MPSC Civil Engineers examah Hmar tlangval 4 an tling
CCPUR/IMPHAL: Manipur Public Service Commission (MPSC) huoihawtna hnuoia Section Officer Grade I/II/ Deputy Manager/ Assistant Manager (Civil and Information Technology in PWD, Irrigation & Flood Control Department, Public Health Engineering Department, Power Department MSPCL, Exam 2015 result puong a ni ta a, Civil Engineersah mi 333 an hlawtling a, hlawtlingna chang hai lai hin tlangmi (ST) 64 an thang a, chu hai lai chun Hmar tlangval 4 an thang ve. Hmar mi hlawtlingna chang hai chu George F. Tuollai s/o Dr F Thienkhogin @ Dr Ginte of Rengkai; Zarzolien s/o Ralkapthang of Parbung, CCPur; Jerusalem Infimate s/o (L) Songthalut Infimate of Saidan, CCPur le Lalnuntluong Hrangchal hai an nih. Information Technologyah 6 tling hai lai tlangmi (ST) 2 an tling bawk.
Civil Engineers a ST hlawtling hai chu hieng a hnuoia hai hi an nih-
Kamei Gaibaulung (25)
Pashel Phetha Anal (103)
Ch Mology Maring (112)
Tanthangta Kohai Tangkirung Henry (120)
Nada Khoda (140)
Kopui Mothil Khulpuwa (142)
Dilbung Shenong Lamkang (155)
Worngam Lungleng (164)
Hau Khansiam Khuptong (186)
Karangchungpu Longmei (219)
Themreichan Mungkung (220)
Lansinrei Kamei (249)
George F. Tuollai (250)
K.G. Gaithaorei Savio (251)
Veineilam Haokip (262)
Longmei Gaipu (263)
Gabriel Kamei (270)
Gaichung Kahmei (272)
Robert Thangjahao Touthang (278)
Kakhulan Pamei (280)
M. Khamsuanhang Zou (282)
Tongsin Bless (286)
Sorormi Hungyo (288)
Serto Chungneilin Kom (289)
Thangminlen Lhungdim (290)
Mathukmi Raman (291)
Letkhotinthang Haokip (292)
Telein Tungngam Kom (293)
Tongsin Joice Anal (294)
RLNgamhring (295)
Zarzolien (296)
Chonmila Shinglai (297)
Jerusalem Infimate (300)
Chingkhupuilu Lydia Gangmei (301)
Phal Poly Paite (303)
M.Jonathan (304)
R.D. Mowarhring Anal (305)
Bindiya Golmei (306)
Sh. Paominlal Mate (307)
Cho. Neisuokim Aimol (308)
Golmei Meijinlung (310)
S. Solomon Ngamminthang Haokip (311)
Lashuli (312)
Kamei Lanjaingai (313)
MC Jennifer (314)
Chunthanliu R.Panmei (315)
K Saveson (316)
Adinpu Gangmei (317)
Anne Hunyo (318)
Daihrii Salouno Aloysius (319)
Doukhanmang 9320)
M. Thonggoulen Haokip (321)
Poukinthui Rongmei (322)
Pheiga Gangmei Dominic (324)
Ch. Peter Maring(325)
Victor Kamei (326)
Horam Pakleila (327)
Meibuanlung Kamei (328)
Karbe Morungson Kansouwa (329)
Peter Kung (330)
G. Liamba (331)
Lalnuntluong Hrangchal (332)
Pauchama Panmei (333)
Information Technology-ah
Yaruihor Hungyo (5)
Kansham Angphun Maring (6)
Prepaid meter box 10721 inbuk tah
CCPUR: Manipur State Power Distribution Company Ltd.(MSPDCL)/CCPur Divn. (Electricity Deptt.) a inthawk chanchin ei dawng danin, LanvaLighthouse inkar, Zenhang Lamka area, Hq. Veng le Hiangtam Lamka area hai thangin May 10, 2016 chen khan Electric Prepaid meter box 10721 inbuk a nita a, hi laia 7378 hai chu activate a nitah tiin a hril.
Prepaid area a hin May, 2016 a inthawk Joint Electricity Regulatory Commission (Manipur &Mizoram) thutlukna angin electric consumer han Rs. 200/ pein electric prepaid hmu thei an tih. Prepaid la hmang lo na haia ruok chun a pangngai angin permit lakna dingin Rs. 2000 chuong Officeah sung la tul a tih.
Electric hrui inruk hmang
CCPUR: Thanlon khoua 33/11KV Power SubStationa inthawkSumt ukKhajang khuo inkar electric supplyna dinga hightension hrui keizam vawng ta chu Sumtuk le Khajang khuo inkar km. 4 vela hlana hmuna rukru han electric hrui (hightension wire) 3 hai an inrukhmang niin MSPDCL/CCPur Division chun a hril. Inruk hmanga um hi km. 1 vela sei ding, Rs. 2 lakh vel manhu niin an hril bawk. Hi baka hin tuchena Sumtuk le Khajang khaw inkara electric hrui inrukhmang tapo hi Rs. 810 lakh vel manhu nita dingin an hril bawk.
Ration Card pekir mi 74 an tling tah
CCPUR: National Food Security Act (NFSA) hnuoia Ration Card nei, CCPur districta tuchena Ration Card DC office a Food & Civil Supply Deptt kuoma pekir (surrendered) chu mi 74 an tling tah. Ration pekir hai laia 34 hai chu Hebron Veng, N. Lamkaa inthawk an ni a; Bungmual -a inthawk 19; Hiangtam Lamkaah 5; College Veng, N. Lamkaah 4; Vengnuam, N. Lamkaah 4; Gangpimual-ah 3; Hilltownah 2; Lailam Vengah 1; Gouchinkhup Veng, N. Lamkaah 1 le Zenhang Lamkaah 1 an nih.
HSA in a lawmpui
CCPUR: HSA CCPur Jt. HQ. chun Council of Hr. Sec. Education Manipur hnuoiah HSA members hlawtlingna chang hai po po a lawmpui thu a puong a, tuta tuma hlawsamhai khawm lunghnuol lova hmatieng nasa lema thang la dinga ditsakna an hlan thu zanita Joshua Amo, Secy. Inf. & Publc. in lawmpuina thupuong an suoah a zieklang.
Chun, HSA Imphal Jt. Hqrts khawmin kum 2016 Class XII Exam hlawtlingna chang HSA members hai po po le MPSC huoihawtna hnuoia Civil Engineers laknaa hlawtlingna chang tuhai po po a lawmpuina vochuom chibai a buk. Hmatieng peiah Pathienin an hma thuoiin an thiemna le varna hai hmanga hnam ta dinga mi tangkai tak hung ni tung pei dingin ditsakna an hlan thu zanita Malsawmthang Ralsun, President, HSA, Imphal JHQ in lawmpuina thu a puongah an ziek.
BSN in Blood Donation Camp
CCPUR: May 12, 2016 zingkar 10;30AM khan District Hospital, Churachanpurah International Nurses Day le inzawmin Bethesda School of Nursing(BSN) chun “Blood connects us all” ti thupuia hmangin Blood Donation Camp a huoihawt. Rev.Lalneikhup Hmar,Secy., Finance ICI le Adviser, BSN chun thisen petu ding hai tawngtaipekna a nei.
