78th Rengkai Day Football Tourney FinalcumClosing
CCPUR: HYA Rengkai Branch huoihawtnain zanikhan 78th Rengkai Day Football Tournament 2016 finalcumclosing ceremony hmang a nih. Hi huna hin M. Gouzamang Guite, EM, ADCC khuollienin a thang a, Guest of Honour in John B. Tlangtinkhuma, IAS, Director of Commerce & Industries a thang a, Francis Songate, Gen. Secy. Hmar Inpui GHQ functional president le chief host in Lalhmingmak Joute, Agriculture Office, MOBC a thang.
M. Gouzamang Guite chun, hnam sunga pawl tum tum han mani thaw ding seng thaw a, mani inrawl lona dinga kut rawl lovin um thei seng inla a nuom thu hrilin, ei inrawl nawna dinga kut ei lo rawl a ni khawmin ram le hnam hmasawnna ding tiengpanga ni sien a nuom thu a hril a. Final khel hai chu ditsakna an hlan.
John B. Tlangtinkhuma chun, Rengkai khuo chu a piengna le an thanglienna hmun a ni leia a ngainat thu, khawsung mipui hai inthuruolna leia hiengang hun hmang theia um a ni thu a hril. Sports tiengah Manipur, a bikin eini tlangmi hai laia National, International levela thang phak hai insung harsa taka intan ani thu, an hlawtlingna san chu mani inthununtheina an nei lei le an tumruna lei a nih tiin a hril.
Final match hi Lalruong Section le Khuplal Section hai an ni a. Full time inkhel hnungah an inang leiin Penalty pet a ni a, Khuplal Section chun Lalruong Section 42 in an hne. Winner team in lawmman Rs. 5,000/ le runnersup Rs. 3000/ inhlan an ni bakah Best Player Tv. Manga le Top Scorer Tv. Eldad Sungte hai kuomah inhlan an nih.
DSO in FPS Agents hai an hriettir
CCPUR: Ration Card siemna ding le inzawmin CCPur District sunga FPS Agents hai chu Villages Authority hai le inhrepawa beneficiaries hai thlalak lakhawm ding le VA Chairman/Secretary forwarding letter leh an hma tienga pelut dingin M. Ginzasuan, Dist. Supply Officer (DSO)/CCPur chun an hriettir nawn nawk.
National Food Security Act (NFFSA) CCPur districtah a hun taka sukpuitling le hmang a ni thei ding ditna leiin March le April, 2016 thla haia public holidays le Pathienni haia khawm DSO/CCPur Office chu hawng a ni ding thu DSO/CCPur in inhriettirna zanita an suoa chun a zieklang.
Treasury office chau an kai
CCPUR: Zani March 23, 2016 kha Manipur pumpuia Yaoshang Holiday leiin Govt. Offices le Institution hai bakah Banks hai chu chawl leiin an inkhar vawng. CCPur Treasury Office thangin Manipura Treasury offices hai ruok chu Financial year leiin nidang ang bawkin office an kai tawl.
India hmarsak biela Road projects a sum hmang dinga riruong chu Rs. 1 lakh crore a nih: Nitin Gadkari
NEW DELHI: Zani hmasa zan khan New Delhiah Nitin Gadkari, Union Minister for Road Transport & Highways inrawinain Ministry of Road Transport and Highways chun Parliamentary Consultative Committee Meeting an nei a, National Highways and Infrastructure Development Corporation Limited (NHIDCL) sin thaw dan ennawnna le hriltlangna an nei. Hi meetinga thang hai chun NHIDCL sin thaw dan chu a hrattawk naw leia sukhrat nisienla tha an ti thu an hrillang.
NHIDCL hi Arunachal Pradesh, Assam, Nagaland, Manipur, Meghalaya, Mizoram, Tripura, Sikkim le West Bengal hai thangsain states 13 haia road projets 109 hai siemtu dinga dande a nih. Lamlien an siem dinga mawphurna peka um hi km. 7,148 a sei a nih.
Tuta inthawka kum 5 la hungtlung dingah hin India hmarsak biel sunga road projects um hai siemnaa sum hmang dinga sawrkarin a riruong chu Rs. 1 lakh crore a nih tiin Nitin Gadkari in hi meetinga thu a hril huna a hril. Hi Road projects a hin Brahmaputra vadung chunga leilak dawna ding khawm a thangsa leiin a biel mipuihai ta dinga an harsatna tam tak hlipkiengna a hung ni pha ding a nih tiin Nitin Gadkari hin a hril.
NE Business Summit Imphalah
IMPHAL: Ministry of Development of North Eastern Region (DoNER) le Manipur sawrkar hai thangruolin April 79, 2016 inkar sung khin Imphalah North East Business Summit um a tih. Hi Summit a hin Trade & Commerce, MSME, Horticulture, Floriculture, Food Processing Industry, Ministries of Tourism, Handicrafts le Handlooms hai khawm thang dinga fiel an nih. Chun, private sector le Indian Chamber of Commerce (ICC) hai khawm hi Summit a hin thang an tih tiin Secretary, DoNER chun a hril.
IPS Officer 6 selection Gradeah
IMPHAL: Manipura IPS Offiers 6 (MA: 2003) hai chu IPS Selection Grade a inkaisangtir an nih. An kaisangna hi January 1, 2016 a intahwka tiem tan ning a tih tiin Deputy Secretary (DP), Govt. of Manipur chun thusuok a siem. IPS Officers selection Grade a inkaisangtir hai chu H.T. Gangte, K. Jayenta Singh, K. Radhashyam Singh, E. Priyokumar Singh,R.K. Meme Devi le R.K. Tutusana Devi hai an nih.
