Electoral Roll Special Summary Revision
CCPUR: Kum 2017a Manipur Assembly Election hung um ding hmaa Electoral Roll Revision nuhnung tak ding ‘Special Summary Revision2017” ding le inzawma CCPur District sunga Assemblies Constituencies 6 haia BLO Supervisors, Booth Level Officers le Political parties tina Booth Level Agents hai ta dinga training zo a ni ta leiin tulai hin Electoral Roll Revision thawna sin a fe mek a, Revision hi October 7, 2016 chena nei ding a nih.
Hi hun sung hin Vote nei thei chin, Electoral Rolla hming la um lo hai thunlut thei, umna hmun insawn hai ta dinga insawn thei, hming le date of birth indiklo hai sukdik thei a nih.
Hi thila dinga pawimaw thenkhat hai chu Color Passport copy 2 (white background); Domicile from DC Office, Birth Certificate/Matric Certificate Xerox copy hai a nih.
Mi thenkhatin ei ngaipawimaw hle laiin thenkhat chun ei ngaitha hle thung. Hmun thenkhata chun hnam thuoitu han Committee insiemin Vote nei thei si, Electoral Rolla hming la um lo hai thunlut ngei tumin thang an lak nasa ta hle niin ei thu dawngna chun a hril.
MCS Officer 4 in sin an hung zawm
CCPUR: Manipur sawrkarin IAS le MCS Officer zakhat chuong zet sin chel a sawidanglam le sawn hai laia thang W. Ibohal Singh, MCS, chun zanikhan i/c Addl. DC, CCPur le i/c Project Director, DRDA a hung chel/zawm tan. Chun, Lamminlal Simte @ L. Simte, MCS in SDO/BDO Thanlon; Mangminlun Vaiphei, SDO/BDO Sangaikot le Lanjoy Thoudam in SDO/BDO dingin zanikhan sin an hung zawm tan.
Vawisun Private Schools le Govt. chawl
CCPUR: September 13,2016 hi Kuki Black Day (SahnitNi) a ni le inzawmin Churachandpur District Private School Asociation (CDPSA) in General Body Meeting huna Chawl puong dinga a lo rel ta angin CCPur district sunga CDPSA a thang Private School hai chun chawl an puong tawl.
Chun, vawisun, Sept. 13, 2016 hi Manipur sawrkarin IdulZuha leiin chawl a lo puong ta bawk. Hi lei hin Govt. Offices, Govt. Educational Institutions, Banks le Financial Institutions hai khawm khar ning an tih.
Imphala Workshopah an va thang ding
CCPUR: National Health Mission, Manipur le UNICEF Guwahati hai thangruola huoihawtnain September 1416, 2016 inkar sung khin Hotel Imphalah “ 3 Days State Communication Strategy Development workshop on Social Behavior Change Communication” um a ta, hi taka hin CCPur Districta inthawk Dr VC Pau, DIO/DFWO; Seiboi Mate, DPM/NHM le Vung Mary, DCM/NHM hai va thang an tih. Workshop a hin Manipur state sunga District tina District Immunization Officer (DIOs); District Program Manager/NHM le District Community Mobilizer (DCM)/NHM hai thang dinga ti an nih.
Y. Erabot MLA le Congress party-a inthawk an ban; BJP-ah lawmlut nghal a nih
IMPHAL: Congress thuoitu hlun le Wangkhei A/C MLA ni laizing Y. Erabot chun zanikhan Official in MLA a nina le Congress party a inthawk an banna lekha a pek hnungin BJP a zawm nghal. BJP, Manipur chun zani ma khan Keishampata an office hmuna lawmlutna an nei nghal bawk. Manipur Pradesh Congress Committee (MPCC) khawmin Y. Erabot hi kum 6 sunga dingin zanikhan Congress Party Primary member a ninaa inthawk an hnawtdawk thu an puonglang nghal.
Yamkham Erabot Singh hi Wangkhei Assembly Constituencya inthawk MLA term 6 zet (1980, 1984, 1995, 2002, 2007 le 2012) lo tling ta, kum 198081 a Minister of State (FCS & Local Self Government), Kum 198183 inkara Cabinet minister (FCS), kum 199597 inkara Public Health Engineering Dept.) minister, kum 199798 inkar Minister (Education, Social Welfare, Art & Culture), Kum 20072012 inkar Minister (Cooperation, Commerce & Industries) le kum 200709 inkar Minister (Consumer Affairs Food and Public Distribution) lo chel ta hlak a nih.
Zanita BJP Office a lawmlutna inkhawmah K. Bhabananda Singh, BJP Manipur Pradesh; Th. Chaoba, Convenor, State Election Management Committee, BJP, Manipur; BJP Legislature Wing thuoitu Kh. Joykishan, MLA; State General Secretary (Admn) le MLA Th. Bishwajit Singh, State Vice President; M. Asnikumar Singh, State Vice President; Md. A.R. Khan, State General Secretary (Media), N. Nimbus Singh, State Spokesperson N. Mangi Singh le R.K. Shivachandra Singh hai khawm an thang.
