Aizawl, May 11, 2016 (VIRTHLI):Mizoram sawrkar chun Hmar People's Convention (Democratic) hai leh inbiekna dawkan awttlang nawk dingin a nuomthu a hrila, amiruokchu condition pakhat siem a nia, sawrkar kal zawng le May 19, 2016 a Village Council by-election sung buoina an siem naw chun ti a nih.
Mizoram Home Minister R Lalzirliana chun HPC (D) haiin Young Mizo Association (YMA) (Tuisual Group) le Central Committee YMA (CYMA) hai fethlenga sawrkar le inbiek nawk dinga an hung ngen thu chu a hrila, inremna dinga hmalakna hai hi lawmum an ti thu le tuta election hung um ding a khawm hin HPC (D) hai hin a tu political party amanih candidate hai ta dinga campaign nei lo dingin an nuom thu hai a hril a nih.
Mizoram sawrkar le HPC (D) inbiekna hi kum 2013 khan Suspension of Operations (SoO) thua inbiekrem thei naw leia lo tawp tah a nih.
