DI Pick up a eksiden, naupai lai thangin mi 8 an hliem
CCPUR: Zani zantieng khan Thanlon khuoa Mahajon Kaikhosiam motor DI Pick up motor, Tipaimukh Road zuia passenger phura hung tlan chu Chongkhojou Chiangpi khaw bul lai changsuolin vawithum vel an let a, thina tuok um naw hai sien khawm mi 8 in hliemna an tuok. Pickup motor hi Lamka le Thanlon inkara service, Mr Thianmuan, s/o Mahajon Kaikhosiam in a khal a nih. Hi Eksiden tlung an hriet le inruolin TRATDA thuoituhan eksiden na hmun panin an bawzui nghal a, hliem hai hi CCPur an hung phurtlung a nih.
Eksidena hliemhai chu Hemananda (19) s/o Inaocha of Toupokpi, Bishnupur District, Chingmuankim (24) d/o Jampu of Thanlon (Chingmuankim hi nau pailai a nih); Jonathan (25) s/o Mangkhohen of Elim Veng, New Lamka, Paulalmawi (23) Zomlian of D. Phailen, N. Dongkham (66) s/o (L) Singou of Bukpi Village, Douthianmuan (30) s/o Kaikhosiam of Compound Veng, Phailian, M. Sunder (18) s/o M. Open of Toupokpi, Bishnupur District le Matthew Paumuanlal (30) s/o (L) Thang David of Thanlon hai an nih. Hi thu ei sut chena tu tu’m hospital admit ti hrietna ei la nei nawh. A steering fail leia motor hi eksiden nia hril a nih.
S. Kotlianah Teacher Quarter hawng
CCPUR: Zani zingkar 8AM khan S. Kotlian khuoah Seilenmang Khongsai, MDC (Khousabung) in Barrack Type school teacher quarter a hawng a, Upa T. Thanga Vaiphei in tawngtainain an hlan, hi hun hi Ms Mannuamching, IAS, CEO, ADCC khawmin a uop. District Council primary teacher hai chu a tul le pawimaw angin quartera hin an riek lut thei ta ding a nih.
Mr Seilenmang Khongsai chun, Govt. building hai chu public property anni leiin khawsung mi hai chu tha taka enkawl dingin an fui. Sawrkar school haia uniform le textbook hai student han a thlawna an dawng hlak a ni leiin nu le pa hai chu an nau hai inkaitir dingin a ngen.
Ms Mannuamching chun, Teacher hai khawm an thawkna hmuna uma, school an kai seng thei ding ditna leia quarter hi bawl a ni thu a hril a; khawsunga govt. building um hai hlutna hriea hmang tangkai thiem dingin mipui hai a ngen. Education tiengpang hma a sawn theina dinga khawsung mipui hai thang la seng dingin a ngen bawk. Barrak Type hawnga um hin Room 5, Toilet 2 le Bath Room 2 bakah Hall 1 a um a nih.
Kargil Vijay Dewas an hmang
CCPUR: ExServicemen League, CCPur inrawinain zani 10:00AM khan Hiangtam Lamka YPA GHQ hallah Kargil Vijay Dewas hmang a ni a, Mr Lunminthang Haokip, IAS, DC, CCPur le Brigadier Ajay Kumar, CO, 27Sector Assam Rifles hai khawma uopin thuhrilna hun an hmang. Brig. Ajay Kumar chun Kargil Vijay Dewas (July 26) chanchin tawite a hril a, DC, CCPur chun Kargil victims Jamkholal Vaiphei of 7th Assam Regiment le Havildar Chinzasiam of Hebron Veng, N. Lamka sunghai thilpek inhlanna a nei.
ITI entrance written test July 29ah
CCPUR: Industrial Training Institute (ITI), Saikawt, CCPura Wireman inchuk ding thlangsuokna dinga written test chu July 29, 2016 zing dar 10 a nei dinga ruot a nih. Hnina lekha pehai po po chu written test a hin thang dinga inhriettir an nih.
Pune University a inthawk Ph.D hmu
CCPUR/PUNE: Pi Elizabeth Lalfamkim Songate w/o Samuel L. Songate chun July 18, 2016 khan Department of Sociology, Savitribai Phule Pune University ( Pune University) a inthawk Ph.D a lo hmu tah. A Thesis chu “The Study of Social Reconstruction of Indigenous Tribal Identity within a Globalizing India with special reference to Hmar Tribal Migrants of Northeast India in Pune” ti a nih. Pi Elizabeth Lalfamkim hi Rev. Kh. Thangdailo a naunu a nih. A pasal Samuel L. Songate khawm hi Income Tax Inspector sin thaw mek le an nau hai leh Pune hmuna khawsa mek an nih. Ei chanchinbu chun a lawmpui hle.
Bungheia tawngtairuolna an nei
LUNGTHULIEN: July 25, 2016 khan Hmarram Kohran Inzawmkhawm (HKI) hmalaknaa indin Lungthulien Kohran Inzawmkhawm hai chun bungheia suolthuphachawina, ngenna le lawmthuhrilna tawngtairuolna hun an hmang. Hi taka hin mipui 150 vel ding an fekhawm a, ruo sur zing sienkhawm khawlai dungah titak zeta tawngtaina an nei. Hi hun hmangna le inzawm hin July 25, 2016 zan khan EAC Biekinah inkhawm tawngtaina hun an hmang zawm le Pathien thucha ngaithlakna nei a ni bawk. Chun, August 1, 2016 khin VA, HYA, HWA, HSA, HKI Unit le ValUpa hai thangruolin khawtlanga suolna do dan ding le khawsung siemthatna dingin Consultation meeting nei bawk an tih. (Lalnunthang Songate)
TKSU in thusuok
CCPUR: ThadouKuki Students’ Union, Manipur GHQ a Inf. & Publicity Deptt. chun zanikhan thusuok siemin, Student uniform inbel puma inruithei le khawtlang ta dinga thil tha lo a thaw hmu a ni chun a tul angin action a lak ding thu; student han mani school rules, dress code le discipline zui seng dingin an hriettir a, an hmalakna hi nu le pa hai thlawp seng dingin an ngen.
JE invengna kap
CCPUR: District Immunization Office (DIO) le DFWO, CCPur hai thangruola huoihawtnain zanikhan Bungmual YPA Hallah JE laka invengna damdawi mi 800 chuong kap a nih. Chun, DIO ah khawm zani sun huna inthawk khan kap a ni bawk.
Jolzam khuoah Financial Literacy Campaign nei
CCPUR: Zani 7:00AMkhan Jolzam khuoah Federation of Farmers Club, CCPur (FFCC), Food & Nutrition Security (FNS) Devept. Department, Reformed Presbyterian Church NEI le DDM NABARD/CCPur hai thangruola huoihawtnain Financial Literacy program hmang a nih.
