Responsive Ad Slot

43rd EFCI General Assembly 2016 tan

Monday, March 7, 2016

/ Published by VIRTHLI
Shillong, March 7, 2016 (Virthli): Evangelical Free Church of India (EFCI) chun "Krista ta dinga thi chena ringum" ti thupui hmangin 43rd General Assembly chu March 7-13,2016 inkar sung hin Evangelical Centre, Demthring, Shillong, Meghalaya hmuna nei an tih.

Hi General Assembly hi vawisun khan tan niin Pastoral Committee le Assembly Musical Committee hai nei a nih. Hieng ang hin hun hmang ning a tih; March 8 hin Central Ramthar Board inthung, March 9 ah The 94th Executive Council, March 10 ah First Assembly Business Session, March 11 ah Second Assembly Business Session, March 11 zan huna Worship Service hawngna Rev. John L Pudaite, President, Bibles For the World in nei ata, Rev. Dr. Jacob Pudaite, Principal, Trinity College & Seminary in Key Note Address pekna nei ata, President, BFTW le EFCI haia inthawkin report ngaithlakna um bawk a tih.

March 12, 2016 hi Worship Service & Inauguration of the 43d General Assembly huna hmang ning ata, hi huna Speaker ding chu Rev. Lalzarliana Darlong, Executive Director, Global Friendship Mission ning ata, "Mimal nuna ringum" ti chu subject theme a hmang ni bawk a tih. Worship Service hun zova "Family Happiness Leadership" ti thupui hmangin Seminar hun a hmang ning ata, hi huna Resource person ding chu Rev. Y.D. Abraham Kim, Director, Global Leadership Institute, South Korea ani ding a nih. Zan Woship Service huna speaker ding chu Rev. James Ramhmunsang Sanate, Field Superintendent, Northern India Mission Field ning a tih.

March 13 hi Worship Service, Ordination & Commendation of the Seniors huna hmang ning ata, sun Worship service huna Speaker ding chu Rev. Lalchawlthang Thiek, Secretary, North East, IEM le zan huna Rev. Dr. Ruolneikhum Pakhuongte, President Emeritus, EFCI hai ning an tih. Pastors Ordination hi President EFCI in nei ata, Commendation of the Seniors hun chu Moderator, EFCI in a hmang a tih.
Don't Miss
© all rights reserved
made with by Simon L Infimate