Rengkai Govt. Hr. Sec. School Principal a kai thanaw leiin tlakhnuoi tieng a pan
CCPUR: T. Goukhomang, ZEO/CPur inrawinain Mr Kaikhanlian Guite, DI of School; AI of School le staff han zani zingkar khan Rengkai Govt. Hr. Sec. School le CCPur Govt. H/S hai inspection an thaw a, Rengkai Govt. Hr. Sec. School Principal le Vice Principal hai chu tlangmi ni lo le tuolsung mi nilo an ni leiin office/school an kai inkhat hle ti an hmusuok. Hi lei hin school in hmasawn nekin tlakhnuoitieng a pan ti an hmusuok. Churachanpdur H/S ruok chu Headmistress tlangmi a ni leiin staff hail eh tha takin school an enkawl ti an hmu a, zanikhan naupang hai kuoma midday meal semna an enfel bawk.
Govt. Colleges haia Class XI & XII sukbo a ni hnunga Churachandpur District sunga Private Higher Secondary School haia kaizo lo, mi harsa lem tam tak hai inhnemna tak chu Rengkai Govt. Higher Secondary School hi a ni a, student kai nuom khawm an tam hle a. Tukum khawm classX le a hnuoitieng students 700 chuong zet an nei bakah Class XII inchuklai mi 200 vel an um a, Class XI Admission thaw hnunga lem chun student hi tuta nek hin an hung tam ding a nih.
Hienganga mipui inhnemna tak hmasawn neka tlakhnuoi tieng a pan nia ZEO le a ruol han an zu hmu hi thil vangduoi thlak tak a nih. Private schoola kai zolo hai inhnemna tak a ni leiin a tlaksiet nawk ding inlau um tak ngirhmuna um nfia an lang leiin Students thuoitu han an hmatienga an suizui le hma an lak thil tha ni dingin an lang. Kum 2016 HSSLC exam a khan Arts student 114 an exam a, mi 103 an pass a, pass percent 90.35 a ni a, Scienceah mi 74 an exam a, 34 an passed a, pass percent 45.95 a nih. Class X result chu a la suoknaw leiin High school tieng ngirhmun ei la hriet nawh.
Mi 125 in Ration Card an pekkir tah
CCPUR: DC Office, CCPura Food& Civil Supply Department a chun May 20, 2016 chen khan National Food Security Act (NFSA) hnuoia Ration Card pekir (surrenderd) mi 125 an tling tah. NFSA hnuoia Card neia hamthatna dawng thei ding hai chu kum khata sum lamsuok Rs. 1 lakh tlinglo ding; sungkhata sawrkar sin thaw um lo; motor ke 4 nei (four wheeler) nei phak lo chin hai an nih. NFSA hnuoia hamthatna dawng ding an ni naw inhrea hieng mi 125 hai hin an Ration Card an pekkir a nih. Ration Card pekir hailai hin Zenhang Lamkaa inthawk mi 1, Hebron Veng, New Lamka –ah mi 53, Bungmualah 31, Vengnuam, New Lamkaah 8, Hill Townah 3, Hiangtam Lamkaah 9, Gochinkhup Vengah 3, Lailam Vengah 1, College Venga, N. Lamkaah 6, Gangpimuol ah 3, Dorcas Veng, N. Lamkaah 4, Deutezawl khuoah 1, Salem Vengah 1, Headquarter vengah 1 hai an nih.
DDMA meeting nei
CCPUR: Zani zantieng khan Mr Lunminthang Haokip, IAS, DC, CCPur inrawinain DC Officeah District Disaster Management Authority (DDMA) meeting nei a nih. Hi huna hin SDOs/BDOs han relief material an semna report an pek. SDOs/BDOs hai report dungzui hin thli, ruo le riel in in a suksiet neitu mi 929 hai kuoma thangpuina sem a ni a, la peklo in 7080 vel hai kuomah SDOs/BDOs han an personal bank accounta thangpuina thun pek dan ding hi huna hin hriltlang a ni bawk.
HI GHQ hmalaknain inbiekfel a ni tah
CCPUR: Tulai hnaia Cachar, Barak Valley, Assam laia Hmar khuo 4 haia NSCNIM han House Tax an gnenna le inzawmin Hmar Inpui (HI) chun Home Minister, GPRN an biekpui a, NSCNIM chun tax khawn ta lo dinga inbiekfel a ni tah tiin LRS Puruolte, Jt. Secy. (Info. & Media) HI GHQ a inthawk ei thu dawngna chun a hril.
DC in spot inquiry thaw dingin an hriettir
CCPUR: SP Office le ADC/CCPur Office inkar lampui sira sawrkar ram haiah mi tam takin dawr in bawlin chengnain an siem tia complaint tam tak a um leiin DC CCPur chun SDO/BDO, CCPur chu a hmuna enfel (spot enquiry) thaw dingin an hriettir. Hieng lampui sier haia dawr siem dinga phalna ngen tukhawm an um nawh tiin DC chun a hril.
Thuomhnaw maksan
CCPUR: Hmar Martyrs’ Day Badminton final match Rengkai Community Halla nei huna khan Nuhmei nihliep 2, Chappal le Badminton racket cover a neitu hrietlo maksanin a um a, a neitu hai chun ‘Fatherpa Dawr’, Rengkai Vengpuiah lak thei zing ning a tih.
ZoneIII a inthawk tui pekdawkna ding zo fel
CCPUR: Th. Baite, EE, PHED chun, CCPur khawpu sunga water supply le inzawmin ZonIII Khuga Dam a inthawk mipui kuoma tui supplyna ding Tanky, pipe (tuilawng) phumna zo fel a nita thu hrilin. Khuga Dam a inthawk Tuibuong area, Kamdouveng hai tui supply a nita tiin a hril. CCPur Govt. H/S a Water Reservior (tanky) a inthawk HQ venga IB Tanky a tui pump lutna dingin electric power mamaw a ni a, Electric Deptt. kuomah transformer inbukna ding sum khawm deposit a nitah tiin a hril.
