Responsive Ad Slot

NEC IN PARBUNG PLAYGROUND BAWLNA DING RS. 3.56 CRORES

Saturday, August 13, 2016

/ Posted by VIRTHLI HMAR
Shillong, August 13, 2016, Virthli (ONP): Parbung, Tipaimukh Sub-Div. Hqrs, Churachandpur District, Manipur ah North Eastern Council (NEC), Shillong in Playground (Mini Stadium) bawlna dingin Rs. 7.197 crores zet a lo sanction tah ti thu November, 2012 khan Virthli a le news dang dang haia insuo a um kha buoina neu neu um leiin kha project kha suk puitling thei lovin a uma. Tulai hnai el khan NEC chun a tharlam hlawka dingin "Construction of Playground at Parbung. Churachandpur, Manipur"  ti chu Rs. 356,08000/- (Rupees Three hundred fifty six lakhs and eighty thousand) project dingin a lo siemfel nawk tah.

Hi project hmu ding hin nasataka hma lak a ni thu dawng a ni a, ei thu dawng dan chun Rs. 7.197 crores ding ti khawm kha Rs. 11 Crores dinga siem thar nawk a ni a, NEC tiengpang a'nthawkin sawidanglamin a hung um nawk ta pei leiin Rs.11 Crores ti khawm kha Rs. 356.80 lakhs in a hung thlahnuoi tah a nih. Hmalatu hai chun an lung sukhnuol chuong loin an bawzui char char a, vawi iemanizat a hmuna hai khawm fein, DPR hai khawm vawi iemanizat an siemtha a, hi project an hnawtna ringawta khawm hin sumfai iemanizat seng a ni thu dawng a nih.

Hi project-a a kul a taia buoipuitu le sawl bik deu hai chu HSA, office le lekha ramtin tlanlawn puitu Dr. John H Pulamte, Pu Hrilsangmawi, Imphal, techinical tieng pang le inzawmin Pu Samuel Lalropar, Imphal, sawrkar tieng le NEC tiengpanga theitawp lo suotu Pi Sherry Lalthangzo, IES le a pasal Pu Challien Songate, IRS hai an nih.

Tuta Parbung Playground project hi Mini Stadium ei ti hai ang tho ding kha a nia, a hnuoia hi estimated costs siema um chu a nih;

Indoor Hall/Stadium: Rs. 1,49,45,049/-
Football field Gallery : Rs. 36,80,465/-
Football Field Development: 72,77,984/0
RCC Retaining Wall: Rs 63,54,461/-

Hieng hai bak a hin a hnuoia hai hi tax ei ti ang kha a state in a lak ding a nih;

1% Labourcess : Rs. 3.20 Lakhs
3% Contingency Charges: Rs. 9.60 Lakhs
1 % Quality Control: Rs. 3.20 Lakhs
6.5 %  Agency Control/ supervision Charges : Rs. 20. 80 Lakhs.

Total: Rs.356,08000/- 




Hi project santion order chu ahnuoia ang hi a nih;

1. Hi Project implement tu dingin Manipur Tribal Development Corporation (MTDC) chu dande a nih.
2. Playground umna hmun le facilities bawla/siema um hai chu NEC le Ministry of DoNER, Government of India hrietpuina le phalna naw chun sukthlawng le zawr thei ni nawh.
3. State Government in a enkawlna sin, maintenance le a hmang dan ding chu mawphur a tih.
4.  NEC-PAC meeting, July, 2016, dungzuiin hi project a sengso ding chu Rs. 320.00 lakhs (excluding extra charges) a nih.
5.  DC Churachandpur Chairman-na hnuoia Management Committee indin ning a ta, concerned department le State Planning Department, Govt. of Manipur haia inthawkin member ding lak le a vengmi/local representative lak ni bawk a tih.
6. Hi Playground hi mipui/vantlang hmang thei dinga hawng ning a tih.
7. Hi Project hi NEC le Manipur Govt. representative haiin a enkawlna sin (monitoring) thawng an tih.

Hiengang Project hi a puitling ngei theina dingin hi thila hmala lo latu le mipui hai inthuruol taka um a pawimaw tak zet. A hung puitling a ni chun ram le hnam le an nghatna hmun mihaiin an la sawr tak tak ding a nih. Infiemna le inruolsiekna (Games & Sports) khawvela cheng khawm ei ni tah a. Hi Project a hung puitlinga Playground (Mini Stadium) bawl a ni ngat chun a rammi haiin hmasawn pha hleng an tih. Hi lai hmuna hin tournament le item chi tum tum state le national chen khawm huoihawt le mikhuol thei khawm la hung ni ngei a ta. Chun, sawrkar ni pawimaw hieng Republic Day, Independence Day le a dang dang khawm ropui le changkang lemin hung inser ni thei pha pei bawk dingin beisei a um a, chu naw a khawm Inkhawmpui lien tak tak thawna thei ni bawk dingin ring a um. Ram le hnam tadinga malsawmna a hung ni ngei theina dingin mitinin tawngtainaa hriet chi a nih.
Don't Miss
© all rights reserved
made with by Simon L Infimate