Guwahati, May 29 (VIRTHLI): North Cachar Hills Autonomous Council (NCHAC) a sawrkarna chel lai mek Congress party Chief Executive Member (CEM) NCHAC, Debojeet Thaosen le mi 10 dang hai chun formal takin AGP an zawm, anni lai hin Chairman, NCHAC, Pu Ngamrothang Hmar khawm a thang ve a nih.
Zanihmasak lai khan BJP chun sawrkarna siem dingin Assam Governor kuoma Majority an nei thu an intlun a, hi le inzawm hin zanikhan Assam Governor chun Chairman, NCHAC, Pu Ngamrothang Hmar kuoma lekha thawnin BJP han majority an nei thu le sawrkarna siem thei dinga an in hrilna chungthu lo bawzui dingin inhriettirna a pek zo chauh a nih.
Chanchin ei dawng dan chun tutaka NCHAC party ngirhmun chu BJP in MAC 15 an neia AGP in 12 an nei nia hril a nia, a tutak in am sawrkarna an hung siem ding ti chu mipui i ngaiven tak ani nawk tah.