K. Bhabananda in lawmlutna thu a hrilna huna chun, Y. Erabot hi mi ringum, mi indik, mi huoisen, sum le paia hmingsietna la nei lo, CM O.Ibobi Singh khawm an diknawnaa sawisel ngam a nih tiin a hril. Th. Chaoba chun, ei state a politician um hai laia MLA ni laizinga inban ngam le BJP a lut hmasa tak a ni leiin sinsietlak a nih tiin a hril.
Vawisun Sawrkar Officehai khar ding
IMPHAL: Idul Zuha Kut leiin vawisun hi State sawrkarin Chawl a puong leiin Sawrkar Offices, Inchuknainhai, Bank le Court Office hai khar ning a tih. CCPur a chun hi Chawl lei hin Private School thenkhat hai khawm khar ning an tih.
District 9 haiah LBI indin tah
IMPHAL: Manipur a District 9 haiah Livelihood Business Incubators (LBIs) indin a ni tah. LBIs 9 indinna ding hin sawrkar thlungpui chun Rs. 792.48 lakh a sanctioned niin DIPR thusuok chun a hril. LBIs hi ASPIRE (A Scheme for Promoting Innovation, Rural Industry and Entrepreneurship) Scheme hnuoia indin a nih.
Union HRD Minister a hung inzin ding
IMPHAL: Union Minister of Human Resource Development Shri Prakash Javadekar chu Sept. 14, 2016 khin Imphalah hung inzin a tih. Javadekar hi 11:35AM in Imphal hungtlung a ta, Imphalah zan khat riek a ta, September 15, 2016, 9:45AM khin Imphal suoksanin New Delhi pan nawk a tih. Union Minister hi Shri Manindra Chauhan, APS, in hung zui a tih.
MCPM in Kuki Black Day an thlawp
IMPHAL: Vawisun hin Manipur a Kuki Hnam hai chun Kuki Black Day (13th SahnitNi) hmang an tih. Hi Black Day hi Maoist Communist Party Manipur (MCPM) chun an thlawp thu an puong. Hi ni hi kum 19921993 inkara hnam buoinaa thina tuokhai sunna nia an hmang hlak a nih. Kum 19921993 inkara buoinaa khan Kuki 900 neka tam an thia hril a nih.
Karbi Anglong ah Deceber 5 in Sikpuiruoi puithu taka hmang tum a nih
DIPHU: Karbi Anglong Hmar Assn. (KAHA) (HI) le Hmar Youth Assn (HYA) hai thangruola huoihawtnain December 5, 2016 khin Assama Karbi Anglong districtah ‘Sikpuiruoi’ puithu taka hmang tum a nih. Sawrkar chun December 3, 1994 khan Sikpuiruoi hi Karbi Anglong, Assama district council restricted holiday in a lo puong ta a, khawvela Sikpuiruoi restricted holidaya sawrkarin a puongna hmasatak a ninaah Hmar Inpui in khawvela Hmar po po in Dec. 5 hin Sikpuiruoi inser seng ta dinga a puong lawmna malama Sikpuiruoi 2016 hi puithu taka hmang tum a ni thu KAHA chun a hril. Hi huna hin Karbi Anglong le NC Hillsah Hmar subject BA chenah MILa lak thei dinga sawrkarin a pawm lawmna nei a ni nghal bawk ding niin ei thu dawngna chun a hril.
Dec. 4, 2016 niin Pathien thu le Hnam ti thupui hmanginseminar cumfellowship huoihawt tum a ni a, Chief Guest dingin Assam CM fiel tum a ni a, Joint Sikpuiruoi Central Committee member Pu Bula Hmar le Pu Vanlallien han an inbiekpui mek a. Fund raise na dingin lottery siem tum a ni bawk tiin ei thu dawngna chun a hril.
Nuhmei 2 thattu hai man an la ni nawh
AIZAWL: September 8, 2016 nia Saiha districta Chhuarlung khaw mi nupui pahni Z Elizabeth (34) le N Sidei (65) hai Leilet tua thattu hai chu Police han man tumin an suizui zing a, sienkhawm tuchen hin man an la nei hri nawh. Hieng nuhmei pahni hai hi an Lo fe inlawi ta lova an um leia zawng an ni huna a thisaa va hmu an nih.
AP Governor President in a ban
NEW DELHI: A hriselna thatnaw leia ama le ama inban dinga inhriettir a ni hnunga inban nuom lo Arunachal Pradesh Governor Jyoti Prasad Rajkhowa chu zanikhan President Pranab Mukherjee in Governor a ninaa inthawk a ban. Arunachal Pradesh Governor ding ruot a ni hma po Meghalaya Governor V. Shanmuganathan chu Arunachal Pradesh Governor lo chelsa dingin President Pranab Mukherjee chun an hriettir bawk.
Mr Rajkhowa hin ka hriselna a tha ta a, nidang ang bawkin a pangngaiin sin ka thaw thei tah, inban naw ning, President in a nuom leh mi ban raw seh tiin tuta hma khan a lo hril ta a nih. Mr Rajkhowa hin May 12, 2015 a kha AP Governor sin hi a chel tan a nih.
