HYA hmalaknain 7 AR, DC le bieltu MLA’n han sawmdawlna an pek
CCPUR: June 22, 2016 sun khan HYA thuoitu Pu Laldawnlien Varte, President HYA GHQ, Pu H.Samson, President, HYA Rengkai Branch le Tv. Alan Famhoite, Asst., Gen Secretary hai hmalaknain June 19, 2016 ni a Muolbem khawsak a Khuga Right side Canal chim le tuilet tuortu Pu Hranglienkhum S/o Pu Phaihluothang of Muolbem chu 7 AR Rice 1 bag, Wheat 1/2 (half) bag, Sugar 2 Kgs, Salt 2 Kgs, Milk 4 Packed, Coffee, Beans (Bemu) an pek a, Pu Lunminthang Haokip IAS, DC; CCPur in Rice 2 bags, Dal 30n Kgs, Salt 2 Kgs, Oil 4 bottle (1 litre) le Sum fai Cheque Rs. 7,600/; Pu GS Haupu Bieltu, MLA, Singngat Rs. 5,000/ a pek a, Rangva a’n tiem bawk.
Pu Hranglienkhum of Muolbem In, Ar le ran in hai khawm tuiin a chîm pil a, hluo theilo in a um a nih. Hi thu hi an hriet le inruolin hieng HYA thuoituhai hin an bawzuia, hmala theitu dinga an hriet hai chu an hril nghal a, anni hai hin sawmdawlna hi an hung pek tah a nih. Hi Canal chim lei hin In 10 vel chu him tawklo a ngaiin an In hai an lo inhluo dawk hman tah bawk. Chun, hi lai biela Govt. Primary School, Playground le Leilet hai khawm a la suksiet thei ding khawmin a’nlanga, a derthawng hle. (LRS Puruolte)
Ration card pekir mi 284 an tling tah
CCPUR: National Food Security Act (NSFA)hnuoia Ration Card nei, zani chena DC Office, CCPUra Civil Supply Depatt. kuoma mani Ration Card pekir (surrendered) chu mi 284 an tling tah.
NFSA hnuoia Ration card nei thei ding criteria sawrkarin a siem dungzui chun, sungkuo pakhata tukhawm sawrkar sin nei um lo; motor four wheeler nei lo, kum khat sunga sum laklut Rs. 1 lakh tlingzo lo ti hai a nih.
Tuchena Ration Card pekir hai lai hin Hebron Veng, N. Lamkaa inthawk mi 92; Bungmual 68; Hiangtam Lamka 28; Dorcas Veng, N. Lamka 17; Vengnuam, N. Lamka 14; Gouchinkhup Veng 11; Zenhang Lamka 8; Hq.Veng 8; Hill Town 8; College Veng, N. Lamka 7; Pearsonmun 5; Gangpimual 3; Bijang 2; Salemveng 2, Lailam Veng 2; Lenglakot 2; Elim Veng 2; Mission Compound 1; Buallian/Mata Mualtam 1 hai an nih.
BJP CCPur dist. general meeting
CCPUR: BJP, CCPur chun June 24, 2016, 8:00AM khin BJP/CPur District Office, Hmarvengah general meeting a ko. 20152020 Active member dinga inzieklut hai chu hi huna hin an active No. details pelut seng dingin Gen. Secy. (Admn), BJP CCPur chun an hriettir.
Workshop
CCPUR: June 24, 2016, 10:30AM khin Mission Director, State Health Society/Manipur inrawinain Medical Directorate Conference Hall, Lamphelpatah Family Program 201516 le inzawmin Dissemination workshop um a tih. Hi taka hin District tina CMOs, DFWOs, Dist. Immunization Officers le District Program Manager hai thang an tih.
Chun, State Mission Director, National Health Mission, Manipur hmalaknain June 30, 2016, 9:30 AM khin Hotel Nirmala, Imphalah Maternal Health new guideline le inzawmin One Day Orientation Workshop um a ta, CMOs, DFWOs, DIOs, DPMs le State level officer hai thang an ta, resource person Dr L.Ranjit Singh, Prof & HOD Obs & Gynae Deptt.RIMS; Dr Meena Seram, SNO, MH; Dr Kh Usha Devi, RCH Consultant hai thang an tih.
Parbung le Thanlon assessment visit
CCPUR: June 2426, 2016 inkar sung khin Health Department le National Health Mission, Manipur a inthawk officials han CHC Parbung le PHC Thanlon hai Assessment visit nei an tih. Official hai hin CHC Parbung hmang ding 2 KV Diesel Generator 1; D&C set 2; Delivery (nauneina hmangruo) equipment set 2 le a hmangruo dang dang chawiin inhlan an tih. Assesment visit a thang ding hai chu Dr H. Ranjit Singh, Addl. Director, Health Services (DHS) inrawinain Dr P.Shyamsunder Singh, Addl. DHS; Dr L. Tomcha Khuman, Jt. Director, Technician/NHM hai ning an tih. CCPura inthawk Seiboi Mate, District Program Manager/NHM in zui bawk a tih.
Diarrhoea thuah Streering Committee indin
CCPUR: July 1123, 2016 inkar sunga Intensified Diarrhoea Control Fortnight (IDCF 2016) hmang tumna le inzawmin District Level Steering Committee zanikhan indin a nih. Hi Committeea Chairman chu Lunminthang Haokip, IAS, DC, CCPur a ni a, District Nodal IDCF in Dr Thangchinkhup Guite, CMO; Member in Dr Vumchinpau, DFWO; Ms Mannuamching, IAS, CEO/ADCC: T. Goukhomang, ZEO; Seiboi Mate, DPM/NHM; Bariyajuddin Shah, Dist. Fin. Manager, NHM le Huai Sian Vung, Dist. Community Mobilizer, NHM hai ruot an nih. Steering Committee chun June 23, 2016, 11AM hin DC Officea DC chamberah meeting hmasatak nei an tih.
IDCF 2016 thiltum chu ORS le Zinc tablets hmang dan thua hrilhrietna le naupang sungkhaw laka himna ding tiengpang hrilhrietna nei a nih.
