Responsive Ad Slot

EFCI NC Hills Presbytery Choir Gospel Music Video Album tlangzar

Monday, October 31, 2016

/ Published by VIRTHLI
Muolhoi, October 31, 2016, Virthli (ONP): Vawizan khan EFCI N.C. Hills Presbytery Choir chun Gospel Music Video Album Vol-I na dinga an buotsai "LALNAU KA NIH" ti chu Muolhoi EFCI Biekin ah Rev. Lalrotluong Darngawn, NC Hills Presbytery Superintendent, EFCI in tlangzarna a nei.

Nikum December thla khan Hauhnar Studio, Aizawl ah Audio Recording thaw a ni a, video shooting hi Muolhoi, Saron le Fiangpui a hai nei a nih. Tv. Lalruotlien Zate (Duduk) in mawitaka video hi a lak le editing a thaw a nih.


An Album hming chawitu "Lalnau Ka Nih"ti hla hi Pastor Tv. Elson J Thiek hlaphuok a ni a, hi Album tlangzar ani hma khawma mi tamtakin an lo hlimpui le mawlsawmna an lo dawngna hla ani ta hrim a nih.

Hi Album hi Rs. 150 /- man a ni a, a album a hin Hla sawmpahni (12) khum a ni a, Hlapawl sawmpakhat le malzâi pakhat a um sa bawk. Hienghai lai hin karbi, Hrangkhawl le Biate tawnga hla pakhat seng a um sa bawk a nih.  
Don't Miss
© all rights reserved
made with by Simon L Infimate