Boruok zang tak hnuoiah Hmar Inpui 8th Assembly zo a ni tah
HI President dingin Pu Joseph Lalrothang thlangtling a nih
CCPUR: February 12, 2016 a inthawk VTI Auditorium, Rengkai, CCPur hmuna Hmar Inpui 8th General Assembly chu zanikhan zo a lo ni tah. Hmar Inpui General Assembly a ni hnina hun hawngna Pastor Fimthasang Fimate in tawngtaina a nei zovin Assembly tan nia Agenda la hriltlang zo lo hai hriltlang a ni hnungin Assembly Speaker Prof. Vanlalnghak chun Election Commission (Hmar Christian Leaders Forum HCLF) kutah hunan hlan a; Assembly rorel tluong taka zo a ni lawmthu hril tawngtaina Rev. Ros Infimate in a nei zovin boruok zang tak hnuoiah Hmar Christian Leaders Forum (HCLF) inrawinain inthlangna nei a ni a, President dingin Pu Joseph Lalrothang, ZEO (retd) thlangtling a nih.
Kum 20162019 sunga Hmar Inpui General Headquars thuoitu thar dinga thlangtling hai chu – President Pu Joseph Lalrothang (Rengkai, CCPur); Vice President Upa J. Lalchhanhima (Aizawl, Mizoram); General Secretary Pu Francis Songate (Rengkai, CCPur); Joint Secretary Dr Immanuel Zarzosang Varte (Imphal,Manipur); Finance Secretary Upa Lalthlanmawi (Saikawt, CCPur) le Treasurer Nk. May Rose (Rengkai, CCPur) hai an nih.
Tukum Hmar Inpui General Assemblya hin palai an fekhawm tha hlea, inthlangnaa hin Tuithaphai biel sunga palai hai bakah Mizoram, Cachar, NC Hills, Tripura, Meghalaya, Guwahati le Imphal haia inthawk palai mi 200 chuong an thang a nih.
Hmar Inpui GHQ thuoitu thar dinga thlangtling hai hin zani ma khan Hmar Inpui thuoitu ni dinga intiemkamna (Oath taking) an nei nghal a, Rev. Huolthangsei Thiek in intiemkamna an neitir. Thuoitu hlui le thar hai charge inhlanna nei hun ding chieng taka hrietna la neinaw inla khawm an hmatienga nei ni dingin ei thu dawngna chun a hril.
Zani Election nei hmaa Agenda rela um hai chu, Hmar Inpui in Hmarhai delna rama Infrastructure development’ thalema a um theina dingin Hmar Inpui in sawrkara mipuiin ei palai MLA le MDC ei thlang hai leh thangruolin hma hrat lemin hung la raw seh ti remti a ni a; Hmar hnam sunga inpumkhatna thalem a um theina dinga hmalak ni raw seh ti MHWC a inthawk agenda lut chu Hmar Inpui Principle pawimaw tak a ni leiin hrat lem le nasa lema hma lakzawm pei ni raw seh tiin an rel bawk.
Chun zani hmasaa Agenda rel hai laia ei zieklang sa lo HWA in Hmar Inpui ‘nominated’ Executive member lai nuhmei pakhat bek ruot ni raw seh tia an ngenna chu remti a nih. HYA GHQ in ‘Hmar Hnam Dan’a siem chu Hmar hnam ta phawtin hmang le zawm a ni theina dinga hma lak nisien ti remti a nih.
YPA thlan cho dinga inpeisa a nih: Chinngaihpau
CCPUR: Tribal Martyrs 9 hai ruong Feb. 13, 2016 nia vui tumna dodal pawl han Feb. 11, 2016 a inthawk CCPur khawpui sunga bandh an thaw chu zani zanril chen khan la sunzawm a ni a. Zani zignkar khan District Hospital campusah mi tam tak fekhawmin tribal martyrs hai ruong an thungpui a, hi huna hin JAC Chief Convenor H. Mangchinkhup; ADCC Chairman Langkhanpau le YPA GHQ President Chinngaihpau haan thuhrilna hun an hmang.