Hi huna hin BSN student le staff mi 43 zetin a thlawnin thisen an pek. Blood Bank Incharge, Dr.Paulunmang Vaiphei chun hienganga BSN in thisen mamaw le damnawhai ta dinga Blood Donation Camp a huoihawt chu lawmum a ti thu hrilin, inchuklai nurse hai chu damnawhai enkawlna sin chau thaw lova, an thisen hai chen pek an inhuom chu inpakum le entawntlak anni thu a hril. (Muona Infimate)
Escort & Transport Allowance sem ding
CCPUR: May 13, 2016, 11:30AM hin Thangzam Road, Laitui Medico Pharmacy bula Inclusive Education for Disabled (IED)/SSA Resource Centreah IED hnuoia kum 201516 sunga Escort and Transport Allowances semna um a tih. Hi huna hin Lalthazam Infimate, BO/HQ DC’s Office khuollienin thang a ta, Guest of Honour in T. Goukhomang, ZEO/CCPur thang a tih. Khuollienin thuhrilna hun hmang a ta, Allowance hmu ding mi 131 hai kuoma sem a ta, Guest of Honour in students 115 hai kuomah Escort Allowance sem a tih.
SSDDC in final proposal village list an pek
CCPUR: Saikawt SubDivision Demand Committee (SSDDC)a Secretary R. Lalkaisanga le Timothy Z. Zote, Chairman, SSDDC han, hawng thara um Saikawt SubDivsion in a huom ding hai final proposal village list chu May 12, 2016 khan SDO, CCPur fethlengin Deputy Commissioner (DC), CCPur kuomah an peklut. Proposal list an pekluta hin Village Authorities han Saikawt SubDivision huomsunga um remtina lekha bakah hi Subdivision sunga major tribes 6 Zomi Council, Mizo People Convention (Manipur); Hmar Inpui GHQ, Kuki Innpi (CCPur), Vaiphei People’s Council, Hmar National Union (Tuithaphai Block No.5) haia inthawk thlawpna lekha an peklut sa bawk.
Thangpuina thil a sem
CCPUR: James Doujapau Haokip, SDO/BDO chun zani zingkar khan Kholmun a SDO/BDO Tuibuong Officeah ama biel sunga thli, ruo le riel leia harsatna tuor, in le lo, le thil tum tum a suksiet neitu hai kuomah thangpuina a siem. Hi huna hin khuo 16 haia inthawk In 82 hai kuomah Bufai bag 1 seng le pawisa a sem. Natural Calamities um huna sawrkar thangpuina dit hai chun thil tlung ni la lain SDO/BDO officeah a thlalak le detail kim tak report pe hlak dingin thangpuina a sem huna mipui hai an hriettir.
Higher Secondary Examination, 2016 Result insuo; a pumpuia pass percentage 65.22
INSPIRE program hnuoia Award a pek ding hailai Judith Ramtharmawi a thang ve
IMPHAL: Council of Higher Secondary Education, Manipur chun zanikhan Higher Secondary Examination, 2016 result an suo ta a. Candidates 27238 in exam form an fillup a, candidates 17566 an pass(qualified) a, a pumpuia pass percentage chu 65.22 a nih. Kum 2015 nekin pass percentage an sang lem. Kum 2015 a pass percentage chu 61.09 a nih. Tu kum hin mi aia exam 5 hnawtdawk an ni a, kum 2017, 2018 le 2019 exdam haiah an thang phal ninaw nih. Enruk thaw mi 12 hnawtdawk an ni a, kum 2017 ah examah an thang phal ninaw nih.
Districtwise pass percentage chu 1 Thoubal (86.27); (ii) CCPur (82.62); (iii) Tamenglong (67.92); (iv) Imphal West (67.55); (v). Chandel (64.28); (vi) Imphal East (55. 83); (vii) Senapati (48.53); (viii) Bishnupur le (ix) Ukhrul (43.22) a nih. Goverment Colleges/Higher Secondary Schools pass percentage 48.4 le NonGovernment Colleges/Higher Secondary Schools pass percentage 72.46 a nih.
Churachandpur District a chun Sielmat Christian Higher Secondary School pakhatna a ni a; Artsah mi 85 an exam a, 85 an passed a, pass percent 100 a ni a, Scienceah 160 an exam a, 156 an pass (97.50%) a, total pass percentage 98.37 a nih.
Pahnina chu Young Pillars College a ni a, Artsah mi 138 an exam a, 136 an passed (98.55%); Scienceah mi 62 an exam a, mi 56 an pass (93.32%). Total pass PC 96.00 a nih.
Pathumna chu Blue Star Academy an ni a, Artsah 41 an exam a, mi 27 an pass (68.85 %); Scienceah mi 12 an exam a, mi 3 an pass (25.00), total PC 94.74 anih.
Palina chu Vision Academy an ni a, Arts ah mi 59 an exam a, mi 59 an pass (100%), Scienceah mi 27 an exam a, mi 22 an pass (81.48%), total pass PC. 94.19 a nih.
Pangana chu Don Bosco Hr. Sec. School anni a, Artsah mi 178 an exam a, mi 169 an passed (94.94), Scienceahmi 209 an exam a, mi 165 an pass (78.95%), total pass PC 86.30 a nih.
Rayburn College parukna an ni a, Arts ah mi 362 an exam a, mi 297 an pass (82.04), Scienceah mi 100 an exam a, mi 72 an pass (72%), Commerceah mi 25 an exsam a, mi 20 an pass (80.00%) a, total pass PC 79.88 a nih.
Ebenezer Academy 7na an ni a, Artsah mi 82 an exam a, mi 74 an pass (90.24), scienceah mi 20 an exam a, mi 3 an pass (15.00%), total pass P.C. 75.49 a nih.
Rengkai Govt. Hr. Sec. School a 8na an ni a, Scienceah mi 114 an exam a, mi 103 an pass a, (90.35 %), Scienceah 74 an exam a, mi 34 an pass (45.95%), total pass P.C. 72.87 a nih.
V.K. Tawna College 9na an ni a, Arts ah mi 160 an exam a, mi 140 an pas (87.50%); Scienceah mi 164 an exam a, mi 91 (55.49%) an pass, Commerce ah mi 20 an exam a, mi 10 an pass (50%), total pass P.C. 70.06 a nih.
Vungzagen Christian Hr. Sec. School 10na an ni a, Arts ah mi 8 an exam a, mi 6 an pass (75%), Scienceah mi 1 a exam a, a failed.total pass P.C 66.67 a nih.
Bethany Christian Hr. Sec. School 11na a ni a, Artsah mi 41 an exam a, mi 27 an pass (65.85%) ; Scienceah mi 12 an exam a, mi 3 an pass (25%), total pass P.C. 56.60 a nih.
Lamka College 12na an ni a, Arts ah mi 4 an exam a, mi 2 an pass (50%), total pass P.C. 50.00 a nih.
Innovation in Science Pursuit for Inspired Research (INSPIRE) hnuoia Scholarship for Higher Education (SHE) dawng dingin mi 268 thlang an ni a, hienghai lai hin eini mi 7 an thang a, chuonghai chu, Judith Ramtharmawi d/o Lalsiemlien of Sielmat Christian Hr. Sec. School; Chinnunthem Lhouvum, Marina Chingdeinuam, Benjamin Letson Haokip, K. Chungneithang Kom, Obet Letlensang Haokip le T.L. Kamminlal Haokip hai annih. Kum khatah Scholarship Rs. 80,000 pei, kum 5 sung an dawng ding a nih. Churachandpur districta inthawk chun Judith Ramtharmawi chau hi nia hriet a nih.
