Thosilen semna hmun hai an enfel
CCPUR: Dr Liankhawjam Guite, District Malaria Officer (DMO)/CCPur inrawinain District Malaria staff hai chun zanikhan Saikawt PHC hnuoia khuo tum tum haiah Damdawi inchiesa Thosilen (LLIN) sema lo um ta hai a dawng ve lo an um le umnaw enfelna an va nei. DMO rawia zanita khaw tum tum an sirkuol hai chu Dumsau Village, Muolbem, Valpakot, Tuaitengphai le Tuibul hai an nih.
Spl. Summary revision meeting nei
CCPUR: Zani zantieng 3PM khan Mr Lunminthang Haokip, IAS, DC, CCPur inrawinain DC Office chamberah SDOs/BDOs le Election department staff han Electoral Roll Special Summary Revision 2017 le inzawmin meeting nei a nih. Hi huna hin DC, CCPur chun Slide hmangin an entir.
BJP hotu han Hmarbiel an fang
CCPUR: Manipur State BJP Excutive Members, Prof.R.K. Ranjan (BJP Spokes Person& Vision Cell Convenor) inrawinain BJP Manipur thuoitu hai chu August 2730, 2016 inkar sung khan Hmarbiela khaw tum tum Taithu, Parbung, Lungthulien le Senvawn hai sirin an inzin suok tiin khaw hnunga report ei dawngna chun a hril. Hmarbiela BJP inzin hai lai hin BJP Cell Convenor, Seram Tombi (IT Cell) H. Nando Singh (Senior BJP Workers) Ajit Singh (ISTV Correspondent) Ibomcha (Corespondent Cronicle & Poknapham) Bula Hmar (Convenor Barak Valley BJP) le Dr. L.Fimate State BJP Excutive Member hai an thang a, khuo an zu fangna haia chun mipuiin ropui takin an lo lawmlut bakah beiseina insangtak leh an lungkhamna thu hai BJP thuoituhai kuoma hin an lo intlun tiin report chun a hril.
CCPur a inthawk candidate 543 an hlawtling
CCPUR: August 30&31, 2016 haia MPTC, Pangei a Police Constable lakna dinga PET neia um a khan Churachandpur District a inthawk canidates 543 an hlawtling a, August 30&31 haia PET a la thang thei lo hai ta dingin PET huoihawt nawk la ning a ta, a ni le hun ding chu hi hnunga la puonglang ning a tih tiin Jayanta Singh, IPS, Chairman, DPC for Direct Recruitment of Police Constable (Male/Civil2013), Manipur chun a hril.
Prepaid 12450 activate tah
CCPUR: Electricity Department, CCPur chun September 1, 2016 chen khan CCPur khawpui sungah PrePaid meter box 14400 an inbuk (installed) ta a, hi laia prepaid meter box 12450 chu an activate tah.
DYASO in Trialcumselection
CCPUR: District Youth Affairs & Sports, CCPur huoihawtnain zanikhan Peace Ground Tuibuong, CCPurah District Level Inter School Games TrialcumSelection, 2016 nei a nih. Hi huna hin Volley Ball Under 14 & 17 boys le Football U14 yrs & 17 yrs boys & Girls trial selection nei a nih. Programme induong dungzui chun September 1315 inkar sungin Athletic Under 14 & 17 boys & girls, Kabaddi U17 boys & girls le Badminton U14 & 17 boys & girls trial selection nei dinga ti a nih.
Manipur Assembly Monsoon Session tan; Government Bills 3 putlut a nih
IMPHAL: Zanikhan 10th Manipur Legislative Assembly 14th Session tan a nih. Assembly Session a hin Kishore Thapa sunna, Government Bills 3 putlut le papers 5 phar a nih. Kishore Thapa hi Kangpokpi A/C a inthawk terms 3 lai zet, kum 1974, 1980 le 1984 Assembly Election haia khan Congress ticket le Independent candidate haiin MLA a thlangtling le Deputy Chairman, MSRTC lo chel hlak a nih. Members han to tawkin minutes 2 sung sunna hunser an nei. Sunna thucha chu CM O.Ibobi Singh, Assembly Speaker Th. Lokeshore Singh, IFCD Minister Ngamthang Haokip, Dr I. Ibohanbi, MLA le Kh. Joykishan, MLA han an hril. Mi puitling, mi zaidam, hnam thlierbik nei lo a ni thu uor takin an hril tawl. A thina hi ei stae le a mipuihai ta dinga channa a nih tiin an hril bawk.
