Inruithei thaw le buoina siem khap
CCPUR: March 7, 2016 a Saikawt Playgrounda 31st HYA Foundation Day hmang ding le inzawm hin mi tuelkhawm Saikawt khawsunga inruithei chawilut le inrui leia buoina siem phallo le khap hmak a nih tiin Saikawt DSP chun thusuok a siem. Hi khapna thupek bawse man an um chun Rs. 500/ inchawitir le hremna pek ning an tih. Chun, hi function hmanga hung hai hrim hrim khawlaia invak mei mei phal a ninaw bakah nunghak le tlangval mawi lo taka khawsa hmu an ni chun man le hrem ni bawk an tih tiin Saikawt DSP thusuok chun a hril.
Solar Lamp installation tan
CCPUR: Tuibuonga inthawk CCPur khawpui sunga Solar Lamp (street light) inthutna (installation) sin tan mek a ni a, contactor le labour han zanikhan DC Bungalow le CMO Office tuol haiah Street lamp post an phun tan. Solar Lamp hi Tiddim Road le Tipaimukh Road lampui sirah meter 25 dan peia inthut ding a ni a, solar lamp inthut ding hi a rengin 200 vel a ni a, street lamp 1 pei sitvarna dingin MANIREDA chun 100x2 Solar panel leh 43 Watt Lamp pakhat pei an buk ding a nih.
March 5 chena pay bills pelut dingin
CCPUR: Director Treasures & Accounts, Govt. of Manipur thupek dungzuiin CCPur Districta Drawing & Disbursing Officers tin hai chu financial year 201516 ding leiin February, 2016 pay/salary bills hai March 5, 2016 chena Treasury Office, CCPura pelut dingin Rosiemlien, Treasury Officer/CCPur chun inhriettirna a siem.
Street preaching an thaw tan
CCPUR: Mizoram (Aizawl)a inthawka hung Operation Kingdom Ministry team mi pathum Lalruatpuii, Lalbiakhlimi le Lalremthangi Pautu hai chun zanikhan CCPur khawpui sung hmun tum tum haiah Street preaching neiin Mizorama naufahra le inruithei suoka intang an enkawl mi 20 hai ta dingin donation box an daw bakah Gospel Album “Van Jubilee Dar” ti video album zawrna an nei bawk. Zani zantieng khan hieng hlasakthiem mi 3 hai hin District Hospital Morgue an va sir a, Tribal Martyrs hai sunna le mipui hai hmaah thuhrilna hun hmangin hlaa rawngbawlna an nei bawk.
Bieltu MDC le HSA thuoitu han an va enfel
CCPUR: CCPur khawpuia inthawk km. 7 vela hla Thenmuol khaw lut le suokna tak RCC Bridge, Khuga Dam right side canal chunga daw chu chim el thei ding ngirhmuna a um ta leiin hi leilak hrawtu khaw mipui han a vel a vela sawrkar thuneitu han an hmatienga ngaivenin hung siemtha hai sien tia an nuom thu an hril an hril leiin Saikawt bieltu MDC Pu Lalhrillien bakah HSA GHQ thuoitu Richard Laltanpuia le Tv. Lalthanzau, interim President, HSA CCPur Jt. Hq han zani zingkar 8:50AM khan a hmuna fein an va enfel. Thenmuol hi Saikawt MDC biel nisien khawm Singngat A/C MLA biel sunga um a nih.
Hi huna hin bieltu MDC le HSA thuoitu hai chun lal le khawsung thuoituhai inhmupuiin hmalak dan ding an hriltlang a. Bieltu MDC chun concern MLA GS Haopu khawm March 3, 2016 khan Imphala a van hmupui thu, chu huna khawsung aiawin HSA thuoitu hai khawm an thang thu hrilin MLA chun an hmatienga hung bawzui dinga an tiem thu bieltu MDC hin a hril. Tui tiengpanga harsatna an tuok rawpna thuah a fur a thala tui hnienghnar tak an nei theina dinga MLA kuoma an lo intlun khawm ngaipawimawin April/May fela implement hman dinga hma lak dingin MLA hin tawngbauin a lo hril niin bieltu MDC chun a hril. Reporting: LRS Puruolte
An thawktu chanpui hai inthlana an nei
CCPUR: Churachandpur District Nurses Assn. chun Feb. 29, 2016a an sin haia inthawka pension an thawktu chanpui mi 12 hai inthlana zani zantieng 1:30PM khan OPD Hall, Dist. Hospitalah an nei. Pension an inthla hai chuChalsiam, Staff Nurse (SN); Chinggohniang, SN; Khanning, ANM; Kimneiching, SN; Lamniang, Tutor; Ningmang, SN; P.Demnem, Nsg Sister.; Thumchum, ANM; V.Suanniang, Dy Nsg Supdt.; Zalianchhungi, SN; Zolkhomawi, SN le Johmy Vaiphei, AMM hai an ni a, parthi inhlitirna le ditsakna thilpek Belpui 1 seng inhlan an nih.
EC in States 4 le UT 1 haia Assembly Election nei hun ding a puong
NEW DELHI: Chief Election Commissioner Nasim Zaidi chun zani zantieng khan India rama states 4 West Bengal, Assam, Kerala, Tamil Nadu le Puducherry (Union Territory) haia Assembly Election nei hun ding zanikhan a puong.
Assam Assembly seats 126 um haia inthlangna chu thawkhni (Phase 2) in April 4 le 11, 2016 haiah nei ning a ta; West Bengal Assembly seats 294 um haia inthlangna chu phase 6 in April 4 le 11 (April 4 le 11 hai hi phase khata tiem ding) ; April 17, 21, 25, 30 le May 5, 2016 haiah nei ning a tih.
Kerala Assembly seats 140 um haia inthlangna chu phase khat in May 16, 2016 in um a ta; Tamil Nadu Assembly seats 234 um haia le Puducherry Assembly seats 30 um haia khawm May 16, 2016 khin phase khat (single phase) in inthlangna (vote thlakna) um a tih.
EC in election hung ding a puong le inruol hin Election neina ding states haia chun Election model Code of conduct hmang tan nghal ning a tih tiin Election Commission thusuok chun a hril. Hi lei hin hieng states haia chun Centre le state sawrkar han policy an puonglang thei tanaw ding a nih. Vote thlak huna hin None of the Above (NOTA) Electronic voting machines haia a mawng takah sie ning a tih tiin EC thusuok chun a hril. Hi baka hin tuta tum hin Election Commission chun Electronic Voting Machines haiah candidates hai thlalak (photos) inchuonsa a tum. Hi thil hi hming inang candidate hran an lo um hlak leia hriet buoi a um nawna dinga thaw tum a nih.