Hi huna Chinngaihpau in thu a hrilnaah, Manipur sawrkarin pasaltha hai vui thei ding ngirhmuna a mi siem le mipuiin vui dinga ei ti hun huna YPA member hai chu thlan cho dinga inpeisa zing an ni thu; Khawvelah mipui thuneina a lien a, thil an thaw thei bawk; hi lei hin UPF le KNO in ruong vui dinga an tum khawm mipui thangruol leiin vui lovin a um a nih tiin a hril.
Dr Pudaite poster suksiet thuah ngaidam an inhni
CCPUR: UPF le KNO in Tribal martyrs hai ruong vui dinga an ti dodal pawl bandh volunteers han zani zingkar khan HYA GHQ in Sielmat lamthuoma (L) Dr Rochunga Pudaite lim (poster) an tar chu latlain an suksiet bakah lampui dangnaa an hmang leiin HYA GHQ thuoitu hai chun HYA le hnam hmusitnain an ngai leiin an lungawinaw hle. Hi chungthua hin ATML, Tribal Student’s Movement, The Singtangmite and Joint Admin. chun zanikhan HYA GHQ kuoma ngaidam an inhni a, hiengang thil a tlung nawk tanaw ding thu hrilin an ngaidam inhnina pawmpek dingin HYA GHQ an ngen.
Zan dar 8 khan bandh call off a ni tah
CCPUR: Pawl tum tum han Feb. 11, 2016 zanrila inthawk CCPur khawpui sunga bandh an thaw chu Feb. 13, 2016, 8:50PM khan hlip (call off) a ni tah. Hi hnunga buoina siem an la um chun ATML, Student Movement le Jt. Admin in maw an phur tanaw ding thu an puong. A hma chun Bandh hi Feb. 13, 2016 zanril chena dinga an keisei a nih.
Website le Album hawng
CCPUR: Zani 10:00AM khan EBC Guest House, Mini Auditorium, New Lamkaah Tuailai 1434 Pro website le EBC Central Choir Album hawngna program hmang a nih. Rev. V. Thangkhangin, Director of Missions, EBC in Tuailai 1434 pro.org website thar a hawng a, Rev. Paukhanmang Guite, Director of Ministries, EBC chun EBC Central Choir Album “Pathian thupina” ti chu tlangzarna a nei bawk.
KZP GHQ Election nei a nih
CCPUR: Zani zantieng 1:00PM khan Simvenga Simte Innah Khangthah Zuun Pawl (KZP) Gen. HQ Election Commission huoihawtnain kum 201618 sunga KZP GHQ thuoitu thar ding thlangna SMS fethlengin nei a nih. President dingin H. Doumuanthang of Tuibuong; Gen. Secy in P. Thonglianmang of Elim VEng, New Lamka le Fin. –cum Treasurer in H. Thangkhansuan of Rengkai Bible Hill hai thlangtling an nih.
Zanikhan Mumbaiah PM Narendra Modi in “Make in India Centre” le “Make in India Week’ a hawng
NEW DELHI: Zanikhan Mumbai khawpuiah PM Narendra Modi in MMRDA Grounds, Banda le NSCI, Worli hmun haiah “Make in India Centre” le “Make in India Week” hai a hawng. Hi huna hin Finland PM Juha Petri Sipila, Sweeden PM Kjell Lofven, Maharashtra CM Devendra Fadnavis, sumdawng hausa, high officials, milien le milal tam tak an thang. Finland PM le Sweeden PM hai khawmin thu an h ril a, an rama sumdangtuhai chu India ramahan hung sumdawng ding thu le India rama sumdawngtuhai khawm an ram haia sumdawng a, an sum hai zu sukpung ve dingin an fiel.
Narendra Modi chun hi huna thanghai chungah lawmthu a hril bakah Make in India programme hlawtlingna dinga theitawp suo a thang ve dingin a ngen a; Rambung tum tum a sumdawngtuhai chu India rama an sum neihai hung sukpung dingin a fiel tawl. Modi hin Make in India thiltum hai a hrillang bawk.
