DTO in revenue Rs. 6,12,239 an hmu March 2015-March 2016 sung motor 1500 registered
CCPUR: District Transport Office (DTO), CCPur chun March, 2016 thla sung khan Revenue (Sie) Rs. 6,12,239/ an hmu a, April, 2015 a inthawk March, 2016 chena Revenue (Sie) an hmusuok chu Rs. 90,70,60 a tling phak.
Chun, March, 2016 thla sung khan DTO/CCPur chun Truck 2, Eeco Van 5, Car 8, Jeep 8, Auto Rickshaw 6, two wheeler 106 le others 1 a rengin March, 2016 thla sung motor 136 Registration an thaw a. April, 2015March, 2016 sungin Truck 40, Water Tanker 2, Bus 2, Eeco Van 36, Var 122, Jeep 47, Auto Rickshaw 58, two wheeler 1184 le Others 9 Registration an thaw. Hi hun sunga DTO/CCPur in motor registration a thaw po chu a rengin 1,500 a nih.
CCPur Blocka Schools 12 CCE survey
CCPUR: Central sawrkarin Education le inzawma Continuous Comprehensive Evaluation (CCE) a fepui mek le inzawma CCPur Districta Govt. Schools 21 haia Class IX inchuklai han CCE an hamthatpui am ti le harsatna iem an nei ti survey thaw dinga thlangsuok a ni a, chu lai chun CCPur Blocka inthawk Govt. School 12 a thang a; DI of Schools/CCPur Block staff han survey thawin student hai lai question siem an ta, answer paper hai ZEO/CCPur kuomah pelut an tih.
Craftman National Award
CCPUR: Manipura Craftperson hai ta dingin State Level Selection Committee chun National Award, 2015 hmu ding thlangsuok a tum a, CCPur Districta inthawk Craftperson han DIC/CCPur officeah prescribe proforma form lain April 30, 2016 chenin Development Commissioner (Handicraft), Marketing & Service Extension Centre, Imphalah peklut thei ning a tih. Handicraft sample, biodata, affidavit etc peklut sa a ngai, thu chieng lem DIC Office, Tuibuongah kan thei ning a tih.
KTP Conf. hmang ding hai inthlaliem ding
CCPUR: New Delhi hmuna 32nd KTP General Conference um dinga zu thang ding Tuithaphaia inthawk ICI KTP hai chu vawituk 10AM hin Rev. L. Ramlawm, Presbytery Secretary in tawngtainain inthlasuok a tih. Hi khawmpuia zu thang ding hai chu zingkar 9AM hin Sielmat ICI Biekin tlungkim seng dinga inhriettir an nih.
Dist. Level Quiz and Debate compett.
CCPUR: Rashtriya Madhyamik Shiksha Abhiyan (RMSA), CCPur chun April 9 le 12, 2016 hai khin Govt. Private & Aided schoola Class IXX inchuklai hai ta dingin Quiz le Debate competition buotsai a tum. School Principal/Headmasters student tir nuom han April 6, 2016 chenin ZEO, CCPur office a pelut thei an ta, thu chieng lem ADPM/RMSA kuomah hriet thei ning a tih.
Operation thaw dingin an admit
CCPUR: Gospel Ministry for Disability India chun March 17, 2016 a inthawk an officea an enkawl Mr Lam minthang (23) s/o (L) Thangnoh of Zalenphai Village le a sangpa Nohminsei (17) hai chu operation thaw dingin zanikhan District Hospital, CCPurah an admit.
Anni pahni hi an ke a khinghni hnia invung (both legs swelling & crooked) a ni a, an piengpui nilo, khawsak harsatna leia a hun taka enkawl a ninaw leia hienganga hung puom an nih. Unau pathum nuhmei 1 le pasal 2 an ni a, an farnu khawm hiengang natna nei tho niin ei thu dangna chun a hril a, Doctor han an enfel mek a, hun remchang hmasa taka operation an thaw ding a nih.
Class VIII Registration
CCPUR: Class VIII Registration le inzawmin ZEO, CCPur le CEO, ADCC hnuoia um le Private Schools hai chu concern DI of Schools hai kuoma inthawk form format laa Soft (Excel file) & hard copy April 15, 2016 chena DI of Schools hai kuoma pelut dinga inhriettir an nih.
Trade tum tum training thei
CCPUR: North East India Rural Upliftment Trust (NEIRUT) le Scholar’s Academy Education Trust (SAET), Guwahati hai thangruolin Ministry of Skill Development and Entrepreneurship, Govt. of India hnuoiah Churachandpur district, Manipurah trade tum tum Weaving, Construction, Welding, Tailoring & Embroidery, Plumbing, Telecom, Agriculture, Handicraft etc training nuom hai ta dingin training huoihawt a ni ding a ni a, inhnikna nei hai chun April 9, 2016 chen khin Ger & Emma Hardware Store (HYA GHQ Information Centre, Rengkai Vengpuiah hming zieklut thei ning a tih.
Traininga thang hai certificate pek ning an ta, certificate hmangin Central Govt.a inthawk Loan khawm hmu thei ni dinga hril a nih. Thu chieng lem hre nuom han James H Songate (09085236916); Albert Sitlhou (08723898334) le Albert Hmar (099 54 537526) haiah kanchieng thei ning a tih.
SBC 31st Convocation service
CCPUR: April 3, 2016, 1PM khan Roberts’ Jubilee Chapel, Sielmatah Sielmat Bible College (SBC) 31st Convocation Sevice hmang a nih. Hi huna hin Rev. Dr Ruolngul, Chairman, SBC Board le Rev. Jaya Kumar han certificate le Award semna an nei a, Rev. HDS Joel, Regional Manager, North India, Development Support Team in convocation address a hril a; Bachelor of Theology mi 11 le Diploma in Theology mi 3 hai kuoma degree inhlan an nih.