AMWTSCPCM in meeting a ko
CCPUR: All Manipur Written Test Successful Candidate of Police Constable Male 2013 batch (AMWTSCPCM) CCPur Branch chun June 23, 2016, 12:00 Noon hin thu pawimaw tak ngaituo tlang ding a um leiin KKL Complex, IB Road, CCPurah joint meeting a ko. Meetinga hin member hai kim taka thang seng dingin President le Secretary, AMWTSCPC Male, 2013 Batch, CCPur district chun inhriettirna a siem. Hi huna hin Admit Card Xerox copy bakah Rs. 200/ chawi seng dingin an hriettir bawk.
UPSC CSE Service Allocation
CCPUR: Union Public Service Commission (UPSC) huoihawtna a Civil Services, 2015 a hlawtlingna chang hai sin ding (Allocation) pek siem fel a nitah. Hi dungzui hin Rank 24 latu Khumanthem Diana Devi (Manipu) chu IAS (Indian Administrative Service) pek a nih. Rank 968 Rumbemo T. Kithan (Nagaland) chu IRS (IT); Rank 915 M. Thangsuansang Zou (Manipur) IRS (IT); rank 965 Yangchen Bhutia (Sikkim) IRS (C &CE) le Rank 1018 Elivna Lalmuanpuii Leivon (Mizoram) chu IA&AS pek a nih.
PREPAK Chairman hlui kap hlum
IMPHAL: Zani hmasa zan dar 8:30 vel khan 7th Manipur Rifles Complex, Khabeisoiah PREPAKVC Chairman hlui, Ningombam Nabachandra @ Nongdrenkhomba le a Driver, Leisangthem Sanjit Singh @ Chingkhei (41), s/o L. Lalsing Singh of Thangmeiband Hijam Dewan Leikai hai chu tu ti hrietlo han an kap hlum. Nabachandra hi kum 57 mi, N. Iboyaima of Thangmeiband Hijam Dewan Leikai mi, Dec. 15, 2014 a inpe le 7th MR Complex, Khabeisoia inhumna laa um an nih. Laiharaoba kut hmanga an inri sup sup laia inkaphlumna hi tlung nia hril a nih.
June 26 ah Written Test hun
IMPHAL: Transport Department, Govt. of Manipur hnuoia Inspector (Mech), ASI (Tax), ASI (EnF) le Stenographer sin hai lakna dinga Written Test chu June 26, 2016 11 a.m 12:30 p.m. inkar sung khin Johnstone Higher Secondary School, BT Road, Imphalah nei ning a tih tiin Director (Transport) chun inhriettirna a siem.
Hnina lekha peklut hun suksei
IMPHAL: Directorate of Education (S), Govt. of Manipur in SSA hnuoia Primary Teacher post 489 a lak tumna le inzawma hming peklut thei hun chu July 12, 2016 chena dinga suksei a nih tiin Director of Education (S), Govt. of Manipur chun inhriettirna a siem. Hming la pelut lo hai chun mani umna district tina Employment Exchange office haia hming peklut thei a nih tiin a hril bawk.
Darkar 48 bandh thlawp dingin
IMPHAL: June 22, 2016 zanrila inthawk darkar 48 sung JAC Against the Announcement of Wanted JCILPS leader Kh. Ratan and on Implementation of ILPS Singjamei Wangma Imphal in Manipur pumpui huopa bandh thaw an tum chu thlawp dingin hi JAC Convenor Th. Subhachandra chun Manipur mipui hai a ngen.
AR han KNF President Bodyguards 4 an man
IMPHAL: June 21, 2016 khan Hennbung, Sadar Hills ah 35Assam Rifles han KNF President le UPF Chairman, S.T. Thangboi bodyguards 4 hai chu an ralthuomhai leh an man a, mipui han insuo dingin an phut a, sienkhawm insuo an la ninaw leia lungawi lovin mipui han Sadar Hills sungah bandh/economic blockade hun tiemchin um lova an thaw leiin Imphal hung pan ding Trucks 51, passenger Bus 7, Winters 3 le motor dang dang lamlakah an intang niin ei thu dawngna chun a hril.
MLA chetna an dodal
IMPHAL: Zani hmasa zan dar 9:30 vel khan Wangkhem A/C MLA K. Meghachandra Singh in RIMS a thawk Nurses pahnihai nakawr a her pek dodalnain zanikhan RIMS a Nursing Staff han thungbuma nuorna an nei. Hi thil tlung hi an dem hle thu an puong bawk. Hi thil tlung hi chingfel a ninaw chun an sinthaw chawlsana nuorna khawm an nei el thei niin Nursing Staff hai spokesperson chun a hril.
NH2 ah total bandh a um ding
IMPHAL: Zeliangrong Youth Front (AMN) chun June 23, 2016 zanrila inthawk NH2 (ImphalDimapur road) ah total bandh an thaw ding thu an puong. Namthanjang village chief le Secretary hai In suksetuhai man le hremna pe dinga an phutnaa bandh hi thaw an tum a nih. An thil ngen sukpuitling pek an ni hmakhat total bandh hi an fepui pei ding thu Titus Kamei, President (ZYF (AMN) chun Ragailong hmuna a chengna ina reporterhai an hmupui huna a hril. June 18, 2016 khan an thil ngen hi state sawrkar an intlun ta a, sienkhawm tu chen hin ngaisak a la ni nawh tiin Titus Kamei chun a hril.
Post Graduate Diploma Course
IMPHAL: Central Sericulture Research and Training Institute, Berhampore le Central Tasar Research and Training Institute, Ranchi, Jharkhand a Academic Session 201617 a Post Graduate Diploma Course in Mulberry/NonMulberry haia thla 15 sung training nuomhai ta dingin hnina pek thei hun a nih. Application Form chu Rs. 10/ pekin Director of Sericulture, Manipur, Project Management Complex, Sangaipatah June 30, 2016 chena lak le peklut thei a nih. Thiemna B.Sc. ni a tul.
LDC le Peon sin hai a ruok
IMPHAL: Planning Department, Govt. of Manipur chun Direct Recruitment in LDC post 5 (UR4 & ST1) le Peon (GradeIV) post 9 (UR6, OBC1 & ST2) lak a tum. LDC a dingin thiemna HSLC/Matriculate or a tlukpui, typing/computer typing thiem, kum 1838 inkar (SC/ST hai ta dingin kum 5 le 3 chen relaxable), pay scale Rs. 520020200/ Grade Pay Rs. 19000/ p.m. Peon a dingin HSLC le a tlukpui, kum chu a chunga mi leh angkhat; Pay scale Rs. 44407440/ Grade pay Rs. 1300/ p.m. Hieng sin ruokhai hi Employment Exchange fe thlenga apply ding ti a nih.
