Hydraulic Borewell drilling machine thar
CCPUR: Malmals Steel works, Tipaimukh Road neitu Pu Benjamin Sinate chun Hydraulic Borewell Drilling Machine a nei thar. Machine thar hi July 3, 2016 zan khan Rev. Saithanglur Joute in Pathien kuoma tawngtaia inhlanna a nei.
Hi Hydraulic borewell drilling machine hi Myanmar pawisa chun Kyat 1.20 crores manhu vel a ni a, India pawisa chun Rs. 8 lakh vel manhu a ni a, foreign a inthawka phurlut a ni thu Pu Benjamin Sinate chun a hril. Hi machine hmang hin metres 100 chena inthuk borewell cho thei a ni ding a nih.
Jaila thun an ni tah
CCPUR: June 22, 2016, 5:30PM vela 7Assam Rifles han Koite roada Country made 9mm pistol 2, magazine 2, a mu 2, Mobile phone 5, SIM Card 2, Memory Card 1, Scooty Yahama Ray2 MN01C8081, Honda Activa MN02A7928, Rs. 3,492, SP mum 344 le Heroin No. 4 grams 5 le an man pasal pathum hai chu zanikhan CJM/CCPur hmaah inlangtir an ni a, Court in a rel angin zanikhan Police han Jailah an va thun tah. Jaila thun mi 3 hai chu Seitinlal (29) s/o Jangthang of D.Vaison village; Zangkhogin (37) s/o Seikhopau of V.Bethel le Tongmang Guite (28) s/o Doukhothang of Saikul, Senapati District hai an ni a, FIR No.32 (6) 2016 CCPPS U/S 21 NDPs Act &25 (1C) A. Act. registered khum an nih.
Khawnvartui chungthu
CCPUR: June, 2016 chena khan CCPur District chun Khawnvartui 152KL a hmu hlak a, July, 2016 a inthawk chun 136KL chau a hung ding thu Civil Supply Department thusuok chun a hril a, 16KL (litres 16,000) suktlawm a nih tiin Dept. official thusuok chun a hril. District tum tuma District quota iemanizat peia suktlawm a ni ding leiin SK Oil Agent hai chan khawm 11% pei deduct a ninaw chun an dainaw ding bakah sem thei a ninaw ding a nih tiin Civil Supply Dept. thusuok chun a hril.
Taithu V/A in NH150 an siemtha
CCPUR: Taithu Village Authority hmalaknain July 4, 2016 khan Taithu khawsung National Highway (NH) 150 lampui siet zuolna hai siemthatna sin thaw a ni a. Lampui siemthatnaa hin lung Truck 15 lai zet hmang a ni leiin Hmarbiel motor service hai chun tlawmngai takin Rs. 500/ pei thangpuinain Taithu Village Authority kuoma pe dingin an ngen.
Hmun tum tumah sign post tar mek
CCPUR: District Administration, CCPur hmalaknain tulai hin CCPur khawpui le a se vela khuo le veng tum tum hai kawkhmutu ‘sign post/sign board’ tar mek a nih. Sign post el chau ni lovin thuvar tha tak zieklang sa pei a ni bawk. Hieng laizing hin ziek dan thuah mi thenkhat sawisel a hlaw deu met a, District Administration hmalakna hi inpak a um hle laizingin ziek dana fimkhur deu sien ti chu mipui ditdan a nih. Ram changkang hai angin hiengang sign post hi kawtsuo tina tar a ni chun mi tam tak ta dingin a tangkai hle dinga ngai le hmasawnna chikhat a nih. (staff reporter)
Malaria Positive 11
CCPUR: District Malaria Department, CCPur chun June, 2016 thla sung khan damnaw mi 1973 ha thisen lain an enfel a, Malaria Positive 11 an hmusuok. Hi laia 8 chu Malaria PF an nih. June, 2016 thla sungin official recordah Malaria leia thi an um nawh.
Sit-in-protest fepui mek a nih
CCPUR: Hiangtam Lamkaa pasaltha hai inzana bukah JAC Against AntiTribal Bill inrawinain sitinprotest sunzawm pei a ni a, zanikhan Hiangtam Lamka, Hmarveng le Tuinom khuo haia inthawka mi hai an inthung a, JAC Chief Convenor inrawinain JAC thuoitu hai khawm an thang. July 5, 2016 hin Hiangtam Lamka, Lhangjol le Salem Veng mipui hai inthung an tih.
HSA Varparkawn&Khawpuibung
CCPUR: Zani zan khan HYA V&K hmalaknain Varparkawn & Khawpuibung HSA OB ding thlangna nei a ni a, hi huna hin HSA CCPur JHQ thuoitu thenkhat khawm an thang. 80s lai vela hrat taka lo fepui hlak nisienkhawm student inrek deu leia thangkhat lien zet HSA Unit um thei tanaw hnungah tukum hin HYA V&K Branch hmalaknaa inthlangna hi nei thei a nih.
President in Pu Lalsawrlien, Vice President in Tv. Jonathan; Secy. in Tv. Lalthamawia Sinate; Asst. Secy. in Tv. Gershom Laltlansa; Fin. Secy. in Nk. Silvia Joute; Treasurer in Nk. Editha Lalthlawnpek le Secy. Inf. in Tv. Lalditsak hai thlangtling an nih.
Sc. Exhibition& Mathematics Comptt.
CCPUR: July 8, 2016, 9AM khin Vimala Raina H/Sah ZEO CCPur hnuoia Distridct Board of Education, SSA huoihawtnain “Dist Level Science Exhibition & Mathematics Competition for Upper Primary Schools 2016” um a tih. Science competition thupui in “Science: Water Harvesting” ti le Mathematics competition ah “Mathematics: Daily Mathematics” ti thupuia hmang ning a tih. Zantieng 1:00PM in lawmman semna um nghal a ta, Chief Guest in T.Goukhomang, ZEO le Functional President in Lalthanzam Infimate, BO HQ, DC/CCPur office hai thang an tih.
