Guwahati, June 10, 2016, Virthli (ONP): June 10, 2016 chawhma dar 11:30 khan Hmar hnam thuoitu haiin Assam Chief Minister Pu Sarbananda Sonowal a chengna in Guwahati ah an inhmupui. Hmar thuoitu hai chun Chief Minister thar an lawmpui malamin kum 2012 a inthawka Assam-a Hmar political process fe zing hi fumfe taka hma lapui dinga ngenna an siem el bakah Hmar-hai ngirhmun le Political demand sukpuitling vat dingin an ngensa bawk.
January 24, 2012 khan HPC (D) Assam Region chun Government of India le Government of Assam hrietpuiin ralthuom intungin Tripartite Talks vawi iemani zat an lo nei tah a nih. HPC (D) chun NC Hills leh Barak Valley ah Hmar hai bubitna keikhawmin Assam-a Hmar Autonomous District Council indin hi an ngen le a fepui chu a nih.
Tuta tuma Hmar hnam thuoitu Assam Chief Minister inhmupuitu-hai chu Dr. John Pulamte, David Buhril, Lalthlamuana Hmar, David L. Hmar, le Elvis L. Hmar hai an nih. Hmar thuoitu hai chun hnamin hmasawnna lam pawimaw tak ei hraw mek hi Pathien zara ei hlawtling ngei theina dingin tawngtainaa lo san seng dingin hnam mipuihai chu an ngen.
January 24, 2012 khan HPC (D) Assam Region chun Government of India le Government of Assam hrietpuiin ralthuom intungin Tripartite Talks vawi iemani zat an lo nei tah a nih. HPC (D) chun NC Hills leh Barak Valley ah Hmar hai bubitna keikhawmin Assam-a Hmar Autonomous District Council indin hi an ngen le a fepui chu a nih.
Tuta tuma Hmar hnam thuoitu Assam Chief Minister inhmupuitu-hai chu Dr. John Pulamte, David Buhril, Lalthlamuana Hmar, David L. Hmar, le Elvis L. Hmar hai an nih. Hmar thuoitu hai chun hnamin hmasawnna lam pawimaw tak ei hraw mek hi Pathien zara ei hlawtling ngei theina dingin tawngtainaa lo san seng dingin hnam mipuihai chu an ngen.