Bijoygovinda Temple cheimawi tum
IMPHAL: Sagolgand MLA RK Imo chun, Bijoygovinda Temple cheimawi tumin hma a lak mek a, hi thua hi Manipur CM in Ministry of Tourism kuoma an tlun ta a, ministry chun remtina a nei tah tiin zanita Sagolband Bijoygovinda Lairenam Leikai Keli Makhong hmuna Community Hall bawl zo thar a hawngna huna a hril.
Power Grid Transmission line hawng
NEW DELHI: VideoConferencing fethlengin zanikhan India PM Narendra Modi, Bangladesh PM Sheikh Hasina le Tripura CM Manik Sarkar han indoBangladesh Power Grid Transmission an hawng. Hi thil hmang hin Gasbased Power plant, Palatana, Tripura a inthawk India sawrkarin Bangladesh kuomah power megawatts 100 a pek ding a nih. Chun, India in Bangladesh a inthawk 10GBPS internet bandwidth a dang ve thung ding a nih.
PM chun, transmission line hawnga um chu inchiktlak a ni thu hrilin khawsak tieng le India Digital kawthar hawngtu a nih tiin a hril a. India le Bangladesh chun khawmuol le tui a chau ni lovin Digital khawvela khawm inkungkaina an nei ta a a nih tiin a hril a. India hmarsak a bikin Assam, Tripura le Sikkim thalai han an hlawkpui hle ding thu a hril.
Central thawktu le pensioner hai DA 6% a sukpung
NEW DELHI: Sawrkar thlungpui chun Holi festival zanikhan Central Government hnuoia thawktu hai Dearness Allowance (DA) chu 6 percent in a sukpung. Hi thil hi sawrkar thlungpui hnuoia thawktu le pensionners mi vaibelsie khat chuongin an hamthatpui ding a nih. DA sukpung a ni lei hin sawrkar thlungpui chun kum khatah Rs. 14,724.74 crores a seng belsa pha ding a a nih. DA sukpungna hi January 1, 2016 a inthawk hmang tan ning a tih tiin Telecom minister Ravi Shankar Prasad chun Union Cabinet meeting na a reporters hai an hmupui huna a hril. Kum 201617 sungin thawktu hai DA in Rs 6,795.5 crore le Pensioner hai DA peknain Rs 7,929.24 seng belsang a ta, thawktu 50 lakh le pensioners 58 lakh han an tangkaipui ding a nih.
DA 6% a sukpung a ni lei hin Central Govt. hnuoia thawktu le pensioners hai DA tuta 119 percent ni mek chu 125 percent a hung kai phak ta ding a nih. Sawrkar thlungpui chun thil man kaisang ang peiin kum khatah DA vawi 2 dam a ennawn hlak a nih. DA sukpungna nuhmung tak chu September, 2015 khan a ni a, 113% a inthawk 119% a sukpung le July 1, 2015 a inthawk hmang tan a nih.
UPSC Exam eAdmit card download thei
NEW DELHI: Union Public Service Commission (UPSC) huoihawtna hnuoiah April 17, 2016 khin India ram pumpuia Centres 41 haiah National Defence Academy le Naval Academy Examination (I), 2016 um a tih. Hi Exama thang ding hai EAdmit Card chu UPSC website: www.upsc.gov.in ah download thei dinga thun a ni tah. EAdmit Card download theilo annawleh harsatna nei hai chun UPSC Facilitation Counter Telephone Nos. 01123381125, 01123385271 le 01123098543 haiah 10:00 A.M to 5:00 P.M inkar sung biekpaw thei ning a ta, hi thila ding hin paper admit card (hard copy admit card) pekdawk ninaw nih.
CGL Registration hun keisei
NEW DELHI: Staff Selection Commission (SSC) huoihawtna hnuoia Combined Graduate Level Examination, 2016 hung um dinga online Registration/application peklut thei hun suksei a ni a, hi dungzui hin PartI Application chu March 28, 2016, 5:00PM chen la peklut thei ning a ta, PartII Application 3032016, 5PM chenin la peklut thei ning a tih tiin SSC chun March 22, 2016 khan Notice an suo. Application peklut thei hun tawp tawm tepa Application pelut nuoma SSC Website hmang an tam leia ni 23 vel website hmang mumal thei lova a um leia registration thaw thei hun hi keisei a nih.Hi bak chu keisei a ni tanaw ding thu SSC thusuok chun a hril.
PMAY hnuoia In vaibelsie 1 bawl ding
NEW DELHI: Union Cabinet meeting chun rural housing scheme Pradhan Mantri Awaas Yojana (PMAY) hnuoiah tuta inthawk kum 3 sungin In vaibelsie 1 bawl dingin remtina (approved) a nei. Hi thila ding hin Rs. 81,955 crores seng dinga riruong a ni a, plain areasah Rs. 1.2 lakh pei le hill le difficult areas haiah Rs. 1.3 lakh pei financial assistance pek ning a tih.
Hi baka hin sawrkar thlungpui chun Central Asia le Persian Gulf inkara international transport and transit corridor bawlna ding Ashgabat agreement a pawmpui bawk. Chun, Cabinet Committee on Economic Affairs (CCEA) chun KiulGaya Railway line km. 124 a sei siemna dingin Rs. 1354.22 crore an pawmpui bawk. Hi project hi kum 20192020 a zo ding a nih.
Headley in LeT kuomaa sum a pek thu a hril
NEW DELHI: 26/11 Mumbai terrorist attacka inrawlna neia intum leia US a man PakistaniAmerican Terrorist David Headley chu zanikhan video link fethlengin crossexamination nei a ni a, kum 2016 khan LashkareTaiba (LeT) hai thangpuinain Rs. 6070 lakh vel a lo pek ngei thu; Drugsa sumdawngna leiin USah tumhni lai man a lo tuok ta thu, hi hnung hin Pakistana an zin thu; a passport hmasa tak chu a nu le pa han USa an siem pek a ni thu, a passport thar chu Headley ti hminga USa ama in a siem a ni thu a hril.
