Responsive Ad Slot

Futsal Fest 2017 hlawtling taka zo: Yo Yo's Bros. FC in hrattak nina an chang

Thursday, December 14, 2017

/ by VIRTHLI HMAR
CCPur, Dec. 14, 2017, Virthli (ONP): Zawlbûk FC Presents- Futsal Fest 2017 "In Aid of Orphans" Dec. 4-9 sunga nei dinga ti, ruosur leia Semi-Final & Final postponed a um chu Dec. 13, 2017 zan dar 6 PM khan a hmun pangngai HSA Campus, Rengkai, CCpur ah inkhelna nei a nih. Hi huna hin programme puithu taka hmang a nih a, Talent show chi hran hran a um bawk. Fahrahai (Orphans) ta dinga Thawlawm Bawm (Donation Box) daw a ni a, mi țhahnemngai ha'n an thei ang ang an thlak tawl. Hi Futsal Fest 2017 puitlingna dinga lo thlawptuhai kuomah huoihawttuhai chun lawmthu an hril.

Semi-Final inkhelna hun ah 1st Match- Dumbellu Utd 3-6 Konsham FC le 2nd Match- Yo Yo's Bros. FC 5-3 Ruolcham YF niin Final ah Konsham FC 1-2 Yo Yo's Bros. FC niin Yo Yo's Bros. YF in hrattak (Winner) nina an chang tah a nih. Winner Yo Yo's Bros. YF in lawmman in Rs. 5000/- + Rolling Trophy + Medal + Certificate le Runner Up Konsham FC in Rs. 3000/- + Rolling Trophy + Medal + Certificate an dawng a. Best Player Lawmman Alvin Lalsanthang (Yo Yo's Bros. YF) in a dawng a, hi lawmman hin Rs. 1000/- + Trophy + Certificate a sawm. Hieng lawmman hai hi Winner hai Mr. Michael Esh Director, For One Life International in an hlan a. Runner Up hai Pu Lalthlamuana Hmar Assembly Speaker, HSA in an hlan a, Best Player kuomah Pu Rochunghnung, Manager, Zawlbûk FC in an hlan. Winner team hin Rs. 1000/- chu Fahrahai thangpuina dingin huoihawttuhai kuomah hi huna hin an inhlan nawk nghal. Yo Yo's Bros. YF hi Kapthuom Memorial Team (KMT) hnuoia mi, hi Futsal Fest a dinga team in siem an nih.


Ms. Jenifer Nianglawmkim, Ms. Grace Famhoite, Mr. Lien Shakum, Mr. Zawlkapthang Thiek, Mr. RV Zote, Mr. & Mrs. Donatello, Ms. Gloria Khawlhring, Mr. Benny Khongsai, Mr. Paugin Muan, Snumb Crew, Zawlbûk Kids, Special Duet (Ms. Jenifer Nianglawmkim & Ms. Jerusalem Ramcheimawi), Mr. Gideon (North Eastern Children's Academy/NECA) haiin an talent hai an show a. Fahrahai ta dingin hla requestna hun hawng a ni angin mi thahnemngai ha'n requestin sum an pek tawl a nih.

Rev. Joseph R. Joute Director, For One Life Asia in Pathien kuoma hun inhlanna, lawmthu hril țawngțaina le thawlawm (donation) pek khawma um hai chu Pathien kuomah inhlanna țawngțai a nei a, Mr. Rochunghnung Manager, Zawlbûk FC in hi huna hin thuhril tawi hun a hmang bawk. Mipui, electronic le printed media le social media tum tum hlutsak a hlaw hle. Chun, Mr. Mang Taitom chu hnesaw takin live commentator in a thang a, Angel's Vision le Hornbill Cable Network (HCN) in full coverage an thaw a, TV News Channel dang khawma hi zana puong di'n an cover bawk.


Don't Miss
© all rights reserved
made with by Simon L Infimate