Hi huna hin S. Muana Coordinator FNS/DDRPC NEI chun Importance of Saving & investment” ti thupui hmangin thu a hril a, Thangchinkhup Guite, DDM NABARD/CCpur chun “Financial inclusion & development, Role of Banks in Development, Benefits under PMJD, PMJJBY, PMSBY, APY & PM Fasal Bima Yojana” ti thupui hmangin thu a hril a, Nungzalun Gangte, Branch Manager, Vijaya Bank, CCPur in “the Importance of Banking, Savings, Financial planning, Various Loan Products i.e. KCC, Interest subvention, benefits of timely repayments & Various Kinds of Deposits Fixed, recurring, etc”. ti thupui hmangin thu a hril. Shri P. Khamsanglian, Progressive Farmer, CCPur chun “Importance of income from Supplementary activities like Piggery, Poultry and importance of Water Conservation Agri as Business enterprise” ti thupui hmangin thu a hril bawk. Hi huna hin patling mi 53 le nutling mi 12 an thang.
Sawrkar thlungpui hnuoia thawktu han August a inthawk hlaw sukpunga um an lak tan ta ding
NEW DELHI: Zanikhan Union Finance Ministry chun 7th Pay Commission Recommendation hmang dan ding le hriet ding pawimawhai chungchangah notification an suo. June 29, 2016 a Union Cabinet meeting chun 7th Pay Commission Recommendation hi hmang dinga a lo pawmpui ta a nih. Sawrkar thlungpui hnuoia thawktuhai chun hlaw sukpunga um hi August, 2016 thlaa inthawk an lak tan ta ding a nih. Hlaw pung hi sawrkar thlungpui hnuoia thawktu mi maktaduoi 4.8 le an sina inthawka pension ta mi maktaduoi 5.2 han an sawr tangkai ding a nih. A hlaw tlawm tak khawmin thla khtah Rs. 18,000 an hlaw ta ding a nih. A hma chun hlaw tlawm tak han thla khatah Rs. 7,000 an hlaw hlak a nih.
7th Pay Commission recommendation dungzuia hlaw pek a ni pha leh (kum 201617) sawrkar thlungpui chun Rs. 1.02 lakh crore seng belsang a ta, thla hni sunga arrears, hlaw le pension a sum a seng belsa ding chu Rs. 12,133 crore ni dinga riruong a nih. Seventh Central Pay Commission a Implementation Cell lukhaitu tak dingin CBSE Chief Rajesh Kumar Chaturvedi ruot a nih. Ama hin CBSE Chief bakah hi sin hi a chel belsa ding a nih. Chun, hlaw pung dan enfeltu dingin sawrkar thlungpui chun Anomalies Committee an din bawk. Hi thil enkaitu dingin Department of Personnel and Training (DoPT) ngansie a nih. Hi Committee hin All India Services, IAS, IPS, IFoS hai hlaw pung dan ding khawm an enfel sa ding a nih. Junior levela chun basic pay a inthawka hlaw pungna ding hi 14.27 percent vel niin Pay panel chun an recommend.
Kargil Vijay Diwas hmang
IMPHAL: Zanikhan 1st Manipur Rifles Battalion Banqued Hall, Imphalah State Level in Kargil Vijay Diwas ursun taka hmang a nih. Hi huna hin CM O.Ibobi Singh, Ministers, MLAs, Officer lien le mi pawimawhai an thang tawl a, Kargil War 1999 a India ram ta dinga lo martyrhai hrietzingna le chibai bukna nei a nih. Kargil War a khan Manipur mi 7, Lance Naik Kaleshore, Sepoy Charles Nicholas Mayon, Sepoy Beningver Mayon, Lance Naik Birneithang, Sepoy Jamkholal Vaiphei, Sepoy Kapani Asuli le Sapoy Daikho Mao hai khawmin ei ram ta dingin hringna an lo inhlan a nih.
Sharmila MLA electionah ngir a tum
IMPHAL: Manipura inthawka ASFPA lakdawk dinga ngennaa kum 16 zet bu ngheia nuorna lo nei ta Irom Sharmila Chanu (44) chun kum thara Manipur Assembly Election hung um dinga khin Independent candidatea a ngir ding thu, bu ngheia nuorna a nei chu August 9, 2016 a inthawk a chawlsan ta ding thu, a bu nghei le a hmalak danah insirna a neinaw thu zanita CJM, Imphal West hmaa an lang zo hnunga Chanchinbumihai an hmupui huna a hril. Bu ngheia nuorna hi Nov. 5, 2000 a inthawka a tan a ni a, bu a nghei tan huna khan kum 27 mi a nih.
Sharmila in bungheia nuorna a nei chawlsana electiona ngir a tum chu lawmum a ti thu zanikhan Minister of state for Home Kiren Rijiju chun Parliament tuola chanchinbumihai kuoma a hril.
Nonlocal 45 man nawk
IMPHAL: JCILPS thlawptu han zanikhan Sekmai hmuna Dimapur a inthawka interstate Bus a hunghai an lo sukchawl a, lekha pawimaw nei kim lo Vai (nonlocal) 45 an man nawk a, Sekmai Police Stationah an inhlan. An hmalakna hi an la sunzawm pei ding niin JCILPS thlawptuhai chun an hril.
Kum 201617 plan outlay Rs. 4349.55 crore
IMPHAL: Kum 201617 a dinga Manipur Plan Outlay pawmpuia um chu Rs. 4349.55 crore a ni a, Manipur chu hmatieng panin a fe thei pei a nih. Ei sum hmusuok le thil dang ei thawsuok ruok chu a tam nawh. July 31, 2015 chena per capital net state domestic project chu Rs. 18547 a nih tiin Dr T. Muhindro Singh, Director, Planning in zanita DIPR complex, Imphala press conference huna a hril.
Hill district ah Govt. Schools 944
IMPHAL: Hills districtah Govt. Schools 944 an enkai sa a, sienkhawm sum harsatna leiin harsatna nasa tak an tuok a, schoolhai chu tha tawkin an enkawl thei naw niin Amstrong, Jt. Secretary (Hills), Manipur in zanita DIPR Complex, Imphala press conference huna a hril. Kum 201516 a Scholarship khawm an la sem thei naw a, an hma tienga sem dingin hma an lak niin a hril bawk.