CM, O.Ibobi Singh chun zanikhan Inpui inthungnaa hin papers 5, Annual Inspection Report on Panchayati Raj Institution and Urban Local Bodies for 201415 (Audited during the year 201516); Report of the Comptroller and Auditor General of India for the year ended 31 March, 2015; Report of the Comptroller and Auditor General of India on State Finances for the year ended 31 March, 2015; Annual Technical Inspection Report on Panchayati Raj Institutions and Urban Local Bodies for the year ended 31 March, 2015 le Annual Report of the state Vigilance Commission, Manipur for the year 201516 hai an nih.
Chun, CM hin Financial Committee 3, Committee on Public Accounts, Committee on Estimates le Committee on Public Undertakings thlangna ding motion a move bakah Nineteenth Report of Business Advisory Committee pathum a Chairman le member ding hai thlangna chu September 5, 2016 khin Assembly Session ah nei ning a tih. Financial Committee pakhata hin members 7 pei an um ding a nih.
Chun, Education minister Dr Kh. Ratankumar Singh chun zanikhan Inpuiah Government Bills 3, The Manipur Technical University Bill, 2016 (Bill No. 5 of 2016), The Dhamanjuri University Bill, 2015 (Bill No. 6 of 2016) le The Manipur State Higher Education Council Bill, 2016 (Bill No. 7 of 2016) hai a putlut a, September 5, 2016 khin Inpuiah hriltlang ning a tih.
Manipur Assembly Monsoon Session a hin Sitting vawihni chau um a tih. September 5, 2016 khin 11AM ah sitting tan nawk ning a tih. 10th Manipur Legislative Assembly term hun sunga ding chun tuta Assembly Session hi session tawpna tak a ni ta el thei.
Cabinet meeting nei
IMPHAL: Zani 4PM a inthawk khan CM’s Secretariat Conference Hall, Imphalah CM O.Ibobi Singh inrawina in Cabinet meeting nei tan a nih. Cabinet meeting a hin IMC le Municipality Urban bodies hnuoia thawktuhai ROP2010 (6th Pay), Manipur Municipalities Oath on Affirmation Rules, 2016; Department thenkhata sin lak dan ding le Willing a ram inchawk dan ding chungthu hai an hriltlang ding niin ei thu dawngna chun a hril.
Silai lakpeknaa thang mi 2 man
IMPHAL: August 29, 2016 a Sibilong bul, Imphal-Jiribam Roada silai leh chuktuoa 5th IRB pawl silai 4 (AK47 Rifle 2, INSAS Rifle 2), a magazines le a muhai lakpeknaa thanga intum, NSCN(K) cadres pahni, Kabigai le Numkhaolung, Sibilung khaw mi ve ve hai chu Assam Rifles le Manipur Police thangruol han Sept. 1, 2016 zan khan an chengna khawsunga an IN haia intahwk an zu man. NSCN (K) pawl Maruti Gypsy hmang khawm Aug. 30, 2016 khan Sibilong khaw bula Security Forces han an hmukir.
Polling stations 879 haiah wireless set
IMPHAL: Assembly Constituencies 60 umna Manipur Assembly Election hung um dinga hin Polling Stations 2704 hawng ding hai laia Polling stations 874 hai chu Mobile Phone network tlung nawna hmuna um an ni leiin Assembly Election huna hieng Polling Stations 879 haiah hin Wireless Set hmang dinga riruong a nih tiin V.K. Dewagan, Chief Electoral Officer (CEO), Manipur chun a hril.
Home Minister inban dingin
IMPHAL: BJP, Manipur thuoituhai le workerhai chun zanikhan Manipur Assembly Session va sukbuoi tumin Manipur Assembly Hall an pan a, sienkhawm lamlakah Police han an lo dangchat. BJP thuoituhai hi an President K. Bhabananda Singh in an rawi tawl a, exministers le ExMLAs khawm iemanizatan thang. BJP chun kum 2013 a Police Constables lakna DPC cancelled a nina le inzawmin Manipur Home Minister Gaikhangam inban ding le DPC cancelleda a umna Order hlip dingin an khek thup thup.
PM in Delhi suoksanin Hanoi a pan
NEW DELHI: PM Narendra Modi chun zanikhan New Delhi suoksanin Vietnam khawpui Hanoi a pan. An zin sung hin China le Laos (Lao People’s Democratic Republic) hai khawm hung sir a tih.
PM hin President Tran Dai Quang le Prime Minister Nguyen Xuan Phuc hai inhmupui a ta, vawi zantieng hin Vietnam suoksanin China pan a tih tiin External Affairs ministry (East) secretary Preeti Saran chun a hril. Sept. 5, 2016 zantieng India ram hung kir nawk a ta, Sept. 17, 2016 in Laos PDR hmuna 17th India ASEAN Summit le 11th East Asia Summit Vientiane hmuna nei ding haia thang dingin suok nawk a tih tiin Ms Preeti Saran chun a hril.