Tahvoor Rana chu LeT member a ninaw thu hrilin a nuhmei Shaziya Khan chu Paksitan mi a ni thu le LeT le inzawmna nei an ni thu hi a nuhmei khawm hin a hriet thu le Mumbai hmuna Tavoor Rana office khawm a lo hmang hlak ngei thu Abu Jundal lawyer Abdul Wahad Khan in thu an dawn huna a hril.
BSF han Heroin kg. 3 an dapdawk
CHANDIGARH: Border Security Forces (BSF) chun anikhan Punjaba Ferozpur sector, India le Pakistan ramriah Heroin kg. 3 zet a rik ding dapdawkin an man. Heroin hi Well bul laia hnuoi sunga thupruk an dapdawk niin BSF a Dy. Inspector General (DIG) R.S. Kataria chun a hril. Heroin dapdawka um hi international market ratea chun Rs. 15 crore manhu ding a ni a, Palistan SIM Card pahni an dapdawk sa bawk.
PM in a minister hai a ngen
NEW DELHI: PM Narendra Modi chun zani hmasa zan khan Council of Ministers hai meeting a neipui a, NDA in kum 2 liemta sunga development schemes le hmalakna chi hrang hrang a nei hai hrilhrietna neia pensuok dingin a minister hai a ngen a, sawrakr hmalakna hai mipui kuoma hrilhriet dingain Parliament budget session zova inthawk hmun hran hran 200 bek sir dingin a ngen bawk.
Jaitley ni 4 cham dingin Australia an zin ding
NEW DELHI: Union Finance Minister Arun Jaitley chu Australia rama ni 4 sung cham dingin March 28, 2016 khin inzin suok a tih. Jaitley hi March 29, 2016 khin Sydney khawpui tlung a ta, “Make in India” conferenceah thuhrilna hun hmangin Sydney Campus of S.P. Jain School of Global Managementa interactive session a thang bawk a tih. Australia ram a cham sungin Australian finance cheltu Senator Mathias Cormann le Foreign Secretary Peter Vergese hai khawm inhmpui a ta, IndiaAustralia CEOs Forum meetingah thang bawk a tih. March 31, 2016 khin Canberra khawpui suoksanin India ram hung pan nawk a tih.
Smriti Irani NEHU Convocationah
SHILLONG: March 29, 2016 khin North Eastern Hill University (NEHU) Shillong, Meghalaya chun XXIIIrd Convocation an hmang ding a ni a, hi huna hin Union Human Resource Development Minister Smriti Irani chu khuolliena thangin thuhrilna hun hmang a tih. NEHU Convocation huna hin students 10291 hai degrees inhlan ning an ta, educator and reformist Rose Millian Bathew (Kharbuli) le Olympic bronze medalist M.C. Mary Kom hai chu Honorary degree inhlan ni bawk an tih.
GNLA Commander kap hlum
SHILLONG: Meghalaya Special Weapons and Tactics (SWAT) hai chun zani hmasa khan Garo National Liberation Army (GNLA) Commander Salnang T. Sangma @ Balti Momin @ Walnang T. Sangma chu North Garo Hillsa Bangsi Alda forest areaah an kap hlum. SWAT pawl in hi lai hmuna dappui an thawnaa inkaptuona tlung huna GNLA commander hi an kap hlu m a nih. Inkaptuona hmuna hin 9mm carbine 1, AK47 magazines le a mu iemanizat bakah document thenkhat hmu le man a nih.
March 28 in Defence Expo Goa hmunah
NEW DELHI: March 28, 2016 a inthawk khin ni 4 sung aw ding 9th Edition Defence Expo chu Goa hmuna tan ning a ta, companies tum tum 1000 chuong hung thang an tih tiin Secretary Defence Production,AK Gupta chun zanikhan New Delhi hmuna chanchinbumihai kuoma a hril. Hi Expoa companies hung thang ding tam tak chu US a inthawk a ni a, Pakistan chu fiel ve a ninaw bakah China chun a hung thang ding le dingnaw a la sukchieng nawh. Defence Expo hi NDA sawrkar hnuoia Make in India programme besana buotsai ding a nih.
Belgium in ni 3 sung sun dingin a puong
BRUSSELS: Zani hmasaa Brussels international airport le metro station haia terrorist han bomb an sukpuok leia mi 35 thi hai ni 3 sung sun dingin Belgium sawrkar chun a puong. Belgiuma terrorist hai chetnaa kha midang 250 lai zetin hliemna an tuok a nih.
CCTV thlalak a inthawk bomb sukpuoktu ni dinga ringhla 3 hai laia mi 2 hai chu unau niin Khalid le Brahmin elBakraoui (unau) hai an nih. Khalid le Brahim El Bakraoui hai hi Brussels mi ve ve le criminal record lo nei ta an nih. Brussels airporta bomb sukpuoktu taka intum hi Najim Laachraoui (25) a nih. Najim Laachraoui hi zanikhan man niin Belgian media report chun a hril.
8th BRICS Summit Goaah
NEW DELHI: India chun tu kum hin 8th BRICS (Brazil, RussiaIndiaChinaSouth Africa) Summit mikhuol a tih. BRICS Summit hi October 15&16, 2016 khin Goa state ah nei ning a ta, BRICS hmalak dan ding hai hriltlang ning a tih tiin Union External Affairs minister Sushma Swaraj chun a hril. Hi inkhawmpuia hin BRICs Under 17 Football Tournament, BRICS Film Festival, BRICS Wellness Forum, BRICS Youth Forum, Young Diplomat’s Forum, BRICS Trade Fair, BRICS Friendship cities conclave le Economic Forums indin le huoihawt dan ding hai hriltlang ni dingin Sushma Swaraj chun a hril.