Jaitley in Finance Ministers hai an hmupui
NEW DELHI: Union Finance Minister Arun Jaitley inrawinain zanikhan New Delhi hmunah Empowered Committee of State Finance Ministers on Goods and Services Tax (GST) nei a nih. Hi meetinga hin GST Bill ammendment thawa um Lok Sabha a pass tah, Rajya Sabhaa pass loa lan tang chungthu an hriltlang. GST Bill hi tuta kar sung hin Rajya Sabhaah pass dinga phar ni el theia hril a nih. Congress chun overall GST rate 18 percent ni ding le manufacturing states hai compensate na dingin additional 1 percent tax thaibo dingin an phut a nih.
Mizoramah 2wheeler taxi service
AIZAWL: Mizoram State Transport Authority (STA) meeting chun a hmasa takna dingin khawpui sungah twowheeler taxi service thaw tan dingin an rel. Hi thila ding hin Scooter annawleh motorcycle, kum 2 neka upa lo hai kuoma permit pek ning a tih. Twowheeler taxi hai chu 125cc le a chungtieng, deiver in helmet eng (yellow) ‘Taxi’ ti rawng sena inziek a khum ngei ding le a registration plat rawng eng a ni ding ti a nih. Hi thil hi Aizawl khawpui sunga traffic intep taluo suk zieumna dinga thaw tum a nih. Chun, STA chun Aizawl khawpui puo le sung an lut phal lo dingin an rel bawk. Bus le taxis hrim hrim kum 10 chena upa ta hai an service phal lo dingin an rel bawk.
MCI in Medical Colleges thar 17 hawng phalna
BENGALURU: Medical Council of India (MCI) chun India rama Medical Colleges thar 17 hawng phalna/remtina a pek tah. Hienghai lai hin Karnatakaa government institutes 3 a thang. MCI chun Karnatakaa private institution pakhat thangin Medical Colleges hawng dinga rawtna um 92 zet a hnawl a nih. Medical Colleges hawng thei dinga MCI in a remtipui hai lai hin Maharashtra, Telangana le UP haiah institutes 2 seng; Chhattisgarh, Delhi, Gujarat, Himachal Pradesh, Kerala, Rajasthan, Tamil Nadu le Uttarakhand haiah pakhat seng an nih. India rama hin Medical Colleges 439 a um a, hieng colleges haia hin MBBS seats 59,288 a um. India ramah Karnataka chu Medical Colleges tamna tak niin Medical Colleges 53 umin MBBS seats 7,355 a nei a nih. Uttar Pradesha inthawk Medical College dinga rawtna um 17 zet MCI in a hnawl.
Anantnag ti loah Curfew hlip vawng tah
SRINAGAR: Jammu and Kashmira hun sawt takel Curfew zama um chu Anantnag khawpui thang lovin Kashmir pumpuiah zanikhan Curfew hlip a ni tah. Security Forces han Hizbul Mujahideen commander Burhan Wani an kaphlum dodalna leia buoina nasa tak suok leia July 9, 2016 a inthawka kha Kashmira hin curfew zama lo um ta a nih. Kashmir buoina suoka khan mi 47 zetin thina an tuok bakah midang 5500 velin hliemna an tuok a nih. Mobile telephone, mobile internet services le Rel services hai chu sukchawl zing a la ni bakah Schools, Colleges le inchukna in dang dang hai chu separatist group han July 29, 2016 chen aw dinga strike an thaw leiin khar an nih.
LSah Child Labour Bill passed
NEW DELHI: Lok Sabha a chun zanikhan Child Labour (Prohibition and Regulation) Amendment Bill,2016 passed a nih. Hi bill dungzui hin naupang kum 14 le a hnuoitieng hai chu mani insung ti lova hmun danga sin thawa sawr khapna ding bill a nih. Hi khapna dan bawsetuhai chu kum 2 chen jail intang thei le fine Rs. 50,000 chen chawi theina a nih.
UPLA C in C Army le Police han an man
GUWAHATI: Army le Police thangruol han Bardalong, Karbi Anglong districta dappui an thawnaah United Peoples Liberation Army (UPLA) a CommanderinChief Nikunja Kathar le UPLA cadre pahni an man niin defence thusuok chun a hril. Mr Kathar hi tuolthatna, mi thuoihmangna le suolna dang dang haia inrawlna neia intum; June 2014a West Karbi Anglong SP Nityananda Goswami thuoihmang le thatnaa khawm inrawlna neia intum a nih.
NE biel inralring dingin
GUWAHATI: India hmarsak biela state 8 hai chu ISIS pawl chetna lakah lo inveng fimkhur le inralring zinga um dingin Union Home Ministry in a hung inhriettir. Chun, Central le State intelligence agencyhai khawm Union Home Ministry chun thil um dan lo suizui nasa nawk zuol ding le inralring zinga um dingin a hung inhriettir bawk. ISIS pawl chun NE biel mihai chu thu hne dingin hma an lak a, hi thil hi thil thar a ninaw a, tuta hmaa inthawka an lo thaw tan ta a nih tiin Union Minister of state for Home, Kiren Rijiju chun a hril. Tulai hnai ela Dhaka khawpuia terroristhai chetna leiin Assam state lem chu fimkhur le inralring zuolbik dinga inhriettir a nih.
Kumtin Cancer leiin nuoi 6 chuong an thi
NEW DELHI: World Health Organisation (WHO) report dungzuiin India ramah kum tin Cancer natna leiin mi 6.8 lakh vel an thi zie a nih tiin Minister of State for Health Anupriya Patel chun zanikhan ziekin Rajya Sabha an hrietir. Chun, India ramah kumtin Cancer invawi thar nuoi 10 chuong an um zie a, India rama cancer intluntu tak chu boruok pawrche (air pollution) le thil ching hrisel lo chingzawngsak hai lei a nih tiin sawrkar chun a hril.
Kum 2014 khan journalist beina cases 144
NEW DELHI: Kum 2014 sung khan India ram sungah Journalists (Chanchinbu) mi hai chunga kutthlakna le sawisakna cass 114 a um tiin Minister of state for Home Hansraj Ahir in zanikhan Lok Sabhaa indawnna dawnin a hril. Hieng cases 114 um haia hin mi 32 man an nih tiin a hril bawk. Journalist sawisakna tamna tak chu Uttar Pradesh a ni a, cases 63 a um a, a dawttu chu Bihar niin cases 22 a um a, Madhya Pradeshah cases 7 le Maharashtraah case 5 a um bawk.
Saudi Arabia ramah mi 2 khai hlum
RIYADH: Saudi Arabia rama chun tuolthat leia thiemnaw inchangtir pasal pahni, Fahd alIshan le Mohammed AlShahrani hai chu July 25, 2016 khan a khai hlum nawk. Tuta kum fe mek sunga Saudi Arabia rama mi 107 khai hluma an umna a ni tah. July 24, 2016 khawm khan tuolthat leia thiemnaw inchangtir mi 4 that anni a, hieng mi 4 hai hi Kawlhnam hmanga an ringa tangbawng an nih tiin ei thu dawngna chun a hril.