IGP 2 Addl. DGP in an kaisang
IMPHAL: Senior IPS Officer pahni C. Doungel le KT Vaiphei hai chu Inspector General of Police (IGP) a inthawk Additional Director General of Police (ADGP) a inkaisangtir an nih. Chun, Dr S. Ibocha IPS chu DIG a inthawk IGP a inkaisangtir a ni bawk.
P. Doungel chu ADGP ADGP (Intelligence) Prisons chelsa dinga ruot a ni a, C. Doungel chun (AP/Trg) le Home Guard chel a ta, KT Vaiphei chun (L/O); IGP L. Kailun chun IGP (Zone II) le (AP/Ops) enkai sang a ta, T. Guite chun IGP (Zone III) (Trg/HR/RTI) ; Dr S. Ibocha chun IGP (admn) chel a tih. Lunsieh Kipgen, DIG chun Range II le IV enkai a tih. Chun, MPS officer 3 Y. Ashokumar chu Asst. Director MPTC; B. Go Lian Mang chu CO/Home Guards le Y. Victoria Devi chu Addl. SP (Ops), Bishnupur dinga ruot a ni bawk.
Manipurah simkhawlei an hning
IMPHAL: Zani zantieng 1:24PM velkhan Manipura chun simkhawlei hrat rak lovin an hning a, sienkhawm thil suksiet a nei thu hriet a ni nawh. Manipur Universitya Seismological Observatory Centrea Scientist Manichandra Sanoujam chun, simkhawlei inhning kha 4.8 richter scale a hrat niin a hril a; Simkhawleihung inhning tanna (epicentre) chu India le Myanmar ramri, Moreh hnuoi sung km. 75 a inthawk a nih tiin ahril.
Sangai le Sakhi an pung pei
IMPHAL: Wildlife Wing, Forest Department, Govt. of Manipur chun tukum March le April thla sunga Keibul Lamjao National park Laipham Phumlak le Yawa Lamjao hai Wildlife Census an thaw dugnzuiin Sangai le Sakhi an pung pei a, tuhin Sangai 260 le Sakhi 276 an um. Census thaw hmasa huna khan Sangai 204 le Sakhi 212 an um tiin Forest & Environment minister I Hemochandra in a officea chanchinbumihai an hmupui huna a hril.
June 11ah RS seats 57 ah election
NEW DELHI: Election Commission chun Rajya Sabha seats 56 haiah biennial election nei ning a tih tiin zanikhan thusuok a siem. June le August thla hai khin States 15 haiah Rajya Sabha members 55 hai hun (term) a tawp ta ding a ni leia Rajya Sabha bienial election hi nei a hung tul a nih tiin Election Commission thusuok chun a hril.
TN ah Rs. 100 crore chuong man tah
CHENNAI: Tamil Nadu Assembly Election hung um ding le inzawma model code of conduct hmang a ni a inthawk tuchena hin Tamil Nadu a chun Election officials han hmun hran hran an dapnaah politicians, sumdangtu le mi dang dang hai a inthawka pawisa thienghlim lo an man chu Rs. 100 crore a chuong ta niin zanita Election official thusuok chun a hril. Zani hmasa zankhan DMK candidate KC Palanisamy chengna ina inthawk Rs. 2 crore zet dapdawkin an man nawk a nih. Hieng pawisa an man hai laia Rs. 37 crore chu lekhapawimaw official hai kuoma produced a ni hnungin pekkir nawk an ni tah.
Zanita dingin RS inthung sukchawl
NEW DELHI: Rajya Sabhaa Congress MP nilai mek Praveen Rashtrapal (76) zani zingkara lungphu chawla a thi leiin Rajya Sabha chun Chairman Md Hamid Ansari inrawinaa sunna hmun hmang a ni zoin zanita dingin Rajya Sabha inthung chu suktawp a nih. Mr Praveen Rashtrapal hi kum 20062012 le April 2012 a inthawk a thi hma chen Gujarata inthawk Rajya Sabha member a nih. PM Narendra Modi chun Praveen Rashtrapal thi pawi a ti thu le a sung hai a sunpui thu a puong.
Odisha SC/ST MLA han hunger strike
BHUBANESWAR: Odisha a chun SC le ST a inthawk Congress le BJP MLAs han Dalit le Tribal student hai ta dinga Medical le Engineering Colleges haia seats 38 percent huol dinga ngenna in zanikhan Odisha Assemblya Chief Minister Naveen Patnaik office chamber tuolah bungheia nuorna an nei. Assembly Speaker Pujari chun, MLA nuorna nei hai chu an thil ngen sawrkarin ni 7 sung a sukfel ding thu a tiem tawl. MLA hai hin Chief Minister kuomah memorandum khawm an pek a nih.
July 29 ah Bank Union in strike
HYDERABAD: United Forum of Bank Unions chun zani hmasa khan Hyderabad hmuna meeting an ko a, sawrkarin Public sector banks hai privatisation a thaw tum dodalnain July 29, 2016 nia India ram pumpui huopa ni khat sung Strike nei dingin an rel. Bank Employees’ Federation of India general secretary (AP and Telangana) P.Venkataramaiah chun an strike thaw tum hi thlawp dingin mipui hai a ngen.
Flying Squad han Rs. 16 lakh chuong an man
SHILLONG: May 16, 2016 nia Meghalaya statea Tura Lok Sabha seat byelection hung um ding le inzawmin Flying Squad han zani hmasa khan Jengjal, West Garo Hills districtah Independent MLA Brigady Marak laina hnai Chongteng K. Sangma kuta inthawk Rs. 16.20 lakh an man. Police le thangruola Jengjal hmunah a chuongna motor an dap huna hieng pawisa hai hi an dapdawk niin ei thu dawngna chun ahril. Chongteng hi Contractor a ni a, Marak hi Meghalayaa Congress inrawi MUA sawrkara thang ve niin Parliamentary Secretary, i/c Agri, PWD (building) chel lai mek a nih.
Odisha SC/ST MLA han hunger strike
BHUBANESWAR: Odisha a chun SC le ST a inthawk Congress le BJP MLAs han Dalit le Tribal student hai ta dinga Medical le Engineering Colleges haia seats 38 percent huol dinga ngenna in zanikhan Odisha Assemblya Chief Minister Naveen Patnaik office chamber tuolah bungheia nuorna an nei. Assembly Speaker Pujari chun, MLA nuorna nei hai chu an thil ngen sawrkarin ni 7 sung a sukfel ding thu a tiem tawl. MLA hai hin Chief Minister kuomah memorandum khawm an pek a nih.