Make in India Week neina ding hi 2.2 lakh square metres a lien, Halls 27 um, National, International le State Exhibitions um a ta, hi exhibitions a hin Sweden, Germany le South Korea hai khawm an thang ding a nih. Chun, Make in India week a hin rambung 49 a inthawk sawrkar palai le rambung 68 haia inthawk sumdawngtu palaihai an thang ding a nih. PM Narendra Modi hmu le hrietpuiin Maharashtra CM Devendra Fadnavis chun companies lien tak tak (major companies) pathum hai leh Memorandum of Understandings (MoUs) an ziek. Hi programme zo hin Modi chun rambung dang dang thuoituhai leh inlaichinna siem that dan ding thu hai an hriltlang.
Loktak Scam suizui ni dingin a hril
IMPHAL: Manipur mipuihai dit le ngenna angin Loktak Dil inthielfaina ding sum indiklo taka hmang nia hrila um hi suizui ning a tih. A suizui dan ding le hmalak pei dan ding chu tuta inthawk sawtnawte hnungah mipui hrieta puonglang la ning a tih. BJP Manipur Pradesh President sin chu Th. Chaoba in la chel zing a ta, sienkhawm tuta thla sungin BJP Manipur Pradesh President thar ding thlangna um a tih. Th. Chaoba hun hi local body election leia suksei a nih. Ch. Sanjit thina le inzawma Manipur Police Head Constable inpuongna thua hin suksuol nei le inrawl vena neihai chu iengang mi khawm nihai sienla hrem ning an tih tiin zanita BJPManipur Pradesh Officea reporterhaian hmupui huna BJP National General Secretary le Coordinator of North Eastern States, Ram Madhav chun a hril.
Manipur HC Judge dingin sesamna
IMPHAL: Manipur High Court Judge thar dinga ruot Justice Rakesh Ranjan Prasad chun Feb. 15, 2016 sun dar 11 khin Manipur High Courtah Judge sin chel dingin Manipur High Court Chief Justice L.K. Mohapatra kuomah sesamna nei a tih. Justice Rakesh Ranjan Prasad hi Jharkhand High Court a inthawka hung sawn a nih.
NH bandh sunzawm nawk an tum
IMPHAL: Kuki Students’ Organisation (KSO) General Headquarters le All Naga Students Association, Manipur (ANSAM) chun Feb. 17, 2016 zanrila inthawk khin National Highway haiah hun tiemchin um lovin an bandh thaw an sunzawm nawk ta ding niin an hril. State sawrkarin an thil ngen ni 10 sunga sukpuitling pek dinga a tiem chu a sukpuitling naw leia BAndh hi sunzawm nawk an tum niin an hril. An thil ngen chu, kum 2006 batch contract basis teacherhai sin suknghet ding ti a nih. An thil ngen le inzawm hin Feb. 1, 2016 khan State sawrkar palaihai leh an inbiek a, sawrkar palai hai le an inbiek nia inthawka ni 10 sunga sukpuitling pek dingin thu an tiem niin KSO Gen. HQ le ANSAM thusuok chun a hril.
College Lecturer Gateah IED
IMPHAL: Lilong Haoreibi College a Lecturer, Md. Slammuddin (58), s/o Md. Jumer Ali of Lilong Heinou Makhong in gateah zani 11:30AM vel khan remote controlled Improvised Explosive Device (IED) pakhat hriet ngailo han an va sie. Hi thu hi an hriet le le inruolin Lilong Police le Manipur Police bomb Squad expert han an va hnawtzui nghal a, sukpuok a ni hmain an va lak hmang a, pawitawk nawna ding Lilong ITI Road hmuna an va sukpuok. IED hi plastic a intuom a nih.
Free Yoga Theraphy & Meditation camp
IMPHAL: Patanjali Yoga Samiti, Manipur huoihawtnain zanikhan Hapta Kangjeibung ah “Free Yoga Therapy and Meditation Camp” nei tan a ni a, Feb. 17, 2016 chen hi camp hi nei ning a tih. Hi camp a hin Yoga Guru Baba Ramdev in Yoga inchuktirna a nei. Baba Ramdev chun Yoga inchukna hmun ding “Acharyakulam” Imphal hmuna Rs. 1 crore senga indin a ni ding thu zani hmasaa Chanchinbumihai an hmupui huna a hril.
