Responsive Ad Slot

Ram le hnam ta dingin țawngțai runpui nei

Wednesday, June 22, 2016

/ Published by Joyful Thiek
Sakawrdai, 22 June, 2016 (Virthli): Vawisun June 22 hin Sakawrdai village council, Hmar People's Convention (HPC) party le Sakawrdai kohran inzawmkhawm hai huoihawtin khawtlang pum huopin SHDC Complex, Sakawrdai ah ram le hnam ta dingin țawngțai runpui nei a nih.

Hi huna hin mipui țhahnemtak fe khawmin tawngțaina subject hrang hrang siemin țawngțai ruolna nei a nih.

Țawngțai runpui hi Pu Lalneithanga, President, HPC Central block-I, keihruoina hnuoia nei niin, Pu Lalparkunga, Secretary SHAIDC in hrilhawngna a neia, Rev. Neichawngthang, ICI in hunser a hmanga Lawmthu hrilna le hunkharna Rev. Lallienthuom, RPC Sakawrdai in a nei.


Țawngțai subject hai:

1. SHAIDC hmalakna le inzawmin vawisun June 22 hin, court rorelna ah ei ram le  ei hnam aiaw in ukil pahni Pu Prusty le Pu Nei Chunga Darlawng hai chu ei harsatna phurin roreltu hmaah an mi ngir pek ding ana, thiemchanga hnena ei chang ngei theina dingin Pathien kuomah țawngțaina le inhlanna hun nei.

2. June 30, 2016, Remna ni, MNF le India sawrkar hai inremnani champha hi tluong taka ei hmang theina ding le Mizoram sawrkar le HPC - D hai ei hma ela inbiek an tumna a hin inremna tluontling a um theina dingin Pathien kuomah țawngțaina hun nei.

3. Ei hnam president chungchang buoina high court sukfel dinga peka um hi an rang thei ang sukfel a ni theina dingin Pathien kuomah inhlan.

4. SHDC General headquarters, Sakawrdai a hin SHDC office le council hall le thil dang dang bawlna ding sum iemanizat budget ruohman a um hi a taka sukpuitling a ni ngei theina dingin Pathien kuomah inhlanna hun nei.

5. Sakawrdai CHC damdawi in a thawktu doctor țha ei nei theina dingin Pathien kuomah hnina hun nei.

6. Ei khawtlanga roreltu haiin Pathien  dit dan anga indik taka ro an rel theina ding le, khawtlang mipui hai ta dinga ei khawtlang Pathien kuomah inhlanna hun.
Don't Miss
© all rights reserved
made with by Simon L Infimate