VAWISUN THUPUI
Ama chu ei Pathien a na, Eini hi a ran tlatna hmuna mi le, a kuta beramhai ei ni sih a, Vawisun hin a rawl chu lo hre ta ve unla aw! Sâm 95:7
Editorial: Sawrkar tha
Ram hausa le vantlang nun inhawina hi sawrkar kuta um a ni a, fak le dawn zawngnahai le mipuihai khawsak inhawina hi sawrkar tha le tha lo inkhinaa ei hmang a pawimaw a, sawrkar thaah chun ram a ralmuongin mipui nawlpui sum thawsuok an tluktlang a, mi po po fak le dawnah an intluktlang a, vangnei nau falhai hi chu an um naw thei naw a, chuonghai chu ei thik ve ringawt ding khawm a ninaw a, iengkhawm nisienla ram thuoitu tha leia ram le hnam hi ngirsuok a nih ti chu thudik a nih. Ramin harsatna le buoina a tuok chun roreltu sawrkar le thuoitu han mipuihai an min tum el ding a ninaw a, ei ram siet le thatna thua hin zaah za hi ram roreltuhai le ram thuoituhai mawphurna a nih. Ram rorelna a tha a, a fel fai chun ram mipuihai inkarah inkhingna annawleh inkeibuoina a tlung ngai nawh.
Dan anga roreltu ding chu sawrkar, mipui lungruol zawnga roreltu ding chu sawrkar, mipui mamaw petu ding khawm sawrkar, thil iengkima a bul le a tawp chu sawrkar a ni a, thil indiklo a hung um chang hin mipuihai hi an min tum ding a ni nawh. An thaw dinga thil tha chu thaw el raw hai seh. Chuongang bawkin an ram mipuihai inlungruolnawna ding chu an thaw naw ngam el ding a nih. Tan bik, ditsak bik, ti bik, ngaisak bik le tlawn bik annei ding a ni nawh. Tulaia ei rama thil tlung hi chik taka an ngaituo a, an chingfel a tul a, chu chu an mawphurna a nih.
Ram le mipui himna ding, mipui hamthatna ding, vantlang nun siem thatna ding, vantlang hriselna ding, Education, lamlien, leilak, tui, Electric le thil dang dang siem thatna dinga mawphurtu chu ram thuoitu, a bikin thlangtling le thlanglala um hai mawphurna a nih. Ram thuoitu ding le ram roreltu dinga thlangtling le thlanglal han an thaw ding an thaw naw a, an mawphurnahai anhlen suok zo naw pha pha leh ram mipuihai lai lungawinawna, chierna, nuorna le helna hai hi a hung suok hlak. Ei ram le mipui han sawrkar tha hi ei mamaw bek bek el a nih. Hi thu hi an hriet tasa khawm a ni el thei. Amiruokchu, tulai tak hin a thar takin hung hre nawkhai sienla nuom a um.
Ram thuoitu le ram roreltu ding ei mamaw a, chu lei taka mipui rawngbawltu ding le mipui siehlaw ni ding, ei aiawtu dingin ei thlang ta a, chu chu Legislature nina le mipui ta dinga sum le pai, iengkima vangtlang hamthatna dinga thlang an ni a, an sin hi a pawimaw em em leiin National Flag le VIP light pek an ni a. Iengtiklai khawmin lal dinga thlang an ni ngai naw a, Lal ni dinga thlang an ni nawh ti hi ei politicianhai hin hrie zinghai sienla nuom a um khawp el. Lal an ninaw a, anpuhai (mipui) ta annih. Peoples Representative Act hnuoiah public servant an nih ti hi inhriehai sienla, sawrkarin a tum tak chu vantlang thatna le ram hmasawnna rurel siem hi a nih ti hriein, an nuom an ningin ei ram roreltuhai hi um naw hai sienla nuom a um khawp el.
Manipur a tribal mipuhai hin ei state sunga Inner Line Permit System (KLPS) hmang sunzawm nawk hi ei kal der naw a, hnawl khawm ei hnawl der nawh. ILPS hmang sunzawm nawk hi ei remtipui naw khawm a ni bawk nawh. Amiruokchu, ILPS hmangna ding le inzawma Manipur Assembly in Bills 3 a pasi hi tribal hnam hai ta dinga a thanaw leia ei dodal a ni lem ti hi state sawrkar le phairam mihai hin hriethiem thei hai sienla chu tlangmihai le phaimihai inkarah hin innawrbuoina hi hung um der naw nih.
Chun, Bills 3 hai President in a pawmpui a, suoi a thaw theina ding le Act a hung ni theina dinga Manipura all parties meeting in Delhi a palai tir an rel khawm hi a thu an laitawk naw niin an lang. Manipur a tlangmihai thil ngen nawrpui dingin all parties meeting in Delhiah palai tir dingin an la rel ngai naw a, party tum tum le state sawrkar thil thaw dan enin iengtika khawm rel ngai bawk naw nihai. State sawrkar le all parties meeting thutlukna hin thlawp le awn bik a nei tlat leiin tlangmihai ta ding chun hrietthiem a harsa hle. Hi lei hin an thutlukna hin tlangmihai sawisel a hung hlaw a, an ta ding chun do ve a hung tul el ta niin anlang.
XXXXXXXXXX
SIN RUOK
1. Manipur State Power Corporation Limited (MSPCL) hnuoiah GradeIII & IV Post 680 (Control Room Assistant, Junior System Assistant & WatchmancumCleaning Assistant) a ruok. Hieng sin ruok hai hi Employment Exchange fethelnga apply ding a nih. Application form le thu chieng lem State Government website:www.manipur.gov.in ah hriet thei le download thei ning a tih. Application form peklut theina hun nuhnungtak chu June 10, 2016 a nih tiin Managing Director, MSPCL chun inhriettirna siem.
2. Directorate of Education (s) Government of Manipur hnuoiah hieng a hnuoia sin hai hi a ruok:
(i). Multi Tasking Staff GroupD (GradeIV) post 193. Thiemna Matriculate/Class X passed.
(ii). Office Assistant (OA) post 178. Thiemna Graduate le Computer thiem a tul.
(iii). Primary Teacher (SSA) Post 489. Thiemna 10+2, marks 50% hmu, TETI passed, 2 year Diploma in Elementary Education etc. ni a tul.
(iv). Upper Primary Teacher (SSA) Science post 203, Mathematics post 204 le Social Science post 48 (a rengin post 455) a ruok. Thiemna Graduate, 2 years Diploma in Elementary Educationetc. ni a tul.
(v). Graduate Teacher 50 (RMSA); Arts 92, Science 50, Mathematics 72, English 43, Language (Manipuri 21, Addl. English 2, Nepali 2, Hindi 2, Tangkhul 3, Ruangmei 3, ThadouKuki 5, Mizo3, Vaiphei 2, Kom 2, Mao 2, Paite 1, Hmar 1, Zou 1, Liangmei 1) a rengin post 307 a nih. Thiemna Master Degree le B.Ed. ni a tul.
Kum 38 neka tam lo ni a ngai a, Application form le thu chieng lem Education (s) Department website: www.manipureducation.gov.in ah May 16, 2016 a inthawk en thei le download thei ning a tih tiin Director, Education (s), Govt. of Manipur chun inhriettirna a siem. Application peklut theina hun nuhnung tak chu June 20, 2016 (Employment Exchangeah) le Directorate of Education (s) ah June 27, 2016 ning a tih.
3. Manipur Legislative Assembly Secretariat, Imphalah regular basis in Under Secretary Post 1 (UR), Reporter GradeIII post 5, (UR4, ST1) a ruok. Hi sin apply nuom han hnina lekha May 18, 2016 chenin Deputy Secretary (Admn) Manipur Legislative Assemblyah peklut thei ning a tih.
