Aizawl,
Dec 15, Virthli (ONP): Mizoram sawrkar leh inremna lampui zawnga inbie mek Hmar
People’s Convention (Democratic) palai mi 6 hai chu HPC (D) working chairman Pu
Lalthanglien @ LT Hmar inrawina hnuoiah vawisun khan Mizoram sawrkar leh inbiek
velthumna (third round of talks) nei dingin Aizawl an hung tlung.
Tuta
inbiekna neina dinga hin HPC (D) palaihai hi Pu Lalthanglien in inrawi a ta, kha
hma a inbiekna avawikhatna le avawihnina a HPC (D) palai/team leader Pu
Lalthalien chu spokesperson ning a tih, ti’n ei thudawngna chun a tarlang.
Tuta tuma
Mizoram sawrkar le HPC(D) hai inkara inbiekna hi zing tarik 16, December (Zirtawpni),
chawhma dar 11 ah State Guest House, Chaltlang, Aizawl-ah nei ning a ta,
Mizoram sawrkar palaihai chu Mizoram home department-a Additional secretary Pu
Lalbiakzama in inrawi a ta, member danghai chu Joint Secretary for Home
Lalhriatpuia, SP, CID (SB) Rodingliana Chawngthu le OSD (Home) David H.
Lalthangliana hai ning an tih.
Pu Lalthanglien
in a hril danin HPC(D) Army Chief Pu Lalropuia Famhoite chu Mizoram
sawrkarin a thang ala remti naw leiin tuta tuma inbiekna a hin a thang theinaw ding
thu a hrila, amiroukchu HPC(D) palaihai ruolin, a in tieng- Manipurah, a kir thei
ding thu a hril.
Pu Ropui hi December ni 12 khan Mizoram sawrkarin PR bond
hmangin jail anthawkin a lo insuo tah a nih. Hi laizing hin nikum April ni 16 a Silchara Pu
Ropui a ruola man mi pahni HPC(D) Finance Secretary Pu Norbar Sanate le Ngurthantluong
Sanate hai chu jail anthawka insuo dingin Mizoram sawrkar ngen
an tum thu HPC(D) palai pakhat chun a hrila, HPC(D) mi le sa intang danghai
ruok chu dan le dun tamtakin a khit leiin tuta tuma ding chun thuoisuok a lan
tak met ding thu a hril bawk.
