Shillong, May 16, 2017, Virthli (ONP): Hmar Youth Association (HYA), JHQ, Shillong huoihawtna hnuoi-a 2nd Shillong Hmar Martyrs' Trophy Closing Ceremony le Final inkhelna chu vawisun khan Motinagar playground, Shillong hmuna nei a nih. Hi huna hin Pu Tana Darngawn chu Khuollien a hmang a nih. Khuollien in thuhrilna hun neiin, ram le hnam ta dinga an hringna hlutak lo inhlantu hnam pasaltha hai hrietzingna hun hmang theia um chu lawmum a ti thu a hrila, hnam pasaltha mihrang tamtak lo liem ta hai, hring le dama um hai hin ram le hnam ta dinga theitawp suo dingin mipui fekhawm hai ditsakna an hlan.
Pu Ramhninglo Inbuon, President, HYA Shillong JHQ chun players hai le mipui fekhawm hai chu lawmlutna neiin hi Trophy hin ei hnam sunga inpumkhatna, inlaichinna, inhmangaina le inthuruolna tha lem a um thei ngei na dinga huoihawt a ni thu hai a hril.
Inkhel tan hma in Tv. Roland Leiri le Nk. Deborah Lalnunthieng haiin hnam hla sakin mipui an inawia, Hnam pasaltha hai sunna hun minute khat nei a nia, Rev. Dr. J Huoplien in Pathien kuoma tawngtaina neiin inkhel tan a nih.
The 2nd Shillong Hmar Martyrs' Trophy Final hi Sinlung FC le Defending Champion JFC Knights hai an inkhela, mipui entu khawm an thahnem hle. Martyrs Trophy Nopui dawm tum veve in ruosur hnuoia theitawp an suo a, mipui mit khawm a thlei hle a nih. An inhne tawk hlea, Sinlung FC hai chu Goal thunna kawnga vangnei lemin JFC Knights hai chu 6-3 a hne in Martyrs Trophy Nopui chu an alo dawm tah a nih. Lawmman pakhatna in Trophy, Certificate le sumfai Rs. 20,000/- a sawma, a pahnina in Certificate le sumfai Rs.10,000/- a sawm a nih. Best Player chu Tv. LC Changsan of JFC Knights in a laka, Best Goal Keeper chu Tv. Sumkhenthang Lhumding of Sinlung FC, Top Scorer chu Tv. T. Mangminlian of Sinlung FC ami chun Goal 10 lai thun in a lak a, Man of the Match chu Tv. Kamkhanlal of Sinlung FC in a lak a, Best Manager lawmman chu Pu Marcus Singson of FC Amigos in a lak a nih.
HYA Shillong JHQ huoihawtna hnuoia a tho zan dar 7 in Shillong-a Hmar nauhai chun Hmar mihrang pasaltha hnam ta dinga hringna chan hai hrietzingna hunser EFCI Centennial Hall, Demthring ah hmang sunzawm a nia, nu-le-pa, thalai an fekhawm tha hlea, hall in a keng naw rak a nih. Mipui fekhawm hai chu Pu Ramhninglo Inbuon, President, HYA JHQ Shillong in lawmlutna a neia, Tv. Vanlalmuon Khuongpui keihruoina hnuoia hun hmang a nih. Hun hawng tawngtaina Rev. B.L Sandam in a hmanga Silent Prayer hun hmangna a keihruoi nghal bawk a nih.
Hi huna hin Shillonga Hmarnauhai umbukna hmun deu Nongthymai Constituency MLA Dr. Jemino Mawthoh, OC, Madanryting Police Station, Upa Dr. Zawlthanglien, Upa Dr. Vanlalnghak le Tv. Ezra L Darngawn, Gen. Secy. HSA Jhq Shillong haia inthawkin thuhril tawite ngaithlak a nih.