CCPUR/IMPHAL: Manipur Public Service Commission (MPSC) huoihawtna hnuoia Section Officer Grade I/II/ Deputy Manager/ Assistant Manager (Civil and Information Technology in PWD, Irrigation & Flood Control Department, Public Health Engineering Department, Power Department MSPCL, Exam 2015 result puong a ni ta a, Civil Engineersah mi 333 an hlawtling a, hlawtlingna chang hai lai hin tlangmi (ST) 64 an thang a, chu hai lai chun Hmar tlangval 4 an thang ve. Hmar mi hlawtlingna chang hai chu George F. Tuollai s/o Dr F Thienkhogin @ Dr Ginte of Rengkai; Zarzolien s/o Ralkapthang of Parbung, CCPur; Jerusalem Infimate s/o (L) Songthalut Infimate of Saidan, CCPur le Lalnuntluong Hrangchal hai an nih. Information Technologyah 6 tling hai lai tlangmi (ST) 2 an tling bawk.
Civil Engineers a ST hlawtling hai chu hieng a hnuoia hai hi an nih-
Kamei Gaibaulung (25)
Pashel Phetha Anal (103)
Ch Mology Maring (112)
Tanthangta Kohai Tangkirung Henry (120)
Nada Khoda (140)
Kopui Mothil Khulpuwa (142)
Dilbung Shenong Lamkang (155)
Worngam Lungleng (164)
Hau Khansiam Khuptong (186)
Karangchungpu Longmei (219)
Themreichan Mungkung (220)
Lansinrei Kamei (249)
George F. Tuollai (250)
K.G. Gaithaorei Savio (251)
Veineilam Haokip (262)
Longmei Gaipu (263)
Gabriel Kamei (270)
Gaichung Kahmei (272)
Robert Thangjahao Touthang (278)
Kakhulan Pamei (280)
M. Khamsuanhang Zou (282)
Tongsin Bless (286)
Sorormi Hungyo (288)
Serto Chungneilin Kom (289)
Thangminlen Lhungdim (290)
Mathukmi Raman (291)
Letkhotinthang Haokip (292)
Telein Tungngam Kom (293)
Tongsin Joice Anal (294)
RLNgamhring (295)
Zarzolien (296)
Chonmila Shinglai (297)
Jerusalem Infimate (300)
Chingkhupuilu Lydia Gangmei (301)
Phal Poly Paite (303)
M.Jonathan (304)
R.D. Mowarhring Anal (305)
Bindiya Golmei (306)
Sh. Paominlal Mate (307)
Cho. Neisuokim Aimol (308)
Golmei Meijinlung (310)
S. Solomon Ngamminthang Haokip (311)
Lashuli (312)
Kamei Lanjaingai (313)
MC Jennifer (314)
Chunthanliu R.Panmei (315)
K Saveson (316)
Adinpu Gangmei (317)
Anne Hunyo (318)
Daihrii Salouno Aloysius (319)
Doukhanmang 9320)
M. Thonggoulen Haokip (321)
Poukinthui Rongmei (322)
Pheiga Gangmei Dominic (324)
Ch. Peter Maring(325)
Victor Kamei (326)
Horam Pakleila (327)
Meibuanlung Kamei (328)
Karbe Morungson Kansouwa (329)
Peter Kung (330)
G. Liamba (331)
Lalnuntluong Hrangchal (332)
Pauchama Panmei (333)
Information Technology-ah
Yaruihor Hungyo (5)
Kansham Angphun Maring (6)
Prepaid meter box 10721 inbuk tah
CCPUR: Manipur State Power Distribution Company Ltd.(MSPDCL)/CCPur Divn. (Electricity Deptt.) a inthawk chanchin ei dawng danin, LanvaLighthouse inkar, Zenhang Lamka area, Hq. Veng le Hiangtam Lamka area hai thangin May 10, 2016 chen khan Electric Prepaid meter box 10721 inbuk a nita a, hi laia 7378 hai chu activate a nitah tiin a hril.
Prepaid area a hin May, 2016 a inthawk Joint Electricity Regulatory Commission (Manipur &Mizoram) thutlukna angin electric consumer han Rs. 200/ pein electric prepaid hmu thei an tih. Prepaid la hmang lo na haia ruok chun a pangngai angin permit lakna dingin Rs. 2000 chuong Officeah sung la tul a tih.
Electric hrui inruk hmang
CCPUR: Thanlon khoua 33/11KV Power SubStationa inthawkSumt ukKhajang khuo inkar electric supplyna dinga hightension hrui keizam vawng ta chu Sumtuk le Khajang khuo inkar km. 4 vela hlana hmuna rukru han electric hrui (hightension wire) 3 hai an inrukhmang niin MSPDCL/CCPur Division chun a hril. Inruk hmanga um hi km. 1 vela sei ding, Rs. 2 lakh vel manhu niin an hril bawk. Hi baka hin tuchena Sumtuk le Khajang khaw inkara electric hrui inrukhmang tapo hi Rs. 810 lakh vel manhu nita dingin an hril bawk.
Ration Card pekir mi 74 an tling tah
CCPUR: National Food Security Act (NFSA) hnuoia Ration Card nei, CCPur districta tuchena Ration Card DC office a Food & Civil Supply Deptt kuoma pekir (surrendered) chu mi 74 an tling tah. Ration pekir hai laia 34 hai chu Hebron Veng, N. Lamkaa inthawk an ni a; Bungmual -a inthawk 19; Hiangtam Lamkaah 5; College Veng, N. Lamkaah 4; Vengnuam, N. Lamkaah 4; Gangpimual-ah 3; Hilltownah 2; Lailam Vengah 1; Gouchinkhup Veng, N. Lamkaah 1 le Zenhang Lamkaah 1 an nih.
HSA in a lawmpui
CCPUR: HSA CCPur Jt. HQ. chun Council of Hr. Sec. Education Manipur hnuoiah HSA members hlawtlingna chang hai po po a lawmpui thu a puong a, tuta tuma hlawsamhai khawm lunghnuol lova hmatieng nasa lema thang la dinga ditsakna an hlan thu zanita Joshua Amo, Secy. Inf. & Publc. in lawmpuina thupuong an suoah a zieklang.
Chun, HSA Imphal Jt. Hqrts khawmin kum 2016 Class XII Exam hlawtlingna chang HSA members hai po po le MPSC huoihawtna hnuoia Civil Engineers laknaa hlawtlingna chang tuhai po po a lawmpuina vochuom chibai a buk. Hmatieng peiah Pathienin an hma thuoiin an thiemna le varna hai hmanga hnam ta dinga mi tangkai tak hung ni tung pei dingin ditsakna an hlan thu zanita Malsawmthang Ralsun, President, HSA, Imphal JHQ in lawmpuina thu a puongah an ziek.
BSN in Blood Donation Camp
CCPUR: May 12, 2016 zingkar 10;30AM khan District Hospital, Churachanpurah International Nurses Day le inzawmin Bethesda School of Nursing(BSN) chun “Blood connects us all” ti thupuia hmangin Blood Donation Camp a huoihawt. Rev.Lalneikhup Hmar,Secy., Finance ICI le Adviser, BSN chun thisen petu ding hai tawngtaipekna a nei.