IB Tankya tui pump lut thei a ni hun hunah Headquarter Veng, Phailian, Chiengkawnpang areaa cheng han tui tha takin hmu thei tang an tih; Tuhin Khuga Dam a inthawk directa tui dawn ding Tipaimuh Road, Tiddim Road bakah Tuibuong area lamthlang tieng po han tui tha takin an hmu thei tah. Tui tlawm huna ZoneI (Koite) Zone –II (Lanva/Bungmual reservoir) in tui mamaw tawk a pekzonaw a, ZoneIII (Khuga Dam) a ruok chun tui indaitawk a um a, electric hmanga tanky tum tuma tui pump lut a ni theina dingin scheme siem a ngai a, chu thila dingin Rs. 5 crores vel a lut ding a nih. Hi Scheme hi sukpuitling thei nisien chu khawpui sungah fur le thal in mipui han tui thuah harsatna neinaw ni hai tiin EE/PHED chun a hril. Khuga Dam a inthawk khawpui sung tui supplynaa hmang pipe hai hi pakhatah Rs. 30,000 vel man a nih tiin a hril bawk.
Bandh leiin an thawn thei nawh
CCPUR: JCILPS in bandh an thaw leiin Tuibuong Post Officea inthawk Mail (speed post, ordinary letter, registered letter etc) hai thawn thei lovin an um a, tuolsung a ruok chu transaction a pangngaiin a fe thei. May 21, 2016 Budha Jayanti/Jalakeli National Holiday a ni leiin Post Office khar ning a tih.
State 4 le UT 1 haiah sawrkar thar siem dinga hma lak mek;
Sarbananda Sonowal in May 24, 2016 in Assam CM dinga intiemkamna nei a tih
GUWAHATI: State 4Assam, West Bengal, Tamil Nadu, Kerala le Union Territory (UT) Puducherry haia Assembly election result puong zo a nita leiin hieng states le UT haia hin sawrkar thar siem dinga hma lak mek a nih. Assam a chun Chief Minister thar dinga ruot Sarbananda Sonowal in May 24, 2016 khin Vety Science College Ground, Khanapara hmuna Assam Chief Minister dingin intiemkamna nei a tih.
Assam BJP Legislature Party meeting hmasa tak May 22, 2016 nei dingin zanita Mr Sonowal inrawinaa BJP party meeting chun an rel a, hi huna Mr Sarbananda Sonowal chu an party Chief Ministerial candidate dingin thlang an tih tiin party spokesman Himanta Biswa Sarma chun a hril.
Sonowal in Assam CM dinga intiemkamna a nei huna hin Prime Minister Narendra Modi, BJP National Presient Amit Shah, NDA inlalna haia Chief Ministers hai bakah senior central BJP ministers tam takin an uop beisei a nih tiin Assam BJP spokesman Himanta Biswa Sarma chun a hril.
Mr Sonowal hi Union Sports Minister ni lai mek a ni a, Assam electiona BJP in hratna an changna le inzawma sawrkar siemna ding chungthuah Modi le Amit Shah hai inhmupui dingin zanikhan Assam suoksanin New Delhi a pan niin Sarma chun a hril bawk.
Mr Sonowal hi All Assam Student’s Union President lo ni hlak, kum 2011 a Asom Gana Parishad (AGP) suoksana BJP zawm, hi kum nawka Assam BJP state Unit President dinga thlangtling lo ni tah a nih.
West Bengal Chief Minister ni lai mek Ms Mamata Banerjee chun May 27, 2016 khin Republic Day parade neina hmun, central Kolkata, Red Road hmuna West Bengal Chief Minister dingin an Governor K.N. Tripathi hmaah intiemkamna (oathtaking) nei a tih.
Tamil Nadua chun AIADMK MLAs han zanikhan an party officeah Legislature party meeting an nei a, Ms J. Jayalalitha chu an party chief/Chief minister ni dingin an thlang nawk. Tamil Nadu Assembly seats 232 uma inthlangnaa khan AIADMK chun seats 134 an lak a, Opposition DMK in seats 89, Congress in seat 8, IUML in seat 1an lak a nih. DMK hotu M. Karunanidhi khawm Tiruvarur hmuna a vawi 13na dingin MLA dinga thlangtling nawk a nih.
Kerala a chun CPM in zani zingkar khan AKG Bhavana CPM headquarterah meeting an nei a, kum 72a upa CPM polit bureau member Pinarayi Vijayan chu Kerala Chief Minister hung ni dingin an ruot. Kum 93a upa CPI (M) veteran V.S. Achutanandan khawmin Kerala CM ni a nuom ve a, sienkhawm CPM chun CM dingin Pinaryi Vigyan an ruot a nih.Kerala Assembly seats 140 uma khan CPM inrawi LDF chun seats 91 an lak a, Congress inrawi UDF in seat 47 le BJP le Independent in seat 1 ve ve an lak a nih.
Puducherry a chun Congress le DMK thangruol han sawrkarna siem an tih. Puducherry Assembly seat 30 uma inthlangnaa khan party mala hrat tak Congress niin seat 15 an lak a, an thangruolpui DMK in seat 2 an lak a nih. Election hmasaa seat 15 latu AINRC chun seat 8 an lak a, AIADMK in seat 4 an lak a, BJP, PMK le PWA ruok chu a tlingzo an um nawh.AINRC a hin Chief minister N.Rangasamy ti lo AINRC miniters 4 P Rajavelou,NG Paneerselvam, T Thiagrajan le P R Siva hai chu an tlingzo tanaw vawng a nih.
HAC emergency meeting nei
IMPHAL: Zanikhan Hill Area Committee (HAC) emergency meeting HAC Chairman Dr Chaltonlien Amo chengna quarter, Imphalah nei niin ei thu dawngna chun a hril. Meeting hi zing dar 10 a inthawk zantieng inhnu tak chena nei a nih. An thu rel chipchier hriet a ninaw a, ILPS le Bills 3 hai chungthu chu an hriltlang ring a nih. MLA pakhat chun,HAC meeting a a ninaw a, thingpui dawntlangna a ni a, political issue hriltlang a ni nawh tiin Imphal Times palai a hril.
EIMI in Annual Cultural meet
IMPHAL: Manipur University hnuoia EIMI (ChinKukiMizoZomi) Welfare Society chun May 26, 2016, 11:30AM a inthawk khin Centenary Hall, Manipur University hmunah “Together for a Common Cause” ti thupuia hmangin XVI Annual Cultural Meet2016 nei an tih. Hi huna hin EIMI group sunga Students, scholars le staff thaw tha hai chawimawina le lawmpuina hun hmang ning a tih. Hi huna hin Manipur University Eimi Alumni, wellwishers, students, scholars le Universitya Eimi staff hai chu thang seng dingin Manipur University Eimi Welfare Society (MUEWS) chun a fiel.
