Hmarkhawlien, November 22, 2016, Virthli (ONP): Assam sawrkar in November 3 a Development Council 29 laizet a thiek (dissolved) hai laia thang ve Cachar pahiruoma Tribal hnam 14 hai innghatna Barak Valley Hill Tribes Development Council (BVHTDC) dissolved a um chu November 16, 2016 khan sukhring nawk a nih.
Ei thulakna in a hrildan chun Assam Governor fethlenga Council thieka um kha Gauhati High Court chun thil remchang niin a hriet nawa, hiengang mipui hmasawnna dinga siem Council hai hi thiek sawng a remti naw leiin November 16 khan pangngai taka infetir alo ni nawk tah.
Pic: BVHTDC Office hlui @Hmarkhawlien
