien thucha) Rev. Lalmuongthang Thiek, EFCI awptu Pastor in "Inremna thu inleng raw seh" ti thupui hmangin mipui hmaa thuhrilna anei zoin Vote of Thanks Rev. Solomon Parate, Secretary Organising Committee in hrilin, hienga programme ei hmang thei hi mipui inthuruolna lei ani a, hmatieng peia khawm hi neka ropui le ran that meuin Programme ei la hmang pei ding a nih ti mipui hmaa a hril a nih. Halleluiah Chorus Joint KTP in sakna annei zoin Benediction Rev. Dr. H.M Songate in neiin programme hi suktawp a nih.


Hmar Churches Guwahati hi ei hriet thei dan ding chun Guwahati a Hmar Kohran hieng ICI, Guwahati Hmar Christian Fellowship, EFCi inzawm khawma indin ani a, a thiltum tak chu Hmar Kohran/Hmarnau inthuruolna tha nei hi a nih.


Don't Miss
© all rights reserved
made with by Simon L Infimate