Bandh thaw an tum
IMPHAL: Kwakeithel a Office neia inhril, Manipur Defence Committee chun May 22, 2016 zing dar 6 a inthawk zan dar 6 chen, bandh thaw an tum niin Imphal Nitin Chanchinbu thenkhat chun an zieklang. Hi pawl hi Meitei hnam Scheduled Tribe list a zieklut ditlo le dotu niin ei thu dawngna chun a hril. May 22, 2016 hi Meitei hnam ST list a zieklut dinga ngentu pawlin public meeting an kona ni a nih.
Vawisun AntiTerrorism Day
IMPHAL: Manipur state sawrkar huoihawtnain vawisun hin 1st Manipur Rifles Banquet Hall, Imphalah AntiTerrorism Day hmang ning a ta, Department tina officialhai thang an ta, thu intiemna hrilruol an tih. MPCC khawmin Congress Bhavan, Imphalah AntiTerrorism Day hi hmang an tih. May 21, 1991 a Sriperumbudur, Tamil Nadu a India PM hlui Rajiv Gandhi nunrawng taka thata a um hrietzingna dinga AntiTerrorism Day hi kum tin May 21, zata hmang hlak a nih.
Nundan pangngai a sukbuoi
IMPHAL: Zani zing dar 4 a inthawka JCILPS in darkar 38 aw ding Ceasework aggitation/shutdown an thaw chun Imphal kahwpui sungah nundan pangngai a sukbuoi hle. Passenger phur motorhai an tlan naw a, Imphal khawpui sunga dawr, bazar, school, Colleges, Banks le sumdawngna hmun hai khar an nih. Hmun tinah JCILPS hmalakna thlawptu han lampui an dang. Keishampat Junctiona lampui danghai hnawtdarna dingin Police han tear gas an kap khum. Churachandpur town mi, Tulihal Airport, Imphala inthawka Taxia hung chuong thenkhat chun motor chuongman mi pakhatah Rs. 1,000 pei an lak niin an hril.
Vawisun CBSE hnuoia Class XII result
NEW DELHI: Vawisun chawhnungtieng hin Central Board of Secondary Education (CBSE) hnuoia Clas XII Examination, 2016 result puong ni dingin CBSE thusuok chun a hril. ISC hnuoia Class XII Examination, 2016 result chu tuta hma deu khan insuo a lo ni tah.
Common Medical test Ordinance suksei
NEW DELHI: Zanita Union Cabinet meeting chun private medical Collegeshai ta dingin Common Medical Entrance Test ordinance hun chu kum khat dang la suksei nawk a remtih. Hi thua hin zanikhan Union Health Minister J.P. Nadda le State Health Ministerhai khawmin meeting an nei a, National EligibilitycumEntrance Test (NEET) Ordinance chu kum khat dang la postpone an remtih tiin JP Nadda chun a hril.
Gogoi le Chandy an inban
GUWAHATI: Assam CM Tarun Gogoi chun zanikhan CM a ninaa inthawka inbanna an Governor P.B. Acharya kuomah a pek a, Governor chun an banna hi a pawmpek nghal a, CM thar dingin CM a chel hmapo chu CM charge lo la chel dingin an hriettir. Chun, Kerala Chief Minister Oommen Chandy chun zanikhan an state Governor kuomah Kerala CM a ninaa inthawka an banna lekha a pek.
Inenfienaa hmang ning a tih: Sonia
NEW DELHI: State pali, Assam, West Bengal, Kerala, Tamil Nadu le Puduchery Assembly election haia mipui thutlukna Indian National Congress (INC) chun a pawm a, INC chun inenfienain hmang a tih tiin AICC President Sonia Gandhi chun a hril. Sonia chun Congress candidate lo vote tuhai, Congress thuoitu le Congress worker hai kuomah lawmthu a hril a. Hi inthlangnaa hratna chang partyhai lawmpuiin sawrkar tha hung indin seng dingin ditsakna an hlan. Chun, sawrkarna siemthei dinga an party vote petu Puducherry mipuihai chungah Sonia Gandhi chun lawmthu a hril bawk.
Kholi in NSCN (IM) Vice Chairman dingin
DIMAPUR: ‘Gen’(retd) Kholi Konyak chun zani hmasa khan New Delhi hmuna NSCN(IM) Vice Chairman dingin intiemkamna a nei. Gen. (retd) Kholi hi National Hoho in May 17, 2016 nia kha CHQ Hebron hmuna ViceChairman dinga an nomninate a nih. Kholi in NSCN(IM) Vice Chairman dinga sesamna a neina inkhawm a hin NSCN(IM) General Secretary Th. Muivah chun welcome speech neiin Kholi Konyak in NSCN(IM) zawm dinga thutlukna a siemna thuah lawmum a ti thu a hril.
Baichung Bhutia a tlingzo nawh
KOLKATA: West Bengal Assembly Electiona vote tla hai tiem zo hlima khan Trinamool Congress ticketa Siliguri biela ngir Indian Football captain hlui Bhaichung Bhutia chu a tling zo nawh. Hi biela hin an khingpui Siliguri mayor le CPIM minister hlui Ashok Bhattacharya in hratna a chang.
West Bengal Assembly election a khan poltician heavy weight iemanizat an tling zonaw bawk. Chu hai lai chun minister hlui Madan Mitra, CPI(M) secretary Surjya Kanta Mishra; West Bengal Food Processing minister Krishnendu Narayan Chowdhury hai an thang.
Congress in khaw 14; MNF in 8 an lak
AIZAWL: Mizorama Aizawl District sunga khaw 25 le Kolasib District khaw 6 haia Village Council byelection result puong a nita a, Congress chun khaw 14 an lak a, MNF in khaw 8; ZNP le BJP in khaw pakhat veve an lak. Congress in sawrkar an siem theina khuo hai chu Aizawl Districta Daido, Khawlian, Mauchar, N. Khawdungsei, N. Tinghmun, NE Tlangnuam, Phuaibuang, Ratu, Sailutar le Sunhluchhip bakah Kolasib District ah N. Chawnpui, N. Hlimen, Phainuam, Saihapui V le Saihapui hai an nih.
MNF in sawrkar an siem theina hai chu Aizawl districtah Khawpuar, Lungsum, Sakawrdai, Suangpuilawn, Thingsat, Zawngin le Zohmun bakah Kolasib districtah Saipum a nih. ZNP in Lamher le BJP in Vaitinah sawrkar an siem thei. Damdiai, New Vervek, Vanbawng le Zokhawtiang haia chun sawrkar siem thei bik um lovin an inhnetawk a, N. Khawlek le Palsang ah Independent tlingna a um bawk.