VAWISUN THUPUI
Felna hin hnam a chawimawi a, Suolna ruok hi chu mi tukhawm ta dinga hmusitumna a nih. Thuvarhai 14:34
Editorial: Hlemin ei um rawp el
Khawvelah ei cheng sung hin chu mihriemhai hin fak le dawn, sil le bil, in le lo, inlirthei le thil dang dang hai ei ditin ei mamaw seng a. Hieng thil hai po po hi pawisa bo va nei thei a ninaw lei in mitin pawisa zawngin ei invir buoi mup mup el a nih. Pawisa ei hmu theina ding chun sawl inrim khawm pawi ei ti nawh. Sawl tak le inrim taka pawisa ei hmusuokhai hi mi tuelkhawma ei inro a, hmang liem puot puot ei phal ngai nawh. Amiruokchu, awlsam tak le a thlawna pawisa ei hmu hai chu ei inro naw a, a thlawn bawkin ei hmang ral nawk el hlak. Inrim tak le thlansa phulkaia pawisa ei hmu hai hi a hlu zuol bik a, a hmangna khawmin umzie a nei bik nghe nghe hlak. Pawisa lova khawsa thei lo ei ni leiin pawisa hi ei zawng ding hrim a nih. Amirukchu, ei pawisa hmusuok hai chu pawisa thienghlim le ei inrim ra ni thei ngei sienla nuom a um.
Sawrkara hlaw neinawhai ta ding chun a hlawpa pawisa hmu hi an tak a. Hi lei hin ei ramah “Marup” hi an l ar hle a, regular taka pawisa hmuna neihai chu Marupa hin an thang a, mi tam takin ngirsuoknain an hmang pha tah. Marup hi a thawtu an ringum a, an indik phawt chun thil tha takel, thaw chi tak a nih. Amiruokchu, mi ringum lo le mi indiklo hai huoihawt marup ruok chu beidawngna, harsatna le pawisa tam tak inhmangna a ni leiin Marupa thang hi fimkhur hle ding a nih. Marup huoihawttu hi mi ringum, mi indik, in le lo nghet nei a ni le ninaw Marupa thang ding han belchieng hmasa ngei ngei ding a nih.
Churachandpur town le a se vel haia khawm mi tam takin Marup hi an huoihawt ta hlak a, marup huoihawttu ringum lo Marup thaw an um hlak leiin Marup hming hi nasa takin a suksiet hlak. Hi lei hin mi tam takin Marup a thang hi an sim pha hlak a nih. Marup indiklo taka thawtuhai hi misuol le khela fakzawng hlakhai an nih. Hiengang mihai hi chu hnai lo hrim hrim el ding an nih. Hiengang mi hi ei ramah an la umzing leiin marup annawleh company tehlem thawtuhai lakah ei inthier fihlim hram hram a tul a nih. Hlema ei um rawp hi a pawi a, hlema ei um nawna dingin Marup le company a thang le zawm ding chun thiem tak le var taka thil suizui le ngaituo chet chet hlak ding a nih.
Red Cross Road, New Bazar, Churachandpura ‘S.D. Enterprise” ti hmingputa Suresh Das (31) s/o Sushil Das of Aligarh, Dwar district, West Bengal khawmin CCPur town sunga dawrkaihai kuoma inthawk pawisa cheng vaibelsie khat chuong a khawnkhawm hnungin March 19, 2016 khan a fena chin hriet lovin a tlanhmang a, Dawrkai tam tak a sukbeidawng hle. Das pawisa lakkhawm hai khawm hi Marup sum nia hril a nih. Hi thil hi Churachandpur town sunga dinga a vawikhatna a ni ta nawh. Hiengang thil hi vawi tam tak a tlungna a ni tah. Vai ei tihai hi CCPur Town sunga cheng, a ram neitu le a chawngpuhai hin tuolsung mihai nekin ei ringzo hlak a, chuleia hiengang thil hi ei tuok pha hlak niin an lang. Hieng a ni lei hin Vai ringzona ei lungrila intu nghet takel hi bansan ta inla ei renga ta dinga thiltha a ni lem ngei ring a um.
Mani mihai nekin Vaihai ei ringzo lei le ei ditsak lem leiin dawr hmun tha le a lunna lai po po Vaihai ei inhluotir a, tuolsung mi han dawr hmun tha lai changzo ta lovin ei um a, Vai hai an hausa tul tul a, an changkang tung pei laiin a ram neitu le a tuolsung mihai chu ei intep tul tul a, changkang le hmasawn nekin harsatna le pasietnain ei hmang pha lem nitain an lang. Hi thil chau hi ni lovin thenkhatin ei hmingin Dawr ei insiemtir bakah ei hmingin hmun le hmang ei inchawkpui a, hi thil hi ei la sietpui ding le ei insirna hmakhuo ding a la nih. Hi lei hin thanghar ei tiu a, ei thil thaw nuom dan hi bansanin, ei lungril thlakthleng ei tiu. Hlemin um rawp ta naw ma niu.
Hieng thil hai po po hi ei var leia ei thaw a ninaw a, ei mawl lei lei ei invet leia ei thaw a nih. Chun, ei pawisa dit taluo leia mani unau le hnam chanpuihai neka hnam danghai ei ditsak lem a nih ti inla ei hril suol taluo ring a um nawh. Ei p awisa dit dan hin midang pawisa dit taluo ei hril hlak khan a khumkhel ta a, pawisa ei hmuna ding a ni phawt chun ruoltha, sungkhat, laina, mani mi le sa ti khawm a um thei tanaw niin an lang. Tuta ang zinga mani mihai ngainat le ditsak neka Vaihai ei ditsak lem zing chun Imphal khawpuia ei unau Meitei han harsatna an tuok ang khu ei ni (CCPur mihai) rawi khawmin ei la hung tuok ngei ding a nih.