Pu Phaihluothang in Lawmthu hrilnain zanbu a fakpui tawl
CCPUR: June 19, 2016 nia Muolbem khawsaka Khuga Right Side Canal chim le tuiletin a suksietna hmun neitu tak Mr. Phaihluothang of Muolbem chun July 3, 2016 zantieng khan a chengna in Muolbem, CCPur ah siet an tuokna ngaivena sawmdawltu le thei ang anga hmalapuituhai kuomah a lawmthu hrilnain zanbu a fakpui. Hi huna hin Col. Aditya, 7 AR; Maj. Arun, 7 AR; Mr. Joseph Lalrothang, President, Hmar Inpui, GHQ; HYA Gen. Hqrs thuoitu Mr. Alan Famhoite Asst. Gen. Secy., Mr. Lalsanhim Sanate, Fin. Secy le Mr. LRS Puruolte I&PD/ECM; Delhi Govt. hnuoia Northeast India Support & Monitoring Cell a Coordinator Secretary, Delhi Police hnuoia Manipur mihai enkaitu bik, Northeast Trade Union a khawm Chairman le Manipur Tribal hai laia Social Activist inlar ve tak el, Mr. Romeo Hmar (Convenor, MTFD) le a sunghai khawm an thang. Mr. Romeo hi Mr. Phaihluothang of Muolbem a naupa Mr. Robert Penatu leh Zawl an nih.
Army lut theina ding qualification
CCPUR: Khawvela thiemna le varna an sang pei ang bawkin Indian Army lut theina dinga thiemna (minimum educational qualification) khawm siemthat a nih. Hi dungzui hin Nagaland le Manipur hnuoia Soldier General Duty a dinga tuta hmaa Class VIII pass chin thang thei kha tuta inthawk chu Class X passed ( 33% in each subjects) ni tang a tih. Chun, Soldier Tradesmen a dinga minimum educational qualification Class VIII chen ni hlak chu Class X simple pass bek ni a tul ta ding a nih tiin B Mukherjee, Colonel, Director Recruiting Officer, Rangapahar chun inhriettirna a siem.
Intensified Diarrhoea Control Fortnight
CCPUR: July 5, 2016, 11:00AM hin District Health Society/CCPur hmalaknain CMO Mini Conference Hallah nikhat sung aw ding Orientation on Intensified Diarrhoea Control Fortnight (IDCF) um a ta, Special Guests in Ms Mannuamching, IAS, CEO/ADCC; T. Goukhomang, ZEO le Dr J. Son Goukham, Medical Supdt., Dist. Hospital hai thang an ta, CHC le PHC haia MO i/C hai bakah Dist. Prog. Officer (IDCDS), CDPO hai thang an tih.
Chun, National Program for Prevention and Control of Deafness (NPPCD) le inzawmin Grand Hearing Screening Camp and Free Hearing aids Distribution le inzawmin July 5, 2016, 2PM in CMO Conference Hallah meeting um a ta, CMO inrawinain Singngat, Saikawt, Henglep, Thanlon PHCs le CHC Parbung a Medical Officer i/c hai thang an tih.
Honda Activa lapektu Police han an man
CCPUR: June 29, 2016, 8PM vela Khawmawi leilak laia Mr Lalbabu Gupta (34) s/o (L) Anandi Shah of B. Vengnuom in a khal lai Honda Activa No.MN02B3287, Engine No.JF50E72337780, Chassis No.ME4JF504JF7337680 a thu le hla lova lapektua intum Seiminlal Haokip @ Lalboi Haokip (25) s/o Seimang Haokip of Laijang village chu zani hmasa zantieng 2:30AM velkhan Police han an man. Mr Lalboi Haokip hi zanikhan CJM, CCPur hmaah inlangtir a ni a, Court chun July7, 2016 chen Police Custodya la um phawt dingin a rel. Police chun hi thua hin FIR No.34 (6) 2016 CCPPS U/S 397/34 IPC an registered.
Vawisun 11AM hin Union Cabinet sawidanglam a ni ding
NEW DELHI: Narendra Modi Prime Minister nina le BJP thuoina hnuoia National Democratic Alliance (NDA) sawrkar chu sawidanglam ning a tih. Minister of State thenkhat banin Minsiter of state 1012 vel laklut thar ni el theia hril a nih. Portfolios pawimaw chelhai chu Union Cabinet sawidanglamnaa hin tawksa a ninaw ding niin ei thu dawngna chun a hril. Tuhin Union Cabinet ah PM Narendra Modi thangsain Ministers 66 an um mek. India danpui dungzui chun Union Cabinet ministers 82 chen an um thei.
Vawisuna Union Cabinet sawidanglam huna hin minister of state 4, Shanwar Lal Jat, Ram Shankar Katheria, Nihal Chand le Mansukhbai Vasava hai ban ni dinga hril a nih. Minister thara laklut dinga hril hai lai Uttar Pradesh a inthawk Anupriya Patel, UP a inthawk bawkin Mahendra Pandey, Gujarat a intahwk Purushottam Rupala, Mansukhbhai, Rajasthan a intahwk Arjun Ram Meghwal, P.P. Chaudhary, Darjeeling, West Bengal a inthawk S.S. Ahluwalia, Delhia inthawk Vijay Goel, Madhua Pradesh a inthawk Anil Madhav Dave, Uttarakhand a intahwk Ajay Tamta le Maharashtra a inthawk Ramdas Athawale hai an thang.
Minister thara laklut dinghai chun vawisun 11:00AM hin India Rashtrapati Bhavan, New Delhi hmunah President Pranab Mukherjee hmaah sesamna nei an tih. Union Cabinet hi PM, Modi ramdangah an zinsuok hma ngeia nei dinga lo riruong ta a nih. PM Modi chu July 7, 2016 khin New Delhi suoksanin ramdangah an zinsuok tan ding a nih Union Cabinet sawidanglam zoa inthawk hun sawtnawte hnungah BJP Office Bearers thar dinghai ruot ning an ta, chu hai lai chun Journalist a intahwka politics a lut le tuta Rajya Sabha member ni laizing M.J. Akbar a thang el thei. Zanikhan M.J. Akbar thangsain BJP National President, Amit Shah chun minister thara laklut dinga hril rikhai hi an hmupui tawl.