Upa Dr. Vanlalnghak chun Martyrs Day iengleia ei inser am ti thu hai a hril bakah Hmar hnam ta dingin iem thaw thei veng ka ta, ka thangnaw chun Hmar hnam a dam thei nawh ti lungril put zing pumin Hmar hnam ta dingin thang la seng ei tiu tiin a hril. Dr. Jemino Mawthoh, MLA, Nongthymai Constituency chun Hmarnauhai state hrang hranga thedara ei um chu pawi a ti thu le District Council hai chen khawm hmu ngei dingin a ditsakthu a hrila, Shillonga Hmarnauhai ta dingin iengtiklai khawm an pek zing thu a hrilsa bawk a nih. HYA JHQ Shillong aiawin Pu Vanlalpawl Khawbung chun Dr. Jemino Mawthoh in Shillonga Hmarnauhai kawng ramtina alo thangpuina hai le inzawmin lawmthu a hril bawk a nih. Upa Dr. Zawlthanglien Changsan in Meghalaya a Hmar hnam in hma ei lo lakna hai a hrila, ei hun le thilnei hai hi hnam ta dingin in martyr tir inla, Martyrs day hin thangthar lai inthuruolna thalem hung intlun ngei sien a nuom thu a hril. Tv. Ezra L Darngawn, Gen. Secy. HSA Jhq Shillong in Martyrs Day le inzawmin thusam mawi tak el tiemlangna a nei bawk a nih.
Hi zan hun a hin Tv. Joyful L Thiek, General Secretary le Pu Ramhninglo Inbuon, President HYA JHQ Shillong haiin Shillonga kum 2016-2017 inkar sunga tlawmngaia HYA Jt.Hqrs.Shillong hminga Thisen petu mi 9 hai kuomah Chawimawina Certificate inhlanna an nei. Tv. Zoel Zodinglien, Secy. Games & Sports in The 2nd Shillong Hmar Martyrs Trophy a individual lawmman hai semna a nei bawk a nih.
Hunkarlak ah Nk. Deborah Lalnunthieng, Tv. Roland Leiri, Nk. Joslyn Infimate, Tv. B. Lalhmuokdik, Nk. Rohminghlu Thiek le HSA Shillong Diamond Jubilee Choir haia inthawkin hnam hla mawitak tak el ngaithlakna nei a nih.
Lawmthu hrilna hun Pu Vanlalpawl Khawbung in a neia, hunkhar tawngtaina Rev. Fimliensang in a nei zoin hun suktawp niin refreshment tuihnaitak el kil tlang a nih.
Pu Ramhninglo Inbuon, President, HYA Shillong JHQ chun players hai le mipui fekhawm hai chu lawmlutna neiin hi Trophy hin ei hnam sunga inpumkhatna, inlaichinna, inhmangaina le inthuruolna tha lem a um thei ngei na dinga huoihawt a ni thu hai a hril.
Inkhel tan hma in Tv. Roland Leiri le Nk. Deborah Lalnunthieng haiin hnam hla sakin mipui an inawia, Hnam pasaltha hai sunna hun minute khat nei a nia, Rev. Dr. J Huoplien in Pathien kuoma tawngtaina neiin inkhel tan a nih.
The 2nd Shillong Hmar Martyrs' Trophy Final hi Sinlung FC le Defending Champion JFC Knights hai an inkhela, mipui entu khawm an thahnem hle. Martyrs Trophy Nopui dawm tum veve in ruosur hnuoia theitawp an suo a, mipui mit khawm a thlei hle a nih. An inhne tawk hlea, Sinlung FC hai chu Goal thunna kawnga vangnei lemin JFC Knights hai chu 6-3 a hne in Martyrs Trophy Nopui chu an alo dawm tah a nih. Lawmman pakhatna in Trophy, Certificate le sumfai Rs. 20,000/- a sawma, a pahnina in Certificate le sumfai Rs.10,000/- a sawm a nih. Best Player chu Tv. LC Changsan of JFC Knights in a laka, Best Goal Keeper chu Tv. Sumkhenthang Lhumding of Sinlung FC, Top Scorer chu Tv. T. Mangminlian of Sinlung FC ami chun Goal 10 lai thun in a lak a, Man of the Match chu Tv. Kamkhanlal of Sinlung FC in a lak a, Best Manager lawmman chu Pu Marcus Singson of FC Amigos in a lak a nih.
