Ankhasuo, March 20, 2016 (Virthli): Hun iemanichena inthawka Program siema lo um angin Hmar National Union 57th General Assembly chu Ankhasuo khuoah March 18, 2016 khan HNU Block No. 3,4 & 7 Special Joint Conference leh hlawtling taka hmang kawp a nih. Hi huna hin Palai mi 2500 lai fekhawm a nih a. Ruoi ropui taka the a ni bawk. Ruoi kiltu chu mipui nuhmei le naupang tiemsa vawngin mi 4000 chuonglai an nih. Ruoi thena ding hin Vawkchal fun ruk neka chinlo 13, Bawngchal 1 le Kel 5 that a nih.
General President Pu Chaltonlien Amo chu Ankhasuo khuo a hung lut charin Students le Thalai mi tam takin Parthi leh an lo tuoka, Hall tuolah HNU Puonzar (Flag) khaiparna a nei zovah mipui Halla lut a nih. Rev. Vanlalruot, P/S (Vangai), Phulpuiin Pathien kuoma tawngtaina a nei zovin programa siema um angin hmang tan a nih. General Assembly hi Pu T. Sangkhum, Former President/HNU (Assam) & Founder Chairman (BVHTDC), Pu Lalawilien Amo Former President (Hmar Inpui), Pu Ramlien, Former President, Hmar Inpui (Jiribam Region) le tuta tuma Hmar Inpui General Hadquarters in Jiri-Vangai Regiona Joint Secretary dinga a hung ruot thar, Major Prateek Bandhari, OC. 27th Assam Rifle (Guakhal Camp), Pu Lalhossan, Vice-Chairman (ADCC) le hotu dang tam takin an hung uop ve.
General President (HNU) Pu Chaltonlien Amo in HNU Members, Hotuhai le Ram le hnam ta dinga hringna lo chan tahai mipuiin sunna hunser hmang huna thu a hril na ah, HNU Block 3 (pathum) haiin Joint Special Conference program le HNU General Assembly program a siem ruola Bill Pathum Manipur Assemblyin a passed leia siem JAC in Churachandpur hmuna program a siem ve hi a hang thang ve phaklo vawisun hin mi tam tak hilaia umhai hin ei umna hmuna hin ei lo zawm ve ah ngai ei ta, JAC program ei khing der nawh a, Tribal Movement le interest ei kal bawk nawh tiin a hril. A ma khawm fiel a ni anga Hmar hnam (HNU) inkhawmpuia a thang thei leiin a lawm thu a hril bawk.
Business Session, HNU General President Dr. Chaltonlien Amo thuoina hnuoiah nei a nih a. Resolution 7(pasari) passed a nih. Chuonghai laia chun “Tipaimukh” ti hming le Tuiruong dunga khuo thenkhat vaihming puthai hi an hming phuok thar peka Sawrkara register nisien, chu ding chun HNU President le Tipaimukh bieltu MLA ni bawk Pu Chaltonlien in hma la sien ti le ei ram Tipaimukh biela Development sin thawa um tamtak hai hi biel mipui le mi tukhawma harsatna siem pek lova lo support tlat ding, ti le HNU hin party in-enkawlna ding fund dawl ni ta sien tihai a thangsa.
Pastor Jones R Joute thuoina hnuoiah Hmar National Union (HNU) General Headquarters thuoitu thar dinghai Palai haiin thlangna an nei bawka, thlang tlinga umhai-
President : Dr. Chaltonlien Amo
Vice-President : Pu. Lalhrillien
General Secretary : Pu (Upa) L.Thanzam Pulamte
Treasurer : Pu H. Samson
Chairman (EWC) : Pu Henkhum
Hienghai baka hin Office Bearers le EWC Members ruot belsa ding a nia. O/B thlangtharhaiin rawn tula a ngaihai rawnin an hma thei ang taka ruot belsa ning a tih.
Hotu thlang thara umhai le la ruot belsa dinghai ta dingin Rev. Vanlalruot, P/S in Pathien kuomah tawngtaina a nei pek.
