Responsive Ad Slot

HSA NCH&KA JHQ in Assam a MBBS inchuklai mêk pathum hai kuoma thilpêk an hlân

Tuesday, September 5, 2017

/ Published by VIRTHLI
Haflong, September 5, 2017, Virthli (ONP): Hmar Students' Association N C Hills & Karbi Anglong Joint Headquarters Assam, in an Joint Headquarters member MBBS inchuklai mêk mi pathum hieng; Tv. Lalrothar Hmar S/o Pu Lalropieng Hmar, Leiri, NC Hills, Fakhruddin Ali Ahmed Medical College, Barpeta, Nk. Elim Lalnunhlim Hmar, D/o Pu Lalropieng Hmar, Leiri, NC Hills, Guwahati Medical College, Guwahati le Tv. Jason L. Pudaite S/o Levung Pudaite Tuolpui, NC Hills, Silchar Medical College, Silchar a inchuk mek hai țhangpuina dingin thilpêk pawisa sum Rs. 5000/- (Five thousand) sengin an hlân. Anni hai hi tlangrram a inthawka suok anna insung harsa tete an nih.

HSA NCH&KA JHQ. hin nikum lai khan Students Admission le Form fill up na hai a khawm mi iemanizat zet alo ṭhangpui hlak ta bawka, tukum hin MBBS inchuklai hai ṭhangpuina ding hin JHQ. Member sung le Adviser hai ṭhangsa in intiemna hai nei in thilpêk hi inhlân thei a nih.

Inchukna tienga hma ei sawnna ding tiin nikum le tukum hun sung hin hmun dang dang thlangram a hai le khuo ṭhenkhat a hai Education Awareness Programme hai an nei deu zing bawk, inchuklai inzawmkhawm țhuoitu an ni ang hrimin mani Hnam sûnga hai thei ang anga Awareness hai neiin sum le pai a hai chen ṭhangpui ngai hai an ṭhangpui a nih.

Ei hriet ta angin tuta ṭum NC Hills Autonomous Council ṭhuoitu MAC Pali (4) ei nei ṭum tak nisienkhawm EM ei chang ve naw leiin ei Hnam sung harsatna namênlo a tlung mêka, chuleiin Hnam thila hmalâkna ding tamtak a um leiin Students Ṭhuoitu hai khawm huoi taka hma anlâk pei theina dingin ṭawngṭai pui dingin HSA NCH&KA JHQ țhuoitu hai chu mipui an ngen.
Don't Miss
© all rights reserved
made with by Simon L Infimate