Chief Election Commissioner Nasim Zaidi chun, inthlangna thienghlim le buoina um lova nei a ni theina dingin Central Paramilitary forces huntawk state tina hmang a ni ding thu a hril a, sum le pai le tharum hmangna dang a ni theina dingin Commission chun theitawpin hma a lak tiin a hril.
Lok Sabha Speaker hlui P.A. Sangma a thi
NEW DELHI: Lok Sabha Speaker hlui P.A. Sangma (68) chu zanikhan New Delhia a chengna inah lungphu chawlin a thi. A thi sunnain zanikhan Lok Sabha le Rajya Sabha inthung sukchawl a nih. Lok Sabha a chun a thi sunnain March 8, 2016 chen session nei lovin chawl an tih. Meghalaya sawrkar chun P.A. Sangma thi hi ni 7 sung sun dingin a puong. President, Vice President, PM, Lok Sabha Speaker le Political party tum tuma thuoituhai chun P.A. Sangma thi hi an sun thu an puuonglang. PM Narendra Modi lem chu a inah va fein a ruong chungah ralnain par a van hlan. Congress President Sonia Gandhi chun, India ram chun ropui tak a chan a, India hmarsak biel chun an aiawtu ropui le pawimaw tak an chan a nih tiin a hril.
P.A. Sangma hi Lok Sabha Speaker a lo ni bakah Union Cabinet Minister for Information & Broadcasting, Union Minister of State for Home Affairs, Labour, Commerce and Coal hai bakah Meghalaya CM lo ni hlak a nih. India rama tribal hai laia Lok Sabha Speaker hmasa tak a nih. Tura, Meghalaya a inthawk Lok Sabha member in term 8 zet thlangtlingin a lo um bawk. June 12, 2015 a India President inthlangna a khawm khan BJP candidate in a ngir a, sienkhawm a tling zo naw a, tuta President ni lai mek Pranab Mukherjee hi thlangtling a nih. A thi ni chen hin Lok Sabha member a la nih. Kum 19961998 sunga Atal Behari Vajpayee, H.D. Deve Gowda le I.K. Gujral hai India PM an ni hun centrea coalition government pathum zet um huna Lok Sabha Speaker sin hnesaw taka lo thaw, mi hlim thei, Parliament sukhlimtu lo ni hlak a nih.
ImphalMoreh bandh hlip
IMPHAL: Zanikhan ImphalMoreh Road a bandh thawtu le State sawrkar palai han inbiekremna an nei ta leiin bandh thawa um hi hlip a ni tah. Inbieknaa hin State sawrkar tiengpangah IFCD Minister Ngamthang Haokip, Tengnoupal A/C MLA D. Korungthang, Chairman ADC Chandel; DC Chandel le SP, Chandel hai an thang. Inbiekremna a chun thata um Thongkhogin Haokip sunghai laia mi pakhat sawrkar sin pek ding, mithi sunghai kuomah State sawrkarin dan a siem tasa angin zangnadawmna pek ding le mithiruong postmortem thaw zo pha leh a ruong a sunghai kutah inhlan ta ding ti hai a thangsa tiin Ngamthang Haokip chun a hril.
Manipur Assembly Session zo
IMPHAL: Manipur Assembly Session neia um chu zanikhan hun tiemchin um lo dinga zo le khar a lo ni tah. Hi Sesion sung hin Sitting vawi 11 nei a nih. Session tawpni hin The Manipur Appropriation Bill No. I&II bakah The 10th Manipur Municipality Bill hai passed a nih.
Manipur Assembly in P.A. Sangma thi sunna
IMPHAL: Zanikhan Manipur Assembly in Lok Sabha Speaker hlui P.A Sangma thi sunna hun an hmang. Members han totawkin minutes 2 sung sunna an nei. CM.O.Ibobi Singh chun P.A. Sangma hi thuoitu tha le ropui a nih tiin sunna hunsera hin a hril.
MCPM in an ni pawl va run niin an hril
IMPHAL: March 2, 2016 zana Lamlai Police Station huop sunga Napet pali hmuna URF Chingkheinganba Group designated CAmp va runtu chu Maoist Communisty Party, Manipur (MCPM) an nih tiin MCPM thusuo chun a hril. MarxismCommunismLeninist ideology an zawr lei le Hijam Irabot hma lo lak dan kala an um le che hlak leia URF camp hi an va run niin MCPM thusuok chun a hril.
Ramri buoi chingfel zoa ngaituo ding
IMPHAL: India le Myanmar inkara ramri dai le ramri lung phun dan ding (Moreh Sector a mi) chu ramri buoina chingfel zova ngaituo chau ning a tih tiin CM O.Ibobi Singh chun zanikhan Manipur Assemblyah a hril. Moreh Sector a BADP Fund chungchang khawm zanikhan Inpuiah hrillang le indawnna siem a nih.
Under Secretary a kaisang
IMPHAL: Pi Fimthahnem, Manipur Secetariat Service (MSS) chu Under Secretary, Govt. of Manipur in a kaisang, a kaisangna hi ei chanchinbu chun a lawmpui hle. Ama le inruol hin midang pahni. Ms Kaisa Mao le Ms. Th. Pramodini Devi hai khawm inkaisangtir an nih.
AR han Sawkkhe inches 14 a sei ding an hmu
IMPHAL: 12Assam Rifles chun March 3, 2016 zingkara Chandel District sung Khudengthabi hmuna patrolling an fe naah ruo tluon inzal ringhla leiin an enfel a, ruotluon sungah Sawkkhe la dam (live) inches 14 vela sei ding an hmu a, Forest & Wildlife Department, Imphal kutah an inhlan niin zanita PRO, Assam Rifles thusuok chun a hril.
Imphal East Districtah Cr.P.C 144
IMPHAL: District Magistrate, Imphal East chun Jiribam SubDivision thangsain Imphal East District pumpuiah March 5, 2016 zing dar 6 a inthawk May 4, 2016 zing dar 6 chena dingin Cr.P.C. 144 a puuong. Hi District sunga buoina siem tum an um ti report a um leia Cr.P.C. 144 hi puong a nih tiin District Ma gistrate, Imphal East thusuok chun a hril.
