Responsive Ad Slot

Bomb a insuk pal Pu Lalruotthang Lungtau thangpuina HYA, Damdiei Branch in an ngen

Monday, June 13, 2016

/ Published by VIRTHLI
Damdiei/Imphal | Virthli (ONP): Pu Lalruotthang Lungtau of Damdiei, tuta RIMS, Imphal hmuna enkawl a um mek, June 9, 2016 ni a a Nga man tumnaa bomb a a'nsuk palna chungthu ah mi tlawmngai tam tak hai zar chau a hi chen tlung nisienkhawm tul le mamaw tam tak a la um zing a, thisenhai khawm pek a la tul zing a, sungkuo Pawisa ringawt a inzo el thei ding a lan' naw leiin mi tlawmngai le mi thangpui nuom  an la um chun, a la mamaw tak zet si leiin rinum ti tak le inthlahrung tak pumin President, HYA, Damdiei Branch chun Hmar nauhai lai thangpuina hniin, ngenna an siem.

Pu Lalruot hi a thleirawl tir a'nthawk a tlawmngai saa pieng a nih, ti ding khawpin tlawmngaina lo nei niin tutak khawm hin Damdiei khuo a HYA Finance Secy, Damdiei Val-Upa, Damdiei V/A member sinhai chel lai zing a nih. Tuchen a tlawmngai tak a thangpuina petu hai an rengin hril thei naw inla khawm a tlawm a zawng hang tarlang ei tih.


1. Damdiei V/A  in Damdiei a'nthawk Parbung, Parbung a'nthawk CCPur chen motor tum pek.
2. CCPur a'nthawk Imphal chen (motor) tumtu Pu/Rev. Samuel K Joute (Rengkai)
3. Damdiei AG (Localist) Rs. 2000/-
4. Pu Ruoivel Pangamte (Rengkai) Rs. 5000/-
5. Pu Zuola Sunate (Muolvaiphei) Rs. 4000/-
6. AG Manipur Dist. (Localist) Rs.5000/-
7. Pu Niangzakham (Imphal) Rs.3000/-
8. HYA, Imphal- Thisen Unit thum
9. Pu Vanlalruot (Damdiei V/A Secy.) Thisen Uint khat
10. Pu Lalhnelien (Damdiei V/A member) thisen Unit khat  + Rs.1000/-
11. Pu Vungzagin Valte (MLA) Rs.2000/- le mi dang dang, an tlawmngaina hi lawm an um tak zet.

A thangpuitu tam ta hle inla khawm a la tul rawp zing leiin, hieng a mi tlawmngai thei ram-le-hnam ta dinga thangkai hi chan inlau a um hle leiin tlawmngai la'n suo nawk hram dingin HYA, Damdiei Branch chun ngenna a siem. Tutak khawm hin Imphal HYA hai le mi thahnemngai haiin RIMS ah nasa takin an buoipui zing thu hriet a nih. (Thangpuina thaw nuomhai ta ding chun RIMS Imphal /8731969982 ah biekpaw thei a nih) thu Virthli Online News Portal chun ei dawng. Pathien kuoma ei tawngtaina a hai lo san ei tiu.

[ With Input from: Lalnunthang Songate]
Don't Miss
© all rights reserved
made with by Simon L Infimate