TechnicalEdn. Quality Improvement Programme
NEW DELHI: Sawrkar thlungpui chun Rs. 3,600 crore sengin India hmarsak biel, Andaman & Nicobar Island, Bihar, Chhattisgarh, Jharkhand, MP, Rajasthan, UP, HP, J&K le Uttarakhand haiah phase 3 in Technical Education Quality Improvement Programme (TEQIP) thaw dingin a rel. Hi thu hi zanita Union Cabinet Committee on Economic Affairs meeting in a rel a nih tiin Union Human Resource Development Minister Prakash Javadekar chun a hril.
Union Cabinet in GST Council
NEW DELHI: Zanita Union Cabinet meeting chun Goods and Services Tax (GST) Council indin dinga rawtna um chu a pawmpui. GST Councila hin Finance Minister le State Finance Ministers hai khawm thang an ta, items le rates thangin GST thuah a pawimaw zuol haiah recommendation siem an tih. GST Council chun September 22 & 23, 2016 hai khin meeting hmasa tak nei an tih. President Pranab Mukherjee chun 122nd Constitutional Amendment Bill or GST Bill hi September 8, 2016 khan pawmpuiin suoi a lo thaw ta a nih. GST hi hmang a hung ni pha chun India ram pumpuia tax thuhmun lak hung ni tang a tih. Tuchena hin GST Bill hi states 18 in an pawmpui ta a nih.
SC in tui 12,000 cusecs TN kuoma pe dingin; buoina suok
NEW DELHI: Supreme Court chun a hmaa a thurel siemthain Karnataka sawrkar chu September 20, 2016 chen Tamil Nadu kuomah nitin Couvery tui 12,000 cusecs inthlasuok pek dingin an hriettir. September 5, 2016 nia SC in order an suo a chun tui an suo dinga ti hi nitin tui 15,000 cusecs a nih.
Hieng laizing hin Supreme Court in Karnataka sawrkar kuoma Couvery tui 12,000 cusecs Tamil Nadu kuoma inthlasuok pek hlak dinga a rel le an hriettir dodalna le lungawinawna leiin Bengaluru, Mysore Road le hmun dang dang haiah buoina a suok a, Tamil Nadu registration nei motor iemanizat suksiet le raw a ni a, sienkhawm mihriem thi le hliemna tuok an um thu ruok chu hriet a la ni hri nawh.
Chun, Chennai hmuna Karnataka Company ta New Woodlands Hotel chu pawl khatin an va suksiet a, petrol bombs hmangin an deng bawk. Hi thil hi Karnataka State a thil tlung thungletnaa an thaw nia hril a nih.
Oct. a inthawk KNP hawng nawk ta ding
GUWAHATI: April 30, 2016 a inthawka Assam state sunga khuolzinmihai hiptu tak Kaziranga National Park (KNP) khuolzinmi hai ta dinga khara lo um ta chu October 1, 2016 a inthawk lut thei dinga hawng nawk ni tang a tih tiin Assam Cabinet minister Atul Bora chun a hril. A hma chun KNP hi November 1, 2016 a inthawk hawng chau dinga ti a ni a, sienkhawm Chief Minister Sarbananda Sonowal thupek anga October 1, 2016 a inthawk hawng nawk ta dinga ti a nih tiin Mr Bora chun a hril. A tlangpuiin kum tin KNP hi April 30 a inthawk khar hlak le November 1 a hawng nawk chau hlak a nih. Hi le inzawm hin Park thuneitu le state forest department hai chun lampui, leilak le Park sunga thil dang dang tuilienin a suksiet hai siemthat le cheimawina sin ngawr takin an thaw mek.
Omar Abdullah nuhmei hlui in thlatin Rs. 15 lakh pe dingin
NEW DELHI: Jammu and Kashmir Chief Minister Omar Abdullah nuhmei hlui Payal Abdullah chun Courtah appeal thawin Lutyens New Delhia an umnaa inthawk sawrkarin a hnawtdawka inthawk ama le a nauhai chu chengna ding In neilo le kut ruoka um el an ni thu hrilin an inenkawlna dingin Omar Abdullah chu thlatin Rs. 15 lakh pe dingin a ngen.
Payel le a naupasal 2 hai chu Akbar Roada J&K Goverment (Type VIII) bungalowa um an ni a, Delhi Court in Order insuoa a hnawtsuok a nih. Court Judge Arun Kumar Arya chun, hi chungthua hin Omar chu dawnna pe dingin an hriettir bakah hearing chu Oct. 27, 2016 a nei dingin a ruot. Omar le Payel hai hi Sept. 8, 1994 a innei an ni a, August 30, 2016 nia Omar in Payal le inthe dinga Court an pun, sienkhawm trial court in a hnawl pek a ni a. Omar hin kum 2013 a inthawka kha ama le a nauhai hi a ngaisak tanaw niin Payel chun a hril bawk.