Hi huna hin BSN student le staff mi 43 zetin a thlawnin thisen an pek. Blood Bank Incharge, Dr.Paulunmang Vaiphei chun hienganga BSN in thisen mamaw le damnawhai ta dinga Blood Donation Camp a huoihawt chu lawmum a ti thu hrilin, inchuklai nurse hai chu damnawhai enkawlna sin chau thaw lova, an thisen hai chen pek an inhuom chu inpakum le entawntlak anni thu a hril. (Muona Infimate)
Escort & Transport Allowance sem ding
CCPUR: May 13, 2016, 11:30AM hin Thangzam Road, Laitui Medico Pharmacy bula Inclusive Education for Disabled (IED)/SSA Resource Centreah IED hnuoia kum 201516 sunga Escort and Transport Allowances semna um a tih. Hi huna hin Lalthazam Infimate, BO/HQ DC’s Office khuollienin thang a ta, Guest of Honour in T. Goukhomang, ZEO/CCPur thang a tih. Khuollienin thuhrilna hun hmang a ta, Allowance hmu ding mi 131 hai kuoma sem a ta, Guest of Honour in students 115 hai kuomah Escort Allowance sem a tih.
SSDDC in final proposal village list an pek
CCPUR: Saikawt SubDivision Demand Committee (SSDDC)a Secretary R. Lalkaisanga le Timothy Z. Zote, Chairman, SSDDC han, hawng thara um Saikawt SubDivsion in a huom ding hai final proposal village list chu May 12, 2016 khan SDO, CCPur fethlengin Deputy Commissioner (DC), CCPur kuomah an peklut. Proposal list an pekluta hin Village Authorities han Saikawt SubDivision huomsunga um remtina lekha bakah hi Subdivision sunga major tribes 6 Zomi Council, Mizo People Convention (Manipur); Hmar Inpui GHQ, Kuki Innpi (CCPur), Vaiphei People’s Council, Hmar National Union (Tuithaphai Block No.5) haia inthawk thlawpna lekha an peklut sa bawk.
Thangpuina thil a sem
CCPUR: James Doujapau Haokip, SDO/BDO chun zani zingkar khan Kholmun a SDO/BDO Tuibuong Officeah ama biel sunga thli, ruo le riel leia harsatna tuor, in le lo, le thil tum tum a suksiet neitu hai kuomah thangpuina a siem. Hi huna hin khuo 16 haia inthawk In 82 hai kuomah Bufai bag 1 seng le pawisa a sem. Natural Calamities um huna sawrkar thangpuina dit hai chun thil tlung ni la lain SDO/BDO officeah a thlalak le detail kim tak report pe hlak dingin thangpuina a sem huna mipui hai an hriettir.
Higher Secondary Examination, 2016 Result insuo; a pumpuia pass percentage 65.22
INSPIRE program hnuoia Award a pek ding hailai Judith Ramtharmawi a thang ve
IMPHAL: Council of Higher Secondary Education, Manipur chun zanikhan Higher Secondary Examination, 2016 result an suo ta a. Candidates 27238 in exam form an fillup a, candidates 17566 an pass(qualified) a, a pumpuia pass percentage chu 65.22 a nih. Kum 2015 nekin pass percentage an sang lem. Kum 2015 a pass percentage chu 61.09 a nih. Tu kum hin mi aia exam 5 hnawtdawk an ni a, kum 2017, 2018 le 2019 exdam haiah an thang phal ninaw nih. Enruk thaw mi 12 hnawtdawk an ni a, kum 2017 ah examah an thang phal ninaw nih.
Districtwise pass percentage chu 1 Thoubal (86.27); (ii) CCPur (82.62); (iii) Tamenglong (67.92); (iv) Imphal West (67.55); (v). Chandel (64.28); (vi) Imphal East (55. 83); (vii) Senapati (48.53); (viii) Bishnupur le (ix) Ukhrul (43.22) a nih. Goverment Colleges/Higher Secondary Schools pass percentage 48.4 le NonGovernment Colleges/Higher Secondary Schools pass percentage 72.46 a nih.
Churachandpur District a chun Sielmat Christian Higher Secondary School pakhatna a ni a; Artsah mi 85 an exam a, 85 an passed a, pass percent 100 a ni a, Scienceah 160 an exam a, 156 an pass (97.50%) a, total pass percentage 98.37 a nih.
Pahnina chu Young Pillars College a ni a, Artsah mi 138 an exam a, 136 an passed (98.55%); Scienceah mi 62 an exam a, mi 56 an pass (93.32%). Total pass PC 96.00 a nih.
Pathumna chu Blue Star Academy an ni a, Artsah 41 an exam a, mi 27 an pass (68.85 %); Scienceah mi 12 an exam a, mi 3 an pass (25.00), total PC 94.74 anih.
Palina chu Vision Academy an ni a, Arts ah mi 59 an exam a, mi 59 an pass (100%), Scienceah mi 27 an exam a, mi 22 an pass (81.48%), total pass PC. 94.19 a nih.
Pangana chu Don Bosco Hr. Sec. School anni a, Artsah mi 178 an exam a, mi 169 an passed (94.94), Scienceahmi 209 an exam a, mi 165 an pass (78.95%), total pass PC 86.30 a nih.
Rayburn College parukna an ni a, Arts ah mi 362 an exam a, mi 297 an pass (82.04), Scienceah mi 100 an exam a, mi 72 an pass (72%), Commerceah mi 25 an exsam a, mi 20 an pass (80.00%) a, total pass PC 79.88 a nih.
Ebenezer Academy 7na an ni a, Artsah mi 82 an exam a, mi 74 an pass (90.24), scienceah mi 20 an exam a, mi 3 an pass (15.00%), total pass P.C. 75.49 a nih.
Rengkai Govt. Hr. Sec. School a 8na an ni a, Scienceah mi 114 an exam a, mi 103 an pass a, (90.35 %), Scienceah 74 an exam a, mi 34 an pass (45.95%), total pass P.C. 72.87 a nih.
V.K. Tawna College 9na an ni a, Arts ah mi 160 an exam a, mi 140 an pas (87.50%); Scienceah mi 164 an exam a, mi 91 (55.49%) an pass, Commerce ah mi 20 an exam a, mi 10 an pass (50%), total pass P.C. 70.06 a nih.
Vungzagen Christian Hr. Sec. School 10na an ni a, Arts ah mi 8 an exam a, mi 6 an pass (75%), Scienceah mi 1 a exam a, a failed.total pass P.C 66.67 a nih.
Bethany Christian Hr. Sec. School 11na a ni a, Artsah mi 41 an exam a, mi 27 an pass (65.85%) ; Scienceah mi 12 an exam a, mi 3 an pass (25%), total pass P.C. 56.60 a nih.
Lamka College 12na an ni a, Arts ah mi 4 an exam a, mi 2 an pass (50%), total pass P.C. 50.00 a nih.
Innovation in Science Pursuit for Inspired Research (INSPIRE) hnuoia Scholarship for Higher Education (SHE) dawng dingin mi 268 thlang an ni a, hienghai lai hin eini mi 7 an thang a, chuonghai chu, Judith Ramtharmawi d/o Lalsiemlien of Sielmat Christian Hr. Sec. School; Chinnunthem Lhouvum, Marina Chingdeinuam, Benjamin Letson Haokip, K. Chungneithang Kom, Obet Letlensang Haokip le T.L. Kamminlal Haokip hai annih. Kum khatah Scholarship Rs. 80,000 pei, kum 5 sung an dawng ding a nih. Churachandpur districta inthawk chun Judith Ramtharmawi chau hi nia hriet a nih.
