Lungthulien, September 7, 2017, Virthli (ONP): Hi thu ei dawng chen ah Surlungdaw Pahnam Society le Tipaimukh-Hmarkhawpui khawtlang thuoitu ha'n inbiekna an nei a. Hi inbiekna a thurel dungzui chun, Sipuikawn le Tipaimukh khawtlangin Rs. 5 Lakh chawiin ngaidam inhni dinga phut an nih. Hi thu le inzawmin, Tipaimukh le Sipuikawn khawtlang thuoituhai chu Darkar 1:30 sung char hun pek an ni leiin, salam chawi ding sum hi theitawpa indapin an zawng mek thu dawng a nih. Tuchena hin Rs 20,000/- chauh a'n hmu nga thei leiin an bei a dawng hle thu dawng a nih bawk.
Hmatieng peia Pherzawl Dist. sunga buoina hrim hrim chingfel ding chun Law Enforcement an um a, Pherzawl Dist. Police/Parbung Police an um a, anni hai kuoma pek suok chi niin an lang. Chuchu a ni dan ding tak khawm a nih. A tutu khawmin in vuok hlum hi ching lo ding a nih. A thu a rel hi uor ding a nih.