Tuilien leiin China ramah mi 271 thi
BEIJING: China rama chun mithiruong 18 hmu belsa anni leiin tulaia China rama tuilien leia mihriem thina tuok chu 271 an tling ta a, mi inhmang chu 121 an tling ta bawk. Sansuokna le sawmdawlna sin thawtuin sipai 59,000 vel hmang an nih. Tuilien zuolkaina hi Henan Province a nih. Motor lampui le leilak hai tuilien hin a suksiet nasa leiin sansuokna le sawmdawlna sin khawm a fe hrat thei nawh tiin ei thu dawngna chun a hril.
VAWISUN THUPUI
Mi tinin taksaa ei thilthawhai a sie a thaa ei thaw ang peia ei hmu seng theina dingin, Krista rorelna thungpha hmaa chun suklangin ei um vawng ding a ni sih a. ~ 2 Korinth 5:10
Editorial: Tulai rukru le tienlai rukru
Thiemna, varna le hrietna hai an sang deu deu ang bawkin ei rama khawm suolna a pung deu deu a. Suolin taluo a nei ta nawh. Mi rama tlung hlak, ei rama tlung thei ngailo ding hiel khawpa ei ngai hai khawm a tlung ta pei a, a la tlung pei ding niin an lang. Sakhuo hmun thienghlima ei nei Biekin, temple, mosque etc hai khawm ei inza zo ta naw a, rukruhai khawmin titna le intimna nei der lovin an rawkin an suosam ngam ta a nih. Tienlai khan chu sakhuo hmunpui, Pathien bieknain hai chu rukru le misuol hai khawmin an inza a, an tawkpawi ngam ngai naw leiin a him hlak. Mihriem titna chau ni lovin Pathien titna chen ei nei tlasam ta leia hieng thil hi ei thawin ei tawkpawi ngam el ta niin an lang. Terroristhai khawma bomb sukpuok nuomna chenin an nei pha ta a nih. Hi lei hin tumkhat thil thuin mi zatel an thi pha hlak a nih. Hmun himna nia ei ngai hlak khawm kha a him bik ta nawh.
Rukruhai khawm mimawl naran le drugs addict el an ni ta naw a, thiemna, varna le remhrietna tha tak tak neihai khawm an thang ta niin an lang. Tala lienle chabi thain himna a pek thei ta nawh. Tienlai khan chu rukruhai thil inruk le an chetna hi an tala suksiet ri lei le an thil suksiet riin ei hriet hlak. Tulai ruok hin chu rukruhai hi an expert ta a, ri an nei ngai ta nawh. Rukru hnawt lovin an tlan ti kha a ni ta naw a, rukruhai chu tlan siet nekin a va hnawttuhai an lo beilet ngam leiin rukru chu hriemhriei annawleh ralthuom bova hnawt el chi an ni ta nawh. Ei chet dan hi nasa takin an thlakthleng ta a nih.
Tulaia rukruhai hi chu rukru naran el anni ta naw a, inzawmpui le thangpuitu tha tak nei anni tah. Hi lei hin awlsam taka khinglet thei el khawm an ni ta nawna chin a um. Rukru thenkhat lem hin chu thuneina cheltu thenkhat inzawmpui an nei niin anlang. tuta hma deu khan Activa motor inruk hmang a ni a; a zawr dinga fe hai chun an hrietnaw leiin Activa motor neitu ma kuomah an va zawr a, a neitu chun ama motor a nih ti chieng takin a lo hriet a. Amiruokchu, kha motor va zawrtu le inrutu hai lai khan mi tium, mi che thei le thuneina insang cheltu an inrawlsa ti a hriet leiin a lo lakkir ngam nawh. Hi taka inthawk hin rukru thenkhatin tu ham inzawmpui an nei a ti ngairuot thei a nih.
Ei suol dan hi turu takel a nih. Misuol le rukru hai khawma thangpuitu, thlawptu le sansuok theitu an nei thei ta pei chun suolna le rukrukna hai hi hluor naw ding ziezang an ta nawh. Ei suol dan hi mei mei an ta nawh. Rukruhai thil inruk sa inman taka lo inchaw nuom pawl ei tam tham ta a, hi lei hin rukruhai hi an huongintau deu deu a nih. zawrna ding neinaw hai sienla chu rukruhai hi huongintau naw nihai. An thil inruksa awlsam taka zawrna ding an hriet leia thil inruk ding an zawng a, remchang an hmu pha pha an inruk nawk pei el hlak niin anlang. Rukruhai thil inruk sa inman deu a inchawk chu suol a nih ti le rukru le thil inruk sa lo inchawtu chu angkhat an nih ti hrie inla khawm a pawisa naw pawl an um a, an lo inchawk pei el hlak a nih.
Vai rama chau ni lovin Manipur a khawm motor tha tak tak le man tam tak tak inzing uta inruk a ni thu Chanchinbu haiah ei tiem fuk hlak. Hiengang bawk hin motor inrutu hi Police han an man rawp hlak thu khawm Chanchinbu haia bawk ei tiem fuk hlak. Amiruokchu, motor inruk leia lungina khum hai hi an intang sawt ngai naw a, hun tawite sungin an hung suok a, an thil inruk pangngai an inruk nawk el hlak. Hremna hi a nep lei am annawleh thangpuitu an nei that lei? Ngaituo chet chet tham a tling a nih. Heroin a sumdawngtu lien (mahajon) hai man anni ngai naw ang deu hin motor inrukna kawnga khawmhin an hotu tak (boss) hi man an la ninaw leia motor inruk hi a la hluor pei a ni el thei. Heroin khawm a hleka zawrhai man an ni a, an mahajonhai man anni ngai naw leiin heroin a sumdawngna hi a la tawp thei naw niin an lang. Iengleia tuchena motor inruhai boss le heroin a sumdawngtuhai mahajon lien hai man an la ni thei naw am a na? ti khawm hi sui tham a nih.
Tulai rukru le tienlai rukruhai chu inthlau takel an ni tah. Tienlai rukruhai chu inzawmpui tha nei lo, thangpuitu nei lo le sansuoktu ding nei lo anni leiin an dawi a, man le na taka hrem hlak an ni leiin an rengin an sim nawa chu rukru tam lem an sim hlak. Ei rama rukru han thangpuitu tha, sansuoktu ding le inzawmpui tha an nei sung hin chu rukruhai chetna hi re ngai naw ni a, rukru pung pei an ta, huongintau pei bawk an tih.