Chief Secretary in an hmupui ding
IMPHAL: Thoubal District a Yaithibi Loukon a National Sports University indinna ding le inzawmin Manipur Chief Secretary O. Nabakishore Singh chu New Delhiah inzin a ta, July 11, 2016 khin Rajiv Yadav, Secretary Ministry of Youth Affairs & Sports inhmupui a tih. CM O.Ibobi Singh in hi University bawlna ding hmun le hmang chungthu sukfel tep ni tain hril sienkhawm a ram neihai chun an ram State sawrkar kuoma an la zawr naw thu le hi University building bawl a ni chun an dang tlat ding thu a hril.
JAC pahni han inremna an siem tah
IMPHAL: Thoubal District a Nungei hmuna buoina suok le inzawma JAC pahni indina um thuoituhai le State sawrkar palai han zani zan khan CM’s Secretariat, Imphalah meeting an nei a, JAC group hnihai chun inremna an nei thei tah. CM, O.Ibobi Singh chun Group pahnia JAC le Nungei mipuihai chu thil liemta hai chu theinghil a, inngaidamtuo tulna a um chun inngaidamtuo a, tuta hma ang bawka inrem taka khawsa tlang nawk diel diel dingin a ngen tawl. Chun, CM hin Lilong Chojing hmuna raltlanhai chu lungmuong taka an in senga kir nawk ta dingin a ngen tawl.
Solar Power Cold Storage 3
IMPHAL: DIPR in Head of Department tum tum hai Press Conference neipui dinga rawtna a siem chu zanikhan DIPR, Imphalah tan a nih. Press Conference huna Louis Ngasainao, Director, Agriculture chun kum tin loneituhai kuomah a man tlawmin hnuoithatna Rs. 3.75 crore manhu a sem hlak niin a hril. A.S. Ningmi, Director, Horticulture & Soil Conservation chun, NEC thangpuinain Solar Power Cold Storage 3 indin dingin hma a lak tan a, hiengang Cold Storage 3 hai hi Namdunjang, Tamenglong district, Ngarungbhung, Ukhrul District le Haipi, Kangpokpi haiah indin ni dingin a hril.
July 7&8 chen peklut thei
IMPHAL: JNIMS, Porompat, Imphal East District a thawk ding Staff Nurse post 219 lakna ding le inzawma Employment Exchange tum tum han Candidates an sponsored (supplementary thangsain), Application Form la pelut lo hai ta dingin July 7&8, 2016 chen khin JNIMS ABlock ah peklut thei ning a ta, hun tiemchin pel hnunga chun pawm ni ta naw nih tiin Director, JNIMS chun inhriettirna a siem.
PCI team Imphal an hungtlung
IMPHAL: Press Council of India (PCI) team chu zankhat riek dingin zanikhan Imphal an hungtlung. PCI team a members 3, C.K. Nayak, Ravindra Kumar le Kasuri Amarnath hai chu Tulihal Airport, Imphalah Meghachandra Kongbam, Director, DIPR in a lo va tuok. Imphal khawpuia an cham sungin State Government le Media le inzawmna neihai inhmupui an tih. Hi huna hin Mediahai ta dinga guidelines, media le security forces inkar chungthu hai an hriltlang ring a nih.
HDFC Bank rawk, Rs. 13 crore lakhmang
IMPHAL: July 4, 2016 zan dar 5 vel khan Thoubal District, Manipura HDFC Bank chu hmaituom mi 7 han an suom a, Rs. 13 crore vel an lakhmang niin ei thu dawngna chun a hril a, hi thu ei sut chena hin thuchieng tak ruok chu hriet a la ni nawh. Zani zan dar 5 vel khan Bank suomtu hai hi Bankah an va fe a, anni laia pakhat chun Bank vengtu chu chemte le suktuoin, Bank thawktuhai chu an thunuoia siein an mobile phone hai an lakpek vawng a. Hi zo hin light hai sukthim vawngin pawisafai Rs. 3 crores le rangkachak Rs. 10 crores manhu ding lain an fehmang niin ei thu dawngna chun a hril.
PM in an hmupui tawl
IMPHAL: Rio Olympic Games hung um dinga hin India inkhelmi 100 hai chu thang thei dingin an qualified tawl tah. Rio Olympic Games a thang dinghai chu zanikhan PM Narendra Modi in an hmupui tawl a, inkhelmi 60 bakah Olympics a lo thang ta hlak M.C. Mary Kom, Anju Bobby George, P. Gopichand le Union Minister of state for Youth Affairs & Sports Dr Jitendra Singh hai an thang. India rama inthawka inkhelmi 100 Olympics a thang thei dinga tlinghai hi disciplines hran hran 13 ah thang an tih. PM chun inkhelmihai hi hlawtlingna hung chang seng dingin an fui tawl.
CBI in Kejriwal principal Secretary an man
NEW DELHI: CBI chun zanikhan Delhi CM Arvind Kejriwal principal secretary Rajendra Kumar le midang 4 hai chu corruption le inzawmin an man. Rs. 50 crores zet contract sin pekna thuah mani thuneina hmangsuola ditsak bik neia contract pea thamna laa intumna leia Mr Rajendra Kumar le midang 4 hai hi CBI in an man an nih. Mr Kumar hi 1989 batch IAS Officer Uttar Pradesh Cadre a nih.
Zoramthanga in Thailand a pan
AIZAWL: Myanmar sawrkar le Myanmara ethnicbased insurgent groups (helpawl) han inremna an siem theina dinga remna palai sin thawa, helpawl group tum tum 16 a thuoituhai inhmupui dingin Mizoram CM hlui Zoramthanga chun zanikhan Aizawl suoksanin Bangkok khawpui Thailand a pan. Zoramthanga hi Mizo National Front (MNF) thuoitu hlui a ni a, India sawrkar le MNF in kum 1986a Mizo Peace Accord an ziek (signed) dan chungchangah hriet/inchuk nuom an nei leia Zoramthanga hi hieng helpawl group tum tuma thuoitu hai inhmupu dinga Thailand inzin a nih. Myanmar helpawl group tum tum hai hin sipai sawrkar nekin tuta civilian goverment chungah ringzona neiin inbiekna fe meka khawm hin beiseina an nei insang hle a nih tiin Zoramthanga chun a hril. Kachins, Karens, Chins, Was, Arakanese le Shans hai thangin helpawl tum tum hai chun kum iemanizat liemta inthawk khan regional autonomy an lo suol ta a, tulai hnai khan group iemanizat leh ceasefire agreement ziek a ni thu Zoramthanga chun a hril.