Parliament Monsoon Session July 18 a inthawk tan a ni el thei
NEW DELHI: Parliament Monsoon Session chu July 18, 2016 a inthawk khin tan a ni el thei a hril a nih. Cabinet Committee on Parliamentary Affairs (CCPA) chun June 29, 2016 khin meeting nei an ta, chu huna chun Parliament Monsoon Session nei hun ding le thu putlut le rel ding thu hai hriltlang an ta, hi meetinga hin thutlukna an siem ding a nih. Parliament Monsoon Session hi July 18, 2016a inthawk August 13, 2016 inkar sunga nei ring a um tiin ei thu dawngna chun a hril. Cabinet Committee on Parliamentary Affairs Chairman sin hi Union Home Minister Rajnath Singh in a chel a nih.
Modi sawrkar chun Goods and Services Tax (GST) Bill a ngaipawimaw hle a. Parliament Monsoon Session a hin pasi dan a ngaituo mek a nih. GST Bill hi Lok Sabha chun tuta hma daia a pasi ta, sienkhawm Rajya Sabhaah pasi a la ninaw leia hmang thei lova hun sawt takel um a ni tah. Centrea Congress thuoina hnuoia UPA sawrkar hun lai daia kha hi Bill hi Rajya Sabhaa pasi dinga putlut tah, sienkhawm a kaltu tieng member an tamlem leia pasi thei lova um a nih. Chun, Modi inrawina hnuoia Centreah NDA an hung inlarl hnung khawma Rajya Sabhaah BJP le an thlawppui han Bill pasina ding khawpa member an la nei tling naw leia pasi thei lova la um a nih. tuhin chu BJP le an thlawpui han Rajya Sabha member an hung nei belsa ta pei lei le Selkaltu pawl member thenkhat thlawpnain Parliament Monsoon Session hung um dinga hin GST Bill hi Pasi theia a hung um beisei a nih.
Congress party chun Parliament Monsoon Session hung um dinga hin Foreign Direct Investment (FDI) Rectification Bill danga dodal tlat an tum. Congress party thuoitu hlun Anand Sharma chun hi Bill hi an party in an dodal ding thu zanikhan Shimla hmuna Press Conference huna a hril. Sawrkar thlungpui ruok chun Civil Aviation, Defence, Pharma, single brand Retail sector hai thangsain June 20, 2016 khan FDI hi 100 percent thaw dingin a remtipui (approved) a nih.
ISRO in PSLV C34 hmangin satelites 20 hlawtling takin a kapsuok
CHENNAI: Indian Space Research Organisation (ISRO) chun zani zingkar dar 9:26 AM char khan Sriharikotaa Satish Dhawan Space Centrea inthawk Polar Satellite Launch Vehicle (PSLV) C34 hmangin satellite (thlalem) 20 hlawtling takin a kapsuok. India satellite siem Cartosat2 bakah ramdang US, Germany, Canada le Indonesia satellite 19 a phur a nih. Satellite a kapsuok hai laia 17 hai chu ramdang satellite an ni a, chu hai lai chun US, Germany, Canada le Indonesia hai ta a thangsa a nih. ISRO chun hienganga tum khata satellites kapsuok rawn tak nina record thar a siem a nih. Tuta hma kum 2008 khan ISRO chun hiengang bawk hin satellite 10 a ruolin a lo kapsuok ta a, ama record vek khumin record thar a siem nawk a nih. ISRO Chairman AS Kiran Kumar chun mission hi a hlawtling hle thu a hril.
Cartosat2 in thlalak a hung thawn hai chu Map siemna, khawpui le thingtlanga sinthawna, lampui hmang dan le tui semruolna tiengpanga hmang ning a tih.
President Pranab Mukherjee le PM Narendra Modi hai chun ISRO in hlawtling taka a ruola Satellite 20 zet a kapsuokna chu an lmpuithu an hril a, President chun, ISRO hlawtlingna chu ram pumpuiin a suong takzet a, Space technology tienga India hmasawnna pholangtu a nih tiin a hril.
PM Narendra Modi chun vawisuna space programme hin Science & Technology in mipui nundan a thlakdanglam theizie a suklang a, India ta dinga hlawtlingna inchiktlak a ni thu, India chun ramdang han space tiengpanga hmasawnna an nei theina dingin thangpui theina theina le thiemna a nei a nih tiin a hril.
PSLV C34 in satellite a phur hai lai hin Terra Bella siem earth imaging satellite le Google company ta kg. 110 a rik SkySat Gen2 (high resolution images and video la thei) hai thangin US siem sattelites 13 a phur sa a nih.
Bihar, UP le Jharkhand haiah Tekin mi 100 a deng hlum
PATNA/LUCKNOW: Bihar, Uttar Pradesh le Jharkhand state haia chun Tek tlain mi 100 zet a deng hlum. Bihara Tekin mihriem a denghlum zat hi 56 an tling ta a, Uttar Pradeshah mi 40 le Jharkhandah mi 4 an nih.
Bihara Tekin mi a denghlumna hmun hai chu Patna, Rohtash, Iaimur, Aurangabad le Buxer district hai an ni a, State Disaster Management Department chun District Magistrates tin hai chu thil a suksiet hai enfel dingin an hriettir bakah Principal Secretary chun detailed report pe dingin an hriettir. Bihar CM Nitish Kumar chun Tek in a deng hlum sungkuo hai kuomah zangnadawmna Rs. 4 lakh seng pek dingin a puong bakah hliemna tuok hospitala admit hai chu a thlawna enkawl dingin a puong.
Uttar Pradeshah Tekin mi a denghlumna hmun hai chu Varanasi, Azamgarh, Basti le Gorakhpur division hai an nih. Thina tuok sungkuo hai kuomah zangnadawmna pek an ni ding thu sawrkarin a puong bawk.
Jharkhanda Tekin mi 4 a deng hlumna hmun hai chu Chatra districta Haldia hmun a nih.
PM Narendra Modi chun Bihar, UP le Jharkhand haia Tekin mi tam tak a denghlumna thuah pawi a ti thu a puong a, hliem hai hung dam vat dinga a ditsak thu a hril.