CCPUR: Zani zantieng khan Thanlon khuoa Mahajon Kaikhosiam motor DI Pick up motor, Tipaimukh Road zuia passenger phura hung tlan chu Chongkhojou Chiangpi khaw bul lai changsuolin vawithum vel an let a, thina tuok um naw hai sien khawm mi 8 in hliemna an tuok. Pickup motor hi Lamka le Thanlon inkara service, Mr Thianmuan, s/o Mahajon Kaikhosiam in a khal a nih. Hi Eksiden tlung an hriet le inruolin TRATDA thuoituhan eksiden na hmun panin an bawzui nghal a, hliem hai hi CCPur an hung phurtlung a nih.
Eksidena hliemhai chu Hemananda (19) s/o Inaocha of Toupokpi, Bishnupur District, Chingmuankim (24) d/o Jampu of Thanlon (Chingmuankim hi nau pailai a nih); Jonathan (25) s/o Mangkhohen of Elim Veng, New Lamka, Paulalmawi (23) Zomlian of D. Phailen, N. Dongkham (66) s/o (L) Singou of Bukpi Village, Douthianmuan (30) s/o Kaikhosiam of Compound Veng, Phailian, M. Sunder (18) s/o M. Open of Toupokpi, Bishnupur District le Matthew Paumuanlal (30) s/o (L) Thang David of Thanlon hai an nih. Hi thu ei sut chena tu tu’m hospital admit ti hrietna ei la nei nawh. A steering fail leia motor hi eksiden nia hril a nih.
S. Kotlianah Teacher Quarter hawng
CCPUR: Zani zingkar 8AM khan S. Kotlian khuoah Seilenmang Khongsai, MDC (Khousabung) in Barrack Type school teacher quarter a hawng a, Upa T. Thanga Vaiphei in tawngtainain an hlan, hi hun hi Ms Mannuamching, IAS, CEO, ADCC khawmin a uop. District Council primary teacher hai chu a tul le pawimaw angin quartera hin an riek lut thei ta ding a nih.
Mr Seilenmang Khongsai chun, Govt. building hai chu public property anni leiin khawsung mi hai chu tha taka enkawl dingin an fui. Sawrkar school haia uniform le textbook hai student han a thlawna an dawng hlak a ni leiin nu le pa hai chu an nau hai inkaitir dingin a ngen.
Ms Mannuamching chun, Teacher hai khawm an thawkna hmuna uma, school an kai seng thei ding ditna leia quarter hi bawl a ni thu a hril a; khawsunga govt. building um hai hlutna hriea hmang tangkai thiem dingin mipui hai a ngen. Education tiengpang hma a sawn theina dinga khawsung mipui hai thang la seng dingin a ngen bawk. Barrak Type hawnga um hin Room 5, Toilet 2 le Bath Room 2 bakah Hall 1 a um a nih.
Kargil Vijay Dewas an hmang
CCPUR: ExServicemen League, CCPur inrawinain zani 10:00AM khan Hiangtam Lamka YPA GHQ hallah Kargil Vijay Dewas hmang a ni a, Mr Lunminthang Haokip, IAS, DC, CCPur le Brigadier Ajay Kumar, CO, 27Sector Assam Rifles hai khawma uopin thuhrilna hun an hmang. Brig. Ajay Kumar chun Kargil Vijay Dewas (July 26) chanchin tawite a hril a, DC, CCPur chun Kargil victims Jamkholal Vaiphei of 7th Assam Regiment le Havildar Chinzasiam of Hebron Veng, N. Lamka sunghai thilpek inhlanna a nei.
ITI entrance written test July 29ah
CCPUR: Industrial Training Institute (ITI), Saikawt, CCPura Wireman inchuk ding thlangsuokna dinga written test chu July 29, 2016 zing dar 10 a nei dinga ruot a nih. Hnina lekha pehai po po chu written test a hin thang dinga inhriettir an nih.
Pune University a inthawk Ph.D hmu
CCPUR/PUNE: Pi Elizabeth Lalfamkim Songate w/o Samuel L. Songate chun July 18, 2016 khan Department of Sociology, Savitribai Phule Pune University ( Pune University) a inthawk Ph.D a lo hmu tah. A Thesis chu “The Study of Social Reconstruction of Indigenous Tribal Identity within a Globalizing India with special reference to Hmar Tribal Migrants of Northeast India in Pune” ti a nih. Pi Elizabeth Lalfamkim hi Rev. Kh. Thangdailo a naunu a nih. A pasal Samuel L. Songate khawm hi Income Tax Inspector sin thaw mek le an nau hai leh Pune hmuna khawsa mek an nih. Ei chanchinbu chun a lawmpui hle.
Bungheia tawngtairuolna an nei
LUNGTHULIEN: July 25, 2016 khan Hmarram Kohran Inzawmkhawm (HKI) hmalaknaa indin Lungthulien Kohran Inzawmkhawm hai chun bungheia suolthuphachawina, ngenna le lawmthuhrilna tawngtairuolna hun an hmang. Hi taka hin mipui 150 vel ding an fekhawm a, ruo sur zing sienkhawm khawlai dungah titak zeta tawngtaina an nei. Hi hun hmangna le inzawm hin July 25, 2016 zan khan EAC Biekinah inkhawm tawngtaina hun an hmang zawm le Pathien thucha ngaithlakna nei a ni bawk. Chun, August 1, 2016 khin VA, HYA, HWA, HSA, HKI Unit le ValUpa hai thangruolin khawtlanga suolna do dan ding le khawsung siemthatna dingin Consultation meeting nei bawk an tih. (Lalnunthang Songate)
TKSU in thusuok
CCPUR: ThadouKuki Students’ Union, Manipur GHQ a Inf. & Publicity Deptt. chun zanikhan thusuok siemin, Student uniform inbel puma inruithei le khawtlang ta dinga thil tha lo a thaw hmu a ni chun a tul angin action a lak ding thu; student han mani school rules, dress code le discipline zui seng dingin an hriettir a, an hmalakna hi nu le pa hai thlawp seng dingin an ngen.
JE invengna kap
CCPUR: District Immunization Office (DIO) le DFWO, CCPur hai thangruola huoihawtnain zanikhan Bungmual YPA Hallah JE laka invengna damdawi mi 800 chuong kap a nih. Chun, DIO ah khawm zani sun huna inthawk khan kap a ni bawk.
Jolzam khuoah Financial Literacy Campaign nei
CCPUR: Zani 7:00AMkhan Jolzam khuoah Federation of Farmers Club, CCPur (FFCC), Food & Nutrition Security (FNS) Devept. Department, Reformed Presbyterian Church NEI le DDM NABARD/CCPur hai thangruola huoihawtnain Financial Literacy program hmang a nih.