Hlaw pungah an lungawi tawk nawh
NEW DELHI: 7th Pay Commission recommendation dungzuia Union Cabinet meeting in sawrkar thlungpui hnuoia thawktuhai hlaw sukpung dinga a pawmpui chu lungawi tawk an ti naw thu National Joint Council of Action (NJCA) chun an puonglang. Hi chungthua hin NJCA chun July 6, 2016 hin meeting nei an ta, hi meeting a hin July 11, 2016 a inthawk hun tiemchin nei lova nuorna (Indefinite strike) an nei tan ding le dingnaw thu rel an tih. NJCA chun hlaw pungna hi a tlawm taluo tiin an sawisel a, hlaw tlawm takhai hlaw ding chu Rs. 25,000 bek ni raw seh ti chu an dit dan a nih. 7th Pay Commission recommendation dungzuia hlaw tlawm takhai thla khat hlaw dinga ti chu Rs. 18,000 a nih. NJCA hnuoia hin thawktu nuoi 33 an um a hril a nih. NJCA a hin Confederation of Central Government Employees (CCGE), All India Defence Employees Federation (AIEF),All India Railway Men Federation (AIRMF) le National Coordination Committee of Pensioners Association (NCCPA) hai an thang.
VAWISUN THUPUI
Thil tinrenghai chun hun le kawnglam an nei si a; mihriem buoina chu a chungah nasa hle sienkhawm. Thil la hung tlung ding chu a hriet si nawh a, a la hung ni dan ding chu tuin am hril thei a ti leh? Thuhriltu 8:67
Editorial: Bank le mipui
Hmasawnnain a rasuok pakhat chu Bank hi a nih. Look East Policy ruongam a hung inri suoka inthawkkhan Nationalised Bank hran hran han Manipur khawm an hung baw nghal rup rup a, tuhin chu India rama Bank lien le inlar zuolhai chun Manipur hmun hran hranah branch hawngin bu an khuor nghet ta hle. Manipur state a dinga khawpui pahnina Churachandpur town sung ngeiah khawm Bank chi tum tum hawng a hung ni ta a, tuta hmaa a hming ei la hriet ngailo Bank chi tum tum han Branch an hung hawng tawl a, mipui ta dingin a varzang pha hle. UBI, SBI le Manipur state Cooperative Bank Limited branch hai chau a um lai khan chu bank account hawng khawm thil harsa tak a ni a, tu ruok hin chu a hma le ngaituo chun bank account hawng khawm awlsam tak a hung ni tah. Hi lei hin bank branch thar hung tam hi mipui ta ding chun thil lawmum a nih.
Ei state sunga Bank branch chi tum tum hawnga um hai hin inelna tha le thienghlim hmangin sin thawa hma an hung lak nuom a um. Sin thaw tha tha chu Customer hip ding anni leiin bank staffhai khawm a hma neka an taima, an bengvar, an nun an nem le mipui dawr an thiem a hung tul ta ding a nih. Bank staff thenkhat indu lel lula an um khan chu mipui han harsatna lien tak an tuok pha hlak a ni kha. Khangang bawk staff kha chu Customerhaiin an fak thei naw a nih. Hieng a ni lei hin Bank thuneitu han an staff hai hi mi biek inhawi le Customerhai hmangai taka lo dawr dinga an hril hriet, an thunun hi thil tul a nih.
Bank hi mipui thatpui thei dinga an luong suok ve a tul a, chu chu an ngaipawimaw hle ding a nih. Bank hi sum sie thatna le sukpungna ding chau a ninaw a, a ram mipuihai sawr tangkai theia an um chu an thaw ve ding a nih. Mipui leia sawrkar a hung um thei a ni ang bawkin Bankhai khawm mipui leia hung um thei an nih. Hi lei hin Bank mawphurna chu a ram mipuihai ta dinga luong suok ve kha a nih. Mipui ta dinga an luongsuok thei naw chun bank hin hlutna a neinaw a, mipui thau sawktu mei mei an hung ni hlak. Hi lei hin Bank le mipui inkar hi siem that a tul bek bek el a nih.
Bank haiah Credit deposit ratio a tha chun Bank le mipui inkar a tha a, a umzie chu Bankhai mipuiah an luongsuok tha tina a nih. Hi thil hi Bank le mipui han ei ngaipawimaw ding pakhat a nih. Banka mipui in pawisa an deposit a inthawka Bankin mipui kuoma loan a peksuok ve hlak ding bituk umsa (norms rate) chu 60% a ni a, Manipur a chun BAnk tam lem han hi thil hi an sukpuitling zo nawh. Chu umzie chu mipui sum intlingkhawm sa chu a ram mipuiin an sawr tangkai phak tawk nawin, Bank han thil danghah investment thawnain an hmang nasa tina a ni a, Bank interest an fak bakah, a mawl thei ang takin ‘mipui sum hmangin, depositor hai kuomah ni lovin, thil dangah an sumdawng” a ni deu tak.
Mi naran ta ding chun Banka inthawka loan lak a harsa em em a, mi khawsa thei, mi hausa, milien le milal hai ta ding ruok chun a harsa lem naw a; indik taka hril chun, ditsak bik annawleh thlierhran bik neiin Bankhai hin mipui sum an hmangin an sawr tangkai lui tina a ni thei awm ie. Hi thil hi thil indik lo takel a ni leiin, thuneituhai hin mipui hmakhuo ngaiin Bank tieng hi nawr ve hai sienla nuom a um hle.
Hieng laizing hin mipui tieng khawmin inenfiena ding ei nei. State le Central Scheme hnuoiah loan ei lak hlak a, sienkhawm loan repayment tiengpangah loan latuhai an ringum ngainaw a, mipui an mi hrek pha hlak. Hi thil hin personal loan chenin a nghawng a, hi thil hi a pawi hle. Loan rul that naw leia Bank tieng harsatna hi ei hriet rawp hlak. Hieng a ni lei hin Bank a Credit Deposit Ratio (CDR) tha tak nei dinga Bank tieng ei beisei lai hin, mipui tiengpang khawm ei ringum a, loan rul that hi ei thaw ngei ngei ding le ei mawphurna a nih.