Rel station 2ah nau inphir a nei
LUCKNOW: Nuhmei kum 25 mi Pooja Mishra chun zani hmasa khan Kashi Vishwanath Express Rel sunga a chuong hunah Alamnagar le Charbagh Rel station haiah nau inphir pahni a nei. Ms Pooja Mishra hi a pasal Sanjay Kumar le Ghaziabad a inthawk Varanasi pan tuma Kashi Vishwanath Express Rela chuong an ni a. Alamnagar station an tlung hma metin a phing a hung na a, a pasalin TTE le coach attenden hai thil umdan an tlun hnung sawtnawte hnunga Alamnagar station tlung hunah nau pasalte a nei a. Hi taka inthawka Rel a suok nawk minutes 10 hnungin Chargabh stationah a nau inphirpui nuhmeite a nei nawk a nih.
VAWISUN THUPUI
Isu Krista ngei chu a kia lung pawimawtak niin, tirkohai le zawlneihai lungphum chunga bawl in nih. ~ Ephesi 2:20
Editorial: Sa thienghlim lo le fak tlak lo
Manipur mihai hi sa du mi ei nih ti inla ei hril suol ring aum nawh. A bikin tlangmihai hi sa bova um thei lo, ei pi le pu haia inthawka sa fa thang, ei hme du tak chu Sa hme a nih. Thiemna le varna a hung insang ang peia, sa nekin thlai hring hme chu mihriem hriselna dinga tha le mihriem damsawtna lem a nih ti ei hung hriet hnung khawma sa hme le fak chu ei la bansan thei chuong nawh. Hi lei hin Sa hi ei hringnun le inzawm tlat, sa hme lo le sa fa lova khawsa thei lo ei nih. Sietni le that ni haia khawm sa thang lova la um thei lo, inkhawmpui nikhuo haia khawm sa bova um thei lo ei la nih. Mikhuol le ruoltha, sungkhat laina bu ei fakpui ding hun haia khawm sa bawk ei hmepui naw chun ei lung a kim thei nawh. Thlai chau hmepui chu a nuom ei la um der nawh. Chun, Nga hi saah ei la ngai thei naw bawk. Hi lei hin ei nundan le sa hin inzawmna a nei tlat leiin ei ni rawi ta ding chun Sa hi a pawimaw em em a, bansan thei ding ngirhmuna ei um nawh.
Tienlai deu khan chu ei unau chalranghai chun Sa hi an ngaina rak naw a. Nga ruok chu an duin an ngaisang hle thung. Nga hme thei sungkuo ni chu an tum ve tak pakhat a nih. Amiruokchu, hun a hung fe pei a, an lungril le an duzawng a hung inthlakthleng pei a. Tulai ruok hin chu sa chungthuah tlangmihai leh danglamna an nei ta bik nawh. An sakhuona la ursun deuhai le an ruolhlui deuhai ti lo, thangthar hai chun Vawksa, Bawngsa, Uisa le a dang danghai an fak ve vawng ta leiin sa man a hung kaisang pha a, Ui man lem chu nasa takin a hung to pha ta a nih. Manipura tlangmihai le phaimihai chu fak le dawn chungchangah chun indem le inhmusit thei ding ei ni ta nawh.
Manipur mi ni lo, Vai ei tihai khawm an hung vir pei a, sa hme le fak chungthua chun an insum thei bik ta nawh. ei rama hung um Vai ei tihai laia thangthar, a bikin thalaihai khawmin an sunghai hriet lovin Manipur mihai sa fak ang ang chu an hung fak ve ta pei niin an lang. Hi thil hin tienlaia intenna le inthlierhranna um kha a sukbo a, a thatna chin a um. Fak le dawn inang naw taluo khan harsatna chi tum tum an tlun a, khangang harsatna kha a hung sukbo pha pei a, nuhmei le pasala chen ei innei pawl ta a nih. Ei sa du le ei sa hme nuom zawng a hung inang hin ei karah inlaichinna tha lem khawm an tlun pha mani ding aw ti thei a ni bawk. Ei sa du hin tangkaina nei pei sienla nuom a um.
Hiengang khawpa sa ei du le tangkaina chin a nei laizing hin sa chungchanga hin ngaimaw ding a um nuol el. Indian Food Adulteration le Meat Processing dana chun sa thienghlim le faktlak chau zawr ding ti a ni a. An chawtuhai dit lo le hrisel lo zawr suok hi khap tlat a nih. Amiruokchu, ei state sawrkar le a ram mipui han ei ngaimaw tawk naw leiin Sa thienghlim lo, ranpul sa, India dana sa fak tlak lo le zawr lo dinga ti hai chu mipui han hre lovin ei inchawkin ei fak ta rawp el a nih. Dan kal a ni el chau ni lovin mihriem hriselna tawkpawi thei a ni leiin hi thil hi ei ram sawrkarin ngaimawin dan kala sa zawrtuhai chungah hin dan angin action hung la thei ngei sienla nuom a um. Natna hri mak tak tak le natna hri tibaium tak tak ei invawi a, ei thipui hielna san khawm hi sa tha lo le thienghlim lo ei hme le fak rawn taluo lei khawm ni raw nawi nim. Ngaituo a suksei hle.
Churachandpur town le a se vela hin sa tha lo, sa thienghlim lo le ranpul sa zawr hi ei ching hle niin anlang. Hi thil hi District Administration in enfel sienla, dan kala sa zawrhai hi an permit kansel pekin hremna chen pe sienla, dan kala sa zawr hi a hung re thei ngei ring a um. Mipui tiengpang khawmin hi thil hi tosan le chier bopui el lovin sa tha lo le thienghlim lo, ranpul sa zawr hlakhai hi Police thuneituhai kuomah ei report ngam a tul a nih.
Sa zawrhai sa zawr dan khawm hi ngaimaw a um a, sawrkarin enfel zing sienla thang a tih. Ei sa dit lai tak ei hang kawk a, thiem tak le zei em emelin ei kawkna bul chie a mi a buk tlinglo hretin an hang satthla a, chu zova a buk suktlingnain ei dit am, ei ditnaw am, a sa tha naw an hang buk sa a. Ei dit naw thu ei hang hril khawmin umzie a nei nawh. I dit naw leh la naw la nel, ti chu an tawngbau a nih. Pathienni a sungkuoa sa hme nuom seng ei ni si leiin, ei inchawk naw thei si nawh. Nuom le nuom naw hril thei lova in tieng khai a tul. Dan kala sa zawr an ni el bakah an sa zawr dan hi a ro inrum taluo deu a, dan anga hrem dinga mipui han rawl ei insuo a hun ta a nih.