CCPUR: HYA Rengkai Branch huoihawtnain zanikhan 78th Rengkai Day Football Tournament 2016 finalcumclosing ceremony hmang a nih. Hi huna hin M. Gouzamang Guite, EM, ADCC khuollienin a thang a, Guest of Honour in John B. Tlangtinkhuma, IAS, Director of Commerce & Industries a thang a, Francis Songate, Gen. Secy. Hmar Inpui GHQ functional president le chief host in Lalhmingmak Joute, Agriculture Office, MOBC a thang.
M. Gouzamang Guite chun, hnam sunga pawl tum tum han mani thaw ding seng thaw a, mani inrawl lona dinga kut rawl lovin um thei seng inla a nuom thu hrilin, ei inrawl nawna dinga kut ei lo rawl a ni khawmin ram le hnam hmasawnna ding tiengpanga ni sien a nuom thu a hril a. Final khel hai chu ditsakna an hlan.
John B. Tlangtinkhuma chun, Rengkai khuo chu a piengna le an thanglienna hmun a ni leia a ngainat thu, khawsung mipui hai inthuruolna leia hiengang hun hmang theia um a ni thu a hril. Sports tiengah Manipur, a bikin eini tlangmi hai laia National, International levela thang phak hai insung harsa taka intan ani thu, an hlawtlingna san chu mani inthununtheina an nei lei le an tumruna lei a nih tiin a hril.
Final match hi Lalruong Section le Khuplal Section hai an ni a. Full time inkhel hnungah an inang leiin Penalty pet a ni a, Khuplal Section chun Lalruong Section 42 in an hne. Winner team in lawmman Rs. 5,000/ le runnersup Rs. 3000/ inhlan an ni bakah Best Player Tv. Manga le Top Scorer Tv. Eldad Sungte hai kuomah inhlan an nih.
DSO in FPS Agents hai an hriettir
CCPUR: Ration Card siemna ding le inzawmin CCPur District sunga FPS Agents hai chu Villages Authority hai le inhrepawa beneficiaries hai thlalak lakhawm ding le VA Chairman/Secretary forwarding letter leh an hma tienga pelut dingin M. Ginzasuan, Dist. Supply Officer (DSO)/CCPur chun an hriettir nawn nawk.
National Food Security Act (NFFSA) CCPur districtah a hun taka sukpuitling le hmang a ni thei ding ditna leiin March le April, 2016 thla haia public holidays le Pathienni haia khawm DSO/CCPur Office chu hawng a ni ding thu DSO/CCPur in inhriettirna zanita an suoa chun a zieklang.
Treasury office chau an kai
CCPUR: Zani March 23, 2016 kha Manipur pumpuia Yaoshang Holiday leiin Govt. Offices le Institution hai bakah Banks hai chu chawl leiin an inkhar vawng. CCPur Treasury Office thangin Manipura Treasury offices hai ruok chu Financial year leiin nidang ang bawkin office an kai tawl.
India hmarsak biela Road projects a sum hmang dinga riruong chu Rs. 1 lakh crore a nih: Nitin Gadkari
NEW DELHI: Zani hmasa zan khan New Delhiah Nitin Gadkari, Union Minister for Road Transport & Highways inrawinain Ministry of Road Transport and Highways chun Parliamentary Consultative Committee Meeting an nei a, National Highways and Infrastructure Development Corporation Limited (NHIDCL) sin thaw dan ennawnna le hriltlangna an nei. Hi meetinga thang hai chun NHIDCL sin thaw dan chu a hrattawk naw leia sukhrat nisienla tha an ti thu an hrillang.
NHIDCL hi Arunachal Pradesh, Assam, Nagaland, Manipur, Meghalaya, Mizoram, Tripura, Sikkim le West Bengal hai thangsain states 13 haia road projets 109 hai siemtu dinga dande a nih. Lamlien an siem dinga mawphurna peka um hi km. 7,148 a sei a nih.
Tuta inthawka kum 5 la hungtlung dingah hin India hmarsak biel sunga road projects um hai siemnaa sum hmang dinga sawrkarin a riruong chu Rs. 1 lakh crore a nih tiin Nitin Gadkari in hi meetinga thu a hril huna a hril. Hi Road projects a hin Brahmaputra vadung chunga leilak dawna ding khawm a thangsa leiin a biel mipuihai ta dinga an harsatna tam tak hlipkiengna a hung ni pha ding a nih tiin Nitin Gadkari hin a hril.
NE Business Summit Imphalah
IMPHAL: Ministry of Development of North Eastern Region (DoNER) le Manipur sawrkar hai thangruolin April 79, 2016 inkar sung khin Imphalah North East Business Summit um a tih. Hi Summit a hin Trade & Commerce, MSME, Horticulture, Floriculture, Food Processing Industry, Ministries of Tourism, Handicrafts le Handlooms hai khawm thang dinga fiel an nih. Chun, private sector le Indian Chamber of Commerce (ICC) hai khawm hi Summit a hin thang an tih tiin Secretary, DoNER chun a hril.
IPS Officer 6 selection Gradeah
IMPHAL: Manipura IPS Offiers 6 (MA: 2003) hai chu IPS Selection Grade a inkaisangtir an nih. An kaisangna hi January 1, 2016 a intahwka tiem tan ning a tih tiin Deputy Secretary (DP), Govt. of Manipur chun thusuok a siem. IPS Officers selection Grade a inkaisangtir hai chu H.T. Gangte, K. Jayenta Singh, K. Radhashyam Singh, E. Priyokumar Singh,R.K. Meme Devi le R.K. Tutusana Devi hai an nih.