CCPUR: Malmals Steel works, Tipaimukh Road neitu Pu Benjamin Sinate chun Hydraulic Borewell Drilling Machine a nei thar. Machine thar hi July 3, 2016 zan khan Rev. Saithanglur Joute in Pathien kuoma tawngtaia inhlanna a nei.
Hi Hydraulic borewell drilling machine hi Myanmar pawisa chun Kyat 1.20 crores manhu vel a ni a, India pawisa chun Rs. 8 lakh vel manhu a ni a, foreign a inthawka phurlut a ni thu Pu Benjamin Sinate chun a hril. Hi machine hmang hin metres 100 chena inthuk borewell cho thei a ni ding a nih.
Jaila thun an ni tah
CCPUR: June 22, 2016, 5:30PM vela 7Assam Rifles han Koite roada Country made 9mm pistol 2, magazine 2, a mu 2, Mobile phone 5, SIM Card 2, Memory Card 1, Scooty Yahama Ray2 MN01C8081, Honda Activa MN02A7928, Rs. 3,492, SP mum 344 le Heroin No. 4 grams 5 le an man pasal pathum hai chu zanikhan CJM/CCPur hmaah inlangtir an ni a, Court in a rel angin zanikhan Police han Jailah an va thun tah. Jaila thun mi 3 hai chu Seitinlal (29) s/o Jangthang of D.Vaison village; Zangkhogin (37) s/o Seikhopau of V.Bethel le Tongmang Guite (28) s/o Doukhothang of Saikul, Senapati District hai an ni a, FIR No.32 (6) 2016 CCPPS U/S 21 NDPs Act &25 (1C) A. Act. registered khum an nih.
Khawnvartui chungthu
CCPUR: June, 2016 chena khan CCPur District chun Khawnvartui 152KL a hmu hlak a, July, 2016 a inthawk chun 136KL chau a hung ding thu Civil Supply Department thusuok chun a hril a, 16KL (litres 16,000) suktlawm a nih tiin Dept. official thusuok chun a hril. District tum tuma District quota iemanizat peia suktlawm a ni ding leiin SK Oil Agent hai chan khawm 11% pei deduct a ninaw chun an dainaw ding bakah sem thei a ninaw ding a nih tiin Civil Supply Dept. thusuok chun a hril.
Taithu V/A in NH150 an siemtha
CCPUR: Taithu Village Authority hmalaknain July 4, 2016 khan Taithu khawsung National Highway (NH) 150 lampui siet zuolna hai siemthatna sin thaw a ni a. Lampui siemthatnaa hin lung Truck 15 lai zet hmang a ni leiin Hmarbiel motor service hai chun tlawmngai takin Rs. 500/ pei thangpuinain Taithu Village Authority kuoma pe dingin an ngen.
Hmun tum tumah sign post tar mek
CCPUR: District Administration, CCPur hmalaknain tulai hin CCPur khawpui le a se vela khuo le veng tum tum hai kawkhmutu ‘sign post/sign board’ tar mek a nih. Sign post el chau ni lovin thuvar tha tak zieklang sa pei a ni bawk. Hieng laizing hin ziek dan thuah mi thenkhat sawisel a hlaw deu met a, District Administration hmalakna hi inpak a um hle laizingin ziek dana fimkhur deu sien ti chu mipui ditdan a nih. Ram changkang hai angin hiengang sign post hi kawtsuo tina tar a ni chun mi tam tak ta dingin a tangkai hle dinga ngai le hmasawnna chikhat a nih. (staff reporter)
Malaria Positive 11
CCPUR: District Malaria Department, CCPur chun June, 2016 thla sung khan damnaw mi 1973 ha thisen lain an enfel a, Malaria Positive 11 an hmusuok. Hi laia 8 chu Malaria PF an nih. June, 2016 thla sungin official recordah Malaria leia thi an um nawh.
Sit-in-protest fepui mek a nih
CCPUR: Hiangtam Lamkaa pasaltha hai inzana bukah JAC Against AntiTribal Bill inrawinain sitinprotest sunzawm pei a ni a, zanikhan Hiangtam Lamka, Hmarveng le Tuinom khuo haia inthawka mi hai an inthung a, JAC Chief Convenor inrawinain JAC thuoitu hai khawm an thang. July 5, 2016 hin Hiangtam Lamka, Lhangjol le Salem Veng mipui hai inthung an tih.
HSA Varparkawn&Khawpuibung
CCPUR: Zani zan khan HYA V&K hmalaknain Varparkawn & Khawpuibung HSA OB ding thlangna nei a ni a, hi huna hin HSA CCPur JHQ thuoitu thenkhat khawm an thang. 80s lai vela hrat taka lo fepui hlak nisienkhawm student inrek deu leia thangkhat lien zet HSA Unit um thei tanaw hnungah tukum hin HYA V&K Branch hmalaknaa inthlangna hi nei thei a nih.
President in Pu Lalsawrlien, Vice President in Tv. Jonathan; Secy. in Tv. Lalthamawia Sinate; Asst. Secy. in Tv. Gershom Laltlansa; Fin. Secy. in Nk. Silvia Joute; Treasurer in Nk. Editha Lalthlawnpek le Secy. Inf. in Tv. Lalditsak hai thlangtling an nih.
Sc. Exhibition& Mathematics Comptt.
CCPUR: July 8, 2016, 9AM khin Vimala Raina H/Sah ZEO CCPur hnuoia Distridct Board of Education, SSA huoihawtnain “Dist Level Science Exhibition & Mathematics Competition for Upper Primary Schools 2016” um a tih. Science competition thupui in “Science: Water Harvesting” ti le Mathematics competition ah “Mathematics: Daily Mathematics” ti thupuia hmang ning a tih. Zantieng 1:00PM in lawmman semna um nghal a ta, Chief Guest in T.Goukhomang, ZEO le Functional President in Lalthanzam Infimate, BO HQ, DC/CCPur office hai thang an tih.