VAWISUN THUPUI
Pathien chu a lai takah a um a, inhning naw nih a, Pathienin khawfingchat pha chun thangpui a tih. Hnam tin an inri hum hum a, ramhai chu an hning a, Ama chun a rawl an suo a, leihnuoi hi an tui zo tah a. Sam 46:56
Editorial: Suol theida ei inchuk a la tul a nih
Ei rama hin suol hi ei theida tawk naw mani ding aw ti theiin a um hlak. Hi lei hin indik lo taka thil thaw hi ei rin der naw mani ding ti theiin a um tlat el. Misuol le mi indiklo ei hnawtzui naw a, ei ngainathiem el hlak niin an lang. Hrem le sukmuolpho an ni ngai naw leiin ei khawtlangah suol a zalen a, indiknawna, ringumnawna, hleprukna, thamna, fakrukna, khel hrilna, inhlemna le ritlona hai ei vai ngam a, indiknawna chi hran hranin ro a rel hlak. Suol theidain do ngam seng inla chu ei ramah suol hi zalen naw nih. Suol theida le hrem ngam thuoitu, sawrkar, kohran le pawl ei ramin a mamaw a nih. Suol theida ei inchuk a la tul a nih.
An dik naw le suol a nih ti hrie a thaw nuom lo ei la um leiin lawm a um. An nihai zar hin ei ram, ei hnam, ei kohran, ei khawtlang le ei sawrkar hi a la fe thei hram hram a nih. Ei ram sawrkar le a ram mipuihai hi indikna, ringumna le suol chungchang haia hin examnaa mark pek hlak ang hin mark hang pe ding ni inla mark insang le division tha chu ei pek ring a um nawh. Hi lei hin mark insang le division tha pek thei dinga ei khawsak hi a tul ta a nih. mark insang le division tha hmu thei ding chun ei lungril put dan le ei sin thaw dan ei thlakthleng a tul bawk.
Ei lungril le ei ni thaw ni thei dinga ei ngai lo thil ei rama hin inzing utin a tlung ta rawp el. Indikna le ringumna a fam ta tia hlaphuoktu thenkhatin an lo phuok le an lo hril kha a takin ei rama hin an chang mek a ni el awm de! Mani hnam chanpui zawr ngam, mani unau, mani pa, mani nuhmei that ngam khawm ei bo bik ta nawh. Suolin taluo a nei ta nawh. Sawrkar sin lakna chungthua khawm thil fel naw le indik lo khawm a um ning a tih. Thil indik tak le fel taka thaw ni hlak sienla chu DPC zo fel sa cancel nawk ti dam hi chu um ngai naw nih. Hi kawngah hin sawrkar hi an dik lemah inngai sienkhawm a muolpho a, harsatna le sawiselna nasa tak a tuok tho tho a nih. A chang lem hin chu sawrkar hi a tlawm lem annawleh a hratnaw lem chan a chang hlak a, thil fel lo takel a nih.
Suol theida tak tak ni inla chu rukruhai thil inruksa dam, black thil dam le supply Department thilhai dam hi inchaw nuom der nawng ei tih. LPG le bufai agent han dan kala an zawr hlak hai dam hi inchaw ngai der nawng ei tih. Ei ni rawi ruok chun a man pangngai nekin a tlawm leiin inchawk dingin ei inchu sup sup el a nih. Hiengang thil hai khawm hi suol a nih. Amiruokchu, ringtu tha le Pathien tak bie intihai hin suola ngai nekin chang naw pal ka tih’ tiin a zawng damin ei zawng a, a buoipuituhai a nawrin ei nawr a, suol ei inthawtir a ni deu tak. Suol do nekin suol thaw dinga inchuktirtu ei nina lai a um bawk. Hiengang ngirhmuna ei um sung hin chu suol do ngai nawng ei tih.
Veng ngai zingin ei um tawl a nih. Traffic Rule khawm hi mipui himna dinga siem a ni a. Amiruokchu, Traffic duty an um naw pha chu Traffic Rule ei bawsiet el hlak. Trafic duty um nawhai sienkhawm, traffic rule zui hi ei thaw ding a ni tlat leiin an umnaw chang khawmin zui tei tei hlak ding a nih. Chun, traffic rule hi inlirthei khaltuhai chau zui ding a ninaw a, kelawnga fe hai khawmin ei zui ngei ngei ding a nih. Eksiden thenkhat hi chu traffic rule bawsiet leia tlung a ni hlak. Trafic rule bawsiet hi suol a nih ti hriet tlat ding a nih.
Mizorama sawn suolna chi tum tum tam hle sienkhawm thatna tam tak Manipur mihai nek chun an la hau lem. Mizorama chun Dawr nghaktu um lova thil zawrna dam a la um tlat el. Nghaktu nei lo dawra thil zawrhai hi inruk hmang le suksiet el an ni nawh. Thil man ding zieka tar or sie a ni a. Thil inchaw nuomhai chun a man inziek ang khan pawisa an sie a, an thil dit le inchawk nuom chu lain an inchawk el. Pawisa a nawi um saa khan an thleng el. Indiknaw takin thil an thaw der nawh. Mizorama hin suol theida le thaw lo dinga inchuktirnain ra tha tak a lan suo a nih ti hi thil hin a suklang chieng hle.