PHED in tuilawng an phum
CCPUR: Churachandpur Govt. H/S Campusa Water Reservior a inthawk Mualveng le Hiangtam Lamka haia tui supplyna ding PHED chun JCB hmangin tuilawng an phum. Tuilawng phumzo a ni huna hieng biel haia khawsung mipui han tui supply an dawng thei ta ding a nih.
Promotion na ding seniority list peklut a tul
CCPUR: ZEO/CCPur hnuoia GradeIV, School mother/Matron sinthaw, LDC le Primary Teacer a promotionna ding le inzawmin Seniority list Director of Education (S) ah peklut a tul a, educational certificates, appointment order, last posting order, personal profile thangin April 12, 2016 chenin Director of Education (S) ah peklut ding a nih.
2nd Phase Essay writing competition
CCPUR: Tribal Movement of Lamka (ATML) chun April 9, 2016 khin 2nd Phase Essay Writing Competition huoihawt nawk an tum. Hi Competition a hin Class VIII to X inchuklaihai thang thei an tih. Lawmman pakhatnaa inthawk pathumna chen hai bakah consolation prize 10 um a tih. Competition hi CCPur Collegeah 14:30PM inkar sunga nei ning a tih. Topic chu ‘March 31, 2015 incident hma a thil tlung hai a ni ding a nih. Chun, 1st phase Essay writing Competion lawmman April 6, 2016 zana Morgue programmeah sem ning a tih tiin ATML thusuok chun a hril.
1st Manipur Industrial Expo, 2016
IMPHAL: Zanikhan Lamboi Khongnangkhong hmuna ni 7 sung aw ding “1st Manipur Industrial Expo, 2016” Commerce & Industries Minister Govindas Konthoujam in a hawng. Hi huna hin Works Minister Dr Kh. Ratankumar, Uripok A/C MLA L. Nandakumar, Lamsang AC MLA W. Brajibidhu Singh, O. Nabakishore, Chief Secretary Rashmi Verma, Secretary (Textiles), Govt. of India Alok Kumar, DC (Handlooms, Ministry of Textiles) le V.K. Dewwagan, Commissioner, Commerce & Industries, Govt. of Manipur hai khawm an thang.
Modi Hitler leh a tekhi
IMPHAL: BJP sawrkarin tulai hnaia Congres rorelna state hai a sawisak dan an dit nawzie le dodalnain zanikhan MPCC chun MPCC Office, B.T. Road, Imphal tuolah thungbuma nuorna an nei. Hi huna MPCC President T.N. Haokip in thu a hrilnaa chun, India PM Narendra Modi chu Adolf Hitler leh a tekhi a, ei tulai huna Hitler dang a nih tiin a rorelna le a thil thaw dan a sawisel.
PM dam takin a hungtlung
NEW DELHI: Ramdanga inzin PM Narendra Modi chu zanikhan dam takin New Delhi a hungtlung nawk tawh. Modi hi ni 6 an zin sungin Belgium, US le Saudi Arabia ram hai a sir a, Saudi Arabia sawrkar leh MoUs 5 an ziek. India chun Nuclear Security Fund of International Atomic Agency a dingin US dollar maktaduoi khat a thawlawm ding thu Washington a Nuclear Security Summitah a puong.
Panama paper leak enkaitu dingin
NEW DELHI: Panama Papers leak chungthu enkaitu dingin zanikhan India sawrkar chun Multi Agency Group a tir. Panama papers leak a hin India mi hausa, a ruk a rala pawisa siekhawltu hming 500 lai zet a thangsa nia hril a nih. Pawisa siekhawlhai lai hin CBDT, FIU le RBI officerhai, actor Amitabh Bachchan, Aishwarya Rai Bachchan, DLF neitu K.P. Singh hai hming a chuongsa nia zieklang a nih.
Antony le Kenyem han RS MP dingin
NEW DELHI: Kerala a inthawk Rajya Sabha MP dinga thlangtling nawk Congress veteran AK Antony le Nagalanda inthawk Rajya Sabha MP dinga thlangtling Naga Peoples’ Front leader KG Kenyem hai chun zanikhan Parliamentah Rajya Sabha Chairman, Hamid Ansari hmaah Rajya Sabha member dinga intiemkamna (oathtaking) an nei.
Mehbooba in J&K CM dingin intiemkamna a nei
SRINAGAR: Peoples Democratic Party (PDP) hotu Ms Mehbooba Mufti (56) chun zani zingkar khan Srinagar hmna Raj Bhawanah an Governor N.N. Vohra hmaah Jammu and Kashmir Chief Minister 13na dingin intiemkamna (oath taking) a nei. Mufti hi Jammu and Kashmir nuhmei Chief Minister hmasa tak a nih. Mehbooba Mufti in CM dinga intiemkamna a nei huna hin BJP leader Nirmal Singh khawmin Deputy Chief Minister ni dinga intiemkamna a nei nghal bakah minister dingin MLA 22 han intiemkamna an nei nghal bawk a nih. Ms Mehboba Mufti hin January, 2016a lo thi tah a pa Mufti Mohammad Saaed a hung thlakthleng a nih. Mehbooba in oathtaking a nei huna hin CM hlui Farooq Abdullah le a naupa Omar bakah Union ministers Venkaiah Naidu le Jitendra Singh hai khawm an thang a. PDP MP Tariq Hamid Karra le Congress ruok chun oathtaking ceremony hi an boycott.
Tuta PDPBJP thangruol sawrkara hin BJP in ministers 11, Cabinet minister 8 le minister of State (Mos) 3 le PDP in cabinet minister 9 le MoS 3 le Independent charge 2 an chang a nih. PDPBJP sawrkar hmasa khan minister PDP hin cabinet 11 le MoS 3 an lo chang a. BJP chun sawrkar hmasaa khan cabinet minister 6 an chang a nih. J&K Assembly hin memers 87 an um a, PDP in member 27 le BJP in member 25 an nei a nih.
