Responsive Ad Slot

I LIEM TA SI MAW!

Monday, February 29, 2016

/ Published by VIRTHLI
~ VL. Khawbung                                                                                                                    

Zana ka în that thei naw lei chun tukvera dakin ka nunhlui hai ka ngaituo neu neu a, zanril ani tak lei chun kan khuo khawm chu, rausan khuo ang el chun a re tlawk tlawk ta a. Thlavar hnuoia chun darkar tam tak liem ta a ka hun hmang dan hai ka ngaituo a, chuong chun, hieng hin bienga mittui lung ngiei ngieiin, i hmingin  thu kan sam mawl mawla.                              

Dittak, ka pek thei ngai reng reng lo ding che hlimna hi pe thei inla che, ka dam sunga ni le kum ding chen hlimna ka pek ding che na.  Ka nun khawlai hmun khawm hi um nawna lai reng remg i nei si nawh. Hun sawtnaw te ei'n thre khawma tawnmang rammawia bek aw ei ti hlak ani kha tiraw! Sienkhawm, turuok hin chu zana ka hang thranghara, khuosawtna le beidawngna bak ka hmu ta si nawh. " i nunna mi pakhat ka ni sung chun nang khawm ka khawvel ni zing tih; ni le thla arasi hai an eng sung chun ka hmangaina che hin in kieng san ngai naw ni che" i ti kha i la hriet ve zing am? Dittak, i bula chun misuol tak khawm suol sawt pei naw nih. In nui hmel ringawt sungtuo a ka hlimpui zie le kan nui nasat zie hai i hriet phat chu hmangaina leiin i la trap awm si a tiraw.    
                                                                  
I nuna buoipui tlak ni naw vei leh, thuhmathuoi la ziek dinga i nunin ka nun an thuruolpui hi chu i thawsuol pal ani khawmin  ka ta ding chun i thaw fuk tum tak ni ngei a ti, ti hnik phawi thrak lovin ka hril ngam sak anih.! Eiin ngaizawng hma daia i kut ka chelna inthlan hlem hlum hai kha tu hnunga nang ka hmangai theina ding che a sirbi pawimaw tak chu anih. Khang hun lai khan ka lungril chun a pawm dai ta che a. Sienkhawm, ka rethei lei kha ni chek a tih ka lei tlÃ¥n hrat em em el khawm phurbet a a lo um hlak ni. Thuhmathruoi thranglo lekhabu ka la hmu ngai naw a, a pawimaw em nieng a ti nina chanvo a pumbil tak el ni. Chuong chun i nuna bupui hlulum dingin zakzumna lungril chun hma a thruoia. Inzakna le tri dawr dawr pumin i kut ka chela, inthla nawk che inlau tak pumin ka lungrila ka phur hnan che khan vawisunni hin parmawi tak a hungin suo an ta hi. Hmangaina leia ka ngaidam lai che khawm khan, ka ngaidam che a, hrezing ta nawng ka ta, sienkhawm thei nghil ta nawng ka ti ti chu ka hriet zing. Ka lungril khawsawt taka hin mawi takin i vula, i chuoini ruok chu ka hnuoi hun bi tiem tawp hun ning a tih. Ti a kan tiem ang el khan zamuol liemin inher liem ta si a, hmangaina hrethiem lova retheina leia i mi liem san hi hringmi  lunglai ruok hin a hrietthiem thei nawh.                                                              

Dittak, ka pa nauhring, hmangaina bak nei iengkhawm ka nei naw lei a i mi hnawl hi ka dem chuong naw che. Khawvel hmu theiin hmangaina tlangkhekpui nawk ding che in ka thã hai a thrum zo ta a. I hrietzing ding tlak thil thaw hlak ka nei si nawh. Hmangaina hla sampuol ding hlak ka tlasam zova, i hming re ta ngailo dinga hlamawi hang rem hlak ka thiem ve si nawh. Thawnthu mawi tak hang phuoka ziek dingin ka tha hai an thin zova, hla mawi tak hai phuok suok ding hin sungrila thu um chu ka sam suok thiem si nawh. Lam ang lêtin hung kir raw ka ti lai khawmin ka retheina hai popo hnulsutin, hung kir rawh ka ti khawm ngai lovin, val dang tawnah I LIEMTA SI MAW! Nunhlui ka hringna suk chau tu chu phum hmangin um sienla, ka hmangaina le ka ringumna ruok chu ka hring chan ka singmit meng sung dai a tih.
Don't Miss
© all rights reserved
made with by Simon L Infimate