Pu Phaihluothang in Lawmthu hrilnain zanbu a fakpui tawl
CCPUR: June 19, 2016 nia Muolbem khawsaka Khuga Right Side Canal chim le tuiletin a suksietna hmun neitu tak Mr. Phaihluothang of Muolbem chun July 3, 2016 zantieng khan a chengna in Muolbem, CCPur ah siet an tuokna ngaivena sawmdawltu le thei ang anga hmalapuituhai kuomah a lawmthu hrilnain zanbu a fakpui. Hi huna hin Col. Aditya, 7 AR; Maj. Arun, 7 AR; Mr. Joseph Lalrothang, President, Hmar Inpui, GHQ; HYA Gen. Hqrs thuoitu Mr. Alan Famhoite Asst. Gen. Secy., Mr. Lalsanhim Sanate, Fin. Secy le Mr. LRS Puruolte I&PD/ECM; Delhi Govt. hnuoia Northeast India Support & Monitoring Cell a Coordinator Secretary, Delhi Police hnuoia Manipur mihai enkaitu bik, Northeast Trade Union a khawm Chairman le Manipur Tribal hai laia Social Activist inlar ve tak el, Mr. Romeo Hmar (Convenor, MTFD) le a sunghai khawm an thang. Mr. Romeo hi Mr. Phaihluothang of Muolbem a naupa Mr. Robert Penatu leh Zawl an nih.
Army lut theina ding qualification
CCPUR: Khawvela thiemna le varna an sang pei ang bawkin Indian Army lut theina dinga thiemna (minimum educational qualification) khawm siemthat a nih. Hi dungzui hin Nagaland le Manipur hnuoia Soldier General Duty a dinga tuta hmaa Class VIII pass chin thang thei kha tuta inthawk chu Class X passed ( 33% in each subjects) ni tang a tih. Chun, Soldier Tradesmen a dinga minimum educational qualification Class VIII chen ni hlak chu Class X simple pass bek ni a tul ta ding a nih tiin B Mukherjee, Colonel, Director Recruiting Officer, Rangapahar chun inhriettirna a siem.
Intensified Diarrhoea Control Fortnight
CCPUR: July 5, 2016, 11:00AM hin District Health Society/CCPur hmalaknain CMO Mini Conference Hallah nikhat sung aw ding Orientation on Intensified Diarrhoea Control Fortnight (IDCF) um a ta, Special Guests in Ms Mannuamching, IAS, CEO/ADCC; T. Goukhomang, ZEO le Dr J. Son Goukham, Medical Supdt., Dist. Hospital hai thang an ta, CHC le PHC haia MO i/C hai bakah Dist. Prog. Officer (IDCDS), CDPO hai thang an tih.
Chun, National Program for Prevention and Control of Deafness (NPPCD) le inzawmin Grand Hearing Screening Camp and Free Hearing aids Distribution le inzawmin July 5, 2016, 2PM in CMO Conference Hallah meeting um a ta, CMO inrawinain Singngat, Saikawt, Henglep, Thanlon PHCs le CHC Parbung a Medical Officer i/c hai thang an tih.
Honda Activa lapektu Police han an man
CCPUR: June 29, 2016, 8PM vela Khawmawi leilak laia Mr Lalbabu Gupta (34) s/o (L) Anandi Shah of B. Vengnuom in a khal lai Honda Activa No.MN02B3287, Engine No.JF50E72337780, Chassis No.ME4JF504JF7337680 a thu le hla lova lapektua intum Seiminlal Haokip @ Lalboi Haokip (25) s/o Seimang Haokip of Laijang village chu zani hmasa zantieng 2:30AM velkhan Police han an man. Mr Lalboi Haokip hi zanikhan CJM, CCPur hmaah inlangtir a ni a, Court chun July7, 2016 chen Police Custodya la um phawt dingin a rel. Police chun hi thua hin FIR No.34 (6) 2016 CCPPS U/S 397/34 IPC an registered.
Vawisun 11AM hin Union Cabinet sawidanglam a ni ding
NEW DELHI: Narendra Modi Prime Minister nina le BJP thuoina hnuoia National Democratic Alliance (NDA) sawrkar chu sawidanglam ning a tih. Minister of State thenkhat banin Minsiter of state 1012 vel laklut thar ni el theia hril a nih. Portfolios pawimaw chelhai chu Union Cabinet sawidanglamnaa hin tawksa a ninaw ding niin ei thu dawngna chun a hril. Tuhin Union Cabinet ah PM Narendra Modi thangsain Ministers 66 an um mek. India danpui dungzui chun Union Cabinet ministers 82 chen an um thei.
Vawisuna Union Cabinet sawidanglam huna hin minister of state 4, Shanwar Lal Jat, Ram Shankar Katheria, Nihal Chand le Mansukhbai Vasava hai ban ni dinga hril a nih. Minister thara laklut dinga hril hai lai Uttar Pradesh a inthawk Anupriya Patel, UP a inthawk bawkin Mahendra Pandey, Gujarat a intahwk Purushottam Rupala, Mansukhbhai, Rajasthan a intahwk Arjun Ram Meghwal, P.P. Chaudhary, Darjeeling, West Bengal a inthawk S.S. Ahluwalia, Delhia inthawk Vijay Goel, Madhua Pradesh a inthawk Anil Madhav Dave, Uttarakhand a intahwk Ajay Tamta le Maharashtra a inthawk Ramdas Athawale hai an thang.
Minister thara laklut dinghai chun vawisun 11:00AM hin India Rashtrapati Bhavan, New Delhi hmunah President Pranab Mukherjee hmaah sesamna nei an tih. Union Cabinet hi PM, Modi ramdangah an zinsuok hma ngeia nei dinga lo riruong ta a nih. PM Modi chu July 7, 2016 khin New Delhi suoksanin ramdangah an zinsuok tan ding a nih Union Cabinet sawidanglam zoa inthawk hun sawtnawte hnungah BJP Office Bearers thar dinghai ruot ning an ta, chu hai lai chun Journalist a intahwka politics a lut le tuta Rajya Sabha member ni laizing M.J. Akbar a thang el thei. Zanikhan M.J. Akbar thangsain BJP National President, Amit Shah chun minister thara laklut dinga hril rikhai hi an hmupui tawl.