Hi huna hin S. Muana Coordinator FNS/DDRPC NEI chun Importance of Saving & investment” ti thupui hmangin thu a hril a, Thangchinkhup Guite, DDM NABARD/CCpur chun “Financial inclusion & development, Role of Banks in Development, Benefits under PMJD, PMJJBY, PMSBY, APY & PM Fasal Bima Yojana” ti thupui hmangin thu a hril a, Nungzalun Gangte, Branch Manager, Vijaya Bank, CCPur in “the Importance of Banking, Savings, Financial planning, Various Loan Products i.e. KCC, Interest subvention, benefits of timely repayments & Various Kinds of Deposits Fixed, recurring, etc”. ti thupui hmangin thu a hril. Shri P. Khamsanglian, Progressive Farmer, CCPur chun “Importance of income from Supplementary activities like Piggery, Poultry and importance of Water Conservation Agri as Business enterprise” ti thupui hmangin thu a hril bawk. Hi huna hin patling mi 53 le nutling mi 12 an thang.
Sawrkar thlungpui hnuoia thawktu han August a inthawk hlaw sukpunga um an lak tan ta ding
NEW DELHI: Zanikhan Union Finance Ministry chun 7th Pay Commission Recommendation hmang dan ding le hriet ding pawimawhai chungchangah notification an suo. June 29, 2016 a Union Cabinet meeting chun 7th Pay Commission Recommendation hi hmang dinga a lo pawmpui ta a nih. Sawrkar thlungpui hnuoia thawktuhai chun hlaw sukpunga um hi August, 2016 thlaa inthawk an lak tan ta ding a nih. Hlaw pung hi sawrkar thlungpui hnuoia thawktu mi maktaduoi 4.8 le an sina inthawka pension ta mi maktaduoi 5.2 han an sawr tangkai ding a nih. A hlaw tlawm tak khawmin thla khtah Rs. 18,000 an hlaw ta ding a nih. A hma chun hlaw tlawm tak han thla khatah Rs. 7,000 an hlaw hlak a nih.
7th Pay Commission recommendation dungzuia hlaw pek a ni pha leh (kum 201617) sawrkar thlungpui chun Rs. 1.02 lakh crore seng belsang a ta, thla hni sunga arrears, hlaw le pension a sum a seng belsa ding chu Rs. 12,133 crore ni dinga riruong a nih. Seventh Central Pay Commission a Implementation Cell lukhaitu tak dingin CBSE Chief Rajesh Kumar Chaturvedi ruot a nih. Ama hin CBSE Chief bakah hi sin hi a chel belsa ding a nih. Chun, hlaw pung dan enfeltu dingin sawrkar thlungpui chun Anomalies Committee an din bawk. Hi thil enkaitu dingin Department of Personnel and Training (DoPT) ngansie a nih. Hi Committee hin All India Services, IAS, IPS, IFoS hai hlaw pung dan ding khawm an enfel sa ding a nih. Junior levela chun basic pay a inthawka hlaw pungna ding hi 14.27 percent vel niin Pay panel chun an recommend.
Kargil Vijay Diwas hmang
IMPHAL: Zanikhan 1st Manipur Rifles Battalion Banqued Hall, Imphalah State Level in Kargil Vijay Diwas ursun taka hmang a nih. Hi huna hin CM O.Ibobi Singh, Ministers, MLAs, Officer lien le mi pawimawhai an thang tawl a, Kargil War 1999 a India ram ta dinga lo martyrhai hrietzingna le chibai bukna nei a nih. Kargil War a khan Manipur mi 7, Lance Naik Kaleshore, Sepoy Charles Nicholas Mayon, Sepoy Beningver Mayon, Lance Naik Birneithang, Sepoy Jamkholal Vaiphei, Sepoy Kapani Asuli le Sapoy Daikho Mao hai khawmin ei ram ta dingin hringna an lo inhlan a nih.
Sharmila MLA electionah ngir a tum
IMPHAL: Manipura inthawka ASFPA lakdawk dinga ngennaa kum 16 zet bu ngheia nuorna lo nei ta Irom Sharmila Chanu (44) chun kum thara Manipur Assembly Election hung um dinga khin Independent candidatea a ngir ding thu, bu ngheia nuorna a nei chu August 9, 2016 a inthawk a chawlsan ta ding thu, a bu nghei le a hmalak danah insirna a neinaw thu zanita CJM, Imphal West hmaa an lang zo hnunga Chanchinbumihai an hmupui huna a hril. Bu ngheia nuorna hi Nov. 5, 2000 a inthawka a tan a ni a, bu a nghei tan huna khan kum 27 mi a nih.
Sharmila in bungheia nuorna a nei chawlsana electiona ngir a tum chu lawmum a ti thu zanikhan Minister of state for Home Kiren Rijiju chun Parliament tuola chanchinbumihai kuoma a hril.
Nonlocal 45 man nawk
IMPHAL: JCILPS thlawptu han zanikhan Sekmai hmuna Dimapur a inthawka interstate Bus a hunghai an lo sukchawl a, lekha pawimaw nei kim lo Vai (nonlocal) 45 an man nawk a, Sekmai Police Stationah an inhlan. An hmalakna hi an la sunzawm pei ding niin JCILPS thlawptuhai chun an hril.
Kum 201617 plan outlay Rs. 4349.55 crore
IMPHAL: Kum 201617 a dinga Manipur Plan Outlay pawmpuia um chu Rs. 4349.55 crore a ni a, Manipur chu hmatieng panin a fe thei pei a nih. Ei sum hmusuok le thil dang ei thawsuok ruok chu a tam nawh. July 31, 2015 chena per capital net state domestic project chu Rs. 18547 a nih tiin Dr T. Muhindro Singh, Director, Planning in zanita DIPR complex, Imphala press conference huna a hril.
Hill district ah Govt. Schools 944
IMPHAL: Hills districtah Govt. Schools 944 an enkai sa a, sienkhawm sum harsatna leiin harsatna nasa tak an tuok a, schoolhai chu tha tawkin an enkawl thei naw niin Amstrong, Jt. Secretary (Hills), Manipur in zanita DIPR Complex, Imphala press conference huna a hril. Kum 201516 a Scholarship khawm an la sem thei naw a, an hma tienga sem dingin hma an lak niin a hril bawk.