FMGE and W in memorandum an pek
AIZAWL: Federation of Mizoram Government Employees and Workers (FMGE and W) chun zanikhan Raj Bhavan, Aizawlaah Governor Lt. General Nirbhay Sharma fethlengin Seventh Central Pay Commission dungzuia Mizorama sawrkar thawktu han hlaw an lak theina dinga financial assistance huntawk hung pe dinga sawrkar thlungpui an ngenna Memorandum an pek. An memorandum hi sawrkar thlungpui kuoma thawn pek dingin an ngen.
PM in Delhi suoksanin Hanoi a pan
NEW DELHI: PM Narendra Modi chun zanikhan New Delhi suoksanin Vietnam khawpui Hanoi a pan. An zin sung hin China le Laos (Lao People’s Democratic Republic) hai khawm hung sir a tih.
PM hin President Tran Dai Quang le Prime Minister Nguyen Xuan Phuc hai inhmupui a ta, vawi zantieng hin Vietnam suoksanin China pan a tih tiin External Affairs ministry (East) secretary Preeti Saran chun a hril. Sept. 5, 2016 zantieng India ram hung kir nawk a ta, Sept. 17, 2016 in Laos PDR hmuna17th India ASEAN Summit le 11th East Asia Summit Vientiane hmuna nei ding haia thang dingin suok nawk a tih tiin Ms Preeti Saran chun a hril.
ECI in TMC national party in
NEW DELHI: Election Commission of India (ECI) chun All India Trinamool Congress (TMC) chu National Party status a pek tah. TMC hi West Bengal CM Ms Mamata Banerjee party a ni a, states 4 haiah an um ta leiin National party a puong theina dinga condition an tling ve leia National party nina hi a pek a nih. Tuhin TMC hin West Bengalah sawrkarna siemin Manipur, Arunachal Pradesh le Tripura haiah an um mek a, national party ni theina ding hin Lok Sabhaah seat 2% bek annawleh state 4 bekah party a recognised an ni ding ti a nih. Tuhin BJP, Congress, BSP, NCP, CPI le CPM hai chu recognised national parties an ni mek a nih.
KPLT hotu 5 man an nih
DIPHU: District Police le Army a 8 Jat le 1/5 Gorkha Regiment han zanita Karbi Anglong district sunga Borlangso le Taralangso haia dappui an thawnaa Karbi People’s Liberation Tiger (KPLT) cadres 5 ralthuom leh an man. Mana um hai chu Jamson Kro @ Kronihang, Sohan Bey, Ranjit Tisso@ Archim, Ben Killing le Mohon Teron hai an ni a, an kuta inthawk ralthuom man a ni bawk. Ralthuom an man hai lai AK56 Rifle 1, a mu 15 le magazine 1, point 32 Pistol 1, magazine 1 le a mu 2, China siem Grenades 2 le country made guns 2 a thang tiin Karbi Anglong SP Debojit Deuri chun a hril.
Ms Mamata Banerjee in Rome a pan
KOLKATA: Mother Teresa ‘mithienghlim’ a puongna hunser um dinga thangve dingin West Bengal chief Minister Ms Mamata Banerjee chun zani zingkar khan Emirates flight a chuongin Kolkata suoksanin Italy khawpui Rome a pan. Ms Mamata hi member 12 umna official delegation team le industrialists han an zui bawk. Ms Mamata Banerjee hi September 5, 2016 chen Rome khawpuiah cham a ta, Romea nuhmei mayor hmasatak Virginia Raggi chun Vatican city a cham sung lo mikhuol a ta. Rome a inthawk Munich (Germany) pan nawk a ta, sumdawngtu hai inhmupui a ta, Sept. 10, 2016 khin Kolkata hung kir nawk a tih.
VAWISUN THUPUI
Mi mawl hnungtawlna chun anni chu sukhlum a ta, Invethai nuomsakbawlna chun anni chu a suksiet ding a ni sih a. Amiruokchu, tukhawm keia thu ngai chu himtakin cheng a ta, Ritlona ti der loin um tawk tawk a tih. Thuvarhai 1:3233
Editorial: Dân hi
Dan hi a pawimaw a, a pawimaw leiin mihriem hai ta ding chau ni loin khawvel le a sunga um hai po po ta dingin dan (Act, law, rules and regulation) siem a nih. Ei hriet seng angin sawrkar, pawl, kohran le khawtlang hai po poin zui le zawm dingin dan, thaw lo ding le dawn lo ding dan, fak lo ding dan le a dang dang ei nei seng. Hieng dan hai hi mi tha pangngai chun zawm el ding a nih. Dan zawm nuom lo lui tlat hai chu misuol, mi lulul le mi hnawksak an ni hlak. Mi tha vawng ni inla chu dan hi siem tul der naw nih. Mi suolhai leia danhi siem a nih ti inla ei hril suol ring a um nawh. Dan le thupek hi ngun taka ngaituo hnunga tha ngei dinga hriet a ni leia siem a ni rawp hlak. Khawvel a ni a, famkim nawna lai chu um thei ngei a tih. Nisienlakhawm dan hnuoia kun nuom lo chu mi tha an ni thei naw tlangpui.