Bijoygovinda Temple cheimawi tum
IMPHAL: Sagolgand MLA RK Imo chun, Bijoygovinda Temple cheimawi tumin hma a lak mek a, hi thua hi Manipur CM in Ministry of Tourism kuoma an tlun ta a, ministry chun remtina a nei tah tiin zanita Sagolband Bijoygovinda Lairenam Leikai Keli Makhong hmuna Community Hall bawl zo thar a hawngna huna a hril.
Power Grid Transmission line hawng
NEW DELHI: VideoConferencing fethlengin zanikhan India PM Narendra Modi, Bangladesh PM Sheikh Hasina le Tripura CM Manik Sarkar han indoBangladesh Power Grid Transmission an hawng. Hi thil hmang hin Gasbased Power plant, Palatana, Tripura a inthawk India sawrkarin Bangladesh kuomah power megawatts 100 a pek ding a nih. Chun, India in Bangladesh a inthawk 10GBPS internet bandwidth a dang ve thung ding a nih.
PM chun, transmission line hawnga um chu inchiktlak a ni thu hrilin khawsak tieng le India Digital kawthar hawngtu a nih tiin a hril a. India le Bangladesh chun khawmuol le tui a chau ni lovin Digital khawvela khawm inkungkaina an nei ta a a nih tiin a hril a. India hmarsak a bikin Assam, Tripura le Sikkim thalai han an hlawkpui hle ding thu a hril.
Central thawktu le pensioner hai DA 6% a sukpung
NEW DELHI: Sawrkar thlungpui chun Holi festival zanikhan Central Government hnuoia thawktu hai Dearness Allowance (DA) chu 6 percent in a sukpung. Hi thil hi sawrkar thlungpui hnuoia thawktu le pensionners mi vaibelsie khat chuongin an hamthatpui ding a nih. DA sukpung a ni lei hin sawrkar thlungpui chun kum khatah Rs. 14,724.74 crores a seng belsa pha ding a a nih. DA sukpungna hi January 1, 2016 a inthawk hmang tan ning a tih tiin Telecom minister Ravi Shankar Prasad chun Union Cabinet meeting na a reporters hai an hmupui huna a hril. Kum 201617 sungin thawktu hai DA in Rs 6,795.5 crore le Pensioner hai DA peknain Rs 7,929.24 seng belsang a ta, thawktu 50 lakh le pensioners 58 lakh han an tangkaipui ding a nih.
DA 6% a sukpung a ni lei hin Central Govt. hnuoia thawktu le pensioners hai DA tuta 119 percent ni mek chu 125 percent a hung kai phak ta ding a nih. Sawrkar thlungpui chun thil man kaisang ang peiin kum khatah DA vawi 2 dam a ennawn hlak a nih. DA sukpungna nuhmung tak chu September, 2015 khan a ni a, 113% a inthawk 119% a sukpung le July 1, 2015 a inthawk hmang tan a nih.
UPSC Exam eAdmit card download thei
NEW DELHI: Union Public Service Commission (UPSC) huoihawtna hnuoiah April 17, 2016 khin India ram pumpuia Centres 41 haiah National Defence Academy le Naval Academy Examination (I), 2016 um a tih. Hi Exama thang ding hai EAdmit Card chu UPSC website: www.upsc.gov.in ah download thei dinga thun a ni tah. EAdmit Card download theilo annawleh harsatna nei hai chun UPSC Facilitation Counter Telephone Nos. 01123381125, 01123385271 le 01123098543 haiah 10:00 A.M to 5:00 P.M inkar sung biekpaw thei ning a ta, hi thila ding hin paper admit card (hard copy admit card) pekdawk ninaw nih.
CGL Registration hun keisei
NEW DELHI: Staff Selection Commission (SSC) huoihawtna hnuoia Combined Graduate Level Examination, 2016 hung um dinga online Registration/application peklut thei hun suksei a ni a, hi dungzui hin PartI Application chu March 28, 2016, 5:00PM chen la peklut thei ning a ta, PartII Application 3032016, 5PM chenin la peklut thei ning a tih tiin SSC chun March 22, 2016 khan Notice an suo. Application peklut thei hun tawp tawm tepa Application pelut nuoma SSC Website hmang an tam leia ni 23 vel website hmang mumal thei lova a um leia registration thaw thei hun hi keisei a nih.Hi bak chu keisei a ni tanaw ding thu SSC thusuok chun a hril.
PMAY hnuoia In vaibelsie 1 bawl ding
NEW DELHI: Union Cabinet meeting chun rural housing scheme Pradhan Mantri Awaas Yojana (PMAY) hnuoiah tuta inthawk kum 3 sungin In vaibelsie 1 bawl dingin remtina (approved) a nei. Hi thila ding hin Rs. 81,955 crores seng dinga riruong a ni a, plain areasah Rs. 1.2 lakh pei le hill le difficult areas haiah Rs. 1.3 lakh pei financial assistance pek ning a tih.
Hi baka hin sawrkar thlungpui chun Central Asia le Persian Gulf inkara international transport and transit corridor bawlna ding Ashgabat agreement a pawmpui bawk. Chun, Cabinet Committee on Economic Affairs (CCEA) chun KiulGaya Railway line km. 124 a sei siemna dingin Rs. 1354.22 crore an pawmpui bawk. Hi project hi kum 20192020 a zo ding a nih.
Headley in LeT kuomaa sum a pek thu a hril
NEW DELHI: 26/11 Mumbai terrorist attacka inrawlna neia intum leia US a man PakistaniAmerican Terrorist David Headley chu zanikhan video link fethlengin crossexamination nei a ni a, kum 2016 khan LashkareTaiba (LeT) hai thangpuinain Rs. 6070 lakh vel a lo pek ngei thu; Drugsa sumdawngna leiin USah tumhni lai man a lo tuok ta thu, hi hnung hin Pakistana an zin thu; a passport hmasa tak chu a nu le pa han USa an siem pek a ni thu, a passport thar chu Headley ti hminga USa ama in a siem a ni thu a hril.