December, 2014a J&K Assembly Election nei huna khan seats 70 umah PDP in seats 28 le BJP in seat 25 an lak a, PDP hotu (L) Mufti Mohammad Saaed CM nina hnuoiah PDP le BJP han thangruol (coalition) sawrkar an hung siem a; sienkhawm Mr Mufti Mohammad Saed January 7, 2016a a hung thi lei khan sawrkarna siem zawm el thei lova an um leiin Governor Rule hnuoia sie a hung ni a. Thla 3 lai zet Governor Rule hnuoia a um hnungin sawrkar thar hi a hung ngir nawk a nih.
Mehbooba hi J&K nuhmei CM hmasatak niin India rama Muslim nuhmei CM pahnina a nih. Kum 1980 khan Ms Anwara Taimur chun India rama Muslim nuhmei CM hmasatak ding le Assam CM dingin intiemkamna a lo nei ta a, June 30, 1981 chen CM sin a lo chel a nih.
Mehbooba hi Lok Sabha MP ni lai mek a ni a, J&K CM a hung ni lei hin MP a ninaa inthawk inban a ta, CM a ni pei theina dingin tuta inthawk thla 6 sungin MLA dinga thlangtling a hung ni ngei a tul ding a nih.
WBah votes 80.92% le Assamah 78% a tla
KOLKATA: Zanikhan West Bengal State a A/Cs 18 le Assam state a A/Cs 65 haiah 1st phase election nei a ni a, inthlangna hi buoina lien taluo suok lova nei a nih. Zani zantieng dar 6 chen khan West Bengalah 80.92% a tla niin West Bengal, State CEO Sunil Kr Gupta chun a hril. CEO chun EVM fuknaw leiin polling booth 230 haiah repoll nei dingin a recommended.
Asam a chun zani zantieng 5PM chen han votes 78% a tla. Assam a chun first phase a hin nuhmei 43 thangin candidates 539 an um a, Congress in candidates 65, BJP in 52 le AIUDF in 27 an nei. Vote tla percent hi tuta nek hin an lan sang el thei nia hril a nih.
PM in ‘Stand Up India’ scheme
NEW DELHI:Scheduled Caste/ Scheduled Tribe (SC/ST) le nuhmei sumdawngtu(entrepreneurship) hai dawmsangna ding ‘Stand Up India’ Scheme le web portal chu April 5, 2016 hin PM Narendra Modi in Uttar Pradesh a Noida khawpuiah hawng a tih. Hi Scheme hnuoia hin SC/ST le nuhmei sumdawngtu han loans Rs. 10100 lakh an lak thei ding niin ei thu dawngna chun a hril. Hi Scheme hawng huna hin Pradhan Mantri Mudra Yojna scheme hnuoiah Bhartiya Micro Credit (BMC) chun erickshaws 5100 sem ni bawk a tih.
Minutes 30 sungin nau inphir 5 a nei
AMBIKAPUR: Zani hmasa khan Chhattisgarh state a Government Hospital, Ambikapurah Mr Manish nuhmei Manita Singh (25) chun minutes 30 sung chauin nau inphir 5, nuhmeite vawng a nei a, an damsuok seng a, 3.3 pound senga rik an ni tawl. Thla kim lo, thla 6 le ni 14 chau a pieng an ni leiin Doctors le Nurses hai enkawlna hnuoia sie an la nih. Manita Singh hin kum 2 liemta khan a nau hmasatakna, nau pasalte a nei a, a neia inthawka sawtnate hnungin a thi nawk. Naute 5 hai nei pangngaia a nei vawng an nih.
NIA Officer kap hlum; Delhi sawrkarin zangnadawna Rs. 1 crore pek dingin
NEW DELHI: National Investigation Agency (NIA) Officer Tanzil Ahmad (48) chu April 3, 2016 zingkar dar 1 vel khan Bijnor district, Uttar Pradesh ah kap hlum le a nuhmei Farzana chu na taka kap hliem a nih. Ahmad taksa a hin silaimu 21 a lut a, Farzana taksaah silaimu 4a lut. Farzana hi Fortis Hospital, Noida ah enkawl a nih. Ahmed hi a nuhmei le an nauhai le molawma fe, an hungkir tienga hi thil hi an tuok a nih. An nauhai chu him takin an suokdawk. Tanzil Ahmed hi BSF a Assistant Commandant, NIAa deputation a thawk lai a nih. Ahmed le a sunghai hi WagonR Car a chuong an ni a, a kaptuhai hi motorcycle a chuong, an hnungtienga inthawk hmun hnaitea an kap nia hril a nih.
Tanjil Ahmad (48) sunghai kuomah zangnadawmna Rs. 1 crore pek dingin zanikhan Delhi sawrkar chun a puong. Tanjil Ahmad hi Delhia cheng a ni leia zangnadawmna pek dinga puong a nih tiin Delhi government official thusuok chun a hril.
Tanjil Ahmed kap hlumtu hai man tumin Police chun an suizui mek a, hi thil thawtu hai an tlansuok thei nawna dingin ramri khar le hi thil tlungna hmun le a sevela khuo hai chu uluk taka dap a nih.
Jayalalitha R.K. Nagar bielah a ngir ding
CHENNAI: Tamil Nadu Assembly Election hung um ding le inzawmin All India Anna Dravida Munetra Kazhagam (AIADMK) chun seats 227 haiah candidate an nei ding thu le Tamil Nadu Chief Minister Ms Jayalalitha chu Chennaia R.K. Nagar constituencyah ngir a tih tiin AIADMK general secretary chun zanikhan a puong. DMK MLA hlui Parithi Ilamvazhuthi, DMDK MLA hlui Panruti S. Ramachandran le Mafoi K. Pandiarajan le tulai hnaia AIADMK zawm PMK MLA M. Kalaiarasu hai khawm AIADMK ticket pek an nih.