TMC an party malin
KOLKATA: West Bengal Assembly Election thla thara hung um dinga hin Trinamool Congress chun party dang thangruolpui lovin an party mala an ngir ding thu TMC Supremo Mamata Banerjee chun zanikhan a h ril. Ms. Mamata Banerjee chun zanikhan an candidate list ding a puonglang nghal bawk a, candidate list a puonglang hai lai hin sports personalities, actor le Journalist an thang. Chuhai lai chun Indian Football camptain hlui Baichung Bhutia, Bengal cricket captain hlui Lakshmi Ratan Shukla, footballer Rahim Nabi, Bengali actor Soham le Journalist Prabir Ghosal hai an thang. West Bengal Assembly election hi phase 6 a nei ding a nih.
Phalke Award dawng dingin Manoj Kumar
NEW DELHI: Veteran film actor le Director Manoj Kumar chu Indian Cinema hmasawnna dinga a thawhlawkna leiin India sawrkar chun 47th Dadasaheb Phalke Award, 2015 dawng dingin thlang. Award hin Swarn Kamal, sumfai Rs. 10 lakh le Shawl a sawm. Manoj Kumar hi kum 1992 khan Padma Shri inhlan a lo nita bakah National Film Award hai khawm lo dawng ta a nih.
Kum 77 mi in a vawi 47na dingin Class X a exam nawk ding
ALWAR/JAIPUR: Rajasthana Khohari village a cheng putar kum 77 mi Shiv Charan Yadav chun tukuma Class X exam hung um dingah a vawi 47na dingin exam pek nawk tumin an singsa mek. Mr Yadav hin a hmasataknain kum 1968 khan Class X exam a pek tan a, sienkhawm vawi 46 a lo in exam ta haiah a la failed vawng a nih. Hun sawt tak liemtaa inthawka kha Class X a pass hma chu nuhmei nei lo dinga thu lo intiemkam a ni leiin tuchen hin nuhmei nei lovin a la um a. Exam a lo nei ta haiah subject thenkhata chun a passed hlak a, a chang chun passna nei lovin a fail vawng hlak a nih. sienkhawm tuhin chu teacher thenkhat kuoma an chuk leiin tuta tum ruok hin chu subject po pova passed an beisei a nih. Kum 21 liemtah 1995 khan a pass vang a, sienkhawm Mathematicsah a failed leiin a lo hlawsam a, nikum khan a subject po poah a failed vawng.
Mr Yadav hi thla 2 mi chau a ni laia a nuin a thisan, kum 10 a ni huna a pa in a thisan nawk le chu hnunga a pate hai nupa in an enkawl seilien a ni a, sawrkara inthawk tar pension lain le Temple a thil zawrin ama le ama an enkawl a, mi thenkhatin an nuizat laiin thenkhat chun thangpuiin pen le lekhabu dam an pek hlak. Passed an beisei leiin tukum chu nuhmei ding hmu an ring ta thu kum 77 mi putar hin a hril.
Scholarship DBT fethlenga pek ding
NEW DELHI: Tribal Welfare Schemehai a hmu ding indik tak han an hmu theina dingin National Commission for Scheduled Tribes le Tribal Affairs Ministry haia officials han tribal areas tlangram le hmun kilkhawr haia khawm feng an ta, thil um dan a hmun ngeia en an tih. Chun, PostMatric Scholarship for Students khawm DBT fe thelnga pek ni tang a ta, tuta kum fe mek sung hin Ekalaya Model Residential Schools 20 hawng belsa ning a ta, hiengang schools hi 213 ei ramah a hung um ta ding a nih. Van Bandhu Kalyan Yojna (UBKY) sum hmang ding khawm budget tharah Rs. 100 crore a sukpung ning a tih tiin zani hmasaa New Delhia Chanchinbumihai an hmupui huna Union Tribal Affairs Minister Jual Oram chun a hril.
India in USCIRF visa a pek nuom nawh
WASHINGTON: India sawrkar chun US Commission on International Religious Freedom (USCIRF) members hai kuomah India rama an hung inzin theina ding visa a pek nuom nawh. Anni hi India rama sakhuo zalenna ngirhmun enfel le hriltlangna nei dinga India rama hung inzin tum an nih. India in Visa a pek nuom nawna thuah hin an lungawinaw hle thu USCIRF a Chairman Robert P George chun a hril. USCIRF team mi 3 hai hi zanita inthawka kha chawlkar khat sung cham dinga India ram hung inzina govt. officials, sakhuo thuoitu le activist tum tum hai hung inhmupui tum an nih. UPA in sawrkarna an siem huna khawm khan khawvel rambung tum tuma religious freedom thua annual report siemna dinga USCIRF member India rama hung inzin tum hai khawm visa an lo pek phal tanaw a nih.
Pul inrawi Cong. MLA han PPA an zawm
ITANAGAR: Arunachal Pradesha chun Congress MLA 45 um hai laia Chief Minister Kalikho Pul inrawi Congress MLA 30 hai chun zani hmasa khan Congress party suoksanin state political party ‘People’s Party of Arunachal (PPA)’ an zawm. PPA an zawmna hi Assembly Speaker Wangki Lowang in a hrietpui a nih. Kalikho Pul inrawi Nabam Tuki ditnaw pawl Congress MLA hai an hel leia Arunachal Pradesha politics thila buoina iemanichen a um hnunga Kalikho Pul hin BJP le Independent MLA hai thlawpnaa sawrkarna a hung siem a ni a. Amiruokchu, Congress High Command in an sawrkar siem a recognised naw bakah CLP leader dinga Kalikho Pul thlang a nina a recognised nuomnaw leia PPA hi an zawm el niin ei thu dawngna chun a hril. Assembly seats 60 umah Pul hin thlawptu MLAs 42 a nei a, chu lai chun puotienga thlawptu BJP MLA 11 le Independent MLA 2 an thang. Hi lei hin Arunachal Pradesha chun Congress MLA 15 chau an nei ta a nih.
BSF han ramriah hnuoiver an hmudawk
JAMMU: Border Security Forces (BSF) chun Jammu and Kashmira RS Pura sector, Pakistan le inrina hmunah hnuoiver metres 30 a sei an hmudawk. BSF han dan pangngai anga dappui an thawna huna hi thil hi an hmudawk a ni a, hnuoi sung feet 10 a inthuka ver tan a ni a, India rama lutrukna dinga cho ni ngei dinga ring a nih tiin official thusuok chun a hril. Pakistan ram tiengpangah iengchena sei am hung cho a ni tah ti hriet ninaw thu BSF chun an hril. Kum 2012 a inthawk BSF han hi lai biela hnuoiver an hmsuok a palina a ni tah. Hnuoiver hi ft. 3x4 a lien a nih.
