Rengkai, July 4, 2017, Virthli (ONP): HSA CCpur JHQ in a hawihawt
Spelling Bee Competition 2017 chu July 3, 2017 zan 6;00 PM khan LJ Memorial
Hall, Rengkai road ah Final round hlawtling takin hmang a nih. Hunser hmangna
hi Tv Joshua L Amo, Info.& Publicity, HSA CCpur KHQ-in-in a keihruoi a,
hung hawng tawngtaina Rev. Joseph R Joute in a nei a, Jeffry L Joute, Gen.
secy., HSA CCpur JHQ-in report pekna le khuollien hai thilpek inhlanna hun a
hmang a. Chief Guest- Pi Helen Lallienmawi Varte, CDPO, CCpur ICDS le Guest of Honour- Pu Jerusalem Infimate, Section Officer, PHED
ha’n thu an hrilna a chun, HSA CCpur JHQ in Spelling Bee a huoihawt hi lawm um an ti thu, inchuklai hai ta dinga hrietna sukzautu
le thluok sawizawi na ding thil tha tak
a ni thu, inchuklai haiin hma tieng peia an sawr tangkai ngei an beisei thu an
hril a, hma tieng peia khawm HAS hai chun la huoi hawt nawk pei hai sien ti an
nuom thu an hril . Hi huna hin Upa Laldawnlien Varte, Gen. President, HYA GHQ
le Pu Lalrobul Pudaite, HSA, SCC Manipur, Co-ordinator hai khawma thuhrilna hun
an hmang ve.
Hi Spelling Bee final round a hin
pronouncer-in Tv. J Shakum le Nk. Elizabeth Pachuau hai an thang a. Finalist mi
5 hai hi thumal tam tawk takel inlamtir
an ni a, round 3 lai zet nei a ni
hnungin, Mark L.F Tlau s/o Albert Lalhmingsanga, Stephan High School a cl-ix
incuklai chun thumal a lam indik rawn tak leiin Spelling Bee 2017 a hin
‘CHAMPION’ a lo ni ta a nih. 1st Runners-up; Lalsandam s/o
Lalbarjohn, cl-x, Mt. Carmel School, Top
3; Jacob Malsawmdawnglien s/o Lalditum, cl-x, Young Leaners School, Top 4;
Jacob Lalnundang s\o Immanuel Lalrintluong, cl-x, Young Leaners school, Top 5;
Aloes Lalrosang Ralsun s/o Rev. Roparlien Ralsun, cl-viii, The Pathway school.
Lawmman semna hun Tv. Charles lalenglien
Ralsun, Secy.,Edn., HAS CCpur JHQ-in a hmang a, hi competition a thang mi 17
hai kuomah chawimawina certificate inhlan an nia. Hun kar lakah Nk. Christina
Shakum, HSA Platinum Star & 1st
Runner-up Manipur Idol-in hla mawi tak
tak sakin mipui fekhawm hai an awi a, Rev. Lalliensung Joute in hun khar
tawngtaina a nei zoin hun hi khar a nih.