INZANA LE SÛNNA
Hnam ro hlu, Pu Lalsangzuala @Laisaizawk (65) s/o Lalnghinglova Varte, Zohnathlak hai ta dinga ro tling "Sudden Muanga Comics" siemsuoktu le HYA Life Member ni bawkin chungtieng kona dawna, 15th June 2016, 12.50pm vel a Sky Hospital, Imphal hmuna lungphu chawl leia a chatuon ram a mi lo pansan tah hi Hmar Youth Association (HYA) General Headquarters chun an ro in, pawi a ti tak zet.
Ama anga kut themthiem, thluok hmang thiem, remhrie le sungril taka Zoram politics hre inril le tiem tienga harsatna neihai khawma a lim ringawt en khawma hrietna le varna tamtak pe-suok theimi hi zohnathlaklai an la pieng naw a, pieng nawk ding khawma beiseina tam tak um sienkhawm beisei ngam ta lo ding khawp a rohlu mi hnutsietu Pu Lalsangzuala hi HYA, GHQ chun a sün tak zet a nih.
Zo nauhai le Hmar hnam ta dinga a thaw hlawk zie hai kan hmuin Pu Lalsangzuala hi HYA GHQ chun inza-na insang tak pein a sün thu a puong. A damlaia a thilthaw that hai kha innghil ni hrim um thei ta ngai naw nih.
HYA GHQ chun a maksan a nuhmei, a nauhai a tuorpui tak zet a, Lalpa'n thlamuonin umpui sien, hmatieng pei ah an pa hmun ruok khawm hung hluo bit pei sien ti hi kan tawngtaina a nih.
Issued by:
Information & Publicity Department,
Hmar Youth Association (HYA)
General Headquarters,
Head Office: Rengkai, Churachandpur, Manipur