Kum 50 chin hai Study leave khap a tum
SHIMLA: Himachal Pradesh sawrkar chun a hnuoia thawktu hai kum 50 chin hai chu lekha lan chuk sap (higher education) dinga study leave an lak khap/ban a tum thu an Chief Minister Virbhadra Singh in zani hmasa khan Assemblyah a hril. Thawktu thenkhatin hmun danga transfer an ni huna lekha inchuk sap dinga study leave an lak rawp hlak leia hi thil hi thaw tum nia hril a nih. Hi thil suktawpna dingin study leave lak thei chin kum bituk a tul a nih tiin MLA Ratan chun a hril.
Kum 3 liemta sung tuilien leiin mi 4,200 an thi
NEW DELHI: Kum 201315, kum 3 liemta sung khan India rama chun tuilien leiin mi 4,226 an thi tiin Water Resources minister Uma Bharati chun zani hmasa khan Lok Sabha ah a hril a, tuilien in thil a suksiet chu Rs. 44,112 crore manhu vel a ni a, a pumpuia thlirin tuilien leiin mihriem 51.86 million in harsatna an tuok tiin a hril. Hi baka hin tuilien leiin ran 1.98 lakh in an thi pha bakah thlai chingna hmun tuiin a suksiet chu 13.88 milion hectares a nih a tling phak a; kum 2015a tuilien in thil a suksiet rawn na tak chu West Bengal niin Rs. 27,810 crore manhu ding a suksiet tiin Ms Uma Bharati chun a hril.
VAWISUN THUPUI
Hi rama hin in cheng zing chun rem ka ti cheu a, thiek naw ning cheu, phun ka ti cheu a, phawidawk naw ning cheu, in kuoma thil tha naw ka thaw kha ka lamlet ta sih a.~ Jeremia 42:10
Editorial: Blacka thil zawr
Manipur chau ni lovin India ram pumpuiah blacka thil zawr ei ti hi a um vawng niin an lang. A bikin blacka thil zawr hi Manipura hin a hluoor zuol mani ding aw ti theiin a um. Zalen taka blacka thil zawr thei a ni lei hin ruk inru nuom khawm hi an pung deu niin an lang. Blacka zawr thil hai hrim thim chu inruk thil, sawrkar dan kal le phalna lova zawr thil hai hi an nih. Black thil hi inchaw nuom lovin hnawl ngam seng inla chu blacka thil zawr nuom hi an hung bo el ring a um. Amiruokchu, black a zawr thil hai hrim hrim hi a man pangngai nekin a tlawm lem hlak leiin ei hnawl ngam ngai naw a, ei lo inchawk nawk el hlak. Hiengang thila hin chu a thiem bik ei um naw a, dan ei bawse tlang seng niin an lang.
April thlaa inthawk Manipur a khawm National Food Security Act hmang tan a ni ding thu Consumer Affairs Food and Public Distribution (CAF&PD) minister in Manipur Assembly sessiona a puonglang hi Manipur mipuihai ta ding chun thil lawmum le chanchin tha a nih. Hi Act hi indik taka hmang le fepui a hung ni chun miretheihai ta ding chun thil tha takel, ei harsatna sawkzangkhaitu pakhat hung ning a tih. Indik taka thaw a hung ni theina dingin ei state sawrkar khawmin hma hung la sienla nuom a um. Hi Act hnuoia bufai blacka awr theia a um chun NFSA thiltum a hung hlawsam thei ding a nih.
FCS annawleh FCI bufai, ei ni laia ration bufai ei ti el hlak hi blacka zawr hlak a ni leiin a tlungna ding hmun indik tak a tlung ngainaw leiin mi rethei han harsatna nasa tak ei tuok pha hlak ti chu tlang hriet a nih. Amiruokchu, blacka zawrtuhai hi thuneituhai kuomah report an ni ngai naw leiin an thil thaw hi an sim nuom naw niin an lang. Hiengang thil blacka zawrtuhai hi thuneituhai kuomah ei report ngam a tul. Chuong a ninaw chun black a an bufai zawr hi an tawpsan naw ding a nih. A tulnaa chun in report le inhek khawm ei ngam ding a nih. Chu chu mipuihai thaw ding le mawphurna a nih. I venghai hek naw ti thu kha hi thila hmang chi niin an lang nawh.
Churachandpur town sung le a se vel haia khawm motor, Gas (LPG) Cylinder le thil dang dang inru hi inzing utin a la um ti chu a hretu seng ei nih. Hiengang thil inru nuom an um zing elna san chu a zawrna ding tha tak an nei lei a nih. Zawrna ding hrie nawhai sienla chu inru nuom naw nihai. Rukruhai thil zawr hi thenkhat chun lawmsa an ti a, sumdawngna takin an hmang niin an lang. Hiengang thil thaw hai hi rukruhai leh angkhat an nih. Hi lei hin rukruhai thil inruk lo inchawsawngtuhai hi zawng suoka hremna ei pek ngam a tul ta a nih. Rukru le inzawm an ni leiin an thil thaw hi an tawpsan hmak theina dinga khuo le veng tina thuoitu han hma ei lak nuom a um.
LPG, Petrol le Diesel hai khawm economic blockade le bandh leia a hung vang pha leh pawisa neihai ta ding chun blacka inchawk ding a tam deu deu a, an dit le nuom zat zat an inchawk el hlak. LPG, Petrol le Diesel Agent/Dealer hai chu hi thila hin an thaw indik naw le dan bawse chu an ni el thei le inruolin a mamawtu hai mamawna an sang em leiin, thuneituhai kuomah report nek chun inchawk ding um na nana chu an lo inchawk naw thei naw niin an lang; nghei nek chun sum sengso lo tam deu sienkhawm dan bawsetuhai an lo inthuruolpui el a ngai hlak tina a ni a, tlaksamnain dan bawsietna an tlungtir a ni deu tak.
Black thil tho, black market thil, sawrkar thil khap le control lai, a ruk a rala zawr dam hi a hlawk el chau ni lovin hausak thut theina a ni leiin blackmarket thila sumdawng hi ei ni lai ngei khawm hin an bo bik nawh. A hlawk lei le hausak awlsamna a ni leiin black market a sumdawng hi tium hle sienkhawm thenkhat hin chu an thaw ngam el niin an lang. Hiengang thila sumdawngna hi khawtlang le sawrkar khawma an dangzo naw a, an khattawkin ei ni lai khawm Police, Security Force, Custom le Excise thawktu han black market thawtu hai, silai, silaimu, ralthuom chi tum tum, drugs etc hai leh an man rawp el. Pawisa ditna le hausak nuomna hin chu khawvela hin thil suol a min thawtir nuom el hlak a nih.