VAWISUN THUPUI
Lungmuongtakin zal ka ta, in ka tih; Lalpa nang ngei hi i nih, makhat chau khawma himtaka min umtir hlaktu chu. ~ Sâm 4:8
Editorial: Ei sie zalen taluo deu
Churachandpur town khawm a hung changkang pei a. Chu dungzui chun riekna le tlungna in tha le changkang khawm a awm le mawitawk a hung um ve ta a nih. Hieng riekna hotel siemtuhai hi an fimkhur hle nuom a um. Riekna hotel a tlung annawleh a riek hai lai hin mi tha le fel tam tak um an tih. Amiruokchu, mi tha lo le misuol, suolna chi tum tum thaw nuom khawm an tlungin an riek ve thei leiin Hotel a riek le tlung dinghai hrim hrim an identidy card dungzui ngeiin an hming le address registered bookah ziek ngei hlak ding a nih. A thei lem chun an phone number chen khawm register bookah record sa hlak ding a nih. Hienganga an hming, an address le phone number indik tak zieklut nuom lo an um chun mi tha lo an nih tina hung ning an tih. Mi tha pangngai han an hming le address indik tak an hril rin ngai nawh. Hiengang kawnga hin riekna hotel neituhai an fimkhur, khir le khau ngam a tul.
Ring lo le beiseilo ang takin April 2, 2016 zantieng khan Hotel Venus, New Lamka (G) sunga Room No. 204 sunga ekinah nunghak pakhat saruokin a thisaa hmu a ni a. Hi thu hin CCPur sunga chenghai lung a thawng hle a nih. Misuol thenkhat chun hotel chu riekna le tlungna ding ni lovin, tuolthatnain an hmang nuom a nih ti chu hi thil tlunga inthawk hin an lang chieng hle. Hi thil hi hotel neitu ta ding khawmin a thanaw a, a hmingsiet thlak leiin hiengang thil hi a tlung ta nawna dinga fimkhur hle el ding a nih. Ei town hi hung lienin hung pui deu deu a ta, hieng neka thil danglam le ditum lo hai hi a la hungtlung pei ding niin an lang.
Churachandpur town sung hi ei sie zalen taluo deu ta niin an lang. Suol thaw nuom hai chun awlsam takin an thaw el hlak. Mipui hmakhuo ngaiin ei district police han zan patrolling hung thaw nawkin, zantin riekna hotel le Zu zawrna dawrhai hung check tan nawk hai sienla nuom a um. Hienganga hma an hung lak phawt chun Churachandpur town sunga suolna le thil ditum lo tlung hlak hai hi a then a zar bek ei pumpel thei beisei a um. Chun, khuo le veng hran hrana tlawmngai pawl um hai khawmin ei khawsung le ei veng sunga riekna hotel, bu fakna hotel le Zu zawrna hotel hai hi an zalen taluo nawna dingin khuokhirna dan an zui le zawm ding siem pek inla thiltha a ni ngei ring a um. Zalen taluo a ei sie chun ei la sietpui ding a nih.
Churachandpur town sunga hin hotel, restaurant, Cafe le Guest house thahnemtawk tak a um ta a. Hieng hotel, restaurant le Guest house hai lai hin a changkang deu le a changkanglo khawm an um a, hiengang hawng theina permit/licence petuhai hin iengang ngirhmuna enkawl am an ni a ti ruok chu an enzui lem naw niin an lang. Hotel le Restaurant hai lai hin a fai le a thienghlim, fak le dawnna tlak, riek le tlungna tlak an um lai zingin tawp le thienghlim lo hi a tamlem anni ring a um. Hi lei hin permit petu haiin permit an pek hotel le restaurant hai hi an khattawkin enfel hlak hai sienla; hotel le restaurant tawp taluo hai hi chu warning pe hai siela, warning an pek hnung khawma tawp taka la hawng hai chu an permit kansel pek el sienla thiltha lem a hung ni ngei ring a um.
Hotel ei ti hai lai hin bu fakna hotel, thingpui le fak thei chi tum tum zawrna hotel, Zu le sa zawrna hotel hai a thang vawng. Hieng hotel haia hin mihriem hriselna tawkpawi thei ding buthing, hmething le sa thing hi zawr hlak an nih ti a fatu le a dawn hlak han an hril a. Hi lei hin enkaitu ding an mamaw hle. CCPur town sunga dawr, hotel le restaurant chi tum tum hai permit/licence petu hi Autonomous District Council, Churachandpur a ni a. Permit/Licence a pek si chun a enkai khawm a mawphurna a nih. Hieng thil hai enkaitu ding hin thawktu a nei ve ngei ring a um bawk. Hieng a ni lei hin an khattawkin hotel, restaurants le dawr tum tum hai hi enfel (check) hlak sienla nuom a um.
Hotel le Restaurant a thil chi tum tum fa le dawn hlak hai khawma ei thil fak le dawn hai hi a thienghlim am, mihriem hriselna tawkpawi thei ding an ni am ti hai hi enfel hlak ding a nih. A thienghlim tawknaw a ni chun fa lova hnawlkir ngam ding a nih. Chu taka a neitu le a siemtu hai an lung a sen chun Police kuoma report el ding a nih. Fak le dawn thil hi ngaipawimaw hle ding a nih. Fak le dawn thienghlim naw hin hriselnawna an tlun thei ti hrietzing ding a nih. Mihriem hriselna hi a hlu a, hrisel ei nuom seng. Chuleiin, ei hriselna dingin fak tha el chau ni lovin, a thienghlim ngei ding a nih. Hotel le Restaurant haia fak le dawn siemtuhai khawmin mani hlawkna ding chau ngaituo lo a, thienghlimna an ngaipawimaw ve ding a nih. Chu chu an mawphurna a ni ve. Hotel thienghlim le fai han a dawrtu ding an tlasam ngai nawh ti hi an hriet ve kar a tul bawk.