HYA Shillong JHQ huoihawtna hnuoia a tho zan dar 7 in Shillong-a Hmar nauhai chun Hmar mihrang pasaltha hnam ta dinga hringna chan hai hrietzingna hunser EFCI Centennial Hall, Demthring ah hmang sunzawm a nia, nu-le-pa, thalai an fekhawm tha hlea, hall in a keng naw rak a nih. Mipui fekhawm hai chu Pu Ramhninglo Inbuon, President, HYA JHQ Shillong in lawmlutna a neia, Tv. Vanlalmuon Khuongpui keihruoina hnuoia hun hmang a nih. Hun hawng tawngtaina Rev. B.L Sandam in a hmanga Silent Prayer hun hmangna a keihruoi nghal bawk a nih.
Hi huna hin Shillonga Hmarnauhai umbukna hmun deu Nongthymai Constituency MLA Dr. Jemino Mawthoh, OC, Madanryting Police Station, Upa Dr. Zawlthanglien, Upa Dr. Vanlalnghak le Tv. Ezra L Darngawn, Gen. Secy. HSA Jhq Shillong haia inthawkin thuhril tawite ngaithlak a nih.
Upa Dr. Vanlalnghak chun Martyrs Day iengleia ei inser am ti thu hai a hril bakah Hmar hnam ta dingin iem thaw thei veng ka ta, ka thangnaw chun Hmar hnam a dam thei nawh ti lungril put zing pumin Hmar hnam ta dingin thang la seng ei tiu tiin a hril. Dr. Jemino Mawthoh, MLA, Nongthymai Constituency chun Hmarnauhai state hrang hranga thedara ei um chu pawi a ti thu le District Council hai chen khawm hmu ngei dingin a ditsakthu a hrila, Shillonga Hmarnauhai ta dingin iengtiklai khawm an pek zing thu a hrilsa bawk a nih. HYA JHQ Shillong aiawin Pu Vanlalpawl Khawbung chun Dr. Jemino Mawthoh in Shillonga Hmarnauhai kawng ramtina alo thangpuina hai le inzawmin lawmthu a hril bawk a nih. Upa Dr. Zawlthanglien Changsan in Meghalaya a Hmar hnam in hma ei lo lakna hai a hrila, ei hun le thilnei hai hi hnam ta dingin in martyr tir inla, Martyrs day hin thangthar lai inthuruolna thalem hung intlun ngei sien a nuom thu a hril. Tv. Ezra L Darngawn, Gen. Secy. HSA Jhq Shillong in Martyrs Day le inzawmin thusam mawi tak el tiemlangna a nei bawk a nih.
Hi zan hun a hin Tv. Joyful L Thiek, General Secretary le Pu Ramhninglo Inbuon, President HYA JHQ Shillong haiin Shillonga kum 2016-2017 inkar sunga tlawmngaia HYA Jt.Hqrs.Shillong hminga Thisen petu mi 9 hai kuomah Chawimawina Certificate inhlanna an nei. Tv. Zoel Zodinglien, Secy. Games & Sports in The 2nd Shillong Hmar Martyrs Trophy a individual lawmman hai semna a nei bawk a nih.
Hunkarlak ah Nk. Deborah Lalnunthieng, Tv. Roland Leiri, Nk. Joslyn Infimate, Tv. B. Lalhmuokdik, Nk. Rohminghlu Thiek le HSA Shillong Diamond Jubilee Choir haia inthawkin hnam hla mawitak tak el ngaithlakna nei a nih.
Lawmthu hrilna hun Pu Vanlalpawl Khawbung in a neia, hunkhar tawngtaina Rev. Fimliensang in a nei zoin hun suktawp niin refreshment tuihnaitak el kil tlang a nih.