Dan siem famkim hi an tak a. Hi lei hin sawrkar khawma dan intan lovin a siem hlak. Sawrkarin dan thar a siem ding chun bill a siem a, Parliament le Assembly haiah a putlut a, member han an hriltlang a, member tam lem han tha an ti chun pasi a ni a, chu Bill chu India President annawleh state Governor hai pawmpui dingin an peklut a, tha tia an pawmpui chun suoi an thaw a, sawrkar kutah an pekkir nawk a, sawrkarin hi bill le inzawma Order an suo pha pha dan a hung ni hlak. Kohran le Pawl khawm nisienla, Assembly neia dan induonga um hai chu mi tamlem remtina a pasi a ni hlak. Chu hnung chun dan hi hmang thei a ni chau hlak.
Dan ei ti hi sawrkar le mipui siem a nih. Parliament le Assembly a memberhai chu election neia mipui han ei aiawa roreltu dinga ei thlangtling an nih. Hiengang bawk hin Kohran le pawl tum tuma thuoituhai khawm Kohran le pawla member han ei thuoitu dinga ei thlang an nih. Hieng ei thuoituhai hi mipui aiawa dan siemtu an nih. Dan ei ti hi an dik taka hril chun mipui siem a nih. Hi lei hin mipuihai chun ei dan siem hi ei inza le ei zawm a tul a nih. Ei dan siem ei inza naw a, ei zui nuom naw a, ei bawsiet a ni chun ei dan siem vek ei bawsiet tina hung ning a tih. Dan bawsetuhai chu mi tha ni loin misuol an ni hlak. Dan siemtu han ei dan siem ei inzanaw a, ei bawsiet rawp chun mani khawm ei inza naw a nih tina a hung ni thei bawk.
Dan hi tha le tul ei ti leia sawrkar le mipui han ei siem a nih. Hi lei hin dan inzana le zawmna kawngah thuawi le thu zawm mi ei ni ngei a tul. Dan ngaipawimaw nawna, dan palzutna le dan namnulna hi a tam hle a. Suol hremna dan khawm a um sa vawng a nih. Ei ram, a bikin Manipur a hin hrem phu hlie hlie, evidence tha tawk tak um khawm hrem lova um tam tak an um. Hi lei hin ei ram Manipur a hin danhi ei palzutin ei namnul taluo deu niin an lang. Dan kengkawtuhai hin dan bawsetuhai hi danin a phut angin na takin hrem el hlak hai sienla chu dan ei namnulna le ei palzutna hi a hung re deu ring a um. Tuolthattu khawm lungina inthawk insuo an ni nawk el hlak hi chu mak takel a nih. Dan ang chun damsung lungin intang annawleh thi chena hrem thei an nih.
Mosie kuomah Pathienin thupek 10 a pek a, hi thupek annawleh hi dan 10 pek hi Kohran han tha ei tiin ei la pawm vawng a. Nisienlakhawm, ei zawm thei tak tak naw khawp el. Hienganga dan zawm thei lo chu hmangtlak a ni nawh, Pathien le Kohran hai khawm hin sie bo nisienla tha lem a tih ei ti el am a nih? Dan tha tak a um a, a zawmhai chu mi tha le fel an ni a, a zawm nuom nawhai chu misuol le mi kawmaw an nih. Chuonghai tienga thang chu thil inzakumah ngai inla. Dan bawsehai hremna ruok chu danin a phut ang ngeia kengkawa hmangin hrem ni ngei rawhai seh.
Dan hril taka chun tulaia Manipur mipui han ei buoipui luoi luoi khawm hi dan chungchang tho a nih. Manipur mi indik takhai humhimna ding dan siem ei nuom leia Bills ei tihai hi a hung um le inlang a nih. Dan siem thar ding chun State Asembly in an duong a; chu zova Assemblyah a putlut le a pasi a ngai bakah Parliament le President han an pawmpui a tul a nih. Hi dan siem dan ding thua Manipur mipuihai ei lan lungruol theinaw leiin dan thar ei siem tum hi iengtik am dan a hung ni ding chu maw? Dan hi a pawimaw a, dan bova khawsa thei lo ei ni a, dan siem ruok chu mei mei a ni nawh. Hi hin dan pawimawna le hlutna a suklang a nih.
