New Delhi, December 3, 2016, Virthli (ONP): Zani (Dec. 3, 2016) khan New Delhi khawpui le a sevela Hmarnau hai po po huopin Grih Kalyan Kendra Open Ground, R.K. Puram, New Delhi hmunah Delhi Hmar Welfare Association (DHWA) huoihawtna hnuoiah ropui takin Sikpuiruoi hmang a nih. Pu Hrangthangvung, Chairman, DHWA in SIKPUIRUOI hmang dinga fekhawm hai po po hlim le tlai taka Sikpuiruoi hmangin dingin a lawmlut a. Pu H.K. Kawllienthang, Deputy Secretary, Ministry of Road Transport & National Highway, GOI, Sikpui Pa ni’n mipui fekhawmhai chuh mani hnam nunzie tha hai vawng him tlat dingin an fui tawl a. Hlasak thiem tak tak el: Mary Jones (Haire Hai), Mercy Lalumpui, Mercy Varte, Thlasik Tawllawt Band, Zion Varte, Uchiha, Esther Ruolngul, Chatuon Ramhlunnei, Beauty Sinate, Roselyn Lalumpui, Thanglalmuon Hrangchal, Lalhrietsung Sanate, Jessica Khawbung le Chawnthakim haiin hla ruoi ropui tak an the bawk.
Sikpuiruoi hmang zova um ta hih hun hni a the a ni a. Hun khatna hi suna inthawka tan ni’n, Tv. Zachariah Varte le Nk. Ruth Lalromawi Sinate haiin hnesaw takin an kei hruoi a nih. Hi huna hin Pu L.B. Tuolte, Deputy Secretary, Ministry of Water Resources, GOI in Inpumkhatna le Tlawmngaina ti thupuia hmangin thu a hril a, Pu Hrangkaplien Sinate, Secretary, Hmar Christian Fellowship Delhi in hnam le khawtlang thil le inzawma Delhi khawpuia Hmarnau infuina le Pi Lalremsiem, Founder Chairman, Pray For The World Ministry in Hnam le Sakhuona ti thupuia hmangin thu an hril ve thung. Pu Hrangthangvung, Chairman, DHWA in Pu L.B. Tuolte’n a ziek lekhabu thar, ‘Tawnhriet’ ti tlangzar a ni bawk.
Hi huna hin kum 2016 sunga Delhi le a sevela um, Hmarnau hai laia tlawmngai taka damnaw thisen pe hai chawimawina inhlan an ni bakah, medical tienga sinthawna nei hai po po chuh mipuiin damnaw hunah an sawrin an tangkaipui hlak leiin chawimawina inhlan an ni bawk. Hun khatna hmang zo a hin, vawksa le bawngsa chartang hme in Sikpui Ruoi ropui taka kil tlang a nih. Mipui an khawpin an tlai hle.
Zantieng ruoi kil zovah, Nk. Chingbawi Buhril le Tv. Haulienkung hai keihruoina hnuoiah hun hnina hmang nawk nghal a ni a. Hun hmasa takah, Sikpuiruoi Lucky Draw Result puong a nih. Sikpuiruoi Lucky Draw puonga um ta hih, Tv. Mamte Joute in 1st Prize: Honda Activa a man a, Pi Esther Lalsanhim in 2nd Prize: Refrigerator le Pastor Lalditsak Inbuon in third 3rd Prize: LED Smart TV an man bawk a nih.
Hun hnina a hin Tv. David Lalnghatzo Ngaihte le Nk. Priscilla Varte hai thuom design mawi tak tak hai nunghak, nupui le naupang haiin phosuokna an nei a, mipui mit a suk tlai hle a nih.
Sikpuiruoi hmang zova um ta hih hun hni a the a ni a. Hun khatna hi suna inthawka tan ni’n, Tv. Zachariah Varte le Nk. Ruth Lalromawi Sinate haiin hnesaw takin an kei hruoi a nih. Hi huna hin Pu L.B. Tuolte, Deputy Secretary, Ministry of Water Resources, GOI in Inpumkhatna le Tlawmngaina ti thupuia hmangin thu a hril a, Pu Hrangkaplien Sinate, Secretary, Hmar Christian Fellowship Delhi in hnam le khawtlang thil le inzawma Delhi khawpuia Hmarnau infuina le Pi Lalremsiem, Founder Chairman, Pray For The World Ministry in Hnam le Sakhuona ti thupuia hmangin thu an hril ve thung. Pu Hrangthangvung, Chairman, DHWA in Pu L.B. Tuolte’n a ziek lekhabu thar, ‘Tawnhriet’ ti tlangzar a ni bawk.
Hi huna hin kum 2016 sunga Delhi le a sevela um, Hmarnau hai laia tlawmngai taka damnaw thisen pe hai chawimawina inhlan an ni bakah, medical tienga sinthawna nei hai po po chuh mipuiin damnaw hunah an sawrin an tangkaipui hlak leiin chawimawina inhlan an ni bawk. Hun khatna hmang zo a hin, vawksa le bawngsa chartang hme in Sikpui Ruoi ropui taka kil tlang a nih. Mipui an khawpin an tlai hle.
Zantieng ruoi kil zovah, Nk. Chingbawi Buhril le Tv. Haulienkung hai keihruoina hnuoiah hun hnina hmang nawk nghal a ni a. Hun hmasa takah, Sikpuiruoi Lucky Draw Result puong a nih. Sikpuiruoi Lucky Draw puonga um ta hih, Tv. Mamte Joute in 1st Prize: Honda Activa a man a, Pi Esther Lalsanhim in 2nd Prize: Refrigerator le Pastor Lalditsak Inbuon in third 3rd Prize: LED Smart TV an man bawk a nih.
Hun hnina a hin Tv. David Lalnghatzo Ngaihte le Nk. Priscilla Varte hai thuom design mawi tak tak hai nunghak, nupui le naupang haiin phosuokna an nei a, mipui mit a suk tlai hle a nih.