CCPUR: District Transport Office (DTO), CCPur chun March, 2016 thla sung khan Revenue (Sie) Rs. 6,12,239/ an hmu a, April, 2015 a inthawk March, 2016 chena Revenue (Sie) an hmusuok chu Rs. 90,70,60 a tling phak.
Chun, March, 2016 thla sung khan DTO/CCPur chun Truck 2, Eeco Van 5, Car 8, Jeep 8, Auto Rickshaw 6, two wheeler 106 le others 1 a rengin March, 2016 thla sung motor 136 Registration an thaw a. April, 2015March, 2016 sungin Truck 40, Water Tanker 2, Bus 2, Eeco Van 36, Var 122, Jeep 47, Auto Rickshaw 58, two wheeler 1184 le Others 9 Registration an thaw. Hi hun sunga DTO/CCPur in motor registration a thaw po chu a rengin 1,500 a nih.
CCPur Blocka Schools 12 CCE survey
CCPUR: Central sawrkarin Education le inzawma Continuous Comprehensive Evaluation (CCE) a fepui mek le inzawma CCPur Districta Govt. Schools 21 haia Class IX inchuklai han CCE an hamthatpui am ti le harsatna iem an nei ti survey thaw dinga thlangsuok a ni a, chu lai chun CCPur Blocka inthawk Govt. School 12 a thang a; DI of Schools/CCPur Block staff han survey thawin student hai lai question siem an ta, answer paper hai ZEO/CCPur kuomah pelut an tih.
Craftman National Award
CCPUR: Manipura Craftperson hai ta dingin State Level Selection Committee chun National Award, 2015 hmu ding thlangsuok a tum a, CCPur Districta inthawk Craftperson han DIC/CCPur officeah prescribe proforma form lain April 30, 2016 chenin Development Commissioner (Handicraft), Marketing & Service Extension Centre, Imphalah peklut thei ning a tih. Handicraft sample, biodata, affidavit etc peklut sa a ngai, thu chieng lem DIC Office, Tuibuongah kan thei ning a tih.
KTP Conf. hmang ding hai inthlaliem ding
CCPUR: New Delhi hmuna 32nd KTP General Conference um dinga zu thang ding Tuithaphaia inthawk ICI KTP hai chu vawituk 10AM hin Rev. L. Ramlawm, Presbytery Secretary in tawngtainain inthlasuok a tih. Hi khawmpuia zu thang ding hai chu zingkar 9AM hin Sielmat ICI Biekin tlungkim seng dinga inhriettir an nih.
Dist. Level Quiz and Debate compett.
CCPUR: Rashtriya Madhyamik Shiksha Abhiyan (RMSA), CCPur chun April 9 le 12, 2016 hai khin Govt. Private & Aided schoola Class IXX inchuklai hai ta dingin Quiz le Debate competition buotsai a tum. School Principal/Headmasters student tir nuom han April 6, 2016 chenin ZEO, CCPur office a pelut thei an ta, thu chieng lem ADPM/RMSA kuomah hriet thei ning a tih.
Operation thaw dingin an admit
CCPUR: Gospel Ministry for Disability India chun March 17, 2016 a inthawk an officea an enkawl Mr Lam minthang (23) s/o (L) Thangnoh of Zalenphai Village le a sangpa Nohminsei (17) hai chu operation thaw dingin zanikhan District Hospital, CCPurah an admit.
Anni pahni hi an ke a khinghni hnia invung (both legs swelling & crooked) a ni a, an piengpui nilo, khawsak harsatna leia a hun taka enkawl a ninaw leia hienganga hung puom an nih. Unau pathum nuhmei 1 le pasal 2 an ni a, an farnu khawm hiengang natna nei tho niin ei thu dangna chun a hril a, Doctor han an enfel mek a, hun remchang hmasa taka operation an thaw ding a nih.
Class VIII Registration
CCPUR: Class VIII Registration le inzawmin ZEO, CCPur le CEO, ADCC hnuoia um le Private Schools hai chu concern DI of Schools hai kuoma inthawk form format laa Soft (Excel file) & hard copy April 15, 2016 chena DI of Schools hai kuoma pelut dinga inhriettir an nih.
Trade tum tum training thei
CCPUR: North East India Rural Upliftment Trust (NEIRUT) le Scholar’s Academy Education Trust (SAET), Guwahati hai thangruolin Ministry of Skill Development and Entrepreneurship, Govt. of India hnuoiah Churachandpur district, Manipurah trade tum tum Weaving, Construction, Welding, Tailoring & Embroidery, Plumbing, Telecom, Agriculture, Handicraft etc training nuom hai ta dingin training huoihawt a ni ding a ni a, inhnikna nei hai chun April 9, 2016 chen khin Ger & Emma Hardware Store (HYA GHQ Information Centre, Rengkai Vengpuiah hming zieklut thei ning a tih.
Traininga thang hai certificate pek ning an ta, certificate hmangin Central Govt.a inthawk Loan khawm hmu thei ni dinga hril a nih. Thu chieng lem hre nuom han James H Songate (09085236916); Albert Sitlhou (08723898334) le Albert Hmar (099 54 537526) haiah kanchieng thei ning a tih.
SBC 31st Convocation service
CCPUR: April 3, 2016, 1PM khan Roberts’ Jubilee Chapel, Sielmatah Sielmat Bible College (SBC) 31st Convocation Sevice hmang a nih. Hi huna hin Rev. Dr Ruolngul, Chairman, SBC Board le Rev. Jaya Kumar han certificate le Award semna an nei a, Rev. HDS Joel, Regional Manager, North India, Development Support Team in convocation address a hril a; Bachelor of Theology mi 11 le Diploma in Theology mi 3 hai kuoma degree inhlan an nih.