IGP 2 Addl. DGP in an kaisang
IMPHAL: Senior IPS Officer pahni C. Doungel le KT Vaiphei hai chu Inspector General of Police (IGP) a inthawk Additional Director General of Police (ADGP) a inkaisangtir an nih. Chun, Dr S. Ibocha IPS chu DIG a inthawk IGP a inkaisangtir a ni bawk.
P. Doungel chu ADGP ADGP (Intelligence) Prisons chelsa dinga ruot a ni a, C. Doungel chun (AP/Trg) le Home Guard chel a ta, KT Vaiphei chun (L/O); IGP L. Kailun chun IGP (Zone II) le (AP/Ops) enkai sang a ta, T. Guite chun IGP (Zone III) (Trg/HR/RTI) ; Dr S. Ibocha chun IGP (admn) chel a tih. Lunsieh Kipgen, DIG chun Range II le IV enkai a tih. Chun, MPS officer 3 Y. Ashokumar chu Asst. Director MPTC; B. Go Lian Mang chu CO/Home Guards le Y. Victoria Devi chu Addl. SP (Ops), Bishnupur dinga ruot a ni bawk.
Manipurah simkhawlei an hning
IMPHAL: Zani zantieng 1:24PM velkhan Manipura chun simkhawlei hrat rak lovin an hning a, sienkhawm thil suksiet a nei thu hriet a ni nawh. Manipur Universitya Seismological Observatory Centrea Scientist Manichandra Sanoujam chun, simkhawlei inhning kha 4.8 richter scale a hrat niin a hril a; Simkhawleihung inhning tanna (epicentre) chu India le Myanmar ramri, Moreh hnuoi sung km. 75 a inthawk a nih tiin ahril.
Sangai le Sakhi an pung pei
IMPHAL: Wildlife Wing, Forest Department, Govt. of Manipur chun tukum March le April thla sunga Keibul Lamjao National park Laipham Phumlak le Yawa Lamjao hai Wildlife Census an thaw dugnzuiin Sangai le Sakhi an pung pei a, tuhin Sangai 260 le Sakhi 276 an um. Census thaw hmasa huna khan Sangai 204 le Sakhi 212 an um tiin Forest & Environment minister I Hemochandra in a officea chanchinbumihai an hmupui huna a hril.
June 11ah RS seats 57 ah election
NEW DELHI: Election Commission chun Rajya Sabha seats 56 haiah biennial election nei ning a tih tiin zanikhan thusuok a siem. June le August thla hai khin States 15 haiah Rajya Sabha members 55 hai hun (term) a tawp ta ding a ni leia Rajya Sabha bienial election hi nei a hung tul a nih tiin Election Commission thusuok chun a hril.
TN ah Rs. 100 crore chuong man tah
CHENNAI: Tamil Nadu Assembly Election hung um ding le inzawma model code of conduct hmang a ni a inthawk tuchena hin Tamil Nadu a chun Election officials han hmun hran hran an dapnaah politicians, sumdangtu le mi dang dang hai a inthawka pawisa thienghlim lo an man chu Rs. 100 crore a chuong ta niin zanita Election official thusuok chun a hril. Zani hmasa zankhan DMK candidate KC Palanisamy chengna ina inthawk Rs. 2 crore zet dapdawkin an man nawk a nih. Hieng pawisa an man hai laia Rs. 37 crore chu lekhapawimaw official hai kuoma produced a ni hnungin pekkir nawk an ni tah.
Zanita dingin RS inthung sukchawl
NEW DELHI: Rajya Sabhaa Congress MP nilai mek Praveen Rashtrapal (76) zani zingkara lungphu chawla a thi leiin Rajya Sabha chun Chairman Md Hamid Ansari inrawinaa sunna hmun hmang a ni zoin zanita dingin Rajya Sabha inthung chu suktawp a nih. Mr Praveen Rashtrapal hi kum 20062012 le April 2012 a inthawk a thi hma chen Gujarata inthawk Rajya Sabha member a nih. PM Narendra Modi chun Praveen Rashtrapal thi pawi a ti thu le a sung hai a sunpui thu a puong.
Odisha SC/ST MLA han hunger strike
BHUBANESWAR: Odisha a chun SC le ST a inthawk Congress le BJP MLAs han Dalit le Tribal student hai ta dinga Medical le Engineering Colleges haia seats 38 percent huol dinga ngenna in zanikhan Odisha Assemblya Chief Minister Naveen Patnaik office chamber tuolah bungheia nuorna an nei. Assembly Speaker Pujari chun, MLA nuorna nei hai chu an thil ngen sawrkarin ni 7 sung a sukfel ding thu a tiem tawl. MLA hai hin Chief Minister kuomah memorandum khawm an pek a nih.
July 29 ah Bank Union in strike
HYDERABAD: United Forum of Bank Unions chun zani hmasa khan Hyderabad hmuna meeting an ko a, sawrkarin Public sector banks hai privatisation a thaw tum dodalnain July 29, 2016 nia India ram pumpui huopa ni khat sung Strike nei dingin an rel. Bank Employees’ Federation of India general secretary (AP and Telangana) P.Venkataramaiah chun an strike thaw tum hi thlawp dingin mipui hai a ngen.
Flying Squad han Rs. 16 lakh chuong an man
SHILLONG: May 16, 2016 nia Meghalaya statea Tura Lok Sabha seat byelection hung um ding le inzawmin Flying Squad han zani hmasa khan Jengjal, West Garo Hills districtah Independent MLA Brigady Marak laina hnai Chongteng K. Sangma kuta inthawk Rs. 16.20 lakh an man. Police le thangruola Jengjal hmunah a chuongna motor an dap huna hieng pawisa hai hi an dapdawk niin ei thu dawngna chun ahril. Chongteng hi Contractor a ni a, Marak hi Meghalayaa Congress inrawi MUA sawrkara thang ve niin Parliamentary Secretary, i/c Agri, PWD (building) chel lai mek a nih.
Odisha SC/ST MLA han hunger strike
BHUBANESWAR: Odisha a chun SC le ST a inthawk Congress le BJP MLAs han Dalit le Tribal student hai ta dinga Medical le Engineering Colleges haia seats 38 percent huol dinga ngenna in zanikhan Odisha Assemblya Chief Minister Naveen Patnaik office chamber tuolah bungheia nuorna an nei. Assembly Speaker Pujari chun, MLA nuorna nei hai chu an thil ngen sawrkarin ni 7 sung a sukfel ding thu a tiem tawl. MLA hai hin Chief Minister kuomah memorandum khawm an pek a nih.