CCPUR: Kum 2017a Manipur Assembly Election hung um ding hmaa Electoral Roll Revision nuhnung tak ding ‘Special Summary Revision2017” ding le inzawma CCPur District sunga Assemblies Constituencies 6 haia BLO Supervisors, Booth Level Officers le Political parties tina Booth Level Agents hai ta dinga training zo a ni ta leiin tulai hin Electoral Roll Revision thawna sin a fe mek a, Revision hi October 7, 2016 chena nei ding a nih.
Hi hun sung hin Vote nei thei chin, Electoral Rolla hming la um lo hai thunlut thei, umna hmun insawn hai ta dinga insawn thei, hming le date of birth indiklo hai sukdik thei a nih.
Hi thila dinga pawimaw thenkhat hai chu Color Passport copy 2 (white background); Domicile from DC Office, Birth Certificate/Matric Certificate Xerox copy hai a nih.
Mi thenkhatin ei ngaipawimaw hle laiin thenkhat chun ei ngaitha hle thung. Hmun thenkhata chun hnam thuoitu han Committee insiemin Vote nei thei si, Electoral Rolla hming la um lo hai thunlut ngei tumin thang an lak nasa ta hle niin ei thu dawngna chun a hril.
MCS Officer 4 in sin an hung zawm
CCPUR: Manipur sawrkarin IAS le MCS Officer zakhat chuong zet sin chel a sawidanglam le sawn hai laia thang W. Ibohal Singh, MCS, chun zanikhan i/c Addl. DC, CCPur le i/c Project Director, DRDA a hung chel/zawm tan. Chun, Lamminlal Simte @ L. Simte, MCS in SDO/BDO Thanlon; Mangminlun Vaiphei, SDO/BDO Sangaikot le Lanjoy Thoudam in SDO/BDO dingin zanikhan sin an hung zawm tan.
Vawisun Private Schools le Govt. chawl
CCPUR: September 13,2016 hi Kuki Black Day (SahnitNi) a ni le inzawmin Churachandpur District Private School Asociation (CDPSA) in General Body Meeting huna Chawl puong dinga a lo rel ta angin CCPur district sunga CDPSA a thang Private School hai chun chawl an puong tawl.
Chun, vawisun, Sept. 13, 2016 hi Manipur sawrkarin IdulZuha leiin chawl a lo puong ta bawk. Hi lei hin Govt. Offices, Govt. Educational Institutions, Banks le Financial Institutions hai khawm khar ning an tih.
Imphala Workshopah an va thang ding
CCPUR: National Health Mission, Manipur le UNICEF Guwahati hai thangruola huoihawtnain September 1416, 2016 inkar sung khin Hotel Imphalah “ 3 Days State Communication Strategy Development workshop on Social Behavior Change Communication” um a ta, hi taka hin CCPur Districta inthawk Dr VC Pau, DIO/DFWO; Seiboi Mate, DPM/NHM le Vung Mary, DCM/NHM hai va thang an tih. Workshop a hin Manipur state sunga District tina District Immunization Officer (DIOs); District Program Manager/NHM le District Community Mobilizer (DCM)/NHM hai thang dinga ti an nih.
Y. Erabot MLA le Congress party-a inthawk an ban; BJP-ah lawmlut nghal a nih
IMPHAL: Congress thuoitu hlun le Wangkhei A/C MLA ni laizing Y. Erabot chun zanikhan Official in MLA a nina le Congress party a inthawk an banna lekha a pek hnungin BJP a zawm nghal. BJP, Manipur chun zani ma khan Keishampata an office hmuna lawmlutna an nei nghal bawk. Manipur Pradesh Congress Committee (MPCC) khawmin Y. Erabot hi kum 6 sunga dingin zanikhan Congress Party Primary member a ninaa inthawk an hnawtdawk thu an puonglang nghal.
Yamkham Erabot Singh hi Wangkhei Assembly Constituencya inthawk MLA term 6 zet (1980, 1984, 1995, 2002, 2007 le 2012) lo tling ta, kum 198081 a Minister of State (FCS & Local Self Government), Kum 198183 inkara Cabinet minister (FCS), kum 199597 inkara Public Health Engineering Dept.) minister, kum 199798 inkar Minister (Education, Social Welfare, Art & Culture), Kum 20072012 inkar Minister (Cooperation, Commerce & Industries) le kum 200709 inkar Minister (Consumer Affairs Food and Public Distribution) lo chel ta hlak a nih.
Zanita BJP Office a lawmlutna inkhawmah K. Bhabananda Singh, BJP Manipur Pradesh; Th. Chaoba, Convenor, State Election Management Committee, BJP, Manipur; BJP Legislature Wing thuoitu Kh. Joykishan, MLA; State General Secretary (Admn) le MLA Th. Bishwajit Singh, State Vice President; M. Asnikumar Singh, State Vice President; Md. A.R. Khan, State General Secretary (Media), N. Nimbus Singh, State Spokesperson N. Mangi Singh le R.K. Shivachandra Singh hai khawm an thang.