PHED in tuilawng an phum
CCPUR: Churachandpur Govt. H/S Campusa Water Reservior a inthawk Mualveng le Hiangtam Lamka haia tui supplyna ding PHED chun JCB hmangin tuilawng an phum. Tuilawng phumzo a ni huna hieng biel haia khawsung mipui han tui supply an dawng thei ta ding a nih.
Promotion na ding seniority list peklut a tul
CCPUR: ZEO/CCPur hnuoia GradeIV, School mother/Matron sinthaw, LDC le Primary Teacer a promotionna ding le inzawmin Seniority list Director of Education (S) ah peklut a tul a, educational certificates, appointment order, last posting order, personal profile thangin April 12, 2016 chenin Director of Education (S) ah peklut ding a nih.
2nd Phase Essay writing competition
CCPUR: Tribal Movement of Lamka (ATML) chun April 9, 2016 khin 2nd Phase Essay Writing Competition huoihawt nawk an tum. Hi Competition a hin Class VIII to X inchuklaihai thang thei an tih. Lawmman pakhatnaa inthawk pathumna chen hai bakah consolation prize 10 um a tih. Competition hi CCPur Collegeah 14:30PM inkar sunga nei ning a tih. Topic chu ‘March 31, 2015 incident hma a thil tlung hai a ni ding a nih. Chun, 1st phase Essay writing Competion lawmman April 6, 2016 zana Morgue programmeah sem ning a tih tiin ATML thusuok chun a hril.
1st Manipur Industrial Expo, 2016
IMPHAL: Zanikhan Lamboi Khongnangkhong hmuna ni 7 sung aw ding “1st Manipur Industrial Expo, 2016” Commerce & Industries Minister Govindas Konthoujam in a hawng. Hi huna hin Works Minister Dr Kh. Ratankumar, Uripok A/C MLA L. Nandakumar, Lamsang AC MLA W. Brajibidhu Singh, O. Nabakishore, Chief Secretary Rashmi Verma, Secretary (Textiles), Govt. of India Alok Kumar, DC (Handlooms, Ministry of Textiles) le V.K. Dewwagan, Commissioner, Commerce & Industries, Govt. of Manipur hai khawm an thang.
Modi Hitler leh a tekhi
IMPHAL: BJP sawrkarin tulai hnaia Congres rorelna state hai a sawisak dan an dit nawzie le dodalnain zanikhan MPCC chun MPCC Office, B.T. Road, Imphal tuolah thungbuma nuorna an nei. Hi huna MPCC President T.N. Haokip in thu a hrilnaa chun, India PM Narendra Modi chu Adolf Hitler leh a tekhi a, ei tulai huna Hitler dang a nih tiin a rorelna le a thil thaw dan a sawisel.
PM dam takin a hungtlung
NEW DELHI: Ramdanga inzin PM Narendra Modi chu zanikhan dam takin New Delhi a hungtlung nawk tawh. Modi hi ni 6 an zin sungin Belgium, US le Saudi Arabia ram hai a sir a, Saudi Arabia sawrkar leh MoUs 5 an ziek. India chun Nuclear Security Fund of International Atomic Agency a dingin US dollar maktaduoi khat a thawlawm ding thu Washington a Nuclear Security Summitah a puong.
Panama paper leak enkaitu dingin
NEW DELHI: Panama Papers leak chungthu enkaitu dingin zanikhan India sawrkar chun Multi Agency Group a tir. Panama papers leak a hin India mi hausa, a ruk a rala pawisa siekhawltu hming 500 lai zet a thangsa nia hril a nih. Pawisa siekhawlhai lai hin CBDT, FIU le RBI officerhai, actor Amitabh Bachchan, Aishwarya Rai Bachchan, DLF neitu K.P. Singh hai hming a chuongsa nia zieklang a nih.
Antony le Kenyem han RS MP dingin
NEW DELHI: Kerala a inthawk Rajya Sabha MP dinga thlangtling nawk Congress veteran AK Antony le Nagalanda inthawk Rajya Sabha MP dinga thlangtling Naga Peoples’ Front leader KG Kenyem hai chun zanikhan Parliamentah Rajya Sabha Chairman, Hamid Ansari hmaah Rajya Sabha member dinga intiemkamna (oathtaking) an nei.
Mehbooba in J&K CM dingin intiemkamna a nei
SRINAGAR: Peoples Democratic Party (PDP) hotu Ms Mehbooba Mufti (56) chun zani zingkar khan Srinagar hmna Raj Bhawanah an Governor N.N. Vohra hmaah Jammu and Kashmir Chief Minister 13na dingin intiemkamna (oath taking) a nei. Mufti hi Jammu and Kashmir nuhmei Chief Minister hmasa tak a nih. Mehbooba Mufti in CM dinga intiemkamna a nei huna hin BJP leader Nirmal Singh khawmin Deputy Chief Minister ni dinga intiemkamna a nei nghal bakah minister dingin MLA 22 han intiemkamna an nei nghal bawk a nih. Ms Mehboba Mufti hin January, 2016a lo thi tah a pa Mufti Mohammad Saaed a hung thlakthleng a nih. Mehbooba in oathtaking a nei huna hin CM hlui Farooq Abdullah le a naupa Omar bakah Union ministers Venkaiah Naidu le Jitendra Singh hai khawm an thang a. PDP MP Tariq Hamid Karra le Congress ruok chun oathtaking ceremony hi an boycott.
Tuta PDPBJP thangruol sawrkara hin BJP in ministers 11, Cabinet minister 8 le minister of State (Mos) 3 le PDP in cabinet minister 9 le MoS 3 le Independent charge 2 an chang a nih. PDPBJP sawrkar hmasa khan minister PDP hin cabinet 11 le MoS 3 an lo chang a. BJP chun sawrkar hmasaa khan cabinet minister 6 an chang a nih. J&K Assembly hin memers 87 an um a, PDP in member 27 le BJP in member 25 an nei a nih.
