CCPUR, January 7, 2017, Virthli (ONP): January 7, 2017 dar 12:00 (Noon) khan For One Life Ministry hai hmalakna hnuoia CCpur Youth Centre, Saikot hmuna bawl dinga um chu Ground Breaking nei a nih. Hi huna hin Rev. .J. Huoplien Neitham, Moderator, EFCI in tluong tak le hlawtling taka Youth Centre hi bawl a ni theina dingin Pathien kuoma tawngtaipekna le ground breaking hunser a hmang a.Thuhrilna a nei huna chun hieng anga 'For One Life' haiin ei rama vision tha takel neia an Project hai mipui sawr thei ding an siem tum chu lawmum a ti thu a hril a. Mihriem hin hmathlir le thiltum tha tak tak nei inla khawm,a sukpuitling theitu chu ei Pathien a ni a. Pathien a'nthawk thil ropuitak el beisei ngam ei tiu, ei ni khawma Pathien ta disngin thil ropui takel thaw ngam tum ei tiu. Hi "Youth Centre" bawl dinga um mek hi Pathien hmangruo thatak ni a, tulai thlalai tamtak fesuol mek hai thuoisuoktu le nun siemthatu ni a,suol dona kawnga hmangruo pawimaw takel ni nisien a nuom thu a hril a. Upa Vanlalrem khawma hi Youth Centre bawl na sin thaw dinga US a'nthawka hung Engineer pahnih; Elwin Prince le Merlin Smith hai tawngtaipekna a nei bawk.
Hi huna Tv.Joseph R. Joute, Director, For One Life,Asia in thu a hrilna a chun hi 'Youth Centre' bawl dinga um mek hi ei rama thalai tam tak el,talent tha tak tak nei,hun awl hmang thiem naw leia inruitheiin a faksiet mek hai ta dinga an hun awl hai hmangna ding hmun a ni ding thu a hril a.Hi Youth Centre a hin Games chi hran hran a um ding thu, thiem thil hau miha'n an thiem thil le an talent nei hai an pholang theina ding hmun a ni ding thu a hril bawk. Hi huna Michael Esh, Director,For One Life, International in thu a hrilna a chun 'For One Life' hi non-profit organisation a ni thu, Saikot hmuna Youth Centre an bawl dinga um mek hi a hlawk beisei leia an thaw ani naw zie le 'For One Life' chun mipui ta dinga facilities tha tak tak an siem tum thu, khawtlang hamthatna ding le vantlangin an sawr thei thil ding hai siem pek hi an thil tum a ni thu a hril a. Kar thar a'nthawk Youth Centre bawlna sin hi tan a ni ding thu,football inkhelna ding playground an ngaipawimaw hmasa ding thu,summer hma ngeia football inkhelna ding hi hmang hman dinga siem an tum thu a hril bawk a nih.
'For One Life' in 'Youth Centre' Saikot hmuna an bawl ding a hin Football stadium (mi singkhat vel um theina), Indoor Stadium (mi Sangli vel um theina), Swimming Pool, Training Centre le a dang dang an siem ding thu 'For One Life' hotuhai chun hi huna hin Virthli Palai an hril.
Hi hunser hi Pi Lalrimawi Pudaite, Co-Founder& Global Ambassador, Bibles For The World, Pu Joseph Lalrothang, President, Hmar Inpui, Pu Joufonlien Joute,Chief of Rengkai, Saikawt VA,HYA Gen.Hqtrs le mipui iemanizatin an uop.
Hi huna Tv.Joseph R. Joute, Director, For One Life,Asia in thu a hrilna a chun hi 'Youth Centre' bawl dinga um mek hi ei rama thalai tam tak el,talent tha tak tak nei,hun awl hmang thiem naw leia inruitheiin a faksiet mek hai ta dinga an hun awl hai hmangna ding hmun a ni ding thu a hril a.Hi Youth Centre a hin Games chi hran hran a um ding thu, thiem thil hau miha'n an thiem thil le an talent nei hai an pholang theina ding hmun a ni ding thu a hril bawk. Hi huna Michael Esh, Director,For One Life, International in thu a hrilna a chun 'For One Life' hi non-profit organisation a ni thu, Saikot hmuna Youth Centre an bawl dinga um mek hi a hlawk beisei leia an thaw ani naw zie le 'For One Life' chun mipui ta dinga facilities tha tak tak an siem tum thu, khawtlang hamthatna ding le vantlangin an sawr thei thil ding hai siem pek hi an thil tum a ni thu a hril a. Kar thar a'nthawk Youth Centre bawlna sin hi tan a ni ding thu,football inkhelna ding playground an ngaipawimaw hmasa ding thu,summer hma ngeia football inkhelna ding hi hmang hman dinga siem an tum thu a hril bawk a nih.
'For One Life' in 'Youth Centre' Saikot hmuna an bawl ding a hin Football stadium (mi singkhat vel um theina), Indoor Stadium (mi Sangli vel um theina), Swimming Pool, Training Centre le a dang dang an siem ding thu 'For One Life' hotuhai chun hi huna hin Virthli Palai an hril.
Hi hunser hi Pi Lalrimawi Pudaite, Co-Founder& Global Ambassador, Bibles For The World, Pu Joseph Lalrothang, President, Hmar Inpui, Pu Joufonlien Joute,Chief of Rengkai, Saikawt VA,HYA Gen.Hqtrs le mipui iemanizatin an uop.