Tahvoor Rana chu LeT member a ninaw thu hrilin a nuhmei Shaziya Khan chu Paksitan mi a ni thu le LeT le inzawmna nei an ni thu hi a nuhmei khawm hin a hriet thu le Mumbai hmuna Tavoor Rana office khawm a lo hmang hlak ngei thu Abu Jundal lawyer Abdul Wahad Khan in thu an dawn huna a hril.
BSF han Heroin kg. 3 an dapdawk
CHANDIGARH: Border Security Forces (BSF) chun anikhan Punjaba Ferozpur sector, India le Pakistan ramriah Heroin kg. 3 zet a rik ding dapdawkin an man. Heroin hi Well bul laia hnuoi sunga thupruk an dapdawk niin BSF a Dy. Inspector General (DIG) R.S. Kataria chun a hril. Heroin dapdawka um hi international market ratea chun Rs. 15 crore manhu ding a ni a, Palistan SIM Card pahni an dapdawk sa bawk.
PM in a minister hai a ngen
NEW DELHI: PM Narendra Modi chun zani hmasa zan khan Council of Ministers hai meeting a neipui a, NDA in kum 2 liemta sunga development schemes le hmalakna chi hrang hrang a nei hai hrilhrietna neia pensuok dingin a minister hai a ngen a, sawrakr hmalakna hai mipui kuoma hrilhriet dingain Parliament budget session zova inthawk hmun hran hran 200 bek sir dingin a ngen bawk.
Jaitley ni 4 cham dingin Australia an zin ding
NEW DELHI: Union Finance Minister Arun Jaitley chu Australia rama ni 4 sung cham dingin March 28, 2016 khin inzin suok a tih. Jaitley hi March 29, 2016 khin Sydney khawpui tlung a ta, “Make in India” conferenceah thuhrilna hun hmangin Sydney Campus of S.P. Jain School of Global Managementa interactive session a thang bawk a tih. Australia ram a cham sungin Australian finance cheltu Senator Mathias Cormann le Foreign Secretary Peter Vergese hai khawm inhmpui a ta, IndiaAustralia CEOs Forum meetingah thang bawk a tih. March 31, 2016 khin Canberra khawpui suoksanin India ram hung pan nawk a tih.
Smriti Irani NEHU Convocationah
SHILLONG: March 29, 2016 khin North Eastern Hill University (NEHU) Shillong, Meghalaya chun XXIIIrd Convocation an hmang ding a ni a, hi huna hin Union Human Resource Development Minister Smriti Irani chu khuolliena thangin thuhrilna hun hmang a tih. NEHU Convocation huna hin students 10291 hai degrees inhlan ning an ta, educator and reformist Rose Millian Bathew (Kharbuli) le Olympic bronze medalist M.C. Mary Kom hai chu Honorary degree inhlan ni bawk an tih.
GNLA Commander kap hlum
SHILLONG: Meghalaya Special Weapons and Tactics (SWAT) hai chun zani hmasa khan Garo National Liberation Army (GNLA) Commander Salnang T. Sangma @ Balti Momin @ Walnang T. Sangma chu North Garo Hillsa Bangsi Alda forest areaah an kap hlum. SWAT pawl in hi lai hmuna dappui an thawnaa inkaptuona tlung huna GNLA commander hi an kap hlu m a nih. Inkaptuona hmuna hin 9mm carbine 1, AK47 magazines le a mu iemanizat bakah document thenkhat hmu le man a nih.
March 28 in Defence Expo Goa hmunah
NEW DELHI: March 28, 2016 a inthawk khin ni 4 sung aw ding 9th Edition Defence Expo chu Goa hmuna tan ning a ta, companies tum tum 1000 chuong hung thang an tih tiin Secretary Defence Production,AK Gupta chun zanikhan New Delhi hmuna chanchinbumihai kuoma a hril. Hi Expoa companies hung thang ding tam tak chu US a inthawk a ni a, Pakistan chu fiel ve a ninaw bakah China chun a hung thang ding le dingnaw a la sukchieng nawh. Defence Expo hi NDA sawrkar hnuoia Make in India programme besana buotsai ding a nih.
Belgium in ni 3 sung sun dingin a puong
BRUSSELS: Zani hmasaa Brussels international airport le metro station haia terrorist han bomb an sukpuok leia mi 35 thi hai ni 3 sung sun dingin Belgium sawrkar chun a puong. Belgiuma terrorist hai chetnaa kha midang 250 lai zetin hliemna an tuok a nih.
CCTV thlalak a inthawk bomb sukpuoktu ni dinga ringhla 3 hai laia mi 2 hai chu unau niin Khalid le Brahmin elBakraoui (unau) hai an nih. Khalid le Brahim El Bakraoui hai hi Brussels mi ve ve le criminal record lo nei ta an nih. Brussels airporta bomb sukpuoktu taka intum hi Najim Laachraoui (25) a nih. Najim Laachraoui hi zanikhan man niin Belgian media report chun a hril.
8th BRICS Summit Goaah
NEW DELHI: India chun tu kum hin 8th BRICS (Brazil, RussiaIndiaChinaSouth Africa) Summit mikhuol a tih. BRICS Summit hi October 15&16, 2016 khin Goa state ah nei ning a ta, BRICS hmalak dan ding hai hriltlang ning a tih tiin Union External Affairs minister Sushma Swaraj chun a hril. Hi inkhawmpuia hin BRICs Under 17 Football Tournament, BRICS Film Festival, BRICS Wellness Forum, BRICS Youth Forum, Young Diplomat’s Forum, BRICS Trade Fair, BRICS Friendship cities conclave le Economic Forums indin le huoihawt dan ding hai hriltlang ni dingin Sushma Swaraj chun a hril.