CCPUR: June 22, 2016 sun khan HYA thuoitu Pu Laldawnlien Varte, President HYA GHQ, Pu H.Samson, President, HYA Rengkai Branch le Tv. Alan Famhoite, Asst., Gen Secretary hai hmalaknain June 19, 2016 ni a Muolbem khawsak a Khuga Right side Canal chim le tuilet tuortu Pu Hranglienkhum S/o Pu Phaihluothang of Muolbem chu 7 AR Rice 1 bag, Wheat 1/2 (half) bag, Sugar 2 Kgs, Salt 2 Kgs, Milk 4 Packed, Coffee, Beans (Bemu) an pek a, Pu Lunminthang Haokip IAS, DC; CCPur in Rice 2 bags, Dal 30n Kgs, Salt 2 Kgs, Oil 4 bottle (1 litre) le Sum fai Cheque Rs. 7,600/; Pu GS Haupu Bieltu, MLA, Singngat Rs. 5,000/ a pek a, Rangva a’n tiem bawk.
Pu Hranglienkhum of Muolbem In, Ar le ran in hai khawm tuiin a chîm pil a, hluo theilo in a um a nih. Hi thu hi an hriet le inruolin hieng HYA thuoituhai hin an bawzuia, hmala theitu dinga an hriet hai chu an hril nghal a, anni hai hin sawmdawlna hi an hung pek tah a nih. Hi Canal chim lei hin In 10 vel chu him tawklo a ngaiin an In hai an lo inhluo dawk hman tah bawk. Chun, hi lai biela Govt. Primary School, Playground le Leilet hai khawm a la suksiet thei ding khawmin a’nlanga, a derthawng hle. (LRS Puruolte)
Ration card pekir mi 284 an tling tah
CCPUR: National Food Security Act (NSFA)hnuoia Ration Card nei, zani chena DC Office, CCPUra Civil Supply Depatt. kuoma mani Ration Card pekir (surrendered) chu mi 284 an tling tah.
NFSA hnuoia Ration card nei thei ding criteria sawrkarin a siem dungzui chun, sungkuo pakhata tukhawm sawrkar sin nei um lo; motor four wheeler nei lo, kum khat sunga sum laklut Rs. 1 lakh tlingzo lo ti hai a nih.
Tuchena Ration Card pekir hai lai hin Hebron Veng, N. Lamkaa inthawk mi 92; Bungmual 68; Hiangtam Lamka 28; Dorcas Veng, N. Lamka 17; Vengnuam, N. Lamka 14; Gouchinkhup Veng 11; Zenhang Lamka 8; Hq.Veng 8; Hill Town 8; College Veng, N. Lamka 7; Pearsonmun 5; Gangpimual 3; Bijang 2; Salemveng 2, Lailam Veng 2; Lenglakot 2; Elim Veng 2; Mission Compound 1; Buallian/Mata Mualtam 1 hai an nih.
BJP CCPur dist. general meeting
CCPUR: BJP, CCPur chun June 24, 2016, 8:00AM khin BJP/CPur District Office, Hmarvengah general meeting a ko. 20152020 Active member dinga inzieklut hai chu hi huna hin an active No. details pelut seng dingin Gen. Secy. (Admn), BJP CCPur chun an hriettir.
Workshop
CCPUR: June 24, 2016, 10:30AM khin Mission Director, State Health Society/Manipur inrawinain Medical Directorate Conference Hall, Lamphelpatah Family Program 201516 le inzawmin Dissemination workshop um a tih. Hi taka hin District tina CMOs, DFWOs, Dist. Immunization Officers le District Program Manager hai thang an tih.
Chun, State Mission Director, National Health Mission, Manipur hmalaknain June 30, 2016, 9:30 AM khin Hotel Nirmala, Imphalah Maternal Health new guideline le inzawmin One Day Orientation Workshop um a ta, CMOs, DFWOs, DIOs, DPMs le State level officer hai thang an ta, resource person Dr L.Ranjit Singh, Prof & HOD Obs & Gynae Deptt.RIMS; Dr Meena Seram, SNO, MH; Dr Kh Usha Devi, RCH Consultant hai thang an tih.
Parbung le Thanlon assessment visit
CCPUR: June 2426, 2016 inkar sung khin Health Department le National Health Mission, Manipur a inthawk officials han CHC Parbung le PHC Thanlon hai Assessment visit nei an tih. Official hai hin CHC Parbung hmang ding 2 KV Diesel Generator 1; D&C set 2; Delivery (nauneina hmangruo) equipment set 2 le a hmangruo dang dang chawiin inhlan an tih. Assesment visit a thang ding hai chu Dr H. Ranjit Singh, Addl. Director, Health Services (DHS) inrawinain Dr P.Shyamsunder Singh, Addl. DHS; Dr L. Tomcha Khuman, Jt. Director, Technician/NHM hai ning an tih. CCPura inthawk Seiboi Mate, District Program Manager/NHM in zui bawk a tih.
Diarrhoea thuah Streering Committee indin
CCPUR: July 1123, 2016 inkar sunga Intensified Diarrhoea Control Fortnight (IDCF 2016) hmang tumna le inzawmin District Level Steering Committee zanikhan indin a nih. Hi Committeea Chairman chu Lunminthang Haokip, IAS, DC, CCPur a ni a, District Nodal IDCF in Dr Thangchinkhup Guite, CMO; Member in Dr Vumchinpau, DFWO; Ms Mannuamching, IAS, CEO/ADCC: T. Goukhomang, ZEO; Seiboi Mate, DPM/NHM; Bariyajuddin Shah, Dist. Fin. Manager, NHM le Huai Sian Vung, Dist. Community Mobilizer, NHM hai ruot an nih. Steering Committee chun June 23, 2016, 11AM hin DC Officea DC chamberah meeting hmasatak nei an tih.
IDCF 2016 thiltum chu ORS le Zinc tablets hmang dan thua hrilhrietna le naupang sungkhaw laka himna ding tiengpang hrilhrietna nei a nih.
AMWTSCPCM in meeting a ko
CCPUR: All Manipur Written Test Successful Candidate of Police Constable Male 2013 batch (AMWTSCPCM) CCPur Branch chun June 23, 2016, 12:00 Noon hin thu pawimaw tak ngaituo tlang ding a um leiin KKL Complex, IB Road, CCPurah joint meeting a ko. Meetinga hin member hai kim taka thang seng dingin President le Secretary, AMWTSCPC Male, 2013 Batch, CCPur district chun inhriettirna a siem. Hi huna hin Admit Card Xerox copy bakah Rs. 200/ chawi seng dingin an hriettir bawk.