December, 2014a J&K Assembly Election nei huna khan seats 70 umah PDP in seats 28 le BJP in seat 25 an lak a, PDP hotu (L) Mufti Mohammad Saaed CM nina hnuoiah PDP le BJP han thangruol (coalition) sawrkar an hung siem a; sienkhawm Mr Mufti Mohammad Saed January 7, 2016a a hung thi lei khan sawrkarna siem zawm el thei lova an um leiin Governor Rule hnuoia sie a hung ni a. Thla 3 lai zet Governor Rule hnuoia a um hnungin sawrkar thar hi a hung ngir nawk a nih.
Mehbooba hi J&K nuhmei CM hmasatak niin India rama Muslim nuhmei CM pahnina a nih. Kum 1980 khan Ms Anwara Taimur chun India rama Muslim nuhmei CM hmasatak ding le Assam CM dingin intiemkamna a lo nei ta a, June 30, 1981 chen CM sin a lo chel a nih.
Mehbooba hi Lok Sabha MP ni lai mek a ni a, J&K CM a hung ni lei hin MP a ninaa inthawk inban a ta, CM a ni pei theina dingin tuta inthawk thla 6 sungin MLA dinga thlangtling a hung ni ngei a tul ding a nih.
WBah votes 80.92% le Assamah 78% a tla
KOLKATA: Zanikhan West Bengal State a A/Cs 18 le Assam state a A/Cs 65 haiah 1st phase election nei a ni a, inthlangna hi buoina lien taluo suok lova nei a nih. Zani zantieng dar 6 chen khan West Bengalah 80.92% a tla niin West Bengal, State CEO Sunil Kr Gupta chun a hril. CEO chun EVM fuknaw leiin polling booth 230 haiah repoll nei dingin a recommended.
Asam a chun zani zantieng 5PM chen han votes 78% a tla. Assam a chun first phase a hin nuhmei 43 thangin candidates 539 an um a, Congress in candidates 65, BJP in 52 le AIUDF in 27 an nei. Vote tla percent hi tuta nek hin an lan sang el thei nia hril a nih.
PM in ‘Stand Up India’ scheme
NEW DELHI:Scheduled Caste/ Scheduled Tribe (SC/ST) le nuhmei sumdawngtu(entrepreneurship) hai dawmsangna ding ‘Stand Up India’ Scheme le web portal chu April 5, 2016 hin PM Narendra Modi in Uttar Pradesh a Noida khawpuiah hawng a tih. Hi Scheme hnuoia hin SC/ST le nuhmei sumdawngtu han loans Rs. 10100 lakh an lak thei ding niin ei thu dawngna chun a hril. Hi Scheme hawng huna hin Pradhan Mantri Mudra Yojna scheme hnuoiah Bhartiya Micro Credit (BMC) chun erickshaws 5100 sem ni bawk a tih.
Minutes 30 sungin nau inphir 5 a nei
AMBIKAPUR: Zani hmasa khan Chhattisgarh state a Government Hospital, Ambikapurah Mr Manish nuhmei Manita Singh (25) chun minutes 30 sung chauin nau inphir 5, nuhmeite vawng a nei a, an damsuok seng a, 3.3 pound senga rik an ni tawl. Thla kim lo, thla 6 le ni 14 chau a pieng an ni leiin Doctors le Nurses hai enkawlna hnuoia sie an la nih. Manita Singh hin kum 2 liemta khan a nau hmasatakna, nau pasalte a nei a, a neia inthawka sawtnate hnungin a thi nawk. Naute 5 hai nei pangngaia a nei vawng an nih.
NIA Officer kap hlum; Delhi sawrkarin zangnadawna Rs. 1 crore pek dingin
NEW DELHI: National Investigation Agency (NIA) Officer Tanzil Ahmad (48) chu April 3, 2016 zingkar dar 1 vel khan Bijnor district, Uttar Pradesh ah kap hlum le a nuhmei Farzana chu na taka kap hliem a nih. Ahmad taksa a hin silaimu 21 a lut a, Farzana taksaah silaimu 4a lut. Farzana hi Fortis Hospital, Noida ah enkawl a nih. Ahmed hi a nuhmei le an nauhai le molawma fe, an hungkir tienga hi thil hi an tuok a nih. An nauhai chu him takin an suokdawk. Tanzil Ahmed hi BSF a Assistant Commandant, NIAa deputation a thawk lai a nih. Ahmed le a sunghai hi WagonR Car a chuong an ni a, a kaptuhai hi motorcycle a chuong, an hnungtienga inthawk hmun hnaitea an kap nia hril a nih.
Tanjil Ahmad (48) sunghai kuomah zangnadawmna Rs. 1 crore pek dingin zanikhan Delhi sawrkar chun a puong. Tanjil Ahmad hi Delhia cheng a ni leia zangnadawmna pek dinga puong a nih tiin Delhi government official thusuok chun a hril.
Tanjil Ahmed kap hlumtu hai man tumin Police chun an suizui mek a, hi thil thawtu hai an tlansuok thei nawna dingin ramri khar le hi thil tlungna hmun le a sevela khuo hai chu uluk taka dap a nih.
Jayalalitha R.K. Nagar bielah a ngir ding
CHENNAI: Tamil Nadu Assembly Election hung um ding le inzawmin All India Anna Dravida Munetra Kazhagam (AIADMK) chun seats 227 haiah candidate an nei ding thu le Tamil Nadu Chief Minister Ms Jayalalitha chu Chennaia R.K. Nagar constituencyah ngir a tih tiin AIADMK general secretary chun zanikhan a puong. DMK MLA hlui Parithi Ilamvazhuthi, DMDK MLA hlui Panruti S. Ramachandran le Mafoi K. Pandiarajan le tulai hnaia AIADMK zawm PMK MLA M. Kalaiarasu hai khawm AIADMK ticket pek an nih.