Egypt vuongna inhmang zawng mek
CAIRO: Paris a inthawk Cairo pana vuong Egypt vuongna inhmang, Mediterranean tuipuia tla lut ni dinga ring zawngna sin chu thaw mek a nih. Hi vuongna tla thla zawngna sin thaw dingin Egypt le Greece chun vuongna le lawng hai tirin zawngna sin nasa takin an thaw mek a nih. Egypt vuongna inhmang a khan Vuongna sunga thawktu thangin mi 66 an chuong a nih.
VAWISUN THUPUI
Chun, khawhnawma an thuoi suok hnung chun,“I hringna dingin tlan suok rawh: i hnungtieng ngha naw la, phaizawla hrim hrim hin chawl bawknaw rawh; tlanga sawn tlan rawh, chuong naw chun bohmang rawi i tih,” a tih a. Genesis 19:17
Editorial: BJP in hma an sawn hret hret pei
Tuta tuma states 4 le Union Territory (UT) pakhat haia Assembly Election result chu puonglang a lo ni ta a. Centrala sawkrna chel mektu BJP chu an duthusam angin hrat zonaw hai sienkhawm hma an sawn hret hret pei niin Assembly Election result a inthawk hin hriet thei a nih. BJP la hrat ngai der nawna Assamah BJP thuoinain sawrkar thar a hung um ding a nih. India ramin zalenna a hmu a inthawka India hmarsak biela BJP in sawrkarna an siem le Chief Minister an chel hmasa takna ding a la nih. BJP ta ding chun phur um takel a nih. Chun, BJP la tling ngai nawna West Bengal state a khawm BJP candidate 3 lai an tling a, Keralaah BJP candidate pakhat a tling bawk. Kerala state a BJP in MLA an nei hmasatakna a la nih. Hi taka inthawk hin BJP chun hma an sawn hret hret pei a nih ti a hung inlang. Centrea sawrkarna chelzing lai anni leiin a awm a, a ni ding hrim a ngai thei a nih.
Tu hri hin chu South India a chun BJP chu an duthusam angin anla hlawtling naw a, Modi Wave tia hril hlak khawm khan umzie a nei thei meu naw niin an lang. South India biela hin chu a state sunga tuolto partyhai an hrat tlangpui a nih. BJP hi a tlangpuiin North le Central India haiah wave an nei a, kum 2014 Lok Sabha electionah hrat hle hai sienkhawm state Assembly election haia ruok hin chu an duthusam ang chie chun an che hrat thei em em naw niin anlang. Assam state a ngei khawm an party khat chau khawma sawrkarna siem thei ding hiel khawpa hratna an chang inringhai sienkhawm anla phakzo naw deu a, an inthlawppui Asom Gana Parishad (AGP) le Bodoland Peoples Front (BPF) hai leh sawrkar an siem kawp a la tul a nih.
Assam state a iengleia hiengang em ema Congress an hung chau a, an hung tlase el am a nia ti inla, a san ding hril thei tam tak um a tih. Asan bulpui tak nia inlang chu Assam state a Congress party sunga insekhekna le inremnawna um lei a nih ti inla a suol taluo ring a um nawh. Congress thuoitu le MLAhai lai an CM Tarun Gogoi dit naw pawl le CM ni nuom an hung um a, CM inchu an hung um ta ngei , hi taka inthawk hin Assam state a Congress party chun chau le siet tieng a hung pan pei a, tuta tuma Assembly election a hin an ngirhmun a hung chau ta hle a, an sawrkar chu vawrthlukin a hung um pha ta hiel a nih. A san dang pakhat chu, kum 15 lai zet sawrkarna chelin ro an rel ta a. An inlalna hin Assam state mipuihai lungrila inthlakthlengna (change) ditna a hung um ta lei niin an lang.
India hmarsak biela state lien tak, a hausa tak le a pawimaw tak chu Assam state hi a ni a. Assam state a BJP hung hratna le sawrkar siemnaa lukhaitu tak an hung nina dinga hin NE biela state dang dang haia khawm iemani chena kakhawk le hratna a hung pek pha ring a um. Arunachal Pradesh a khawm BJP sawrkar hmak la ninaw sienkhawm thil fe dan enin BJP sawrkar a nih ti theiin a hung um ta a nih. Thaw theina remchang a hung um chun Centrea BJP sawrkar hi Arunachal Pradesh le Uttarakhand state haia a chet ang khan a la hung che nuom pei ding niin an lang. Kuo hi suot theina naah la suot pei chu an party thiltum niin an lang. Nagaland a NPF khawm BJP le thangruol an ni a, an sawrkar fe mek hi BJP rim innam sawrkar chu a ni ve tlat a nih. BJP hi NE bielah khawm hma an hung sawn hret hret pei a, NE biela Assembly election la hung um ding haiakhawm hma an hung sawn pei ding niin an lang.
Assam state a chun Lotus (Meitei tawngin Thambal) a hung par ta a. Kumthara Manipur Assembly Election hung um dinga khawm hin Assam state ang bawkin Manipur a khawm Lotus hi a hung par suok el dim ti chu politician tam tak el hai beiseina niin anlang. Hi lei hin exminister, ExMLA, IAS le IPS pension bakah Manipura tuolto party a senior politicianhai chenin BJP hi an zawm tawl ta a nih. Manipura Assembly byelection nuhnung takah khan BJP candidatehai ve ve thlangtling an ni a, kha thil khan Manipura BJP chu a sukhrat pha sawt a nih. Assembly election nawk huna ngir ve nuomhai ta ding chun BJP zawm ve a, BJP ticket chang ve tuma hmalak chu thil awm tak hrim a nih.
June 2, 2016 ah Imphal Municipal Corporation (IMC) election a hung um ding a ni a. Hi election a khawm hin an beituo ding tak chu Manipura sawrkarna chel laizing Congress party le BJP candidatehai an hung ni ngei ring a nih. Mi thenkhat chun IMC election hung um ding hi kum thara Manipura Assembly election hung um ding hlimthla inlangna ding annawleh football tournament a um changa semifinal ei ti ang hi a hung ni ding a nih tiin an hril.A hung indik ding le ding naw chu hunin a la hung rel ding a nih. Vaihai lai chun election huna party in an fe a, ei ni lai ruok chu candidate party ni lovin a candidate zawngin ei fepui hlak niin an lang. ILPS le August 31, 2015 a Manipur Assembly in Bills 3 an pasi chungchang khawm Assembly election huna hin kakhawk a nei ring a um bawk.