UPSC CSE Service Allocation
CCPUR: Union Public Service Commission (UPSC) huoihawtna a Civil Services, 2015 a hlawtlingna chang hai sin ding (Allocation) pek siem fel a nitah. Hi dungzui hin Rank 24 latu Khumanthem Diana Devi (Manipu) chu IAS (Indian Administrative Service) pek a nih. Rank 968 Rumbemo T. Kithan (Nagaland) chu IRS (IT); Rank 915 M. Thangsuansang Zou (Manipur) IRS (IT); rank 965 Yangchen Bhutia (Sikkim) IRS (C &CE) le Rank 1018 Elivna Lalmuanpuii Leivon (Mizoram) chu IA&AS pek a nih.
PREPAK Chairman hlui kap hlum
IMPHAL: Zani hmasa zan dar 8:30 vel khan 7th Manipur Rifles Complex, Khabeisoiah PREPAKVC Chairman hlui, Ningombam Nabachandra @ Nongdrenkhomba le a Driver, Leisangthem Sanjit Singh @ Chingkhei (41), s/o L. Lalsing Singh of Thangmeiband Hijam Dewan Leikai hai chu tu ti hrietlo han an kap hlum. Nabachandra hi kum 57 mi, N. Iboyaima of Thangmeiband Hijam Dewan Leikai mi, Dec. 15, 2014 a inpe le 7th MR Complex, Khabeisoia inhumna laa um an nih. Laiharaoba kut hmanga an inri sup sup laia inkaphlumna hi tlung nia hril a nih.
June 26 ah Written Test hun
IMPHAL: Transport Department, Govt. of Manipur hnuoia Inspector (Mech), ASI (Tax), ASI (EnF) le Stenographer sin hai lakna dinga Written Test chu June 26, 2016 11 a.m 12:30 p.m. inkar sung khin Johnstone Higher Secondary School, BT Road, Imphalah nei ning a tih tiin Director (Transport) chun inhriettirna a siem.
Hnina lekha peklut hun suksei
IMPHAL: Directorate of Education (S), Govt. of Manipur in SSA hnuoia Primary Teacher post 489 a lak tumna le inzawma hming peklut thei hun chu July 12, 2016 chena dinga suksei a nih tiin Director of Education (S), Govt. of Manipur chun inhriettirna a siem. Hming la pelut lo hai chun mani umna district tina Employment Exchange office haia hming peklut thei a nih tiin a hril bawk.
Darkar 48 bandh thlawp dingin
IMPHAL: June 22, 2016 zanrila inthawk darkar 48 sung JAC Against the Announcement of Wanted JCILPS leader Kh. Ratan and on Implementation of ILPS Singjamei Wangma Imphal in Manipur pumpui huopa bandh thaw an tum chu thlawp dingin hi JAC Convenor Th. Subhachandra chun Manipur mipui hai a ngen.
AR han KNF President Bodyguards 4 an man
IMPHAL: June 21, 2016 khan Hennbung, Sadar Hills ah 35Assam Rifles han KNF President le UPF Chairman, S.T. Thangboi bodyguards 4 hai chu an ralthuomhai leh an man a, mipui han insuo dingin an phut a, sienkhawm insuo an la ninaw leia lungawi lovin mipui han Sadar Hills sungah bandh/economic blockade hun tiemchin um lova an thaw leiin Imphal hung pan ding Trucks 51, passenger Bus 7, Winters 3 le motor dang dang lamlakah an intang niin ei thu dawngna chun a hril.
MLA chetna an dodal
IMPHAL: Zani hmasa zan dar 9:30 vel khan Wangkhem A/C MLA K. Meghachandra Singh in RIMS a thawk Nurses pahnihai nakawr a her pek dodalnain zanikhan RIMS a Nursing Staff han thungbuma nuorna an nei. Hi thil tlung hi an dem hle thu an puong bawk. Hi thil tlung hi chingfel a ninaw chun an sinthaw chawlsana nuorna khawm an nei el thei niin Nursing Staff hai spokesperson chun a hril.
NH2 ah total bandh a um ding
IMPHAL: Zeliangrong Youth Front (AMN) chun June 23, 2016 zanrila inthawk NH2 (ImphalDimapur road) ah total bandh an thaw ding thu an puong. Namthanjang village chief le Secretary hai In suksetuhai man le hremna pe dinga an phutnaa bandh hi thaw an tum a nih. An thil ngen sukpuitling pek an ni hmakhat total bandh hi an fepui pei ding thu Titus Kamei, President (ZYF (AMN) chun Ragailong hmuna a chengna ina reporterhai an hmupui huna a hril. June 18, 2016 khan an thil ngen hi state sawrkar an intlun ta a, sienkhawm tu chen hin ngaisak a la ni nawh tiin Titus Kamei chun a hril.
Post Graduate Diploma Course
IMPHAL: Central Sericulture Research and Training Institute, Berhampore le Central Tasar Research and Training Institute, Ranchi, Jharkhand a Academic Session 201617 a Post Graduate Diploma Course in Mulberry/NonMulberry haia thla 15 sung training nuomhai ta dingin hnina pek thei hun a nih. Application Form chu Rs. 10/ pekin Director of Sericulture, Manipur, Project Management Complex, Sangaipatah June 30, 2016 chena lak le peklut thei a nih. Thiemna B.Sc. ni a tul.
LDC le Peon sin hai a ruok
IMPHAL: Planning Department, Govt. of Manipur chun Direct Recruitment in LDC post 5 (UR4 & ST1) le Peon (GradeIV) post 9 (UR6, OBC1 & ST2) lak a tum. LDC a dingin thiemna HSLC/Matriculate or a tlukpui, typing/computer typing thiem, kum 1838 inkar (SC/ST hai ta dingin kum 5 le 3 chen relaxable), pay scale Rs. 520020200/ Grade Pay Rs. 19000/ p.m. Peon a dingin HSLC le a tlukpui, kum chu a chunga mi leh angkhat; Pay scale Rs. 44407440/ Grade pay Rs. 1300/ p.m. Hieng sin ruokhai hi Employment Exchange fe thlenga apply ding ti a nih.
