Thingkalh, May 23, 2017, Virthli (ONP): Inhriettirna lo siem tah angin vawisûn khan, Kangreng, Thingkalh, Ngampabung vântlang pungkhâwmin, Kh. Zeikhan le Kangreng inkâr lamlien sietna lai hmun sâwmpasari (17) lai zet an siemțha.
Kangreng, Thingkalh, le Ngampabung mipui chu Kangreng-ah inghâkkhâwmin, Rev. Lalruotsang, PO in țawngțaina a neia, chu zova sinthaw dinga inthawk mi za le sâwmthum panga (135) hai chu Gruopa ințhein sin sem a nih. Lamlien inkhurna le sietna hmun hai chu siemțhain an khurna hmuna hai Lung vur pei a nih.
Motor hmang ding a um naw leiin Kutin Lung hla tak taka um hai chu putin an khurna hmun haiah vur pei a nih. Motor hmang lovin sâwl takin sinthaw hai sienkhawm tukhawm a nuor a pheng um lovin thafân takin mani ta thawin an thaw a, Culvert Pilin a vur vawng tah khawm Pali (4) zet Bawngtuthlaw ngawtin an cho dawk a nih.
May 22, 2017 Thawțanni khan, Lower Kharkhuplien, Upper Kharkhuplien le Kh. Zeikhan mipuiin, Khangbawr le Lower Kharkhuplien inkâr lamlien sietna hmun hai an lo zu siemțha ta bawk. Vangai lamlien hi Ruo vawikhat a sûr met chun Motor a fe thei naw nghâl el hlak leiin Contractor le MLA hai kut nghâk el lova mipuiin Kut ngeiin Lamlien siemțhatna sin an thaw hin Vangai mipuiin Lamlien țha nei kâr an nghâkhla hle an tah ti chu hriet thei le hmu theiin a um.
Vawisûn khan a zâtve khawm siem zo a ni nawh a, hun remchang hmasa taka thaw nâwk ding sie a nih. Zantieng dar 3:45 khan, Kohran tinin ₹. 200 an chawikhâwmhai hmangin Thingpui dâwn tlang a ni a, chu zova Rev. Lalruotsangin țawngțaina a nei nâwk zovin mani khuo tieng seng inlâwi nâwk a nih. (input: Jehova L Varte )
Kangreng, Thingkalh, le Ngampabung mipui chu Kangreng-ah inghâkkhâwmin, Rev. Lalruotsang, PO in țawngțaina a neia, chu zova sinthaw dinga inthawk mi za le sâwmthum panga (135) hai chu Gruopa ințhein sin sem a nih. Lamlien inkhurna le sietna hmun hai chu siemțhain an khurna hmuna hai Lung vur pei a nih.
Motor hmang ding a um naw leiin Kutin Lung hla tak taka um hai chu putin an khurna hmun haiah vur pei a nih. Motor hmang lovin sâwl takin sinthaw hai sienkhawm tukhawm a nuor a pheng um lovin thafân takin mani ta thawin an thaw a, Culvert Pilin a vur vawng tah khawm Pali (4) zet Bawngtuthlaw ngawtin an cho dawk a nih.
May 22, 2017 Thawțanni khan, Lower Kharkhuplien, Upper Kharkhuplien le Kh. Zeikhan mipuiin, Khangbawr le Lower Kharkhuplien inkâr lamlien sietna hmun hai an lo zu siemțha ta bawk. Vangai lamlien hi Ruo vawikhat a sûr met chun Motor a fe thei naw nghâl el hlak leiin Contractor le MLA hai kut nghâk el lova mipuiin Kut ngeiin Lamlien siemțhatna sin an thaw hin Vangai mipuiin Lamlien țha nei kâr an nghâkhla hle an tah ti chu hriet thei le hmu theiin a um.
Vawisûn khan a zâtve khawm siem zo a ni nawh a, hun remchang hmasa taka thaw nâwk ding sie a nih. Zantieng dar 3:45 khan, Kohran tinin ₹. 200 an chawikhâwmhai hmangin Thingpui dâwn tlang a ni a, chu zova Rev. Lalruotsangin țawngțaina a nei nâwk zovin mani khuo tieng seng inlâwi nâwk a nih. (input: Jehova L Varte )