CCPUR: T. Goukhomang, ZEO/CPur inrawinain Mr Kaikhanlian Guite, DI of School; AI of School le staff han zani zingkar khan Rengkai Govt. Hr. Sec. School le CCPur Govt. H/S hai inspection an thaw a, Rengkai Govt. Hr. Sec. School Principal le Vice Principal hai chu tlangmi ni lo le tuolsung mi nilo an ni leiin office/school an kai inkhat hle ti an hmusuok. Hi lei hin school in hmasawn nekin tlakhnuoitieng a pan ti an hmusuok. Churachanpdur H/S ruok chu Headmistress tlangmi a ni leiin staff hail eh tha takin school an enkawl ti an hmu a, zanikhan naupang hai kuoma midday meal semna an enfel bawk.
Govt. Colleges haia Class XI & XII sukbo a ni hnunga Churachandpur District sunga Private Higher Secondary School haia kaizo lo, mi harsa lem tam tak hai inhnemna tak chu Rengkai Govt. Higher Secondary School hi a ni a, student kai nuom khawm an tam hle a. Tukum khawm classX le a hnuoitieng students 700 chuong zet an nei bakah Class XII inchuklai mi 200 vel an um a, Class XI Admission thaw hnunga lem chun student hi tuta nek hin an hung tam ding a nih.
Hienganga mipui inhnemna tak hmasawn neka tlakhnuoi tieng a pan nia ZEO le a ruol han an zu hmu hi thil vangduoi thlak tak a nih. Private schoola kai zolo hai inhnemna tak a ni leiin a tlaksiet nawk ding inlau um tak ngirhmuna um nfia an lang leiin Students thuoitu han an hmatienga an suizui le hma an lak thil tha ni dingin an lang. Kum 2016 HSSLC exam a khan Arts student 114 an exam a, mi 103 an pass a, pass percent 90.35 a ni a, Scienceah mi 74 an exam a, 34 an passed a, pass percent 45.95 a nih. Class X result chu a la suoknaw leiin High school tieng ngirhmun ei la hriet nawh.
Mi 125 in Ration Card an pekkir tah
CCPUR: DC Office, CCPura Food& Civil Supply Department a chun May 20, 2016 chen khan National Food Security Act (NFSA) hnuoia Ration Card pekir (surrenderd) mi 125 an tling tah. NFSA hnuoia Card neia hamthatna dawng thei ding hai chu kum khata sum lamsuok Rs. 1 lakh tlinglo ding; sungkhata sawrkar sin thaw um lo; motor ke 4 nei (four wheeler) nei phak lo chin hai an nih. NFSA hnuoia hamthatna dawng ding an ni naw inhrea hieng mi 125 hai hin an Ration Card an pekkir a nih. Ration Card pekir hailai hin Zenhang Lamkaa inthawk mi 1, Hebron Veng, New Lamka –ah mi 53, Bungmualah 31, Vengnuam, New Lamkaah 8, Hill Townah 3, Hiangtam Lamkaah 9, Gochinkhup Vengah 3, Lailam Vengah 1, College Venga, N. Lamkaah 6, Gangpimuol ah 3, Dorcas Veng, N. Lamkaah 4, Deutezawl khuoah 1, Salem Vengah 1, Headquarter vengah 1 hai an nih.
DDMA meeting nei
CCPUR: Zani zantieng khan Mr Lunminthang Haokip, IAS, DC, CCPur inrawinain DC Officeah District Disaster Management Authority (DDMA) meeting nei a nih. Hi huna hin SDOs/BDOs han relief material an semna report an pek. SDOs/BDOs hai report dungzui hin thli, ruo le riel in in a suksiet neitu mi 929 hai kuoma thangpuina sem a ni a, la peklo in 7080 vel hai kuomah SDOs/BDOs han an personal bank accounta thangpuina thun pek dan ding hi huna hin hriltlang a ni bawk.
HI GHQ hmalaknain inbiekfel a ni tah
CCPUR: Tulai hnaia Cachar, Barak Valley, Assam laia Hmar khuo 4 haia NSCNIM han House Tax an gnenna le inzawmin Hmar Inpui (HI) chun Home Minister, GPRN an biekpui a, NSCNIM chun tax khawn ta lo dinga inbiekfel a ni tah tiin LRS Puruolte, Jt. Secy. (Info. & Media) HI GHQ a inthawk ei thu dawngna chun a hril.
DC in spot inquiry thaw dingin an hriettir
CCPUR: SP Office le ADC/CCPur Office inkar lampui sira sawrkar ram haiah mi tam takin dawr in bawlin chengnain an siem tia complaint tam tak a um leiin DC CCPur chun SDO/BDO, CCPur chu a hmuna enfel (spot enquiry) thaw dingin an hriettir. Hieng lampui sier haia dawr siem dinga phalna ngen tukhawm an um nawh tiin DC chun a hril.
Thuomhnaw maksan
CCPUR: Hmar Martyrs’ Day Badminton final match Rengkai Community Halla nei huna khan Nuhmei nihliep 2, Chappal le Badminton racket cover a neitu hrietlo maksanin a um a, a neitu hai chun ‘Fatherpa Dawr’, Rengkai Vengpuiah lak thei zing ning a tih.
ZoneIII a inthawk tui pekdawkna ding zo fel
CCPUR: Th. Baite, EE, PHED chun, CCPur khawpu sunga water supply le inzawmin ZonIII Khuga Dam a inthawk mipui kuoma tui supplyna ding Tanky, pipe (tuilawng) phumna zo fel a nita thu hrilin. Khuga Dam a inthawk Tuibuong area, Kamdouveng hai tui supply a nita tiin a hril. CCPur Govt. H/S a Water Reservior (tanky) a inthawk HQ venga IB Tanky a tui pump lutna dingin electric power mamaw a ni a, Electric Deptt. kuomah transformer inbukna ding sum khawm deposit a nitah tiin a hril.