CCPUR: Dr Liankhawjam Guite, District Malaria Officer (DMO)/CCPur inrawinain District Malaria staff hai chun zanikhan Saikawt PHC hnuoia khuo tum tum haiah Damdawi inchiesa Thosilen (LLIN) sema lo um ta hai a dawng ve lo an um le umnaw enfelna an va nei. DMO rawia zanita khaw tum tum an sirkuol hai chu Dumsau Village, Muolbem, Valpakot, Tuaitengphai le Tuibul hai an nih.
Spl. Summary revision meeting nei
CCPUR: Zani zantieng 3PM khan Mr Lunminthang Haokip, IAS, DC, CCPur inrawinain DC Office chamberah SDOs/BDOs le Election department staff han Electoral Roll Special Summary Revision 2017 le inzawmin meeting nei a nih. Hi huna hin DC, CCPur chun Slide hmangin an entir.
BJP hotu han Hmarbiel an fang
CCPUR: Manipur State BJP Excutive Members, Prof.R.K. Ranjan (BJP Spokes Person& Vision Cell Convenor) inrawinain BJP Manipur thuoitu hai chu August 2730, 2016 inkar sung khan Hmarbiela khaw tum tum Taithu, Parbung, Lungthulien le Senvawn hai sirin an inzin suok tiin khaw hnunga report ei dawngna chun a hril. Hmarbiela BJP inzin hai lai hin BJP Cell Convenor, Seram Tombi (IT Cell) H. Nando Singh (Senior BJP Workers) Ajit Singh (ISTV Correspondent) Ibomcha (Corespondent Cronicle & Poknapham) Bula Hmar (Convenor Barak Valley BJP) le Dr. L.Fimate State BJP Excutive Member hai an thang a, khuo an zu fangna haia chun mipuiin ropui takin an lo lawmlut bakah beiseina insangtak leh an lungkhamna thu hai BJP thuoituhai kuoma hin an lo intlun tiin report chun a hril.
CCPur a inthawk candidate 543 an hlawtling
CCPUR: August 30&31, 2016 haia MPTC, Pangei a Police Constable lakna dinga PET neia um a khan Churachandpur District a inthawk canidates 543 an hlawtling a, August 30&31 haia PET a la thang thei lo hai ta dingin PET huoihawt nawk la ning a ta, a ni le hun ding chu hi hnunga la puonglang ning a tih tiin Jayanta Singh, IPS, Chairman, DPC for Direct Recruitment of Police Constable (Male/Civil2013), Manipur chun a hril.
Prepaid 12450 activate tah
CCPUR: Electricity Department, CCPur chun September 1, 2016 chen khan CCPur khawpui sungah PrePaid meter box 14400 an inbuk (installed) ta a, hi laia prepaid meter box 12450 chu an activate tah.
DYASO in Trialcumselection
CCPUR: District Youth Affairs & Sports, CCPur huoihawtnain zanikhan Peace Ground Tuibuong, CCPurah District Level Inter School Games TrialcumSelection, 2016 nei a nih. Hi huna hin Volley Ball Under 14 & 17 boys le Football U14 yrs & 17 yrs boys & Girls trial selection nei a nih. Programme induong dungzui chun September 1315 inkar sungin Athletic Under 14 & 17 boys & girls, Kabaddi U17 boys & girls le Badminton U14 & 17 boys & girls trial selection nei dinga ti a nih.
Manipur Assembly Monsoon Session tan; Government Bills 3 putlut a nih
IMPHAL: Zanikhan 10th Manipur Legislative Assembly 14th Session tan a nih. Assembly Session a hin Kishore Thapa sunna, Government Bills 3 putlut le papers 5 phar a nih. Kishore Thapa hi Kangpokpi A/C a inthawk terms 3 lai zet, kum 1974, 1980 le 1984 Assembly Election haia khan Congress ticket le Independent candidate haiin MLA a thlangtling le Deputy Chairman, MSRTC lo chel hlak a nih. Members han to tawkin minutes 2 sung sunna hunser an nei. Sunna thucha chu CM O.Ibobi Singh, Assembly Speaker Th. Lokeshore Singh, IFCD Minister Ngamthang Haokip, Dr I. Ibohanbi, MLA le Kh. Joykishan, MLA han an hril. Mi puitling, mi zaidam, hnam thlierbik nei lo a ni thu uor takin an hril tawl. A thina hi ei stae le a mipuihai ta dinga channa a nih tiin an hril bawk.