VAWISUN THUPUI
Felna hin hnam a chawimawi a, Suolna ruok hi chu mi tukhawm ta dinga hmusitumna a nih. Thuvarhai 14:34
Editorial: Hlemin ei um rawp el
Khawvelah ei cheng sung hin chu mihriemhai hin fak le dawn, sil le bil, in le lo, inlirthei le thil dang dang hai ei ditin ei mamaw seng a. Hieng thil hai po po hi pawisa bo va nei thei a ninaw lei in mitin pawisa zawngin ei invir buoi mup mup el a nih. Pawisa ei hmu theina ding chun sawl inrim khawm pawi ei ti nawh. Sawl tak le inrim taka pawisa ei hmusuokhai hi mi tuelkhawma ei inro a, hmang liem puot puot ei phal ngai nawh. Amiruokchu, awlsam tak le a thlawna pawisa ei hmu hai chu ei inro naw a, a thlawn bawkin ei hmang ral nawk el hlak. Inrim tak le thlansa phulkaia pawisa ei hmu hai hi a hlu zuol bik a, a hmangna khawmin umzie a nei bik nghe nghe hlak. Pawisa lova khawsa thei lo ei ni leiin pawisa hi ei zawng ding hrim a nih. Amirukchu, ei pawisa hmusuok hai chu pawisa thienghlim le ei inrim ra ni thei ngei sienla nuom a um.
Sawrkara hlaw neinawhai ta ding chun a hlawpa pawisa hmu hi an tak a. Hi lei hin ei ramah “Marup” hi an l ar hle a, regular taka pawisa hmuna neihai chu Marupa hin an thang a, mi tam takin ngirsuoknain an hmang pha tah. Marup hi a thawtu an ringum a, an indik phawt chun thil tha takel, thaw chi tak a nih. Amiruokchu, mi ringum lo le mi indiklo hai huoihawt marup ruok chu beidawngna, harsatna le pawisa tam tak inhmangna a ni leiin Marupa thang hi fimkhur hle ding a nih. Marup huoihawttu hi mi ringum, mi indik, in le lo nghet nei a ni le ninaw Marupa thang ding han belchieng hmasa ngei ngei ding a nih.
Churachandpur town le a se vel haia khawm mi tam takin Marup hi an huoihawt ta hlak a, marup huoihawttu ringum lo Marup thaw an um hlak leiin Marup hming hi nasa takin a suksiet hlak. Hi lei hin mi tam takin Marup a thang hi an sim pha hlak a nih. Marup indiklo taka thawtuhai hi misuol le khela fakzawng hlakhai an nih. Hiengang mihai hi chu hnai lo hrim hrim el ding an nih. Hiengang mi hi ei ramah an la umzing leiin marup annawleh company tehlem thawtuhai lakah ei inthier fihlim hram hram a tul a nih. Hlema ei um rawp hi a pawi a, hlema ei um nawna dingin Marup le company a thang le zawm ding chun thiem tak le var taka thil suizui le ngaituo chet chet hlak ding a nih.
Red Cross Road, New Bazar, Churachandpura ‘S.D. Enterprise” ti hmingputa Suresh Das (31) s/o Sushil Das of Aligarh, Dwar district, West Bengal khawmin CCPur town sunga dawrkaihai kuoma inthawk pawisa cheng vaibelsie khat chuong a khawnkhawm hnungin March 19, 2016 khan a fena chin hriet lovin a tlanhmang a, Dawrkai tam tak a sukbeidawng hle. Das pawisa lakkhawm hai khawm hi Marup sum nia hril a nih. Hi thil hi Churachandpur town sunga dinga a vawikhatna a ni ta nawh. Hiengang thil hi vawi tam tak a tlungna a ni tah. Vai ei tihai hi CCPur Town sunga cheng, a ram neitu le a chawngpuhai hin tuolsung mihai nekin ei ringzo hlak a, chuleia hiengang thil hi ei tuok pha hlak niin an lang. Hieng a ni lei hin Vai ringzona ei lungrila intu nghet takel hi bansan ta inla ei renga ta dinga thiltha a ni lem ngei ring a um.
Mani mihai nekin Vaihai ei ringzo lei le ei ditsak lem leiin dawr hmun tha le a lunna lai po po Vaihai ei inhluotir a, tuolsung mi han dawr hmun tha lai changzo ta lovin ei um a, Vai hai an hausa tul tul a, an changkang tung pei laiin a ram neitu le a tuolsung mihai chu ei intep tul tul a, changkang le hmasawn nekin harsatna le pasietnain ei hmang pha lem nitain an lang. Hi thil chau hi ni lovin thenkhatin ei hmingin Dawr ei insiemtir bakah ei hmingin hmun le hmang ei inchawkpui a, hi thil hi ei la sietpui ding le ei insirna hmakhuo ding a la nih. Hi lei hin thanghar ei tiu a, ei thil thaw nuom dan hi bansanin, ei lungril thlakthleng ei tiu. Hlemin um rawp ta naw ma niu.
Hieng thil hai po po hi ei var leia ei thaw a ninaw a, ei mawl lei lei ei invet leia ei thaw a nih. Chun, ei pawisa dit taluo leia mani unau le hnam chanpuihai neka hnam danghai ei ditsak lem a nih ti inla ei hril suol taluo ring a um nawh. Ei p awisa dit dan hin midang pawisa dit taluo ei hril hlak khan a khumkhel ta a, pawisa ei hmuna ding a ni phawt chun ruoltha, sungkhat, laina, mani mi le sa ti khawm a um thei tanaw niin an lang. Tuta ang zinga mani mihai ngainat le ditsak neka Vaihai ei ditsak lem zing chun Imphal khawpuia ei unau Meitei han harsatna an tuok ang khu ei ni (CCPur mihai) rawi khawmin ei la hung tuok ngei ding a nih.
