CCpur, September 5, 2016, Virthli (ONP) : HPC (D) palai hai chun Charter of Demands an siem chu Mizoram sawrkar kuoma an pek. HPC (D) palai a thuoitu Pu Lalthalien chun Point 5 ziekna Charter of Demands chu zanikhan email hmangin Mizoram sawrkar chu thawn ani thu a hril.
HPC (D) le Mizoram sawrkar inbiekna suk thara um chu August 10 khan Aizawl hmuna tan thar nawk niin, a vel hnina (second round of talks) chu September thla lailung a nei nawk dinga ti a nih.
Pu Lalthalien chun inbiek nawkna ding a hin HPC (D) tienga hotu hai an thang ding le ding naw hril thei ala ni naw thu a hrila, Mizoram sawrkar tienga inthawk khawmin tuchen hin rawtna iengkhawm ala um naw thu a hril.
Pic: HPC (D) le Mizoram sawrkar August 10,2016 nia inbiekna