CM, O.Ibobi Singh chun zanikhan Inpui inthungnaa hin papers 5, Annual Inspection Report on Panchayati Raj Institution and Urban Local Bodies for 201415 (Audited during the year 201516); Report of the Comptroller and Auditor General of India for the year ended 31 March, 2015; Report of the Comptroller and Auditor General of India on State Finances for the year ended 31 March, 2015; Annual Technical Inspection Report on Panchayati Raj Institutions and Urban Local Bodies for the year ended 31 March, 2015 le Annual Report of the state Vigilance Commission, Manipur for the year 201516 hai an nih.
Chun, CM hin Financial Committee 3, Committee on Public Accounts, Committee on Estimates le Committee on Public Undertakings thlangna ding motion a move bakah Nineteenth Report of Business Advisory Committee pathum a Chairman le member ding hai thlangna chu September 5, 2016 khin Assembly Session ah nei ning a tih. Financial Committee pakhata hin members 7 pei an um ding a nih.
Chun, Education minister Dr Kh. Ratankumar Singh chun zanikhan Inpuiah Government Bills 3, The Manipur Technical University Bill, 2016 (Bill No. 5 of 2016), The Dhamanjuri University Bill, 2015 (Bill No. 6 of 2016) le The Manipur State Higher Education Council Bill, 2016 (Bill No. 7 of 2016) hai a putlut a, September 5, 2016 khin Inpuiah hriltlang ning a tih.
Manipur Assembly Monsoon Session a hin Sitting vawihni chau um a tih. September 5, 2016 khin 11AM ah sitting tan nawk ning a tih. 10th Manipur Legislative Assembly term hun sunga ding chun tuta Assembly Session hi session tawpna tak a ni ta el thei.
Cabinet meeting nei
IMPHAL: Zani 4PM a inthawk khan CM’s Secretariat Conference Hall, Imphalah CM O.Ibobi Singh inrawina in Cabinet meeting nei tan a nih. Cabinet meeting a hin IMC le Municipality Urban bodies hnuoia thawktuhai ROP2010 (6th Pay), Manipur Municipalities Oath on Affirmation Rules, 2016; Department thenkhata sin lak dan ding le Willing a ram inchawk dan ding chungthu hai an hriltlang ding niin ei thu dawngna chun a hril.
Silai lakpeknaa thang mi 2 man
IMPHAL: August 29, 2016 a Sibilong bul, Imphal-Jiribam Roada silai leh chuktuoa 5th IRB pawl silai 4 (AK47 Rifle 2, INSAS Rifle 2), a magazines le a muhai lakpeknaa thanga intum, NSCN(K) cadres pahni, Kabigai le Numkhaolung, Sibilung khaw mi ve ve hai chu Assam Rifles le Manipur Police thangruol han Sept. 1, 2016 zan khan an chengna khawsunga an IN haia intahwk an zu man. NSCN (K) pawl Maruti Gypsy hmang khawm Aug. 30, 2016 khan Sibilong khaw bula Security Forces han an hmukir.
Polling stations 879 haiah wireless set
IMPHAL: Assembly Constituencies 60 umna Manipur Assembly Election hung um dinga hin Polling Stations 2704 hawng ding hai laia Polling stations 874 hai chu Mobile Phone network tlung nawna hmuna um an ni leiin Assembly Election huna hieng Polling Stations 879 haiah hin Wireless Set hmang dinga riruong a nih tiin V.K. Dewagan, Chief Electoral Officer (CEO), Manipur chun a hril.
Home Minister inban dingin
IMPHAL: BJP, Manipur thuoituhai le workerhai chun zanikhan Manipur Assembly Session va sukbuoi tumin Manipur Assembly Hall an pan a, sienkhawm lamlakah Police han an lo dangchat. BJP thuoituhai hi an President K. Bhabananda Singh in an rawi tawl a, exministers le ExMLAs khawm iemanizatan thang. BJP chun kum 2013 a Police Constables lakna DPC cancelled a nina le inzawmin Manipur Home Minister Gaikhangam inban ding le DPC cancelleda a umna Order hlip dingin an khek thup thup.
PM in Delhi suoksanin Hanoi a pan
NEW DELHI: PM Narendra Modi chun zanikhan New Delhi suoksanin Vietnam khawpui Hanoi a pan. An zin sung hin China le Laos (Lao People’s Democratic Republic) hai khawm hung sir a tih.
PM hin President Tran Dai Quang le Prime Minister Nguyen Xuan Phuc hai inhmupui a ta, vawi zantieng hin Vietnam suoksanin China pan a tih tiin External Affairs ministry (East) secretary Preeti Saran chun a hril. Sept. 5, 2016 zantieng India ram hung kir nawk a ta, Sept. 17, 2016 in Laos PDR hmuna 17th India ASEAN Summit le 11th East Asia Summit Vientiane hmuna nei ding haia thang dingin suok nawk a tih tiin Ms Preeti Saran chun a hril.