IB Tankya tui pump lut thei a ni hun hunah Headquarter Veng, Phailian, Chiengkawnpang areaa cheng han tui tha takin hmu thei tang an tih; Tuhin Khuga Dam a inthawk directa tui dawn ding Tipaimuh Road, Tiddim Road bakah Tuibuong area lamthlang tieng po han tui tha takin an hmu thei tah. Tui tlawm huna ZoneI (Koite) Zone –II (Lanva/Bungmual reservoir) in tui mamaw tawk a pekzonaw a, ZoneIII (Khuga Dam) a ruok chun tui indaitawk a um a, electric hmanga tanky tum tuma tui pump lut a ni theina dingin scheme siem a ngai a, chu thila dingin Rs. 5 crores vel a lut ding a nih. Hi Scheme hi sukpuitling thei nisien chu khawpui sungah fur le thal in mipui han tui thuah harsatna neinaw ni hai tiin EE/PHED chun a hril. Khuga Dam a inthawk khawpui sung tui supplynaa hmang pipe hai hi pakhatah Rs. 30,000 vel man a nih tiin a hril bawk.
Bandh leiin an thawn thei nawh
CCPUR: JCILPS in bandh an thaw leiin Tuibuong Post Officea inthawk Mail (speed post, ordinary letter, registered letter etc) hai thawn thei lovin an um a, tuolsung a ruok chu transaction a pangngaiin a fe thei. May 21, 2016 Budha Jayanti/Jalakeli National Holiday a ni leiin Post Office khar ning a tih.
State 4 le UT 1 haiah sawrkar thar siem dinga hma lak mek;
Sarbananda Sonowal in May 24, 2016 in Assam CM dinga intiemkamna nei a tih
GUWAHATI: State 4Assam, West Bengal, Tamil Nadu, Kerala le Union Territory (UT) Puducherry haia Assembly election result puong zo a nita leiin hieng states le UT haia hin sawrkar thar siem dinga hma lak mek a nih. Assam a chun Chief Minister thar dinga ruot Sarbananda Sonowal in May 24, 2016 khin Vety Science College Ground, Khanapara hmuna Assam Chief Minister dingin intiemkamna nei a tih.
Assam BJP Legislature Party meeting hmasa tak May 22, 2016 nei dingin zanita Mr Sonowal inrawinaa BJP party meeting chun an rel a, hi huna Mr Sarbananda Sonowal chu an party Chief Ministerial candidate dingin thlang an tih tiin party spokesman Himanta Biswa Sarma chun a hril.
Sonowal in Assam CM dinga intiemkamna a nei huna hin Prime Minister Narendra Modi, BJP National Presient Amit Shah, NDA inlalna haia Chief Ministers hai bakah senior central BJP ministers tam takin an uop beisei a nih tiin Assam BJP spokesman Himanta Biswa Sarma chun a hril.
Mr Sonowal hi Union Sports Minister ni lai mek a ni a, Assam electiona BJP in hratna an changna le inzawma sawrkar siemna ding chungthuah Modi le Amit Shah hai inhmupui dingin zanikhan Assam suoksanin New Delhi a pan niin Sarma chun a hril bawk.
Mr Sonowal hi All Assam Student’s Union President lo ni hlak, kum 2011 a Asom Gana Parishad (AGP) suoksana BJP zawm, hi kum nawka Assam BJP state Unit President dinga thlangtling lo ni tah a nih.
West Bengal Chief Minister ni lai mek Ms Mamata Banerjee chun May 27, 2016 khin Republic Day parade neina hmun, central Kolkata, Red Road hmuna West Bengal Chief Minister dingin an Governor K.N. Tripathi hmaah intiemkamna (oathtaking) nei a tih.
Tamil Nadua chun AIADMK MLAs han zanikhan an party officeah Legislature party meeting an nei a, Ms J. Jayalalitha chu an party chief/Chief minister ni dingin an thlang nawk. Tamil Nadu Assembly seats 232 uma inthlangnaa khan AIADMK chun seats 134 an lak a, Opposition DMK in seats 89, Congress in seat 8, IUML in seat 1an lak a nih. DMK hotu M. Karunanidhi khawm Tiruvarur hmuna a vawi 13na dingin MLA dinga thlangtling nawk a nih.
Kerala a chun CPM in zani zingkar khan AKG Bhavana CPM headquarterah meeting an nei a, kum 72a upa CPM polit bureau member Pinarayi Vijayan chu Kerala Chief Minister hung ni dingin an ruot. Kum 93a upa CPI (M) veteran V.S. Achutanandan khawmin Kerala CM ni a nuom ve a, sienkhawm CPM chun CM dingin Pinaryi Vigyan an ruot a nih.Kerala Assembly seats 140 uma khan CPM inrawi LDF chun seats 91 an lak a, Congress inrawi UDF in seat 47 le BJP le Independent in seat 1 ve ve an lak a nih.
Puducherry a chun Congress le DMK thangruol han sawrkarna siem an tih. Puducherry Assembly seat 30 uma inthlangnaa khan party mala hrat tak Congress niin seat 15 an lak a, an thangruolpui DMK in seat 2 an lak a nih. Election hmasaa seat 15 latu AINRC chun seat 8 an lak a, AIADMK in seat 4 an lak a, BJP, PMK le PWA ruok chu a tlingzo an um nawh.AINRC a hin Chief minister N.Rangasamy ti lo AINRC miniters 4 P Rajavelou,NG Paneerselvam, T Thiagrajan le P R Siva hai chu an tlingzo tanaw vawng a nih.
HAC emergency meeting nei
IMPHAL: Zanikhan Hill Area Committee (HAC) emergency meeting HAC Chairman Dr Chaltonlien Amo chengna quarter, Imphalah nei niin ei thu dawngna chun a hril. Meeting hi zing dar 10 a inthawk zantieng inhnu tak chena nei a nih. An thu rel chipchier hriet a ninaw a, ILPS le Bills 3 hai chungthu chu an hriltlang ring a nih. MLA pakhat chun,HAC meeting a a ninaw a, thingpui dawntlangna a ni a, political issue hriltlang a ni nawh tiin Imphal Times palai a hril.
EIMI in Annual Cultural meet
IMPHAL: Manipur University hnuoia EIMI (ChinKukiMizoZomi) Welfare Society chun May 26, 2016, 11:30AM a inthawk khin Centenary Hall, Manipur University hmunah “Together for a Common Cause” ti thupuia hmangin XVI Annual Cultural Meet2016 nei an tih. Hi huna hin EIMI group sunga Students, scholars le staff thaw tha hai chawimawina le lawmpuina hun hmang ning a tih. Hi huna hin Manipur University Eimi Alumni, wellwishers, students, scholars le Universitya Eimi staff hai chu thang seng dingin Manipur University Eimi Welfare Society (MUEWS) chun a fiel.