Jaitley in Finance Ministers hai an hmupui
NEW DELHI: Union Finance Minister Arun Jaitley inrawinain zanikhan New Delhi hmunah Empowered Committee of State Finance Ministers on Goods and Services Tax (GST) nei a nih. Hi meetinga hin GST Bill ammendment thawa um Lok Sabha a pass tah, Rajya Sabhaa pass loa lan tang chungthu an hriltlang. GST Bill hi tuta kar sung hin Rajya Sabhaah pass dinga phar ni el theia hril a nih. Congress chun overall GST rate 18 percent ni ding le manufacturing states hai compensate na dingin additional 1 percent tax thaibo dingin an phut a nih.
Mizoramah 2wheeler taxi service
AIZAWL: Mizoram State Transport Authority (STA) meeting chun a hmasa takna dingin khawpui sungah twowheeler taxi service thaw tan dingin an rel. Hi thila ding hin Scooter annawleh motorcycle, kum 2 neka upa lo hai kuoma permit pek ning a tih. Twowheeler taxi hai chu 125cc le a chungtieng, deiver in helmet eng (yellow) ‘Taxi’ ti rawng sena inziek a khum ngei ding le a registration plat rawng eng a ni ding ti a nih. Hi thil hi Aizawl khawpui sunga traffic intep taluo suk zieumna dinga thaw tum a nih. Chun, STA chun Aizawl khawpui puo le sung an lut phal lo dingin an rel bawk. Bus le taxis hrim hrim kum 10 chena upa ta hai an service phal lo dingin an rel bawk.
MCI in Medical Colleges thar 17 hawng phalna
BENGALURU: Medical Council of India (MCI) chun India rama Medical Colleges thar 17 hawng phalna/remtina a pek tah. Hienghai lai hin Karnatakaa government institutes 3 a thang. MCI chun Karnatakaa private institution pakhat thangin Medical Colleges hawng dinga rawtna um 92 zet a hnawl a nih. Medical Colleges hawng thei dinga MCI in a remtipui hai lai hin Maharashtra, Telangana le UP haiah institutes 2 seng; Chhattisgarh, Delhi, Gujarat, Himachal Pradesh, Kerala, Rajasthan, Tamil Nadu le Uttarakhand haiah pakhat seng an nih. India rama hin Medical Colleges 439 a um a, hieng colleges haia hin MBBS seats 59,288 a um. India ramah Karnataka chu Medical Colleges tamna tak niin Medical Colleges 53 umin MBBS seats 7,355 a nei a nih. Uttar Pradesha inthawk Medical College dinga rawtna um 17 zet MCI in a hnawl.
Anantnag ti loah Curfew hlip vawng tah
SRINAGAR: Jammu and Kashmira hun sawt takel Curfew zama um chu Anantnag khawpui thang lovin Kashmir pumpuiah zanikhan Curfew hlip a ni tah. Security Forces han Hizbul Mujahideen commander Burhan Wani an kaphlum dodalna leia buoina nasa tak suok leia July 9, 2016 a inthawka kha Kashmira hin curfew zama lo um ta a nih. Kashmir buoina suoka khan mi 47 zetin thina an tuok bakah midang 5500 velin hliemna an tuok a nih. Mobile telephone, mobile internet services le Rel services hai chu sukchawl zing a la ni bakah Schools, Colleges le inchukna in dang dang hai chu separatist group han July 29, 2016 chen aw dinga strike an thaw leiin khar an nih.
LSah Child Labour Bill passed
NEW DELHI: Lok Sabha a chun zanikhan Child Labour (Prohibition and Regulation) Amendment Bill,2016 passed a nih. Hi bill dungzui hin naupang kum 14 le a hnuoitieng hai chu mani insung ti lova hmun danga sin thawa sawr khapna ding bill a nih. Hi khapna dan bawsetuhai chu kum 2 chen jail intang thei le fine Rs. 50,000 chen chawi theina a nih.
UPLA C in C Army le Police han an man
GUWAHATI: Army le Police thangruol han Bardalong, Karbi Anglong districta dappui an thawnaah United Peoples Liberation Army (UPLA) a CommanderinChief Nikunja Kathar le UPLA cadre pahni an man niin defence thusuok chun a hril. Mr Kathar hi tuolthatna, mi thuoihmangna le suolna dang dang haia inrawlna neia intum; June 2014a West Karbi Anglong SP Nityananda Goswami thuoihmang le thatnaa khawm inrawlna neia intum a nih.
NE biel inralring dingin
GUWAHATI: India hmarsak biela state 8 hai chu ISIS pawl chetna lakah lo inveng fimkhur le inralring zinga um dingin Union Home Ministry in a hung inhriettir. Chun, Central le State intelligence agencyhai khawm Union Home Ministry chun thil um dan lo suizui nasa nawk zuol ding le inralring zinga um dingin a hung inhriettir bawk. ISIS pawl chun NE biel mihai chu thu hne dingin hma an lak a, hi thil hi thil thar a ninaw a, tuta hmaa inthawka an lo thaw tan ta a nih tiin Union Minister of state for Home, Kiren Rijiju chun a hril. Tulai hnai ela Dhaka khawpuia terroristhai chetna leiin Assam state lem chu fimkhur le inralring zuolbik dinga inhriettir a nih.
Kumtin Cancer leiin nuoi 6 chuong an thi
NEW DELHI: World Health Organisation (WHO) report dungzuiin India ramah kum tin Cancer natna leiin mi 6.8 lakh vel an thi zie a nih tiin Minister of State for Health Anupriya Patel chun zanikhan ziekin Rajya Sabha an hrietir. Chun, India ramah kumtin Cancer invawi thar nuoi 10 chuong an um zie a, India rama cancer intluntu tak chu boruok pawrche (air pollution) le thil ching hrisel lo chingzawngsak hai lei a nih tiin sawrkar chun a hril.
Kum 2014 khan journalist beina cases 144
NEW DELHI: Kum 2014 sung khan India ram sungah Journalists (Chanchinbu) mi hai chunga kutthlakna le sawisakna cass 114 a um tiin Minister of state for Home Hansraj Ahir in zanikhan Lok Sabhaa indawnna dawnin a hril. Hieng cases 114 um haia hin mi 32 man an nih tiin a hril bawk. Journalist sawisakna tamna tak chu Uttar Pradesh a ni a, cases 63 a um a, a dawttu chu Bihar niin cases 22 a um a, Madhya Pradeshah cases 7 le Maharashtraah case 5 a um bawk.
Saudi Arabia ramah mi 2 khai hlum
RIYADH: Saudi Arabia rama chun tuolthat leia thiemnaw inchangtir pasal pahni, Fahd alIshan le Mohammed AlShahrani hai chu July 25, 2016 khan a khai hlum nawk. Tuta kum fe mek sunga Saudi Arabia rama mi 107 khai hluma an umna a ni tah. July 24, 2016 khawm khan tuolthat leia thiemnaw inchangtir mi 4 that anni a, hieng mi 4 hai hi Kawlhnam hmanga an ringa tangbawng an nih tiin ei thu dawngna chun a hril.