Chief Secretary in an hmupui ding
IMPHAL: Thoubal District a Yaithibi Loukon a National Sports University indinna ding le inzawmin Manipur Chief Secretary O. Nabakishore Singh chu New Delhiah inzin a ta, July 11, 2016 khin Rajiv Yadav, Secretary Ministry of Youth Affairs & Sports inhmupui a tih. CM O.Ibobi Singh in hi University bawlna ding hmun le hmang chungthu sukfel tep ni tain hril sienkhawm a ram neihai chun an ram State sawrkar kuoma an la zawr naw thu le hi University building bawl a ni chun an dang tlat ding thu a hril.
JAC pahni han inremna an siem tah
IMPHAL: Thoubal District a Nungei hmuna buoina suok le inzawma JAC pahni indina um thuoituhai le State sawrkar palai han zani zan khan CM’s Secretariat, Imphalah meeting an nei a, JAC group hnihai chun inremna an nei thei tah. CM, O.Ibobi Singh chun Group pahnia JAC le Nungei mipuihai chu thil liemta hai chu theinghil a, inngaidamtuo tulna a um chun inngaidamtuo a, tuta hma ang bawka inrem taka khawsa tlang nawk diel diel dingin a ngen tawl. Chun, CM hin Lilong Chojing hmuna raltlanhai chu lungmuong taka an in senga kir nawk ta dingin a ngen tawl.
Solar Power Cold Storage 3
IMPHAL: DIPR in Head of Department tum tum hai Press Conference neipui dinga rawtna a siem chu zanikhan DIPR, Imphalah tan a nih. Press Conference huna Louis Ngasainao, Director, Agriculture chun kum tin loneituhai kuomah a man tlawmin hnuoithatna Rs. 3.75 crore manhu a sem hlak niin a hril. A.S. Ningmi, Director, Horticulture & Soil Conservation chun, NEC thangpuinain Solar Power Cold Storage 3 indin dingin hma a lak tan a, hiengang Cold Storage 3 hai hi Namdunjang, Tamenglong district, Ngarungbhung, Ukhrul District le Haipi, Kangpokpi haiah indin ni dingin a hril.
July 7&8 chen peklut thei
IMPHAL: JNIMS, Porompat, Imphal East District a thawk ding Staff Nurse post 219 lakna ding le inzawma Employment Exchange tum tum han Candidates an sponsored (supplementary thangsain), Application Form la pelut lo hai ta dingin July 7&8, 2016 chen khin JNIMS ABlock ah peklut thei ning a ta, hun tiemchin pel hnunga chun pawm ni ta naw nih tiin Director, JNIMS chun inhriettirna a siem.
PCI team Imphal an hungtlung
IMPHAL: Press Council of India (PCI) team chu zankhat riek dingin zanikhan Imphal an hungtlung. PCI team a members 3, C.K. Nayak, Ravindra Kumar le Kasuri Amarnath hai chu Tulihal Airport, Imphalah Meghachandra Kongbam, Director, DIPR in a lo va tuok. Imphal khawpuia an cham sungin State Government le Media le inzawmna neihai inhmupui an tih. Hi huna hin Mediahai ta dinga guidelines, media le security forces inkar chungthu hai an hriltlang ring a nih.
HDFC Bank rawk, Rs. 13 crore lakhmang
IMPHAL: July 4, 2016 zan dar 5 vel khan Thoubal District, Manipura HDFC Bank chu hmaituom mi 7 han an suom a, Rs. 13 crore vel an lakhmang niin ei thu dawngna chun a hril a, hi thu ei sut chena hin thuchieng tak ruok chu hriet a la ni nawh. Zani zan dar 5 vel khan Bank suomtu hai hi Bankah an va fe a, anni laia pakhat chun Bank vengtu chu chemte le suktuoin, Bank thawktuhai chu an thunuoia siein an mobile phone hai an lakpek vawng a. Hi zo hin light hai sukthim vawngin pawisafai Rs. 3 crores le rangkachak Rs. 10 crores manhu ding lain an fehmang niin ei thu dawngna chun a hril.
PM in an hmupui tawl
IMPHAL: Rio Olympic Games hung um dinga hin India inkhelmi 100 hai chu thang thei dingin an qualified tawl tah. Rio Olympic Games a thang dinghai chu zanikhan PM Narendra Modi in an hmupui tawl a, inkhelmi 60 bakah Olympics a lo thang ta hlak M.C. Mary Kom, Anju Bobby George, P. Gopichand le Union Minister of state for Youth Affairs & Sports Dr Jitendra Singh hai an thang. India rama inthawka inkhelmi 100 Olympics a thang thei dinga tlinghai hi disciplines hran hran 13 ah thang an tih. PM chun inkhelmihai hi hlawtlingna hung chang seng dingin an fui tawl.
CBI in Kejriwal principal Secretary an man
NEW DELHI: CBI chun zanikhan Delhi CM Arvind Kejriwal principal secretary Rajendra Kumar le midang 4 hai chu corruption le inzawmin an man. Rs. 50 crores zet contract sin pekna thuah mani thuneina hmangsuola ditsak bik neia contract pea thamna laa intumna leia Mr Rajendra Kumar le midang 4 hai hi CBI in an man an nih. Mr Kumar hi 1989 batch IAS Officer Uttar Pradesh Cadre a nih.
Zoramthanga in Thailand a pan
AIZAWL: Myanmar sawrkar le Myanmara ethnicbased insurgent groups (helpawl) han inremna an siem theina dinga remna palai sin thawa, helpawl group tum tum 16 a thuoituhai inhmupui dingin Mizoram CM hlui Zoramthanga chun zanikhan Aizawl suoksanin Bangkok khawpui Thailand a pan. Zoramthanga hi Mizo National Front (MNF) thuoitu hlui a ni a, India sawrkar le MNF in kum 1986a Mizo Peace Accord an ziek (signed) dan chungchangah hriet/inchuk nuom an nei leia Zoramthanga hi hieng helpawl group tum tuma thuoitu hai inhmupu dinga Thailand inzin a nih. Myanmar helpawl group tum tum hai hin sipai sawrkar nekin tuta civilian goverment chungah ringzona neiin inbiekna fe meka khawm hin beiseina an nei insang hle a nih tiin Zoramthanga chun a hril. Kachins, Karens, Chins, Was, Arakanese le Shans hai thangin helpawl tum tum hai chun kum iemanizat liemta inthawk khan regional autonomy an lo suol ta a, tulai hnai khan group iemanizat leh ceasefire agreement ziek a ni thu Zoramthanga chun a hril.