CCPUR: March 7, 2016 a Saikawt Playgrounda 31st HYA Foundation Day hmang ding le inzawm hin mi tuelkhawm Saikawt khawsunga inruithei chawilut le inrui leia buoina siem phallo le khap hmak a nih tiin Saikawt DSP chun thusuok a siem. Hi khapna thupek bawse man an um chun Rs. 500/ inchawitir le hremna pek ning an tih. Chun, hi function hmanga hung hai hrim hrim khawlaia invak mei mei phal a ninaw bakah nunghak le tlangval mawi lo taka khawsa hmu an ni chun man le hrem ni bawk an tih tiin Saikawt DSP thusuok chun a hril.
Solar Lamp installation tan
CCPUR: Tuibuonga inthawk CCPur khawpui sunga Solar Lamp (street light) inthutna (installation) sin tan mek a ni a, contactor le labour han zanikhan DC Bungalow le CMO Office tuol haiah Street lamp post an phun tan. Solar Lamp hi Tiddim Road le Tipaimukh Road lampui sirah meter 25 dan peia inthut ding a ni a, solar lamp inthut ding hi a rengin 200 vel a ni a, street lamp 1 pei sitvarna dingin MANIREDA chun 100x2 Solar panel leh 43 Watt Lamp pakhat pei an buk ding a nih.
March 5 chena pay bills pelut dingin
CCPUR: Director Treasures & Accounts, Govt. of Manipur thupek dungzuiin CCPur Districta Drawing & Disbursing Officers tin hai chu financial year 201516 ding leiin February, 2016 pay/salary bills hai March 5, 2016 chena Treasury Office, CCPura pelut dingin Rosiemlien, Treasury Officer/CCPur chun inhriettirna a siem.
Street preaching an thaw tan
CCPUR: Mizoram (Aizawl)a inthawka hung Operation Kingdom Ministry team mi pathum Lalruatpuii, Lalbiakhlimi le Lalremthangi Pautu hai chun zanikhan CCPur khawpui sung hmun tum tum haiah Street preaching neiin Mizorama naufahra le inruithei suoka intang an enkawl mi 20 hai ta dingin donation box an daw bakah Gospel Album “Van Jubilee Dar” ti video album zawrna an nei bawk. Zani zantieng khan hieng hlasakthiem mi 3 hai hin District Hospital Morgue an va sir a, Tribal Martyrs hai sunna le mipui hai hmaah thuhrilna hun hmangin hlaa rawngbawlna an nei bawk.
Bieltu MDC le HSA thuoitu han an va enfel
CCPUR: CCPur khawpuia inthawk km. 7 vela hla Thenmuol khaw lut le suokna tak RCC Bridge, Khuga Dam right side canal chunga daw chu chim el thei ding ngirhmuna a um ta leiin hi leilak hrawtu khaw mipui han a vel a vela sawrkar thuneitu han an hmatienga ngaivenin hung siemtha hai sien tia an nuom thu an hril an hril leiin Saikawt bieltu MDC Pu Lalhrillien bakah HSA GHQ thuoitu Richard Laltanpuia le Tv. Lalthanzau, interim President, HSA CCPur Jt. Hq han zani zingkar 8:50AM khan a hmuna fein an va enfel. Thenmuol hi Saikawt MDC biel nisien khawm Singngat A/C MLA biel sunga um a nih.
Hi huna hin bieltu MDC le HSA thuoitu hai chun lal le khawsung thuoituhai inhmupuiin hmalak dan ding an hriltlang a. Bieltu MDC chun concern MLA GS Haopu khawm March 3, 2016 khan Imphala a van hmupui thu, chu huna khawsung aiawin HSA thuoitu hai khawm an thang thu hrilin MLA chun an hmatienga hung bawzui dinga an tiem thu bieltu MDC hin a hril. Tui tiengpanga harsatna an tuok rawpna thuah a fur a thala tui hnienghnar tak an nei theina dinga MLA kuoma an lo intlun khawm ngaipawimawin April/May fela implement hman dinga hma lak dingin MLA hin tawngbauin a lo hril niin bieltu MDC chun a hril. Reporting: LRS Puruolte
An thawktu chanpui hai inthlana an nei
CCPUR: Churachandpur District Nurses Assn. chun Feb. 29, 2016a an sin haia inthawka pension an thawktu chanpui mi 12 hai inthlana zani zantieng 1:30PM khan OPD Hall, Dist. Hospitalah an nei. Pension an inthla hai chuChalsiam, Staff Nurse (SN); Chinggohniang, SN; Khanning, ANM; Kimneiching, SN; Lamniang, Tutor; Ningmang, SN; P.Demnem, Nsg Sister.; Thumchum, ANM; V.Suanniang, Dy Nsg Supdt.; Zalianchhungi, SN; Zolkhomawi, SN le Johmy Vaiphei, AMM hai an ni a, parthi inhlitirna le ditsakna thilpek Belpui 1 seng inhlan an nih.
EC in States 4 le UT 1 haia Assembly Election nei hun ding a puong
NEW DELHI: Chief Election Commissioner Nasim Zaidi chun zani zantieng khan India rama states 4 West Bengal, Assam, Kerala, Tamil Nadu le Puducherry (Union Territory) haia Assembly Election nei hun ding zanikhan a puong.
Assam Assembly seats 126 um haia inthlangna chu thawkhni (Phase 2) in April 4 le 11, 2016 haiah nei ning a ta; West Bengal Assembly seats 294 um haia inthlangna chu phase 6 in April 4 le 11 (April 4 le 11 hai hi phase khata tiem ding) ; April 17, 21, 25, 30 le May 5, 2016 haiah nei ning a tih.
Kerala Assembly seats 140 um haia inthlangna chu phase khat in May 16, 2016 in um a ta; Tamil Nadu Assembly seats 234 um haia le Puducherry Assembly seats 30 um haia khawm May 16, 2016 khin phase khat (single phase) in inthlangna (vote thlakna) um a tih.
EC in election hung ding a puong le inruol hin Election neina ding states haia chun Election model Code of conduct hmang tan nghal ning a tih tiin Election Commission thusuok chun a hril. Hi lei hin hieng states haia chun Centre le state sawrkar han policy an puonglang thei tanaw ding a nih. Vote thlak huna hin None of the Above (NOTA) Electronic voting machines haia a mawng takah sie ning a tih tiin EC thusuok chun a hril. Hi baka hin tuta tum hin Election Commission chun Electronic Voting Machines haiah candidates hai thlalak (photos) inchuonsa a tum. Hi thil hi hming inang candidate hran an lo um hlak leia hriet buoi a um nawna dinga thaw tum a nih.