Bandh thaw an tum
IMPHAL: Kwakeithel a Office neia inhril, Manipur Defence Committee chun May 22, 2016 zing dar 6 a inthawk zan dar 6 chen, bandh thaw an tum niin Imphal Nitin Chanchinbu thenkhat chun an zieklang. Hi pawl hi Meitei hnam Scheduled Tribe list a zieklut ditlo le dotu niin ei thu dawngna chun a hril. May 22, 2016 hi Meitei hnam ST list a zieklut dinga ngentu pawlin public meeting an kona ni a nih.
Vawisun AntiTerrorism Day
IMPHAL: Manipur state sawrkar huoihawtnain vawisun hin 1st Manipur Rifles Banquet Hall, Imphalah AntiTerrorism Day hmang ning a ta, Department tina officialhai thang an ta, thu intiemna hrilruol an tih. MPCC khawmin Congress Bhavan, Imphalah AntiTerrorism Day hi hmang an tih. May 21, 1991 a Sriperumbudur, Tamil Nadu a India PM hlui Rajiv Gandhi nunrawng taka thata a um hrietzingna dinga AntiTerrorism Day hi kum tin May 21, zata hmang hlak a nih.
Nundan pangngai a sukbuoi
IMPHAL: Zani zing dar 4 a inthawka JCILPS in darkar 38 aw ding Ceasework aggitation/shutdown an thaw chun Imphal kahwpui sungah nundan pangngai a sukbuoi hle. Passenger phur motorhai an tlan naw a, Imphal khawpui sunga dawr, bazar, school, Colleges, Banks le sumdawngna hmun hai khar an nih. Hmun tinah JCILPS hmalakna thlawptu han lampui an dang. Keishampat Junctiona lampui danghai hnawtdarna dingin Police han tear gas an kap khum. Churachandpur town mi, Tulihal Airport, Imphala inthawka Taxia hung chuong thenkhat chun motor chuongman mi pakhatah Rs. 1,000 pei an lak niin an hril.
Vawisun CBSE hnuoia Class XII result
NEW DELHI: Vawisun chawhnungtieng hin Central Board of Secondary Education (CBSE) hnuoia Clas XII Examination, 2016 result puong ni dingin CBSE thusuok chun a hril. ISC hnuoia Class XII Examination, 2016 result chu tuta hma deu khan insuo a lo ni tah.
Common Medical test Ordinance suksei
NEW DELHI: Zanita Union Cabinet meeting chun private medical Collegeshai ta dingin Common Medical Entrance Test ordinance hun chu kum khat dang la suksei nawk a remtih. Hi thua hin zanikhan Union Health Minister J.P. Nadda le State Health Ministerhai khawmin meeting an nei a, National EligibilitycumEntrance Test (NEET) Ordinance chu kum khat dang la postpone an remtih tiin JP Nadda chun a hril.
Gogoi le Chandy an inban
GUWAHATI: Assam CM Tarun Gogoi chun zanikhan CM a ninaa inthawka inbanna an Governor P.B. Acharya kuomah a pek a, Governor chun an banna hi a pawmpek nghal a, CM thar dingin CM a chel hmapo chu CM charge lo la chel dingin an hriettir. Chun, Kerala Chief Minister Oommen Chandy chun zanikhan an state Governor kuomah Kerala CM a ninaa inthawka an banna lekha a pek.
Inenfienaa hmang ning a tih: Sonia
NEW DELHI: State pali, Assam, West Bengal, Kerala, Tamil Nadu le Puduchery Assembly election haia mipui thutlukna Indian National Congress (INC) chun a pawm a, INC chun inenfienain hmang a tih tiin AICC President Sonia Gandhi chun a hril. Sonia chun Congress candidate lo vote tuhai, Congress thuoitu le Congress worker hai kuomah lawmthu a hril a. Hi inthlangnaa hratna chang partyhai lawmpuiin sawrkar tha hung indin seng dingin ditsakna an hlan. Chun, sawrkarna siemthei dinga an party vote petu Puducherry mipuihai chungah Sonia Gandhi chun lawmthu a hril bawk.
Kholi in NSCN (IM) Vice Chairman dingin
DIMAPUR: ‘Gen’(retd) Kholi Konyak chun zani hmasa khan New Delhi hmuna NSCN(IM) Vice Chairman dingin intiemkamna a nei. Gen. (retd) Kholi hi National Hoho in May 17, 2016 nia kha CHQ Hebron hmuna ViceChairman dinga an nomninate a nih. Kholi in NSCN(IM) Vice Chairman dinga sesamna a neina inkhawm a hin NSCN(IM) General Secretary Th. Muivah chun welcome speech neiin Kholi Konyak in NSCN(IM) zawm dinga thutlukna a siemna thuah lawmum a ti thu a hril.
Baichung Bhutia a tlingzo nawh
KOLKATA: West Bengal Assembly Electiona vote tla hai tiem zo hlima khan Trinamool Congress ticketa Siliguri biela ngir Indian Football captain hlui Bhaichung Bhutia chu a tling zo nawh. Hi biela hin an khingpui Siliguri mayor le CPIM minister hlui Ashok Bhattacharya in hratna a chang.
West Bengal Assembly election a khan poltician heavy weight iemanizat an tling zonaw bawk. Chu hai lai chun minister hlui Madan Mitra, CPI(M) secretary Surjya Kanta Mishra; West Bengal Food Processing minister Krishnendu Narayan Chowdhury hai an thang.
Congress in khaw 14; MNF in 8 an lak
AIZAWL: Mizorama Aizawl District sunga khaw 25 le Kolasib District khaw 6 haia Village Council byelection result puong a nita a, Congress chun khaw 14 an lak a, MNF in khaw 8; ZNP le BJP in khaw pakhat veve an lak. Congress in sawrkar an siem theina khuo hai chu Aizawl Districta Daido, Khawlian, Mauchar, N. Khawdungsei, N. Tinghmun, NE Tlangnuam, Phuaibuang, Ratu, Sailutar le Sunhluchhip bakah Kolasib District ah N. Chawnpui, N. Hlimen, Phainuam, Saihapui V le Saihapui hai an nih.
MNF in sawrkar an siem theina hai chu Aizawl districtah Khawpuar, Lungsum, Sakawrdai, Suangpuilawn, Thingsat, Zawngin le Zohmun bakah Kolasib districtah Saipum a nih. ZNP in Lamher le BJP in Vaitinah sawrkar an siem thei. Damdiai, New Vervek, Vanbawng le Zokhawtiang haia chun sawrkar siem thei bik um lovin an inhnetawk a, N. Khawlek le Palsang ah Independent tlingna a um bawk.
