Responsive Ad Slot

Nk. Patricia Lalhmingmawi pasal nei dinga inthla hun hmang

Sunday, October 2, 2016

/ Published by VIRTHLI
New Delhi, October 1, 2016, Virthli (ONP): Upa Ruolkhumlien Buhril, IAS a nau laia upa tak Nk. Patricia Lalhmingmawi le Dr. L Fimate naupa, Tv. Lalrobul Fimate, MCS hai inneina ding le inzawmin vawisun chawhnung khan Apostles Methodist Church, New Delhi hmunah Nk. Patricia inthlana hunser hmang a nih. Hi hunser hmanga uma Hmar Christian Fellowship Delhi Thalai pawl haiin hlapawl an sak a, Pastor Lalsiesang Zote in Pathien thucha hrilna a nei bakah, Pastor Lalditsak Inbuon in Nk. Patricia tadinga tawngtaipekna a nei bawk. Hi hun hih Pu Ruolkhumlien Buhril hai sungkuo, kohran mipui, an laina le ruol le pai hai fiel khawmin ropui taka hmang a nih.


Nk. Patricia inthlana hunser a hin Pu Rajnath Singh, Union Home Minister, Pu Dr. Chaltonlien Amo, MLA le Pu Vumlunmang Vualnam, IAS, Joint Secretary, Ministry of Home Affairs le mi pawimaw dang dang hai khawm an thang ve.

Nk. Patricia le Tv. Lalrobul hai hih October ni 14, 2016 hin kohran dan thienghlimin nupa ni dinga kut insuina nei an tih.

Pu Ruolkhumlien Buhril hih Additional Secretary, Inter-State Council, Ministry of Home Affairs sin chel lai mek a ni a. Hmar Christian Fellowship Delhi ah Chairman ni lai mek a ni bawk.
Don't Miss
© all rights reserved
made with by Simon L Infimate