Chief Election Commissioner Nasim Zaidi chun, inthlangna thienghlim le buoina um lova nei a ni theina dingin Central Paramilitary forces huntawk state tina hmang a ni ding thu a hril a, sum le pai le tharum hmangna dang a ni theina dingin Commission chun theitawpin hma a lak tiin a hril.
Lok Sabha Speaker hlui P.A. Sangma a thi
NEW DELHI: Lok Sabha Speaker hlui P.A. Sangma (68) chu zanikhan New Delhia a chengna inah lungphu chawlin a thi. A thi sunnain zanikhan Lok Sabha le Rajya Sabha inthung sukchawl a nih. Lok Sabha a chun a thi sunnain March 8, 2016 chen session nei lovin chawl an tih. Meghalaya sawrkar chun P.A. Sangma thi hi ni 7 sung sun dingin a puong. President, Vice President, PM, Lok Sabha Speaker le Political party tum tuma thuoituhai chun P.A. Sangma thi hi an sun thu an puuonglang. PM Narendra Modi lem chu a inah va fein a ruong chungah ralnain par a van hlan. Congress President Sonia Gandhi chun, India ram chun ropui tak a chan a, India hmarsak biel chun an aiawtu ropui le pawimaw tak an chan a nih tiin a hril.
P.A. Sangma hi Lok Sabha Speaker a lo ni bakah Union Cabinet Minister for Information & Broadcasting, Union Minister of State for Home Affairs, Labour, Commerce and Coal hai bakah Meghalaya CM lo ni hlak a nih. India rama tribal hai laia Lok Sabha Speaker hmasa tak a nih. Tura, Meghalaya a inthawk Lok Sabha member in term 8 zet thlangtlingin a lo um bawk. June 12, 2015 a India President inthlangna a khawm khan BJP candidate in a ngir a, sienkhawm a tling zo naw a, tuta President ni lai mek Pranab Mukherjee hi thlangtling a nih. A thi ni chen hin Lok Sabha member a la nih. Kum 19961998 sunga Atal Behari Vajpayee, H.D. Deve Gowda le I.K. Gujral hai India PM an ni hun centrea coalition government pathum zet um huna Lok Sabha Speaker sin hnesaw taka lo thaw, mi hlim thei, Parliament sukhlimtu lo ni hlak a nih.
ImphalMoreh bandh hlip
IMPHAL: Zanikhan ImphalMoreh Road a bandh thawtu le State sawrkar palai han inbiekremna an nei ta leiin bandh thawa um hi hlip a ni tah. Inbieknaa hin State sawrkar tiengpangah IFCD Minister Ngamthang Haokip, Tengnoupal A/C MLA D. Korungthang, Chairman ADC Chandel; DC Chandel le SP, Chandel hai an thang. Inbiekremna a chun thata um Thongkhogin Haokip sunghai laia mi pakhat sawrkar sin pek ding, mithi sunghai kuomah State sawrkarin dan a siem tasa angin zangnadawmna pek ding le mithiruong postmortem thaw zo pha leh a ruong a sunghai kutah inhlan ta ding ti hai a thangsa tiin Ngamthang Haokip chun a hril.
Manipur Assembly Session zo
IMPHAL: Manipur Assembly Session neia um chu zanikhan hun tiemchin um lo dinga zo le khar a lo ni tah. Hi Sesion sung hin Sitting vawi 11 nei a nih. Session tawpni hin The Manipur Appropriation Bill No. I&II bakah The 10th Manipur Municipality Bill hai passed a nih.
Manipur Assembly in P.A. Sangma thi sunna
IMPHAL: Zanikhan Manipur Assembly in Lok Sabha Speaker hlui P.A Sangma thi sunna hun an hmang. Members han totawkin minutes 2 sung sunna an nei. CM.O.Ibobi Singh chun P.A. Sangma hi thuoitu tha le ropui a nih tiin sunna hunsera hin a hril.
MCPM in an ni pawl va run niin an hril
IMPHAL: March 2, 2016 zana Lamlai Police Station huop sunga Napet pali hmuna URF Chingkheinganba Group designated CAmp va runtu chu Maoist Communisty Party, Manipur (MCPM) an nih tiin MCPM thusuo chun a hril. MarxismCommunismLeninist ideology an zawr lei le Hijam Irabot hma lo lak dan kala an um le che hlak leia URF camp hi an va run niin MCPM thusuok chun a hril.
Ramri buoi chingfel zoa ngaituo ding
IMPHAL: India le Myanmar inkara ramri dai le ramri lung phun dan ding (Moreh Sector a mi) chu ramri buoina chingfel zova ngaituo chau ning a tih tiin CM O.Ibobi Singh chun zanikhan Manipur Assemblyah a hril. Moreh Sector a BADP Fund chungchang khawm zanikhan Inpuiah hrillang le indawnna siem a nih.
Under Secretary a kaisang
IMPHAL: Pi Fimthahnem, Manipur Secetariat Service (MSS) chu Under Secretary, Govt. of Manipur in a kaisang, a kaisangna hi ei chanchinbu chun a lawmpui hle. Ama le inruol hin midang pahni. Ms Kaisa Mao le Ms. Th. Pramodini Devi hai khawm inkaisangtir an nih.
AR han Sawkkhe inches 14 a sei ding an hmu
IMPHAL: 12Assam Rifles chun March 3, 2016 zingkara Chandel District sung Khudengthabi hmuna patrolling an fe naah ruo tluon inzal ringhla leiin an enfel a, ruotluon sungah Sawkkhe la dam (live) inches 14 vela sei ding an hmu a, Forest & Wildlife Department, Imphal kutah an inhlan niin zanita PRO, Assam Rifles thusuok chun a hril.
Imphal East Districtah Cr.P.C 144
IMPHAL: District Magistrate, Imphal East chun Jiribam SubDivision thangsain Imphal East District pumpuiah March 5, 2016 zing dar 6 a inthawk May 4, 2016 zing dar 6 chena dingin Cr.P.C. 144 a puuong. Hi District sunga buoina siem tum an um ti report a um leia Cr.P.C. 144 hi puong a nih tiin District Ma gistrate, Imphal East thusuok chun a hril.
