Muolvaiphei, June 24, 2017, Virthli (ONP): Vawisun June 24, 2017 dar 11;00 A.M khan HSA Muolvaiphei Unit huoihawtna hnuoiah Felicitation –cum- career guidance Muolvaiphei Youth Club Hall ah hmang a nih. Hun hmangna hi Tv. David Lalmalsawm le Nk. Steffi Fimremmawi-in an kei hruoia. Hun hawng tawngtaina Rev. T. Remthang Hrangchal-in a nei a, Nk. Monica Lalthuoivel-in lawmlutna thucha hrilna hun a hmang a . Tv. Samson Lalhnelien, Edn. Secy., HSA Muolvaiphei Unit in khuollien hai chawimawina thilpek inhlanna le tukum 2017-a Muolvaiphei khawsunga HAS members, Cl-X(mi 29) le Cl-XII (mi 19) pass hai kuomah chawimawina certificate inhlanna hun a hmang a. Rev. T. Remthang Hrangchal in Cl-x le Cl-xii exam a hlawtlingna chang hai Pathien kuoma tawngtaipekna le lawmthu hrilna hun a hmang.
Chief Guest
Pi Lalthazam, SDO, Saikawt-in inchuklaihai kuoma thu a hrilna a chun an lekha
inchukna hai-ah mark hmu insang el chau
ni loa, mani hringnuna le puitling huna hai iengtinam ka hmang tangkai
thei ding? ti ngaituona neia taimakna le tumruna neia lekha inchuk dingin a
hril a. Lekhathiem ringawt ni tum lo a,hnam, khawtlang le insung ta dinga mi
tangkai ani tum seng dingin an fui a, inchuklai hai insung khawsakna a harsa
khawma lunghnuol el loa mani inthunna tha tak neia lekha inchuk dingin a hril
a. Lungril inhawng taka thurawn tha hai la a,mani hriselna ngaipawimaw ding le mani thiemna ngeia sin hmu tum seng
dingin an fui bawk.
Guest of
Honour -Nk. Margareth L. Tryte, Secy.,Finance HSA GHQ in thu a hrilnaa chun ei
thil thawna a hai takinningna nei a tul
zie a hril a, lekha inchuklai hai ta dingin takchangna a pawimaw zie thu
hrilin,mi tamtak an lekha inchukna a hai an hlawsam nasan chu takinningna le
takchangnsa an tlasam lei anih tiin a hril a,mani thiltum sukpuitling ding chun
takchangna a pawimaw zie thu ursun takin a hril. Functional President -Pu Zuola
Shunate in thuhrilna a neina a chun ei hnam
chawisang a tul zie le ei hnam hmangai a tul zie ursun takin a hril a, inchuklai hai chu smartphone an nei khawma
mani career suksietu ni loa, mani inchukna kawnga sawr tangkai tum seng dingin
an fui a,Hmar tawng ziek dan a hai fimkhur seng dingin an fui tawl.
Hi huna hin
Muolvaiphei khawsunga Cl-X le Cl-XII a toppers hai chawimawina inhlan an ni a.
Chuong hai chu Cl-X ah: Mr. Calvin Fimthanglien s/o Rothanglien. Cl-XII(Arts):
Ms. Lalkomawi d/o Enchimlo, Cl-XII(Sc): Vanlalrinngheti d/o James Lianmawia.
Cl-XII Manipur MIL(Hmar) Topper :Ms. Nancy Lalvarmawi d/o Lalthlamuongpui
Infimate.
Resource
Person- Ms. Laltluongmawi, Principal, Vision Academy a’nthawk career guidance
chungchangah thu tha tak tak ngaithlak a ni a. HAS Gen. Hqtr, HAS CCPur Jt.
Hqtrs, Muolvaiphei Youth Club thuoituhai khawma hai khawma hi hunser hi uop ve
in,thuhrilna hun an hmang tawl. Vofe of thanks Mr. Gospel Chanchinlien
Lungtau,Secy.,HAS Muolvaiphei Unit in hrilna a nei a, Pu Lalrempui in hun khar
tawngtaina a nei zoin hi hunser hi khar a nih.
