Responsive Ad Slot

Pu Lalthomlien Hmar Lakhipur Constituency ah ngir a tum

Thursday, March 17, 2016

/ Published by VIRTHLI
Hmarkhawlien, March 17, 2016 (Virthli): Barak Valley Hill Tribe Development Council (BVHTDC) Chairman Pu Lalthomlien Hmar chu Assam Assembly Election 2016 ah 13 - Lakhipur Assembly Constituency ah ngir a tum ve thu dawng a nih. Pu Lalthomlien Hmar hi BVHTDC Chairman a term hnina chellai mek, HYA le Hmar Inpui Barak Valley Region a President ni lai mek khawm a nih.


 Assam Assembly Election hi hung tlung ding 4 April le 11 April, 2016 haia nei dinga riruong a nih.  Pu Lalthomlien Hmar a ngirna ding 13-  Lakhipur Assembly Constituency a hin voters 1.3 lakhs vel umna ania, hi Constituency a hin thingpui huon enkawltu hai le Hindi tawng hmang hai vote hmu rawn rawn hratna hmun deu a nih. Congress inlalana le Hmar ta dinga mi tangkai em em Pu Dinesh Prasad Goala in lalna contituency lo ni hlak, a zawnin term 7 laizet alo tlingna hmun a nih.

Pu Lalthomlien Hmar hi UDF-JDU-RJD-AITC alliance ticket a ngir dingin thutlukna a siem thu chanchin dawng a nih.
Don't Miss
© all rights reserved
made with by Simon L Infimate