TMC an party malin
KOLKATA: West Bengal Assembly Election thla thara hung um dinga hin Trinamool Congress chun party dang thangruolpui lovin an party mala an ngir ding thu TMC Supremo Mamata Banerjee chun zanikhan a h ril. Ms. Mamata Banerjee chun zanikhan an candidate list ding a puonglang nghal bawk a, candidate list a puonglang hai lai hin sports personalities, actor le Journalist an thang. Chuhai lai chun Indian Football camptain hlui Baichung Bhutia, Bengal cricket captain hlui Lakshmi Ratan Shukla, footballer Rahim Nabi, Bengali actor Soham le Journalist Prabir Ghosal hai an thang. West Bengal Assembly election hi phase 6 a nei ding a nih.
Phalke Award dawng dingin Manoj Kumar
NEW DELHI: Veteran film actor le Director Manoj Kumar chu Indian Cinema hmasawnna dinga a thawhlawkna leiin India sawrkar chun 47th Dadasaheb Phalke Award, 2015 dawng dingin thlang. Award hin Swarn Kamal, sumfai Rs. 10 lakh le Shawl a sawm. Manoj Kumar hi kum 1992 khan Padma Shri inhlan a lo nita bakah National Film Award hai khawm lo dawng ta a nih.
Kum 77 mi in a vawi 47na dingin Class X a exam nawk ding
ALWAR/JAIPUR: Rajasthana Khohari village a cheng putar kum 77 mi Shiv Charan Yadav chun tukuma Class X exam hung um dingah a vawi 47na dingin exam pek nawk tumin an singsa mek. Mr Yadav hin a hmasataknain kum 1968 khan Class X exam a pek tan a, sienkhawm vawi 46 a lo in exam ta haiah a la failed vawng a nih. Hun sawt tak liemtaa inthawka kha Class X a pass hma chu nuhmei nei lo dinga thu lo intiemkam a ni leiin tuchen hin nuhmei nei lovin a la um a. Exam a lo nei ta haiah subject thenkhata chun a passed hlak a, a chang chun passna nei lovin a fail vawng hlak a nih. sienkhawm tuhin chu teacher thenkhat kuoma an chuk leiin tuta tum ruok hin chu subject po pova passed an beisei a nih. Kum 21 liemtah 1995 khan a pass vang a, sienkhawm Mathematicsah a failed leiin a lo hlawsam a, nikum khan a subject po poah a failed vawng.
Mr Yadav hi thla 2 mi chau a ni laia a nuin a thisan, kum 10 a ni huna a pa in a thisan nawk le chu hnunga a pate hai nupa in an enkawl seilien a ni a, sawrkara inthawk tar pension lain le Temple a thil zawrin ama le ama an enkawl a, mi thenkhatin an nuizat laiin thenkhat chun thangpuiin pen le lekhabu dam an pek hlak. Passed an beisei leiin tukum chu nuhmei ding hmu an ring ta thu kum 77 mi putar hin a hril.
Scholarship DBT fethlenga pek ding
NEW DELHI: Tribal Welfare Schemehai a hmu ding indik tak han an hmu theina dingin National Commission for Scheduled Tribes le Tribal Affairs Ministry haia officials han tribal areas tlangram le hmun kilkhawr haia khawm feng an ta, thil um dan a hmun ngeia en an tih. Chun, PostMatric Scholarship for Students khawm DBT fe thelnga pek ni tang a ta, tuta kum fe mek sung hin Ekalaya Model Residential Schools 20 hawng belsa ning a ta, hiengang schools hi 213 ei ramah a hung um ta ding a nih. Van Bandhu Kalyan Yojna (UBKY) sum hmang ding khawm budget tharah Rs. 100 crore a sukpung ning a tih tiin zani hmasaa New Delhia Chanchinbumihai an hmupui huna Union Tribal Affairs Minister Jual Oram chun a hril.
India in USCIRF visa a pek nuom nawh
WASHINGTON: India sawrkar chun US Commission on International Religious Freedom (USCIRF) members hai kuomah India rama an hung inzin theina ding visa a pek nuom nawh. Anni hi India rama sakhuo zalenna ngirhmun enfel le hriltlangna nei dinga India rama hung inzin tum an nih. India in Visa a pek nuom nawna thuah hin an lungawinaw hle thu USCIRF a Chairman Robert P George chun a hril. USCIRF team mi 3 hai hi zanita inthawka kha chawlkar khat sung cham dinga India ram hung inzina govt. officials, sakhuo thuoitu le activist tum tum hai hung inhmupui tum an nih. UPA in sawrkarna an siem huna khawm khan khawvel rambung tum tuma religious freedom thua annual report siemna dinga USCIRF member India rama hung inzin tum hai khawm visa an lo pek phal tanaw a nih.
Pul inrawi Cong. MLA han PPA an zawm
ITANAGAR: Arunachal Pradesha chun Congress MLA 45 um hai laia Chief Minister Kalikho Pul inrawi Congress MLA 30 hai chun zani hmasa khan Congress party suoksanin state political party ‘People’s Party of Arunachal (PPA)’ an zawm. PPA an zawmna hi Assembly Speaker Wangki Lowang in a hrietpui a nih. Kalikho Pul inrawi Nabam Tuki ditnaw pawl Congress MLA hai an hel leia Arunachal Pradesha politics thila buoina iemanichen a um hnunga Kalikho Pul hin BJP le Independent MLA hai thlawpnaa sawrkarna a hung siem a ni a. Amiruokchu, Congress High Command in an sawrkar siem a recognised naw bakah CLP leader dinga Kalikho Pul thlang a nina a recognised nuomnaw leia PPA hi an zawm el niin ei thu dawngna chun a hril. Assembly seats 60 umah Pul hin thlawptu MLAs 42 a nei a, chu lai chun puotienga thlawptu BJP MLA 11 le Independent MLA 2 an thang. Hi lei hin Arunachal Pradesha chun Congress MLA 15 chau an nei ta a nih.
BSF han ramriah hnuoiver an hmudawk
JAMMU: Border Security Forces (BSF) chun Jammu and Kashmira RS Pura sector, Pakistan le inrina hmunah hnuoiver metres 30 a sei an hmudawk. BSF han dan pangngai anga dappui an thawna huna hi thil hi an hmudawk a ni a, hnuoi sung feet 10 a inthuka ver tan a ni a, India rama lutrukna dinga cho ni ngei dinga ring a nih tiin official thusuok chun a hril. Pakistan ram tiengpangah iengchena sei am hung cho a ni tah ti hriet ninaw thu BSF chun an hril. Kum 2012 a inthawk BSF han hi lai biela hnuoiver an hmsuok a palina a ni tah. Hnuoiver hi ft. 3x4 a lien a nih.