Pastor L. Duoilo Biete’n Pathien kuomah a tawngtaia General Assembly hun kharna le Ruoi inhlanna a nei zovin mipui 4000 chuonglaiin Ankhasuo Playground ah hlim le tlai taka ruoi fak-tlang a nih.
Reporting: Henkhum, Gen. Secy (HNU)
General President Pu Chaltonlien Amo chu Ankhasuo khuo a hung lut charin Students le Thalai mi tam takin Parthi leh an lo tuoka, Hall tuolah HNU Puonzar (Flag) khaiparna a nei zovah mipui Halla lut a nih. Rev. Vanlalruot, P/S (Vangai), Phulpuiin Pathien kuoma tawngtaina a nei zovin programa siema um angin hmang tan a nih. General Assembly hi Pu T. Sangkhum, Former President/HNU (Assam) & Founder Chairman (BVHTDC), Pu Lalawilien Amo Former President (Hmar Inpui), Pu Ramlien, Former President, Hmar Inpui (Jiribam Region) le tuta tuma Hmar Inpui General Hadquarters in Jiri-Vangai Regiona Joint Secretary dinga a hung ruot thar, Major Prateek Bandhari, OC. 27th Assam Rifle (Guakhal Camp), Pu Lalhossan, Vice-Chairman (ADCC) le hotu dang tam takin an hung uop ve.
General President (HNU) Pu Chaltonlien Amo in HNU Members, Hotuhai le Ram le hnam ta dinga hringna lo chan tahai mipuiin sunna hunser hmang huna thu a hril na ah, HNU Block 3 (pathum) haiin Joint Special Conference program le HNU General Assembly program a siem ruola Bill Pathum Manipur Assemblyin a passed leia siem JAC in Churachandpur hmuna program a siem ve hi a hang thang ve phaklo vawisun hin mi tam tak hilaia umhai hin ei umna hmuna hin ei lo zawm ve ah ngai ei ta, JAC program ei khing der nawh a, Tribal Movement le interest ei kal bawk nawh tiin a hril. A ma khawm fiel a ni anga Hmar hnam (HNU) inkhawmpuia a thang thei leiin a lawm thu a hril bawk.
Business Session, HNU General President Dr. Chaltonlien Amo thuoina hnuoiah nei a nih a. Resolution 7(pasari) passed a nih. Chuonghai laia chun “Tipaimukh” ti hming le Tuiruong dunga khuo thenkhat vaihming puthai hi an hming phuok thar peka Sawrkara register nisien, chu ding chun HNU President le Tipaimukh bieltu MLA ni bawk Pu Chaltonlien in hma la sien ti le ei ram Tipaimukh biela Development sin thawa um tamtak hai hi biel mipui le mi tukhawma harsatna siem pek lova lo support tlat ding, ti le HNU hin party in-enkawlna ding fund dawl ni ta sien tihai a thangsa.
Pastor Jones R Joute thuoina hnuoiah Hmar National Union (HNU) General Headquarters thuoitu thar dinghai Palai haiin thlangna an nei bawka, thlang tlinga umhai-
President : Dr. Chaltonlien Amo
Vice-President : Pu. Lalhrillien
General Secretary : Pu (Upa) L.Thanzam Pulamte
Treasurer : Pu H. Samson
Chairman (EWC) : Pu Henkhum
Hienghai baka hin Office Bearers le EWC Members ruot belsa ding a nia. O/B thlangtharhaiin rawn tula a ngaihai rawnin an hma thei ang taka ruot belsa ning a tih.
Hotu thlang thara umhai le la ruot belsa dinghai ta dingin Rev. Vanlalruot, P/S in Pathien kuomah tawngtaina a nei pek.
Pastor L. Duoilo Biete’n Pathien kuomah a tawngtaia General Assembly hun kharna le Ruoi inhlanna a nei zovin mipui 4000 chuonglaiin Ankhasuo Playground ah hlim le tlai taka ruoi fak-tlang a nih.
Reporting: Henkhum, Gen. Secy (HNU)