Egypt vuongna inhmang zawng mek
CAIRO: Paris a inthawk Cairo pana vuong Egypt vuongna inhmang, Mediterranean tuipuia tla lut ni dinga ring zawngna sin chu thaw mek a nih. Hi vuongna tla thla zawngna sin thaw dingin Egypt le Greece chun vuongna le lawng hai tirin zawngna sin nasa takin an thaw mek a nih. Egypt vuongna inhmang a khan Vuongna sunga thawktu thangin mi 66 an chuong a nih.
VAWISUN THUPUI
Chun, khawhnawma an thuoi suok hnung chun,“I hringna dingin tlan suok rawh: i hnungtieng ngha naw la, phaizawla hrim hrim hin chawl bawknaw rawh; tlanga sawn tlan rawh, chuong naw chun bohmang rawi i tih,” a tih a. Genesis 19:17
Editorial: BJP in hma an sawn hret hret pei
Tuta tuma states 4 le Union Territory (UT) pakhat haia Assembly Election result chu puonglang a lo ni ta a. Centrala sawkrna chel mektu BJP chu an duthusam angin hrat zonaw hai sienkhawm hma an sawn hret hret pei niin Assembly Election result a inthawk hin hriet thei a nih. BJP la hrat ngai der nawna Assamah BJP thuoinain sawrkar thar a hung um ding a nih. India ramin zalenna a hmu a inthawka India hmarsak biela BJP in sawrkarna an siem le Chief Minister an chel hmasa takna ding a la nih. BJP ta ding chun phur um takel a nih. Chun, BJP la tling ngai nawna West Bengal state a khawm BJP candidate 3 lai an tling a, Keralaah BJP candidate pakhat a tling bawk. Kerala state a BJP in MLA an nei hmasatakna a la nih. Hi taka inthawk hin BJP chun hma an sawn hret hret pei a nih ti a hung inlang. Centrea sawrkarna chelzing lai anni leiin a awm a, a ni ding hrim a ngai thei a nih.
Tu hri hin chu South India a chun BJP chu an duthusam angin anla hlawtling naw a, Modi Wave tia hril hlak khawm khan umzie a nei thei meu naw niin an lang. South India biela hin chu a state sunga tuolto partyhai an hrat tlangpui a nih. BJP hi a tlangpuiin North le Central India haiah wave an nei a, kum 2014 Lok Sabha electionah hrat hle hai sienkhawm state Assembly election haia ruok hin chu an duthusam ang chie chun an che hrat thei em em naw niin anlang. Assam state a ngei khawm an party khat chau khawma sawrkarna siem thei ding hiel khawpa hratna an chang inringhai sienkhawm anla phakzo naw deu a, an inthlawppui Asom Gana Parishad (AGP) le Bodoland Peoples Front (BPF) hai leh sawrkar an siem kawp a la tul a nih.
Assam state a iengleia hiengang em ema Congress an hung chau a, an hung tlase el am a nia ti inla, a san ding hril thei tam tak um a tih. Asan bulpui tak nia inlang chu Assam state a Congress party sunga insekhekna le inremnawna um lei a nih ti inla a suol taluo ring a um nawh. Congress thuoitu le MLAhai lai an CM Tarun Gogoi dit naw pawl le CM ni nuom an hung um a, CM inchu an hung um ta ngei , hi taka inthawk hin Assam state a Congress party chun chau le siet tieng a hung pan pei a, tuta tuma Assembly election a hin an ngirhmun a hung chau ta hle a, an sawrkar chu vawrthlukin a hung um pha ta hiel a nih. A san dang pakhat chu, kum 15 lai zet sawrkarna chelin ro an rel ta a. An inlalna hin Assam state mipuihai lungrila inthlakthlengna (change) ditna a hung um ta lei niin an lang.
India hmarsak biela state lien tak, a hausa tak le a pawimaw tak chu Assam state hi a ni a. Assam state a BJP hung hratna le sawrkar siemnaa lukhaitu tak an hung nina dinga hin NE biela state dang dang haia khawm iemani chena kakhawk le hratna a hung pek pha ring a um. Arunachal Pradesh a khawm BJP sawrkar hmak la ninaw sienkhawm thil fe dan enin BJP sawrkar a nih ti theiin a hung um ta a nih. Thaw theina remchang a hung um chun Centrea BJP sawrkar hi Arunachal Pradesh le Uttarakhand state haia a chet ang khan a la hung che nuom pei ding niin an lang. Kuo hi suot theina naah la suot pei chu an party thiltum niin an lang. Nagaland a NPF khawm BJP le thangruol an ni a, an sawrkar fe mek hi BJP rim innam sawrkar chu a ni ve tlat a nih. BJP hi NE bielah khawm hma an hung sawn hret hret pei a, NE biela Assembly election la hung um ding haiakhawm hma an hung sawn pei ding niin an lang.
Assam state a chun Lotus (Meitei tawngin Thambal) a hung par ta a. Kumthara Manipur Assembly Election hung um dinga khawm hin Assam state ang bawkin Manipur a khawm Lotus hi a hung par suok el dim ti chu politician tam tak el hai beiseina niin anlang. Hi lei hin exminister, ExMLA, IAS le IPS pension bakah Manipura tuolto party a senior politicianhai chenin BJP hi an zawm tawl ta a nih. Manipura Assembly byelection nuhnung takah khan BJP candidatehai ve ve thlangtling an ni a, kha thil khan Manipura BJP chu a sukhrat pha sawt a nih. Assembly election nawk huna ngir ve nuomhai ta ding chun BJP zawm ve a, BJP ticket chang ve tuma hmalak chu thil awm tak hrim a nih.
June 2, 2016 ah Imphal Municipal Corporation (IMC) election a hung um ding a ni a. Hi election a khawm hin an beituo ding tak chu Manipura sawrkarna chel laizing Congress party le BJP candidatehai an hung ni ngei ring a nih. Mi thenkhat chun IMC election hung um ding hi kum thara Manipura Assembly election hung um ding hlimthla inlangna ding annawleh football tournament a um changa semifinal ei ti ang hi a hung ni ding a nih tiin an hril.A hung indik ding le ding naw chu hunin a la hung rel ding a nih. Vaihai lai chun election huna party in an fe a, ei ni lai ruok chu candidate party ni lovin a candidate zawngin ei fepui hlak niin an lang. ILPS le August 31, 2015 a Manipur Assembly in Bills 3 an pasi chungchang khawm Assembly election huna hin kakhawk a nei ring a um bawk.