Kum 50 chin hai Study leave khap a tum
SHIMLA: Himachal Pradesh sawrkar chun a hnuoia thawktu hai kum 50 chin hai chu lekha lan chuk sap (higher education) dinga study leave an lak khap/ban a tum thu an Chief Minister Virbhadra Singh in zani hmasa khan Assemblyah a hril. Thawktu thenkhatin hmun danga transfer an ni huna lekha inchuk sap dinga study leave an lak rawp hlak leia hi thil hi thaw tum nia hril a nih. Hi thil suktawpna dingin study leave lak thei chin kum bituk a tul a nih tiin MLA Ratan chun a hril.
Kum 3 liemta sung tuilien leiin mi 4,200 an thi
NEW DELHI: Kum 201315, kum 3 liemta sung khan India rama chun tuilien leiin mi 4,226 an thi tiin Water Resources minister Uma Bharati chun zani hmasa khan Lok Sabha ah a hril a, tuilien in thil a suksiet chu Rs. 44,112 crore manhu vel a ni a, a pumpuia thlirin tuilien leiin mihriem 51.86 million in harsatna an tuok tiin a hril. Hi baka hin tuilien leiin ran 1.98 lakh in an thi pha bakah thlai chingna hmun tuiin a suksiet chu 13.88 milion hectares a nih a tling phak a; kum 2015a tuilien in thil a suksiet rawn na tak chu West Bengal niin Rs. 27,810 crore manhu ding a suksiet tiin Ms Uma Bharati chun a hril.
VAWISUN THUPUI
Hi rama hin in cheng zing chun rem ka ti cheu a, thiek naw ning cheu, phun ka ti cheu a, phawidawk naw ning cheu, in kuoma thil tha naw ka thaw kha ka lamlet ta sih a.~ Jeremia 42:10
Editorial: Blacka thil zawr
Manipur chau ni lovin India ram pumpuiah blacka thil zawr ei ti hi a um vawng niin an lang. A bikin blacka thil zawr hi Manipura hin a hluoor zuol mani ding aw ti theiin a um. Zalen taka blacka thil zawr thei a ni lei hin ruk inru nuom khawm hi an pung deu niin an lang. Blacka zawr thil hai hrim thim chu inruk thil, sawrkar dan kal le phalna lova zawr thil hai hi an nih. Black thil hi inchaw nuom lovin hnawl ngam seng inla chu blacka thil zawr nuom hi an hung bo el ring a um. Amiruokchu, black a zawr thil hai hrim hrim hi a man pangngai nekin a tlawm lem hlak leiin ei hnawl ngam ngai naw a, ei lo inchawk nawk el hlak. Hiengang thila hin chu a thiem bik ei um naw a, dan ei bawse tlang seng niin an lang.
April thlaa inthawk Manipur a khawm National Food Security Act hmang tan a ni ding thu Consumer Affairs Food and Public Distribution (CAF&PD) minister in Manipur Assembly sessiona a puonglang hi Manipur mipuihai ta ding chun thil lawmum le chanchin tha a nih. Hi Act hi indik taka hmang le fepui a hung ni chun miretheihai ta ding chun thil tha takel, ei harsatna sawkzangkhaitu pakhat hung ning a tih. Indik taka thaw a hung ni theina dingin ei state sawrkar khawmin hma hung la sienla nuom a um. Hi Act hnuoia bufai blacka awr theia a um chun NFSA thiltum a hung hlawsam thei ding a nih.
FCS annawleh FCI bufai, ei ni laia ration bufai ei ti el hlak hi blacka zawr hlak a ni leiin a tlungna ding hmun indik tak a tlung ngainaw leiin mi rethei han harsatna nasa tak ei tuok pha hlak ti chu tlang hriet a nih. Amiruokchu, blacka zawrtuhai hi thuneituhai kuomah report an ni ngai naw leiin an thil thaw hi an sim nuom naw niin an lang. Hiengang thil blacka zawrtuhai hi thuneituhai kuomah ei report ngam a tul. Chuong a ninaw chun black a an bufai zawr hi an tawpsan naw ding a nih. A tulnaa chun in report le inhek khawm ei ngam ding a nih. Chu chu mipuihai thaw ding le mawphurna a nih. I venghai hek naw ti thu kha hi thila hmang chi niin an lang nawh.
Churachandpur town sung le a se vel haia khawm motor, Gas (LPG) Cylinder le thil dang dang inru hi inzing utin a la um ti chu a hretu seng ei nih. Hiengang thil inru nuom an um zing elna san chu a zawrna ding tha tak an nei lei a nih. Zawrna ding hrie nawhai sienla chu inru nuom naw nihai. Rukruhai thil zawr hi thenkhat chun lawmsa an ti a, sumdawngna takin an hmang niin an lang. Hiengang thil thaw hai hi rukruhai leh angkhat an nih. Hi lei hin rukruhai thil inruk lo inchawsawngtuhai hi zawng suoka hremna ei pek ngam a tul ta a nih. Rukru le inzawm an ni leiin an thil thaw hi an tawpsan hmak theina dinga khuo le veng tina thuoitu han hma ei lak nuom a um.
LPG, Petrol le Diesel hai khawm economic blockade le bandh leia a hung vang pha leh pawisa neihai ta ding chun blacka inchawk ding a tam deu deu a, an dit le nuom zat zat an inchawk el hlak. LPG, Petrol le Diesel Agent/Dealer hai chu hi thila hin an thaw indik naw le dan bawse chu an ni el thei le inruolin a mamawtu hai mamawna an sang em leiin, thuneituhai kuomah report nek chun inchawk ding um na nana chu an lo inchawk naw thei naw niin an lang; nghei nek chun sum sengso lo tam deu sienkhawm dan bawsetuhai an lo inthuruolpui el a ngai hlak tina a ni a, tlaksamnain dan bawsietna an tlungtir a ni deu tak.
Black thil tho, black market thil, sawrkar thil khap le control lai, a ruk a rala zawr dam hi a hlawk el chau ni lovin hausak thut theina a ni leiin blackmarket thila sumdawng hi ei ni lai ngei khawm hin an bo bik nawh. A hlawk lei le hausak awlsamna a ni leiin black market a sumdawng hi tium hle sienkhawm thenkhat hin chu an thaw ngam el niin an lang. Hiengang thila sumdawngna hi khawtlang le sawrkar khawma an dangzo naw a, an khattawkin ei ni lai khawm Police, Security Force, Custom le Excise thawktu han black market thawtu hai, silai, silaimu, ralthuom chi tum tum, drugs etc hai leh an man rawp el. Pawisa ditna le hausak nuomna hin chu khawvela hin thil suol a min thawtir nuom el hlak a nih.
