Responsive Ad Slot

May 16: Hmar Martyrs' Day a ding inbuotsaina a fe mek

Saturday, April 30, 2016

/ Published by VIRTHLI
CCPUR, April 30,2016 (VIRTHLI): Hmar Inpui Gen. Hqrs hrietpuia indin Hmar Martyrs' Trophy Organising Board  (HMARTOB) inrawinaa The 13th State Level Hmar Martyrs' Trophy Football Tournament Final ni le Tukum 2016 May 16 Hmar Martyrs' Day Manipur State Level a Saikot Playground, Saikot, CCPur a inser a ni hun a hin Hmar Youth Association (HYA) Branch tum tum hai chun thei tawp a hi ni hi inser a ni theina dingin hma an lak mek a. HYA Rengkai Branch khawmin hi huna hin Hmar hnam ta dinga hringna hlu tak lo inhlan a, Martyr hai inzana (Salute) pekna nei dingin Mr. Immanuel Lalneisang Secy., Art & Culture; HYA, Rengkai Branch inrawina le Mr. H. Samson President, HYA, Rengkai Branch in a tul ang ang ama sum sengin hma an lak mek. Hi huna hin Pasal 26 ha'n silai le uniform leh Hmar Pasalthahai inzana an pek ding a nih. Mr. Samson chun lawmthu hrilnain Pasal 26 hai hi April 29, 2016 zan khan inchukna hmunah Rs. 100/- seng pein Mr. Alan Famhoite Asst. Gen. Secy., HYA GHQ le Secy., HMARTOB nilai chu fielin hi lawmthu hrilna hi mi 26 hai kuoma hin an hlan tir.



Hungtlung ding Hmar Martyrs' Day, May 16 Manipur State Level a Saikot Playground a inser a ni hun a hin kum danga la um ngai lo iemanizat item um a ta, infiemna le inruolsiekna chi tum tum Marathon, Fahrel inher le Lung deng inelna hai khawm um sang a tih. Tukum May 16 Hmar Martyrs' Day hi a vawi 26-na ding a ni a. A puithu thei ang taka hmang dinga inpuoc  mek a nih tiin Organiser, HMARTOB chun an hril. Hmar Inpui, Gen. Hqrs. chun tuta hma khan 8th Assembly a Agenda le Resolution 4-na dungzuiin tukum Hmar Martyrs' Day May 16 chu Hmar umna hmun tin le ram tin a hai ursun taka inser ding le Hmar khuo a hai chun VA Chairman a um chun ama inrawina hnuoia hi ni hi ursun taka lo inser dingin inhriettirna le ngenna a lo siem tah a nih.

Photo: Alan Famhoite


Don't Miss
© all rights reserved
made with by Simon L Infimate