FMGE and W in memorandum an pek
AIZAWL: Federation of Mizoram Government Employees and Workers (FMGE and W) chun zanikhan Raj Bhavan, Aizawlaah Governor Lt. General Nirbhay Sharma fethlengin Seventh Central Pay Commission dungzuia Mizorama sawrkar thawktu han hlaw an lak theina dinga financial assistance huntawk hung pe dinga sawrkar thlungpui an ngenna Memorandum an pek. An memorandum hi sawrkar thlungpui kuoma thawn pek dingin an ngen.
PM in Delhi suoksanin Hanoi a pan
NEW DELHI: PM Narendra Modi chun zanikhan New Delhi suoksanin Vietnam khawpui Hanoi a pan. An zin sung hin China le Laos (Lao People’s Democratic Republic) hai khawm hung sir a tih.
PM hin President Tran Dai Quang le Prime Minister Nguyen Xuan Phuc hai inhmupui a ta, vawi zantieng hin Vietnam suoksanin China pan a tih tiin External Affairs ministry (East) secretary Preeti Saran chun a hril. Sept. 5, 2016 zantieng India ram hung kir nawk a ta, Sept. 17, 2016 in Laos PDR hmuna17th India ASEAN Summit le 11th East Asia Summit Vientiane hmuna nei ding haia thang dingin suok nawk a tih tiin Ms Preeti Saran chun a hril.
ECI in TMC national party in
NEW DELHI: Election Commission of India (ECI) chun All India Trinamool Congress (TMC) chu National Party status a pek tah. TMC hi West Bengal CM Ms Mamata Banerjee party a ni a, states 4 haiah an um ta leiin National party a puong theina dinga condition an tling ve leia National party nina hi a pek a nih. Tuhin TMC hin West Bengalah sawrkarna siemin Manipur, Arunachal Pradesh le Tripura haiah an um mek a, national party ni theina ding hin Lok Sabhaah seat 2% bek annawleh state 4 bekah party a recognised an ni ding ti a nih. Tuhin BJP, Congress, BSP, NCP, CPI le CPM hai chu recognised national parties an ni mek a nih.
KPLT hotu 5 man an nih
DIPHU: District Police le Army a 8 Jat le 1/5 Gorkha Regiment han zanita Karbi Anglong district sunga Borlangso le Taralangso haia dappui an thawnaa Karbi People’s Liberation Tiger (KPLT) cadres 5 ralthuom leh an man. Mana um hai chu Jamson Kro @ Kronihang, Sohan Bey, Ranjit Tisso@ Archim, Ben Killing le Mohon Teron hai an ni a, an kuta inthawk ralthuom man a ni bawk. Ralthuom an man hai lai AK56 Rifle 1, a mu 15 le magazine 1, point 32 Pistol 1, magazine 1 le a mu 2, China siem Grenades 2 le country made guns 2 a thang tiin Karbi Anglong SP Debojit Deuri chun a hril.
Ms Mamata Banerjee in Rome a pan
KOLKATA: Mother Teresa ‘mithienghlim’ a puongna hunser um dinga thangve dingin West Bengal chief Minister Ms Mamata Banerjee chun zani zingkar khan Emirates flight a chuongin Kolkata suoksanin Italy khawpui Rome a pan. Ms Mamata hi member 12 umna official delegation team le industrialists han an zui bawk. Ms Mamata Banerjee hi September 5, 2016 chen Rome khawpuiah cham a ta, Romea nuhmei mayor hmasatak Virginia Raggi chun Vatican city a cham sung lo mikhuol a ta. Rome a inthawk Munich (Germany) pan nawk a ta, sumdawngtu hai inhmupui a ta, Sept. 10, 2016 khin Kolkata hung kir nawk a tih.
VAWISUN THUPUI
Mi mawl hnungtawlna chun anni chu sukhlum a ta, Invethai nuomsakbawlna chun anni chu a suksiet ding a ni sih a. Amiruokchu, tukhawm keia thu ngai chu himtakin cheng a ta, Ritlona ti der loin um tawk tawk a tih. Thuvarhai 1:3233
Editorial: Dân hi
Dan hi a pawimaw a, a pawimaw leiin mihriem hai ta ding chau ni loin khawvel le a sunga um hai po po ta dingin dan (Act, law, rules and regulation) siem a nih. Ei hriet seng angin sawrkar, pawl, kohran le khawtlang hai po poin zui le zawm dingin dan, thaw lo ding le dawn lo ding dan, fak lo ding dan le a dang dang ei nei seng. Hieng dan hai hi mi tha pangngai chun zawm el ding a nih. Dan zawm nuom lo lui tlat hai chu misuol, mi lulul le mi hnawksak an ni hlak. Mi tha vawng ni inla chu dan hi siem tul der naw nih. Mi suolhai leia danhi siem a nih ti inla ei hril suol ring a um nawh. Dan le thupek hi ngun taka ngaituo hnunga tha ngei dinga hriet a ni leia siem a ni rawp hlak. Khawvel a ni a, famkim nawna lai chu um thei ngei a tih. Nisienlakhawm dan hnuoia kun nuom lo chu mi tha an ni thei naw tlangpui.