VAWISUN THUPUI
Lungmuongtakin zal ka ta, in ka tih; Lalpa nang ngei hi i nih, makhat chau khawma himtaka min umtir hlaktu chu. ~ Sâm 4:8
Editorial: Ei sie zalen taluo deu
Churachandpur town khawm a hung changkang pei a. Chu dungzui chun riekna le tlungna in tha le changkang khawm a awm le mawitawk a hung um ve ta a nih. Hieng riekna hotel siemtuhai hi an fimkhur hle nuom a um. Riekna hotel a tlung annawleh a riek hai lai hin mi tha le fel tam tak um an tih. Amiruokchu, mi tha lo le misuol, suolna chi tum tum thaw nuom khawm an tlungin an riek ve thei leiin Hotel a riek le tlung dinghai hrim hrim an identidy card dungzui ngeiin an hming le address registered bookah ziek ngei hlak ding a nih. A thei lem chun an phone number chen khawm register bookah record sa hlak ding a nih. Hienganga an hming, an address le phone number indik tak zieklut nuom lo an um chun mi tha lo an nih tina hung ning an tih. Mi tha pangngai han an hming le address indik tak an hril rin ngai nawh. Hiengang kawnga hin riekna hotel neituhai an fimkhur, khir le khau ngam a tul.
Ring lo le beiseilo ang takin April 2, 2016 zantieng khan Hotel Venus, New Lamka (G) sunga Room No. 204 sunga ekinah nunghak pakhat saruokin a thisaa hmu a ni a. Hi thu hin CCPur sunga chenghai lung a thawng hle a nih. Misuol thenkhat chun hotel chu riekna le tlungna ding ni lovin, tuolthatnain an hmang nuom a nih ti chu hi thil tlunga inthawk hin an lang chieng hle. Hi thil hi hotel neitu ta ding khawmin a thanaw a, a hmingsiet thlak leiin hiengang thil hi a tlung ta nawna dinga fimkhur hle el ding a nih. Ei town hi hung lienin hung pui deu deu a ta, hieng neka thil danglam le ditum lo hai hi a la hungtlung pei ding niin an lang.
Churachandpur town sung hi ei sie zalen taluo deu ta niin an lang. Suol thaw nuom hai chun awlsam takin an thaw el hlak. Mipui hmakhuo ngaiin ei district police han zan patrolling hung thaw nawkin, zantin riekna hotel le Zu zawrna dawrhai hung check tan nawk hai sienla nuom a um. Hienganga hma an hung lak phawt chun Churachandpur town sunga suolna le thil ditum lo tlung hlak hai hi a then a zar bek ei pumpel thei beisei a um. Chun, khuo le veng hran hrana tlawmngai pawl um hai khawmin ei khawsung le ei veng sunga riekna hotel, bu fakna hotel le Zu zawrna hotel hai hi an zalen taluo nawna dingin khuokhirna dan an zui le zawm ding siem pek inla thiltha a ni ngei ring a um. Zalen taluo a ei sie chun ei la sietpui ding a nih.
Churachandpur town sunga hin hotel, restaurant, Cafe le Guest house thahnemtawk tak a um ta a. Hieng hotel, restaurant le Guest house hai lai hin a changkang deu le a changkanglo khawm an um a, hiengang hawng theina permit/licence petuhai hin iengang ngirhmuna enkawl am an ni a ti ruok chu an enzui lem naw niin an lang. Hotel le Restaurant hai lai hin a fai le a thienghlim, fak le dawnna tlak, riek le tlungna tlak an um lai zingin tawp le thienghlim lo hi a tamlem anni ring a um. Hi lei hin permit petu haiin permit an pek hotel le restaurant hai hi an khattawkin enfel hlak hai sienla; hotel le restaurant tawp taluo hai hi chu warning pe hai siela, warning an pek hnung khawma tawp taka la hawng hai chu an permit kansel pek el sienla thiltha lem a hung ni ngei ring a um.
Hotel ei ti hai lai hin bu fakna hotel, thingpui le fak thei chi tum tum zawrna hotel, Zu le sa zawrna hotel hai a thang vawng. Hieng hotel haia hin mihriem hriselna tawkpawi thei ding buthing, hmething le sa thing hi zawr hlak an nih ti a fatu le a dawn hlak han an hril a. Hi lei hin enkaitu ding an mamaw hle. CCPur town sunga dawr, hotel le restaurant chi tum tum hai permit/licence petu hi Autonomous District Council, Churachandpur a ni a. Permit/Licence a pek si chun a enkai khawm a mawphurna a nih. Hieng thil hai enkaitu ding hin thawktu a nei ve ngei ring a um bawk. Hieng a ni lei hin an khattawkin hotel, restaurants le dawr tum tum hai hi enfel (check) hlak sienla nuom a um.
Hotel le Restaurant a thil chi tum tum fa le dawn hlak hai khawma ei thil fak le dawn hai hi a thienghlim am, mihriem hriselna tawkpawi thei ding an ni am ti hai hi enfel hlak ding a nih. A thienghlim tawknaw a ni chun fa lova hnawlkir ngam ding a nih. Chu taka a neitu le a siemtu hai an lung a sen chun Police kuoma report el ding a nih. Fak le dawn thil hi ngaipawimaw hle ding a nih. Fak le dawn thienghlim naw hin hriselnawna an tlun thei ti hrietzing ding a nih. Mihriem hriselna hi a hlu a, hrisel ei nuom seng. Chuleiin, ei hriselna dingin fak tha el chau ni lovin, a thienghlim ngei ding a nih. Hotel le Restaurant haia fak le dawn siemtuhai khawmin mani hlawkna ding chau ngaituo lo a, thienghlimna an ngaipawimaw ve ding a nih. Chu chu an mawphurna a ni ve. Hotel thienghlim le fai han a dawrtu ding an tlasam ngai nawh ti hi an hriet ve kar a tul bawk.
