Saiphai, May 16, 2016 (VIRTHLI): Saiphai Hmar Martyrs Day Organizing Committee 2016 hai hmalakna in Saiphai khawtlang mipui po po kokhawmin Saiphai Community Hall ah hunser pawimaw tak tak hunhni a the in hmang a nih. Hun khatna hi tuol- Outdoor Program zing dar 10.00AM in hun hmang tan a nih a. Pu HL Banlien, Council Member in inkhawm hi a keihruoi a nih.
Martyrs hai lungphun ah pawl le mimal hai anthawk inzana parthi inhlanna nei a nih a, Flag Hoisting Pu John M Pulamte, Headmaster, PMS in a nei a, Hnam lam chitum tum Sinlung Veng Saiphai haiin mawi takin inentirna an nei. Upa Lalchunghnung in Hmar Martyrs hai sunna hunser a hmang zo in Outdoor Program hmang zo a nih.
Community Hall ah mipui lut nawk vawngin hun hnina chu tan zui nghal a nih. Nk Roselyn leTv. Benjamin Keivom haiin inkhawm an keihruoi a , Keynote Address Pu HL Dawmlien in hun a hmang a Saiphai Local Artist hai anthawk hnam hla mawi tak tak hai ngaithlak a nih .
Tv Lalditlien Lungtrau in Martyrs Day hla May 16, Nk Jesicca Thiek in I mawi ngei i mawi chuong ngei, Mr Laltlenglien in Hnampasaltha, Nk Rebecca Zate in Hnam sanzai ti hla hai an sak a nih. Covanent English School haia inthawk hnam lam mawitak tak hai ngaitlak le en a nih.
Thuhril na Pu Lalringum Riengsete, HSA GHQ Assembly Secretary, Pu Hrangneikhum Keivom, Ex. VCP Saiphai, Pu Zadinlien Zate, HSA Sinlung Hills JHQ, Pi Zothanmawii Zote President HSA Kolasib JHQ le Pu Lalrothang Zate, SHDC Council Member hai anthawk thu thatak tak ngaithlak a nih.
May 19 a VC Election nei el ding an ta bawk leiin political party hran hran a VC candidate hai po po khawm mipui hma ah inthung tir in Artiste hai hlasak hun ah kutchawi neiin chibai an lo buk pek pei bawk a, refresment tuhihnai tak el PMS Student hai anthawk tlai takin mipui hai kuoma an sem bawk a nih.