K. Bhabananda in lawmlutna thu a hrilna huna chun, Y. Erabot hi mi ringum, mi indik, mi huoisen, sum le paia hmingsietna la nei lo, CM O.Ibobi Singh khawm an diknawnaa sawisel ngam a nih tiin a hril. Th. Chaoba chun, ei state a politician um hai laia MLA ni laizinga inban ngam le BJP a lut hmasa tak a ni leiin sinsietlak a nih tiin a hril.
Vawisun Sawrkar Officehai khar ding
IMPHAL: Idul Zuha Kut leiin vawisun hi State sawrkarin Chawl a puong leiin Sawrkar Offices, Inchuknainhai, Bank le Court Office hai khar ning a tih. CCPur a chun hi Chawl lei hin Private School thenkhat hai khawm khar ning an tih.
District 9 haiah LBI indin tah
IMPHAL: Manipur a District 9 haiah Livelihood Business Incubators (LBIs) indin a ni tah. LBIs 9 indinna ding hin sawrkar thlungpui chun Rs. 792.48 lakh a sanctioned niin DIPR thusuok chun a hril. LBIs hi ASPIRE (A Scheme for Promoting Innovation, Rural Industry and Entrepreneurship) Scheme hnuoia indin a nih.
Union HRD Minister a hung inzin ding
IMPHAL: Union Minister of Human Resource Development Shri Prakash Javadekar chu Sept. 14, 2016 khin Imphalah hung inzin a tih. Javadekar hi 11:35AM in Imphal hungtlung a ta, Imphalah zan khat riek a ta, September 15, 2016, 9:45AM khin Imphal suoksanin New Delhi pan nawk a tih. Union Minister hi Shri Manindra Chauhan, APS, in hung zui a tih.
MCPM in Kuki Black Day an thlawp
IMPHAL: Vawisun hin Manipur a Kuki Hnam hai chun Kuki Black Day (13th SahnitNi) hmang an tih. Hi Black Day hi Maoist Communist Party Manipur (MCPM) chun an thlawp thu an puong. Hi ni hi kum 19921993 inkara hnam buoinaa thina tuokhai sunna nia an hmang hlak a nih. Kum 19921993 inkara buoinaa khan Kuki 900 neka tam an thia hril a nih.
Karbi Anglong ah Deceber 5 in Sikpuiruoi puithu taka hmang tum a nih
DIPHU: Karbi Anglong Hmar Assn. (KAHA) (HI) le Hmar Youth Assn (HYA) hai thangruola huoihawtnain December 5, 2016 khin Assama Karbi Anglong districtah ‘Sikpuiruoi’ puithu taka hmang tum a nih. Sawrkar chun December 3, 1994 khan Sikpuiruoi hi Karbi Anglong, Assama district council restricted holiday in a lo puong ta a, khawvela Sikpuiruoi restricted holidaya sawrkarin a puongna hmasatak a ninaah Hmar Inpui in khawvela Hmar po po in Dec. 5 hin Sikpuiruoi inser seng ta dinga a puong lawmna malama Sikpuiruoi 2016 hi puithu taka hmang tum a ni thu KAHA chun a hril. Hi huna hin Karbi Anglong le NC Hillsah Hmar subject BA chenah MILa lak thei dinga sawrkarin a pawm lawmna nei a ni nghal bawk ding niin ei thu dawngna chun a hril.
Dec. 4, 2016 niin Pathien thu le Hnam ti thupui hmanginseminar cumfellowship huoihawt tum a ni a, Chief Guest dingin Assam CM fiel tum a ni a, Joint Sikpuiruoi Central Committee member Pu Bula Hmar le Pu Vanlallien han an inbiekpui mek a. Fund raise na dingin lottery siem tum a ni bawk tiin ei thu dawngna chun a hril.
Nuhmei 2 thattu hai man an la ni nawh
AIZAWL: September 8, 2016 nia Saiha districta Chhuarlung khaw mi nupui pahni Z Elizabeth (34) le N Sidei (65) hai Leilet tua thattu hai chu Police han man tumin an suizui zing a, sienkhawm tuchen hin man an la nei hri nawh. Hieng nuhmei pahni hai hi an Lo fe inlawi ta lova an um leia zawng an ni huna a thisaa va hmu an nih.
AP Governor President in a ban
NEW DELHI: A hriselna thatnaw leia ama le ama inban dinga inhriettir a ni hnunga inban nuom lo Arunachal Pradesh Governor Jyoti Prasad Rajkhowa chu zanikhan President Pranab Mukherjee in Governor a ninaa inthawk a ban. Arunachal Pradesh Governor ding ruot a ni hma po Meghalaya Governor V. Shanmuganathan chu Arunachal Pradesh Governor lo chelsa dingin President Pranab Mukherjee chun an hriettir bawk.
Mr Rajkhowa hin ka hriselna a tha ta a, nidang ang bawkin a pangngaiin sin ka thaw thei tah, inban naw ning, President in a nuom leh mi ban raw seh tiin tuta hma khan a lo hril ta a nih. Mr Rajkhowa hin May 12, 2015 a kha AP Governor sin hi a chel tan a nih.
