Responsive Ad Slot

HYA Gen. Hqrs in 12th Gen. Conf. mikhuoltu ding in rawntlangna a nei pui

Tuesday, October 17, 2017

/ Published by VIRTHLI
CCPUR, Virthli ONP: Oct. 16, 2017 zingkar dar 7:30-8:30pm khan Sielmat HYA Hall ah Hmar Youth Association (HYA), Gen. Hqrs. chun an Gen. President Upa Laldawnlien Varte inrawinain HYA 12th Gen. Conference Nov. 3 & 4, 2017 mikhuoltu ding Sielmat lal, Village Authority, Val-Upa, khawsunga kohran EFCI le ICI, khawtlanga pawl tum tum- Sielmat Welfare Committee (SWC), HYA, HSA, HWA, Sielmat Nunghak Pawl (SNP) a thuoitu hai inpawlpuina le inrawntlangna an neipui a. An thei tawpa an thlawp ding thu le an khuo a HYA Gen. Conference innghat ding chu lawmum an tiin social gathering dang hai ang nilo a Kristienna leh inhme a programme induong a ni ding thu a chun tha an ti tlanga, lawmum an ti thu an hril. Sielmat khuo hi an Community Hall "HYA Hall" tia ko hmasataktu an nih a, a dawttu chu Saidan, CCPur an nih. 12th Gen. Conference huna hin HYA Gen. Hqrs chun "HYA Hall" tia an khawtlang hall hming inbuk hai kuomah Chawimawina le Hrietpuina thuziek mawikhai tak el tar dingin inhlan an tum a nih.

Oct. 23-26 & 30, 2017 haia HYA Branch tum tum hai infiemna le inruolsiekna ding, HT Sangliana Rolling Trophy Football & Volleyball Tournament hung um ding le inzawmin HYA Branch tum tum hai chu Games & Sports Dept. kuoma an player ding hai hming an hmatienga pelut dingin Information & Publicity Dept., HYA Gen. Hqrs chun inhriettirna le ngenna a siem nawn nawk. Hi infiemna le inruolsiekna hi tum dan deu chun hmun tum tum hieng Rengkai, Sielmat le Saikot khelmuol haia nei ni dingin HYA Gen. Hqrs thuoitu hai chun an hril a. Mitinin Pathien kuoma tawngtainaa lo san dingin an fiel bawk.


Don't Miss
© all rights reserved
made with by Simon L Infimate