Aizawl, April 15, 2016 (VIRTHLI): Mizorama Music Award hlun tak le inlar pawl tak Lelte Award vawi 25-na chu tarik 14 April,2016 zan dar 8 khan Vanapa Hall-ah semna nei a nih.
Lelte Award hi tukum hi kum 25-na (Silver Jubilee) ani taa, hun hmasa tieng Pathien kuoma lawmthu hrilna Rev. Remlalfaka in hunser a hmang a. Chu zo chun Award chi hrang hrang 43 lai zat semna nei a nih. Young Achiever Award chu mi 14 hai kuoma inhlan a ni a, Special Award mi 4 hai kuoma inhlan a ni bawk.
Hi Award semna hi hnesaw takin Daisy Zomawii (LPS) le Valpuia Fanai (NLN Zokhawpui Champhai) han an host a, kumdang hai nekin stage khawm an cheimawi nasa hle a nih. Hi huna hin Pu Lal Thanzara, Minister chu khuollien a hmang a nia, PC Lalhmingthanga, Aizawl City Mayor chu kuolzaum in a thang.
Hi huna hin Chibil Award semna a uma, Hmar a chu ei Gospel singer le Hmar Artiste Association a Secretary nilaizing Tv. Joseph M. Pakhuongte, Saikawt in a dawng a nih.
Tv. Jospeh Pakhuongte chun hi lawmman a lak huna hin lawmthu hrilna neiin, hieng ang hin a hril a nih. "A hmasa tak ah hriselna, damna le hlasak theina talent petu Pathien kuomah lawmthu a hril a, Ama chu ropui tak raw seh tiin, chun insung sin tul tamtak hai thaw hman lo khawpa hlasak rawngbawla a suok khawma chier lova, fuia mi tawngtai pek lemtu ka Nu le Pa, ka Unau hai kuomah lawmthu ka hril a nih. Delhi, Guwahati, Shillong, Assam, NC Hills, Mizoram le Manipur a ka ruoltha hai, mi ditsaktu le mi tawngtai pektu RECYCLED TEENS a ka ruol hai popo le ka Choir chanpui hai popo kuomah lawmthu ka hril. Hmuntina um, ka hlasak mi hlutsak peka mi ngainatu hai popo kuomah lawm thu ka hril bawk a nih. A tawp takah, Mizoram chau nilo a state tin Zohnathlak hai mi theinghil ngai lo tu Lelte Magazine le Lelte Award organiser hai kuomah lawmthu ka hrila, a bik takin Pu C. Dinthanga kuomah lungril takin lawmthu ka hril mawl mawl a nih. Ka lawm ie"
Lawmman semzo hnunga "Hi Award i dawng hi iengtinam i ngaia? tia Virthli palai in zawna a siema Tv. Joseph Pakhuongte chun Zohnathlak hai laia hla le rimawi tienga Award a chu a hlu ka ti taka, sum tamtak senga state danga inthawka va lak vang vang khawm a phua ka ngaia a ropui khawp el tiin a dawn a nih.
Chibil Award (Paite) ami chu Mr. Ginlian Hangzo, Mata, Chibil Award (Thadou - Kuki) chu Nk. Helamboi Baite, Tuibuong in a dawng bawk a nih.
Award dang dawng tuhai chu;
# Music Video of the Year (Lengzem/Lenglawng): Lawmi Khiangte (Kan Hlimlaini)
# Singer of the Year(Female): Zorinzuali Khiangte
# Best Music Video of the Year: Durtlang Branch YMA(Thuvate)
# Singer of the Year (Male): Manuna
# Music Video of the Year(Band): The Prophets(Arora)
# Gospel Singer of the Year (Female) : Lalduhsaki
# Gospel Singer of the Year (Male): Sawmtea
# Music Video of the Year (Gospel): Nithar (One in Christ)
# Musician of the Year: Kima Chhangte
# Composer of the Year: Lalremruata (Parema)
# Song of the Year-Harhna Ropui
# Choir Of The Year: General PYD Choir
# New Artist of the Year (Gospel): Temi Sailo
# New Artist of the Year (Lengzem/lenglawn): Israel Lalbiakrem