VAWISUN THUPUI
Ama chu ei Pathien a na, Eini hi a ran tlatna hmuna mi le, a kuta beramhai ei ni sih a, Vawisun hin a rawl chu lo hre ta ve unla aw! Sâm 95:7
Editorial: Sawrkar tha
Ram hausa le vantlang nun inhawina hi sawrkar kuta um a ni a, fak le dawn zawngnahai le mipuihai khawsak inhawina hi sawrkar tha le tha lo inkhinaa ei hmang a pawimaw a, sawrkar thaah chun ram a ralmuongin mipui nawlpui sum thawsuok an tluktlang a, mi po po fak le dawnah an intluktlang a, vangnei nau falhai hi chu an um naw thei naw a, chuonghai chu ei thik ve ringawt ding khawm a ninaw a, iengkhawm nisienla ram thuoitu tha leia ram le hnam hi ngirsuok a nih ti chu thudik a nih. Ramin harsatna le buoina a tuok chun roreltu sawrkar le thuoitu han mipuihai an min tum el ding a ninaw a, ei ram siet le thatna thua hin zaah za hi ram roreltuhai le ram thuoituhai mawphurna a nih. Ram rorelna a tha a, a fel fai chun ram mipuihai inkarah inkhingna annawleh inkeibuoina a tlung ngai nawh.
Dan anga roreltu ding chu sawrkar, mipui lungruol zawnga roreltu ding chu sawrkar, mipui mamaw petu ding khawm sawrkar, thil iengkima a bul le a tawp chu sawrkar a ni a, thil indiklo a hung um chang hin mipuihai hi an min tum ding a ni nawh. An thaw dinga thil tha chu thaw el raw hai seh. Chuongang bawkin an ram mipuihai inlungruolnawna ding chu an thaw naw ngam el ding a nih. Tan bik, ditsak bik, ti bik, ngaisak bik le tlawn bik annei ding a ni nawh. Tulaia ei rama thil tlung hi chik taka an ngaituo a, an chingfel a tul a, chu chu an mawphurna a nih.
Ram le mipui himna ding, mipui hamthatna ding, vantlang nun siem thatna ding, vantlang hriselna ding, Education, lamlien, leilak, tui, Electric le thil dang dang siem thatna dinga mawphurtu chu ram thuoitu, a bikin thlangtling le thlanglala um hai mawphurna a nih. Ram thuoitu ding le ram roreltu dinga thlangtling le thlanglal han an thaw ding an thaw naw a, an mawphurnahai anhlen suok zo naw pha pha leh ram mipuihai lai lungawinawna, chierna, nuorna le helna hai hi a hung suok hlak. Ei ram le mipui han sawrkar tha hi ei mamaw bek bek el a nih. Hi thu hi an hriet tasa khawm a ni el thei. Amiruokchu, tulai tak hin a thar takin hung hre nawkhai sienla nuom a um.
Ram thuoitu le ram roreltu ding ei mamaw a, chu lei taka mipui rawngbawltu ding le mipui siehlaw ni ding, ei aiawtu dingin ei thlang ta a, chu chu Legislature nina le mipui ta dinga sum le pai, iengkima vangtlang hamthatna dinga thlang an ni a, an sin hi a pawimaw em em leiin National Flag le VIP light pek an ni a. Iengtiklai khawmin lal dinga thlang an ni ngai naw a, Lal ni dinga thlang an ni nawh ti hi ei politicianhai hin hrie zinghai sienla nuom a um khawp el. Lal an ninaw a, anpuhai (mipui) ta annih. Peoples Representative Act hnuoiah public servant an nih ti hi inhriehai sienla, sawrkarin a tum tak chu vantlang thatna le ram hmasawnna rurel siem hi a nih ti hriein, an nuom an ningin ei ram roreltuhai hi um naw hai sienla nuom a um khawp el.
Manipur a tribal mipuhai hin ei state sunga Inner Line Permit System (KLPS) hmang sunzawm nawk hi ei kal der naw a, hnawl khawm ei hnawl der nawh. ILPS hmang sunzawm nawk hi ei remtipui naw khawm a ni bawk nawh. Amiruokchu, ILPS hmangna ding le inzawma Manipur Assembly in Bills 3 a pasi hi tribal hnam hai ta dinga a thanaw leia ei dodal a ni lem ti hi state sawrkar le phairam mihai hin hriethiem thei hai sienla chu tlangmihai le phaimihai inkarah hin innawrbuoina hi hung um der naw nih.
Chun, Bills 3 hai President in a pawmpui a, suoi a thaw theina ding le Act a hung ni theina dinga Manipura all parties meeting in Delhi a palai tir an rel khawm hi a thu an laitawk naw niin an lang. Manipur a tlangmihai thil ngen nawrpui dingin all parties meeting in Delhiah palai tir dingin an la rel ngai naw a, party tum tum le state sawrkar thil thaw dan enin iengtika khawm rel ngai bawk naw nihai. State sawrkar le all parties meeting thutlukna hin thlawp le awn bik a nei tlat leiin tlangmihai ta ding chun hrietthiem a harsa hle. Hi lei hin an thutlukna hin tlangmihai sawisel a hung hlaw a, an ta ding chun do ve a hung tul el ta niin anlang.
XXXXXXXXXX
SIN RUOK
1. Manipur State Power Corporation Limited (MSPCL) hnuoiah GradeIII & IV Post 680 (Control Room Assistant, Junior System Assistant & WatchmancumCleaning Assistant) a ruok. Hieng sin ruok hai hi Employment Exchange fethelnga apply ding a nih. Application form le thu chieng lem State Government website:www.manipur.gov.in ah hriet thei le download thei ning a tih. Application form peklut theina hun nuhnungtak chu June 10, 2016 a nih tiin Managing Director, MSPCL chun inhriettirna siem.
2. Directorate of Education (s) Government of Manipur hnuoiah hieng a hnuoia sin hai hi a ruok:
(i). Multi Tasking Staff GroupD (GradeIV) post 193. Thiemna Matriculate/Class X passed.
(ii). Office Assistant (OA) post 178. Thiemna Graduate le Computer thiem a tul.
(iii). Primary Teacher (SSA) Post 489. Thiemna 10+2, marks 50% hmu, TETI passed, 2 year Diploma in Elementary Education etc. ni a tul.
(iv). Upper Primary Teacher (SSA) Science post 203, Mathematics post 204 le Social Science post 48 (a rengin post 455) a ruok. Thiemna Graduate, 2 years Diploma in Elementary Educationetc. ni a tul.
(v). Graduate Teacher 50 (RMSA); Arts 92, Science 50, Mathematics 72, English 43, Language (Manipuri 21, Addl. English 2, Nepali 2, Hindi 2, Tangkhul 3, Ruangmei 3, ThadouKuki 5, Mizo3, Vaiphei 2, Kom 2, Mao 2, Paite 1, Hmar 1, Zou 1, Liangmei 1) a rengin post 307 a nih. Thiemna Master Degree le B.Ed. ni a tul.
Kum 38 neka tam lo ni a ngai a, Application form le thu chieng lem Education (s) Department website: www.manipureducation.gov.in ah May 16, 2016 a inthawk en thei le download thei ning a tih tiin Director, Education (s), Govt. of Manipur chun inhriettirna a siem. Application peklut theina hun nuhnung tak chu June 20, 2016 (Employment Exchangeah) le Directorate of Education (s) ah June 27, 2016 ning a tih.
3. Manipur Legislative Assembly Secretariat, Imphalah regular basis in Under Secretary Post 1 (UR), Reporter GradeIII post 5, (UR4, ST1) a ruok. Hi sin apply nuom han hnina lekha May 18, 2016 chenin Deputy Secretary (Admn) Manipur Legislative Assemblyah peklut thei ning a tih.