TechnicalEdn. Quality Improvement Programme
NEW DELHI: Sawrkar thlungpui chun Rs. 3,600 crore sengin India hmarsak biel, Andaman & Nicobar Island, Bihar, Chhattisgarh, Jharkhand, MP, Rajasthan, UP, HP, J&K le Uttarakhand haiah phase 3 in Technical Education Quality Improvement Programme (TEQIP) thaw dingin a rel. Hi thu hi zanita Union Cabinet Committee on Economic Affairs meeting in a rel a nih tiin Union Human Resource Development Minister Prakash Javadekar chun a hril.
Union Cabinet in GST Council
NEW DELHI: Zanita Union Cabinet meeting chun Goods and Services Tax (GST) Council indin dinga rawtna um chu a pawmpui. GST Councila hin Finance Minister le State Finance Ministers hai khawm thang an ta, items le rates thangin GST thuah a pawimaw zuol haiah recommendation siem an tih. GST Council chun September 22 & 23, 2016 hai khin meeting hmasa tak nei an tih. President Pranab Mukherjee chun 122nd Constitutional Amendment Bill or GST Bill hi September 8, 2016 khan pawmpuiin suoi a lo thaw ta a nih. GST hi hmang a hung ni pha chun India ram pumpuia tax thuhmun lak hung ni tang a tih. Tuchena hin GST Bill hi states 18 in an pawmpui ta a nih.
SC in tui 12,000 cusecs TN kuoma pe dingin; buoina suok
NEW DELHI: Supreme Court chun a hmaa a thurel siemthain Karnataka sawrkar chu September 20, 2016 chen Tamil Nadu kuomah nitin Couvery tui 12,000 cusecs inthlasuok pek dingin an hriettir. September 5, 2016 nia SC in order an suo a chun tui an suo dinga ti hi nitin tui 15,000 cusecs a nih.
Hieng laizing hin Supreme Court in Karnataka sawrkar kuoma Couvery tui 12,000 cusecs Tamil Nadu kuoma inthlasuok pek hlak dinga a rel le an hriettir dodalna le lungawinawna leiin Bengaluru, Mysore Road le hmun dang dang haiah buoina a suok a, Tamil Nadu registration nei motor iemanizat suksiet le raw a ni a, sienkhawm mihriem thi le hliemna tuok an um thu ruok chu hriet a la ni hri nawh.
Chun, Chennai hmuna Karnataka Company ta New Woodlands Hotel chu pawl khatin an va suksiet a, petrol bombs hmangin an deng bawk. Hi thil hi Karnataka State a thil tlung thungletnaa an thaw nia hril a nih.
Oct. a inthawk KNP hawng nawk ta ding
GUWAHATI: April 30, 2016 a inthawka Assam state sunga khuolzinmihai hiptu tak Kaziranga National Park (KNP) khuolzinmi hai ta dinga khara lo um ta chu October 1, 2016 a inthawk lut thei dinga hawng nawk ni tang a tih tiin Assam Cabinet minister Atul Bora chun a hril. A hma chun KNP hi November 1, 2016 a inthawk hawng chau dinga ti a ni a, sienkhawm Chief Minister Sarbananda Sonowal thupek anga October 1, 2016 a inthawk hawng nawk ta dinga ti a nih tiin Mr Bora chun a hril. A tlangpuiin kum tin KNP hi April 30 a inthawk khar hlak le November 1 a hawng nawk chau hlak a nih. Hi le inzawm hin Park thuneitu le state forest department hai chun lampui, leilak le Park sunga thil dang dang tuilienin a suksiet hai siemthat le cheimawina sin ngawr takin an thaw mek.
Omar Abdullah nuhmei hlui in thlatin Rs. 15 lakh pe dingin
NEW DELHI: Jammu and Kashmir Chief Minister Omar Abdullah nuhmei hlui Payal Abdullah chun Courtah appeal thawin Lutyens New Delhia an umnaa inthawk sawrkarin a hnawtdawka inthawk ama le a nauhai chu chengna ding In neilo le kut ruoka um el an ni thu hrilin an inenkawlna dingin Omar Abdullah chu thlatin Rs. 15 lakh pe dingin a ngen.
Payel le a naupasal 2 hai chu Akbar Roada J&K Goverment (Type VIII) bungalowa um an ni a, Delhi Court in Order insuoa a hnawtsuok a nih. Court Judge Arun Kumar Arya chun, hi chungthua hin Omar chu dawnna pe dingin an hriettir bakah hearing chu Oct. 27, 2016 a nei dingin a ruot. Omar le Payel hai hi Sept. 8, 1994 a innei an ni a, August 30, 2016 nia Omar in Payal le inthe dinga Court an pun, sienkhawm trial court in a hnawl pek a ni a. Omar hin kum 2013 a inthawka kha ama le a nauhai hi a ngaisak tanaw niin Payel chun a hril bawk.