Dan siem famkim hi an tak a. Hi lei hin sawrkar khawma dan intan lovin a siem hlak. Sawrkarin dan thar a siem ding chun bill a siem a, Parliament le Assembly haiah a putlut a, member han an hriltlang a, member tam lem han tha an ti chun pasi a ni a, chu Bill chu India President annawleh state Governor hai pawmpui dingin an peklut a, tha tia an pawmpui chun suoi an thaw a, sawrkar kutah an pekkir nawk a, sawrkarin hi bill le inzawma Order an suo pha pha dan a hung ni hlak. Kohran le Pawl khawm nisienla, Assembly neia dan induonga um hai chu mi tamlem remtina a pasi a ni hlak. Chu hnung chun dan hi hmang thei a ni chau hlak.
Dan ei ti hi sawrkar le mipui siem a nih. Parliament le Assembly a memberhai chu election neia mipui han ei aiawa roreltu dinga ei thlangtling an nih. Hiengang bawk hin Kohran le pawl tum tuma thuoituhai khawm Kohran le pawla member han ei thuoitu dinga ei thlang an nih. Hieng ei thuoituhai hi mipui aiawa dan siemtu an nih. Dan ei ti hi an dik taka hril chun mipui siem a nih. Hi lei hin mipuihai chun ei dan siem hi ei inza le ei zawm a tul a nih. Ei dan siem ei inza naw a, ei zui nuom naw a, ei bawsiet a ni chun ei dan siem vek ei bawsiet tina hung ning a tih. Dan bawsetuhai chu mi tha ni loin misuol an ni hlak. Dan siemtu han ei dan siem ei inzanaw a, ei bawsiet rawp chun mani khawm ei inza naw a nih tina a hung ni thei bawk.
Dan hi tha le tul ei ti leia sawrkar le mipui han ei siem a nih. Hi lei hin dan inzana le zawmna kawngah thuawi le thu zawm mi ei ni ngei a tul. Dan ngaipawimaw nawna, dan palzutna le dan namnulna hi a tam hle a. Suol hremna dan khawm a um sa vawng a nih. Ei ram, a bikin Manipur a hin hrem phu hlie hlie, evidence tha tawk tak um khawm hrem lova um tam tak an um. Hi lei hin ei ram Manipur a hin danhi ei palzutin ei namnul taluo deu niin an lang. Dan kengkawtuhai hin dan bawsetuhai hi danin a phut angin na takin hrem el hlak hai sienla chu dan ei namnulna le ei palzutna hi a hung re deu ring a um. Tuolthattu khawm lungina inthawk insuo an ni nawk el hlak hi chu mak takel a nih. Dan ang chun damsung lungin intang annawleh thi chena hrem thei an nih.
Mosie kuomah Pathienin thupek 10 a pek a, hi thupek annawleh hi dan 10 pek hi Kohran han tha ei tiin ei la pawm vawng a. Nisienlakhawm, ei zawm thei tak tak naw khawp el. Hienganga dan zawm thei lo chu hmangtlak a ni nawh, Pathien le Kohran hai khawm hin sie bo nisienla tha lem a tih ei ti el am a nih? Dan tha tak a um a, a zawmhai chu mi tha le fel an ni a, a zawm nuom nawhai chu misuol le mi kawmaw an nih. Chuonghai tienga thang chu thil inzakumah ngai inla. Dan bawsehai hremna ruok chu danin a phut ang ngeia kengkawa hmangin hrem ni ngei rawhai seh.
Dan hril taka chun tulaia Manipur mipui han ei buoipui luoi luoi khawm hi dan chungchang tho a nih. Manipur mi indik takhai humhimna ding dan siem ei nuom leia Bills ei tihai hi a hung um le inlang a nih. Dan siem thar ding chun State Asembly in an duong a; chu zova Assemblyah a putlut le a pasi a ngai bakah Parliament le President han an pawmpui a tul a nih. Hi dan siem dan ding thua Manipur mipuihai ei lan lungruol theinaw leiin dan thar ei siem tum hi iengtik am dan a hung ni ding chu maw? Dan hi a pawimaw a, dan bova khawsa thei lo ei ni a, dan siem ruok chu mei mei a ni nawh. Hi hin dan pawimawna le hlutna a suklang a nih.