Parliament Monsoon Session July 18 a inthawk tan a ni el thei
NEW DELHI: Parliament Monsoon Session chu July 18, 2016 a inthawk khin tan a ni el thei a hril a nih. Cabinet Committee on Parliamentary Affairs (CCPA) chun June 29, 2016 khin meeting nei an ta, chu huna chun Parliament Monsoon Session nei hun ding le thu putlut le rel ding thu hai hriltlang an ta, hi meetinga hin thutlukna an siem ding a nih. Parliament Monsoon Session hi July 18, 2016a inthawk August 13, 2016 inkar sunga nei ring a um tiin ei thu dawngna chun a hril. Cabinet Committee on Parliamentary Affairs Chairman sin hi Union Home Minister Rajnath Singh in a chel a nih.
Modi sawrkar chun Goods and Services Tax (GST) Bill a ngaipawimaw hle a. Parliament Monsoon Session a hin pasi dan a ngaituo mek a nih. GST Bill hi Lok Sabha chun tuta hma daia a pasi ta, sienkhawm Rajya Sabhaah pasi a la ninaw leia hmang thei lova hun sawt takel um a ni tah. Centrea Congress thuoina hnuoia UPA sawrkar hun lai daia kha hi Bill hi Rajya Sabhaa pasi dinga putlut tah, sienkhawm a kaltu tieng member an tamlem leia pasi thei lova um a nih. Chun, Modi inrawina hnuoia Centreah NDA an hung inlarl hnung khawma Rajya Sabhaah BJP le an thlawppui han Bill pasina ding khawpa member an la nei tling naw leia pasi thei lova la um a nih. tuhin chu BJP le an thlawpui han Rajya Sabha member an hung nei belsa ta pei lei le Selkaltu pawl member thenkhat thlawpnain Parliament Monsoon Session hung um dinga hin GST Bill hi Pasi theia a hung um beisei a nih.
Congress party chun Parliament Monsoon Session hung um dinga hin Foreign Direct Investment (FDI) Rectification Bill danga dodal tlat an tum. Congress party thuoitu hlun Anand Sharma chun hi Bill hi an party in an dodal ding thu zanikhan Shimla hmuna Press Conference huna a hril. Sawrkar thlungpui ruok chun Civil Aviation, Defence, Pharma, single brand Retail sector hai thangsain June 20, 2016 khan FDI hi 100 percent thaw dingin a remtipui (approved) a nih.
ISRO in PSLV C34 hmangin satelites 20 hlawtling takin a kapsuok
CHENNAI: Indian Space Research Organisation (ISRO) chun zani zingkar dar 9:26 AM char khan Sriharikotaa Satish Dhawan Space Centrea inthawk Polar Satellite Launch Vehicle (PSLV) C34 hmangin satellite (thlalem) 20 hlawtling takin a kapsuok. India satellite siem Cartosat2 bakah ramdang US, Germany, Canada le Indonesia satellite 19 a phur a nih. Satellite a kapsuok hai laia 17 hai chu ramdang satellite an ni a, chu hai lai chun US, Germany, Canada le Indonesia hai ta a thangsa a nih. ISRO chun hienganga tum khata satellites kapsuok rawn tak nina record thar a siem a nih. Tuta hma kum 2008 khan ISRO chun hiengang bawk hin satellite 10 a ruolin a lo kapsuok ta a, ama record vek khumin record thar a siem nawk a nih. ISRO Chairman AS Kiran Kumar chun mission hi a hlawtling hle thu a hril.
Cartosat2 in thlalak a hung thawn hai chu Map siemna, khawpui le thingtlanga sinthawna, lampui hmang dan le tui semruolna tiengpanga hmang ning a tih.
President Pranab Mukherjee le PM Narendra Modi hai chun ISRO in hlawtling taka a ruola Satellite 20 zet a kapsuokna chu an lmpuithu an hril a, President chun, ISRO hlawtlingna chu ram pumpuiin a suong takzet a, Space technology tienga India hmasawnna pholangtu a nih tiin a hril.
PM Narendra Modi chun vawisuna space programme hin Science & Technology in mipui nundan a thlakdanglam theizie a suklang a, India ta dinga hlawtlingna inchiktlak a ni thu, India chun ramdang han space tiengpanga hmasawnna an nei theina dingin thangpui theina theina le thiemna a nei a nih tiin a hril.
PSLV C34 in satellite a phur hai lai hin Terra Bella siem earth imaging satellite le Google company ta kg. 110 a rik SkySat Gen2 (high resolution images and video la thei) hai thangin US siem sattelites 13 a phur sa a nih.
Bihar, UP le Jharkhand haiah Tekin mi 100 a deng hlum
PATNA/LUCKNOW: Bihar, Uttar Pradesh le Jharkhand state haia chun Tek tlain mi 100 zet a deng hlum. Bihara Tekin mihriem a denghlum zat hi 56 an tling ta a, Uttar Pradeshah mi 40 le Jharkhandah mi 4 an nih.
Bihara Tekin mi a denghlumna hmun hai chu Patna, Rohtash, Iaimur, Aurangabad le Buxer district hai an ni a, State Disaster Management Department chun District Magistrates tin hai chu thil a suksiet hai enfel dingin an hriettir bakah Principal Secretary chun detailed report pe dingin an hriettir. Bihar CM Nitish Kumar chun Tek in a deng hlum sungkuo hai kuomah zangnadawmna Rs. 4 lakh seng pek dingin a puong bakah hliemna tuok hospitala admit hai chu a thlawna enkawl dingin a puong.
Uttar Pradeshah Tekin mi a denghlumna hmun hai chu Varanasi, Azamgarh, Basti le Gorakhpur division hai an nih. Thina tuok sungkuo hai kuomah zangnadawmna pek an ni ding thu sawrkarin a puong bawk.
Jharkhanda Tekin mi 4 a deng hlumna hmun hai chu Chatra districta Haldia hmun a nih.
PM Narendra Modi chun Bihar, UP le Jharkhand haia Tekin mi tam tak a denghlumna thuah pawi a ti thu a puong a, hliem hai hung dam vat dinga a ditsak thu a hril.