VAWISUN THUPUI
Pathien chu a lai takah a um a, inhning naw nih a, Pathienin khawfingchat pha chun thangpui a tih. Hnam tin an inri hum hum a, ramhai chu an hning a, Ama chun a rawl an suo a, leihnuoi hi an tui zo tah a. Sam 46:56
Editorial: Suol theida ei inchuk a la tul a nih
Ei rama hin suol hi ei theida tawk naw mani ding aw ti theiin a um hlak. Hi lei hin indik lo taka thil thaw hi ei rin der naw mani ding ti theiin a um tlat el. Misuol le mi indiklo ei hnawtzui naw a, ei ngainathiem el hlak niin an lang. Hrem le sukmuolpho an ni ngai naw leiin ei khawtlangah suol a zalen a, indiknawna, ringumnawna, hleprukna, thamna, fakrukna, khel hrilna, inhlemna le ritlona hai ei vai ngam a, indiknawna chi hran hranin ro a rel hlak. Suol theidain do ngam seng inla chu ei ramah suol hi zalen naw nih. Suol theida le hrem ngam thuoitu, sawrkar, kohran le pawl ei ramin a mamaw a nih. Suol theida ei inchuk a la tul a nih.
An dik naw le suol a nih ti hrie a thaw nuom lo ei la um leiin lawm a um. An nihai zar hin ei ram, ei hnam, ei kohran, ei khawtlang le ei sawrkar hi a la fe thei hram hram a nih. Ei ram sawrkar le a ram mipuihai hi indikna, ringumna le suol chungchang haia hin examnaa mark pek hlak ang hin mark hang pe ding ni inla mark insang le division tha chu ei pek ring a um nawh. Hi lei hin mark insang le division tha pek thei dinga ei khawsak hi a tul ta a nih. mark insang le division tha hmu thei ding chun ei lungril put dan le ei sin thaw dan ei thlakthleng a tul bawk.
Ei lungril le ei ni thaw ni thei dinga ei ngai lo thil ei rama hin inzing utin a tlung ta rawp el. Indikna le ringumna a fam ta tia hlaphuoktu thenkhatin an lo phuok le an lo hril kha a takin ei rama hin an chang mek a ni el awm de! Mani hnam chanpui zawr ngam, mani unau, mani pa, mani nuhmei that ngam khawm ei bo bik ta nawh. Suolin taluo a nei ta nawh. Sawrkar sin lakna chungthua khawm thil fel naw le indik lo khawm a um ning a tih. Thil indik tak le fel taka thaw ni hlak sienla chu DPC zo fel sa cancel nawk ti dam hi chu um ngai naw nih. Hi kawngah hin sawrkar hi an dik lemah inngai sienkhawm a muolpho a, harsatna le sawiselna nasa tak a tuok tho tho a nih. A chang lem hin chu sawrkar hi a tlawm lem annawleh a hratnaw lem chan a chang hlak a, thil fel lo takel a nih.
Suol theida tak tak ni inla chu rukruhai thil inruksa dam, black thil dam le supply Department thilhai dam hi inchaw nuom der nawng ei tih. LPG le bufai agent han dan kala an zawr hlak hai dam hi inchaw ngai der nawng ei tih. Ei ni rawi ruok chun a man pangngai nekin a tlawm leiin inchawk dingin ei inchu sup sup el a nih. Hiengang thil hai khawm hi suol a nih. Amiruokchu, ringtu tha le Pathien tak bie intihai hin suola ngai nekin chang naw pal ka tih’ tiin a zawng damin ei zawng a, a buoipuituhai a nawrin ei nawr a, suol ei inthawtir a ni deu tak. Suol do nekin suol thaw dinga inchuktirtu ei nina lai a um bawk. Hiengang ngirhmuna ei um sung hin chu suol do ngai nawng ei tih.
Veng ngai zingin ei um tawl a nih. Traffic Rule khawm hi mipui himna dinga siem a ni a. Amiruokchu, Traffic duty an um naw pha chu Traffic Rule ei bawsiet el hlak. Trafic duty um nawhai sienkhawm, traffic rule zui hi ei thaw ding a ni tlat leiin an umnaw chang khawmin zui tei tei hlak ding a nih. Chun, traffic rule hi inlirthei khaltuhai chau zui ding a ninaw a, kelawnga fe hai khawmin ei zui ngei ngei ding a nih. Eksiden thenkhat hi chu traffic rule bawsiet leia tlung a ni hlak. Trafic rule bawsiet hi suol a nih ti hriet tlat ding a nih.
Mizorama sawn suolna chi tum tum tam hle sienkhawm thatna tam tak Manipur mihai nek chun an la hau lem. Mizorama chun Dawr nghaktu um lova thil zawrna dam a la um tlat el. Nghaktu nei lo dawra thil zawrhai hi inruk hmang le suksiet el an ni nawh. Thil man ding zieka tar or sie a ni a. Thil inchaw nuomhai chun a man inziek ang khan pawisa an sie a, an thil dit le inchawk nuom chu lain an inchawk el. Pawisa a nawi um saa khan an thleng el. Indiknaw takin thil an thaw der nawh. Mizorama hin suol theida le thaw lo dinga inchuktirnain ra tha tak a lan suo a nih ti hi thil hin a suklang chieng hle.
