Haflong/Dittokcherra, May 02,2016 (VIRTHLI): Tulai NC Hills tlangdungah nasatakin ruo
le thlipui hrangin mi tamtak khawsak nunphung a suk buoia, nitina
fakfawm zawng le tlanglo sinthaw hai ta ding lem chun nasatakin harsatna an tuok a. Mi tamtak harsatna hre in, abikin harsatna tuok zuol
bik Dittokcherra phairuom (Lower kharthong) mipui hai sawmdawlna
dingin Pu Ngamrothang Hmar, Chairman NC Hills Autonomous Council chun sawrkar kut khawm nghak zo ta lo lovin Lower Kharthong
mipui tamtak hai harsatna hre in ruosur hnuoiah a nuhmei Pi Jeneth leh
lam sie tak karah fe in motor in vadung a kân theinawna hmun a hai chen
khawm lawnglengte hmangin harsatna tuok in 300 chuong hai fak le dawn
ding chu vawisun khan truck khat phur thla in semna an zu nei.
Ruo le thlipui leia fak le dawn zawng thei mumal talo hai kuomah Alu, Dâl, machi, Nutrela, Têl, bufai (50 bag) le a dang dang chu vawisun Dittokcherra hmun ah a zu sem. Lower Kharthong mipui tamtakin lawmthu an hril tawp thei nawh."Election a chun party dang dang lo um hlak sien khawm, harsatna, beidawngna le natna haia chun chu party kha party a um naw a, tu khawm in ensan ngai lo ding a nih" tiin mipui kuomah a hril.
Ruo le thlipui leia fak le dawn zawng thei mumal talo hai kuomah Alu, Dâl, machi, Nutrela, Têl, bufai (50 bag) le a dang dang chu vawisun Dittokcherra hmun ah a zu sem. Lower Kharthong mipui tamtakin lawmthu an hril tawp thei nawh."Election a chun party dang dang lo um hlak sien khawm, harsatna, beidawngna le natna haia chun chu party kha party a um naw a, tu khawm in ensan ngai lo ding a nih" tiin mipui kuomah a hril.
