Responsive Ad Slot

Award dawng lawmna inkhawm hmang

Saturday, June 3, 2017

/ Published by VIRTHLI
CCPur, June 03, 2017 (HT): June 2, 2017, 11:30AM khan HYA Hall, Sielmat, CCPur hmunah Pu Lalthankunga Hmar, Superintendent, Customs & Central Excise, Shillong Zone in Award pahni, World Customs Organisation “Certificate of Merit, 2016” le Presidential Award, 2016 for “Specially Distinguished Record of Service” hai a dawngna le inzawmin a pa Upa H.C. Jaikung chun Award lawmna le Pathien kuoma lawmthu hrilna inkhawm a buotsai.

Rev. Jonathan Pudaite, Principal, TCS, Sielmat, CCPur in hun hmangna a keihruoi a, Pro- Pastor Michael Lalmuonsang Hrangchal in hun hawngtawngtaina a nei a, Rev. Lalhmingthang Famhoite, PS, EFCI Saikawt Presbytery in thuhrilna le malsawmtawngtaipekna hun a hmang.


Chun, hi hun hmangnaa hin Rev. Dr J.L. Songate, Secretary (Missions), ICI; Pu Joseph Lalrothang, President, HI GHQ; Pu Lalthankunga Hmar le midang dang han thuhrilna hun an hmang.  HSA Gen. GHQ a Adviser ani leiin HSA GHQ thuoitu hai khawmin lawmpuina thilpek inhlanna an neia, Upa H.C. Jaikung chun vote of thanks a hril a, Rev. CC Rema in hun khartawng taina a nei. Hun hmang sung hin Mrs Vanlalhriet, Nk. Christina Shakum le Ms Cindy Lalruotmawi han hla an sak bawk. Hall programme hmang zo hin lawmna ruoi kiltlang a nih.
Don't Miss
© all rights reserved
made with by Simon L Infimate