Tuilien leiin China ramah mi 271 thi
BEIJING: China rama chun mithiruong 18 hmu belsa anni leiin tulaia China rama tuilien leia mihriem thina tuok chu 271 an tling ta a, mi inhmang chu 121 an tling ta bawk. Sansuokna le sawmdawlna sin thawtuin sipai 59,000 vel hmang an nih. Tuilien zuolkaina hi Henan Province a nih. Motor lampui le leilak hai tuilien hin a suksiet nasa leiin sansuokna le sawmdawlna sin khawm a fe hrat thei nawh tiin ei thu dawngna chun a hril.
VAWISUN THUPUI
Mi tinin taksaa ei thilthawhai a sie a thaa ei thaw ang peia ei hmu seng theina dingin, Krista rorelna thungpha hmaa chun suklangin ei um vawng ding a ni sih a. ~ 2 Korinth 5:10
Editorial: Tulai rukru le tienlai rukru
Thiemna, varna le hrietna hai an sang deu deu ang bawkin ei rama khawm suolna a pung deu deu a. Suolin taluo a nei ta nawh. Mi rama tlung hlak, ei rama tlung thei ngailo ding hiel khawpa ei ngai hai khawm a tlung ta pei a, a la tlung pei ding niin an lang. Sakhuo hmun thienghlima ei nei Biekin, temple, mosque etc hai khawm ei inza zo ta naw a, rukruhai khawmin titna le intimna nei der lovin an rawkin an suosam ngam ta a nih. Tienlai khan chu sakhuo hmunpui, Pathien bieknain hai chu rukru le misuol hai khawmin an inza a, an tawkpawi ngam ngai naw leiin a him hlak. Mihriem titna chau ni lovin Pathien titna chen ei nei tlasam ta leia hieng thil hi ei thawin ei tawkpawi ngam el ta niin an lang. Terroristhai khawma bomb sukpuok nuomna chenin an nei pha ta a nih. Hi lei hin tumkhat thil thuin mi zatel an thi pha hlak a nih. Hmun himna nia ei ngai hlak khawm kha a him bik ta nawh.
Rukruhai khawm mimawl naran le drugs addict el an ni ta naw a, thiemna, varna le remhrietna tha tak tak neihai khawm an thang ta niin an lang. Tala lienle chabi thain himna a pek thei ta nawh. Tienlai khan chu rukruhai thil inruk le an chetna hi an tala suksiet ri lei le an thil suksiet riin ei hriet hlak. Tulai ruok hin chu rukruhai hi an expert ta a, ri an nei ngai ta nawh. Rukru hnawt lovin an tlan ti kha a ni ta naw a, rukruhai chu tlan siet nekin a va hnawttuhai an lo beilet ngam leiin rukru chu hriemhriei annawleh ralthuom bova hnawt el chi an ni ta nawh. Ei chet dan hi nasa takin an thlakthleng ta a nih.
Tulaia rukruhai hi chu rukru naran el anni ta naw a, inzawmpui le thangpuitu tha tak nei anni tah. Hi lei hin awlsam taka khinglet thei el khawm an ni ta nawna chin a um. Rukru thenkhat lem hin chu thuneina cheltu thenkhat inzawmpui an nei niin anlang. tuta hma deu khan Activa motor inruk hmang a ni a; a zawr dinga fe hai chun an hrietnaw leiin Activa motor neitu ma kuomah an va zawr a, a neitu chun ama motor a nih ti chieng takin a lo hriet a. Amiruokchu, kha motor va zawrtu le inrutu hai lai khan mi tium, mi che thei le thuneina insang cheltu an inrawlsa ti a hriet leiin a lo lakkir ngam nawh. Hi taka inthawk hin rukru thenkhatin tu ham inzawmpui an nei a ti ngairuot thei a nih.
Ei suol dan hi turu takel a nih. Misuol le rukru hai khawma thangpuitu, thlawptu le sansuok theitu an nei thei ta pei chun suolna le rukrukna hai hi hluor naw ding ziezang an ta nawh. Ei suol dan hi mei mei an ta nawh. Rukruhai thil inruk sa inman taka lo inchaw nuom pawl ei tam tham ta a, hi lei hin rukruhai hi an huongintau deu deu a nih. zawrna ding neinaw hai sienla chu rukruhai hi huongintau naw nihai. An thil inruksa awlsam taka zawrna ding an hriet leia thil inruk ding an zawng a, remchang an hmu pha pha an inruk nawk pei el hlak niin anlang. Rukruhai thil inruk sa inman deu a inchawk chu suol a nih ti le rukru le thil inruk sa lo inchawtu chu angkhat an nih ti hrie inla khawm a pawisa naw pawl an um a, an lo inchawk pei el hlak a nih.
Vai rama chau ni lovin Manipur a khawm motor tha tak tak le man tam tak tak inzing uta inruk a ni thu Chanchinbu haiah ei tiem fuk hlak. Hiengang bawk hin motor inrutu hi Police han an man rawp hlak thu khawm Chanchinbu haia bawk ei tiem fuk hlak. Amiruokchu, motor inruk leia lungina khum hai hi an intang sawt ngai naw a, hun tawite sungin an hung suok a, an thil inruk pangngai an inruk nawk el hlak. Hremna hi a nep lei am annawleh thangpuitu an nei that lei? Ngaituo chet chet tham a tling a nih. Heroin a sumdawngtu lien (mahajon) hai man anni ngai naw ang deu hin motor inrukna kawnga khawmhin an hotu tak (boss) hi man an la ninaw leia motor inruk hi a la hluor pei a ni el thei. Heroin khawm a hleka zawrhai man an ni a, an mahajonhai man anni ngai naw leiin heroin a sumdawngna hi a la tawp thei naw niin an lang. Iengleia tuchena motor inruhai boss le heroin a sumdawngtuhai mahajon lien hai man an la ni thei naw am a na? ti khawm hi sui tham a nih.
Tulai rukru le tienlai rukruhai chu inthlau takel an ni tah. Tienlai rukruhai chu inzawmpui tha nei lo, thangpuitu nei lo le sansuoktu ding nei lo anni leiin an dawi a, man le na taka hrem hlak an ni leiin an rengin an sim nawa chu rukru tam lem an sim hlak. Ei rama rukru han thangpuitu tha, sansuoktu ding le inzawmpui tha an nei sung hin chu rukruhai chetna hi re ngai naw ni a, rukru pung pei an ta, huongintau pei bawk an tih.