Hlaw pungah an lungawi tawk nawh
NEW DELHI: 7th Pay Commission recommendation dungzuia Union Cabinet meeting in sawrkar thlungpui hnuoia thawktuhai hlaw sukpung dinga a pawmpui chu lungawi tawk an ti naw thu National Joint Council of Action (NJCA) chun an puonglang. Hi chungthua hin NJCA chun July 6, 2016 hin meeting nei an ta, hi meeting a hin July 11, 2016 a inthawk hun tiemchin nei lova nuorna (Indefinite strike) an nei tan ding le dingnaw thu rel an tih. NJCA chun hlaw pungna hi a tlawm taluo tiin an sawisel a, hlaw tlawm takhai hlaw ding chu Rs. 25,000 bek ni raw seh ti chu an dit dan a nih. 7th Pay Commission recommendation dungzuia hlaw tlawm takhai thla khat hlaw dinga ti chu Rs. 18,000 a nih. NJCA hnuoia hin thawktu nuoi 33 an um a hril a nih. NJCA a hin Confederation of Central Government Employees (CCGE), All India Defence Employees Federation (AIEF),All India Railway Men Federation (AIRMF) le National Coordination Committee of Pensioners Association (NCCPA) hai an thang.
VAWISUN THUPUI
Thil tinrenghai chun hun le kawnglam an nei si a; mihriem buoina chu a chungah nasa hle sienkhawm. Thil la hung tlung ding chu a hriet si nawh a, a la hung ni dan ding chu tuin am hril thei a ti leh? Thuhriltu 8:67
Editorial: Bank le mipui
Hmasawnnain a rasuok pakhat chu Bank hi a nih. Look East Policy ruongam a hung inri suoka inthawkkhan Nationalised Bank hran hran han Manipur khawm an hung baw nghal rup rup a, tuhin chu India rama Bank lien le inlar zuolhai chun Manipur hmun hran hranah branch hawngin bu an khuor nghet ta hle. Manipur state a dinga khawpui pahnina Churachandpur town sung ngeiah khawm Bank chi tum tum hawng a hung ni ta a, tuta hmaa a hming ei la hriet ngailo Bank chi tum tum han Branch an hung hawng tawl a, mipui ta dingin a varzang pha hle. UBI, SBI le Manipur state Cooperative Bank Limited branch hai chau a um lai khan chu bank account hawng khawm thil harsa tak a ni a, tu ruok hin chu a hma le ngaituo chun bank account hawng khawm awlsam tak a hung ni tah. Hi lei hin bank branch thar hung tam hi mipui ta ding chun thil lawmum a nih.
Ei state sunga Bank branch chi tum tum hawnga um hai hin inelna tha le thienghlim hmangin sin thawa hma an hung lak nuom a um. Sin thaw tha tha chu Customer hip ding anni leiin bank staffhai khawm a hma neka an taima, an bengvar, an nun an nem le mipui dawr an thiem a hung tul ta ding a nih. Bank staff thenkhat indu lel lula an um khan chu mipui han harsatna lien tak an tuok pha hlak a ni kha. Khangang bawk staff kha chu Customerhaiin an fak thei naw a nih. Hieng a ni lei hin Bank thuneitu han an staff hai hi mi biek inhawi le Customerhai hmangai taka lo dawr dinga an hril hriet, an thunun hi thil tul a nih.
Bank hi mipui thatpui thei dinga an luong suok ve a tul a, chu chu an ngaipawimaw hle ding a nih. Bank hi sum sie thatna le sukpungna ding chau a ninaw a, a ram mipuihai sawr tangkai theia an um chu an thaw ve ding a nih. Mipui leia sawrkar a hung um thei a ni ang bawkin Bankhai khawm mipui leia hung um thei an nih. Hi lei hin Bank mawphurna chu a ram mipuihai ta dinga luong suok ve kha a nih. Mipui ta dinga an luongsuok thei naw chun bank hin hlutna a neinaw a, mipui thau sawktu mei mei an hung ni hlak. Hi lei hin Bank le mipui inkar hi siem that a tul bek bek el a nih.
Bank haiah Credit deposit ratio a tha chun Bank le mipui inkar a tha a, a umzie chu Bankhai mipuiah an luongsuok tha tina a nih. Hi thil hi Bank le mipui han ei ngaipawimaw ding pakhat a nih. Banka mipui in pawisa an deposit a inthawka Bankin mipui kuoma loan a peksuok ve hlak ding bituk umsa (norms rate) chu 60% a ni a, Manipur a chun BAnk tam lem han hi thil hi an sukpuitling zo nawh. Chu umzie chu mipui sum intlingkhawm sa chu a ram mipuiin an sawr tangkai phak tawk nawin, Bank han thil danghah investment thawnain an hmang nasa tina a ni a, Bank interest an fak bakah, a mawl thei ang takin ‘mipui sum hmangin, depositor hai kuomah ni lovin, thil dangah an sumdawng” a ni deu tak.
Mi naran ta ding chun Banka inthawka loan lak a harsa em em a, mi khawsa thei, mi hausa, milien le milal hai ta ding ruok chun a harsa lem naw a; indik taka hril chun, ditsak bik annawleh thlierhran bik neiin Bankhai hin mipui sum an hmangin an sawr tangkai lui tina a ni thei awm ie. Hi thil hi thil indik lo takel a ni leiin, thuneituhai hin mipui hmakhuo ngaiin Bank tieng hi nawr ve hai sienla nuom a um hle.
Hieng laizing hin mipui tieng khawmin inenfiena ding ei nei. State le Central Scheme hnuoiah loan ei lak hlak a, sienkhawm loan repayment tiengpangah loan latuhai an ringum ngainaw a, mipui an mi hrek pha hlak. Hi thil hin personal loan chenin a nghawng a, hi thil hi a pawi hle. Loan rul that naw leia Bank tieng harsatna hi ei hriet rawp hlak. Hieng a ni lei hin Bank a Credit Deposit Ratio (CDR) tha tak nei dinga Bank tieng ei beisei lai hin, mipui tiengpang khawm ei ringum a, loan rul that hi ei thaw ngei ngei ding le ei mawphurna a nih.