Rel station 2ah nau inphir a nei
LUCKNOW: Nuhmei kum 25 mi Pooja Mishra chun zani hmasa khan Kashi Vishwanath Express Rel sunga a chuong hunah Alamnagar le Charbagh Rel station haiah nau inphir pahni a nei. Ms Pooja Mishra hi a pasal Sanjay Kumar le Ghaziabad a inthawk Varanasi pan tuma Kashi Vishwanath Express Rela chuong an ni a. Alamnagar station an tlung hma metin a phing a hung na a, a pasalin TTE le coach attenden hai thil umdan an tlun hnung sawtnawte hnunga Alamnagar station tlung hunah nau pasalte a nei a. Hi taka inthawka Rel a suok nawk minutes 10 hnungin Chargabh stationah a nau inphirpui nuhmeite a nei nawk a nih.
VAWISUN THUPUI
Isu Krista ngei chu a kia lung pawimawtak niin, tirkohai le zawlneihai lungphum chunga bawl in nih. ~ Ephesi 2:20
Editorial: Sa thienghlim lo le fak tlak lo
Manipur mihai hi sa du mi ei nih ti inla ei hril suol ring aum nawh. A bikin tlangmihai hi sa bova um thei lo, ei pi le pu haia inthawka sa fa thang, ei hme du tak chu Sa hme a nih. Thiemna le varna a hung insang ang peia, sa nekin thlai hring hme chu mihriem hriselna dinga tha le mihriem damsawtna lem a nih ti ei hung hriet hnung khawma sa hme le fak chu ei la bansan thei chuong nawh. Hi lei hin Sa hi ei hringnun le inzawm tlat, sa hme lo le sa fa lova khawsa thei lo ei nih. Sietni le that ni haia khawm sa thang lova la um thei lo, inkhawmpui nikhuo haia khawm sa bova um thei lo ei la nih. Mikhuol le ruoltha, sungkhat laina bu ei fakpui ding hun haia khawm sa bawk ei hmepui naw chun ei lung a kim thei nawh. Thlai chau hmepui chu a nuom ei la um der nawh. Chun, Nga hi saah ei la ngai thei naw bawk. Hi lei hin ei nundan le sa hin inzawmna a nei tlat leiin ei ni rawi ta ding chun Sa hi a pawimaw em em a, bansan thei ding ngirhmuna ei um nawh.
Tienlai deu khan chu ei unau chalranghai chun Sa hi an ngaina rak naw a. Nga ruok chu an duin an ngaisang hle thung. Nga hme thei sungkuo ni chu an tum ve tak pakhat a nih. Amiruokchu, hun a hung fe pei a, an lungril le an duzawng a hung inthlakthleng pei a. Tulai ruok hin chu sa chungthuah tlangmihai leh danglamna an nei ta bik nawh. An sakhuona la ursun deuhai le an ruolhlui deuhai ti lo, thangthar hai chun Vawksa, Bawngsa, Uisa le a dang danghai an fak ve vawng ta leiin sa man a hung kaisang pha a, Ui man lem chu nasa takin a hung to pha ta a nih. Manipura tlangmihai le phaimihai chu fak le dawn chungchangah chun indem le inhmusit thei ding ei ni ta nawh.
Manipur mi ni lo, Vai ei tihai khawm an hung vir pei a, sa hme le fak chungthua chun an insum thei bik ta nawh. ei rama hung um Vai ei tihai laia thangthar, a bikin thalaihai khawmin an sunghai hriet lovin Manipur mihai sa fak ang ang chu an hung fak ve ta pei niin an lang. Hi thil hin tienlaia intenna le inthlierhranna um kha a sukbo a, a thatna chin a um. Fak le dawn inang naw taluo khan harsatna chi tum tum an tlun a, khangang harsatna kha a hung sukbo pha pei a, nuhmei le pasala chen ei innei pawl ta a nih. Ei sa du le ei sa hme nuom zawng a hung inang hin ei karah inlaichinna tha lem khawm an tlun pha mani ding aw ti thei a ni bawk. Ei sa du hin tangkaina nei pei sienla nuom a um.
Hiengang khawpa sa ei du le tangkaina chin a nei laizing hin sa chungchanga hin ngaimaw ding a um nuol el. Indian Food Adulteration le Meat Processing dana chun sa thienghlim le faktlak chau zawr ding ti a ni a. An chawtuhai dit lo le hrisel lo zawr suok hi khap tlat a nih. Amiruokchu, ei state sawrkar le a ram mipui han ei ngaimaw tawk naw leiin Sa thienghlim lo, ranpul sa, India dana sa fak tlak lo le zawr lo dinga ti hai chu mipui han hre lovin ei inchawkin ei fak ta rawp el a nih. Dan kal a ni el chau ni lovin mihriem hriselna tawkpawi thei a ni leiin hi thil hi ei ram sawrkarin ngaimawin dan kala sa zawrtuhai chungah hin dan angin action hung la thei ngei sienla nuom a um. Natna hri mak tak tak le natna hri tibaium tak tak ei invawi a, ei thipui hielna san khawm hi sa tha lo le thienghlim lo ei hme le fak rawn taluo lei khawm ni raw nawi nim. Ngaituo a suksei hle.
Churachandpur town le a se vela hin sa tha lo, sa thienghlim lo le ranpul sa zawr hi ei ching hle niin anlang. Hi thil hi District Administration in enfel sienla, dan kala sa zawrhai hi an permit kansel pekin hremna chen pe sienla, dan kala sa zawr hi a hung re thei ngei ring a um. Mipui tiengpang khawmin hi thil hi tosan le chier bopui el lovin sa tha lo le thienghlim lo, ranpul sa zawr hlakhai hi Police thuneituhai kuomah ei report ngam a tul a nih.
Sa zawrhai sa zawr dan khawm hi ngaimaw a um a, sawrkarin enfel zing sienla thang a tih. Ei sa dit lai tak ei hang kawk a, thiem tak le zei em emelin ei kawkna bul chie a mi a buk tlinglo hretin an hang satthla a, chu zova a buk suktlingnain ei dit am, ei ditnaw am, a sa tha naw an hang buk sa a. Ei dit naw thu ei hang hril khawmin umzie a nei nawh. I dit naw leh la naw la nel, ti chu an tawngbau a nih. Pathienni a sungkuoa sa hme nuom seng ei ni si leiin, ei inchawk naw thei si nawh. Nuom le nuom naw hril thei lova in tieng khai a tul. Dan kala sa zawr an ni el bakah an sa zawr dan hi a ro inrum taluo deu a, dan anga hrem dinga mipui han rawl ei insuo a hun ta a nih.