MPSC Exam boycott an tum
IMPHAL: Joint Students Coordinating Committee (JSCC) chun, Manipur Public Service Commission (MPSC) in examination rules a siem chu siemthat (amend or modify) dingin an phut a, siemthat a ni hma chun MPSC Exam, 2016 huoihawt lo dingin Manipur sawrkar an ngen. MPSC rules dungzui hin Manipur puotieng mi hai khawm exama an thang phal a ni a, hiengang hi state dang haiah a um ve nawh tiin JSCC a Convenor Jayantakumar chun a hril. Siemthat a ninaw chun exam an boycott ding thu an hril.
DMK le Congress in thangruol dingin
CHENNAI: Tamil Nadua chun zanikhan Congress le DMK thuoitu han meeting neiin Tamil Nadu Assembly Election hung um dinga thangruol dingin remtina an nei. Senior Congress leader le Rajya Sabha Opposition leader Ghulam Nabi Azad in DMK President M. Karunanidhi a chengna ina an hmupuina huna thangruol dinga remtina hi an nei a nih. Tamil Nadu Assemblya hin seats 234 a um a nih. Lok Sabha election nuhnung taka khan Congress hi an khatin an ngir a, sienkhawm tlingzo an um naw a, Assembly Election nuhnung taka khan DMK leh an thangruol a, seats 5 chau an lak a nih.
Sum hmang dan pelut dingin an hriettir
NEW DELHI: Supreme Court chun India rama states tum tum hai chu financial year liemtaa Mahatma Gandhi National Rural Employment Guarantee Act (MGNREGA) hnuoia sum an hmang zat hai sawrkar thlungpui kuoma pelut dingin an hriettir. MGNREGA hnuoia sum hmang hai bakah hi scheme fepui peina dinga sum an mamaw zat hai sawrkar thlungpuia pelut dingin Supreme Court bencha Justice MB Lokur le RK. Agarwal han state sawrkar hai an inhriettir bawk. India ram hmun tam lem, a bikin khaw inthalna hmun haiah a ni ding anga sin thaw a ni nawh ti thua Supreme Courta Public Interest Litigation (PIL) thelut a ni leia Supreme Court in State sawrkar hai an hriettir a nih.
BVHTDC Chairman in Lalthomlien Hmar
GUWAHATI: Addl. Chief Secrtary to the Govt. of Assam chun Feb. 12, 2016 khan Barak Valley Hill Tribes Development Council (BVHTDC), Assam siemthat a nina official notification an suo. Hi dungzui hin Pu Lalthomlien Hmar, Hmarkhawlien, Cachar chu Chairman niin, Vice Chairman chu Hlunsang Darngawn, Kapakhal, Cachar hai an nih.
NCHAC CEM thar dingin Debojeet Thaosen
HAFLONG: Zanikhan NC Hills Autonomous Council (NCHAC) Chief Executive Member (CEM) thar ding thlangna Council Session hallah nei a ni a, Congress member Debojeet Thaosen chu CEM, NCHAC thar dinga thlangtling a nih. CEM hnuoia hin Executive body thar siem ning a ta, Executive member mi 14 kar thar tieng khin sukfel ning a ta, Executive member ding hai lai hin Pu Hlima Keivom le Pu Khawvelthang Hmar hai an thang. NCHAC a Chairman chu Pu Ngamrothang Hmar a nih.
Army Captain inhmang hmu nawk
LUCKNOW: Ni iemanizat liemtaa inthawk a umna chin hriet lova inhmang 8th Sikh Light Infantry –a Captain Deepak Dhawan chu zanikhan Uttar Pradesha Faizabad hmuna hmu nawk a nih. Captain Deepak Dhawan hi Jammu hmuna posting a ni a, zani zingkar khan Faizabad Kotwali hmun a hungtlung niin Jawahar Lal, Circle Officer, Faizabad Circle chun a hril. Faizabada Dogra Regiment hai chun a chanchin an hriet le inruolin an va lam nghal a, thu indawnna nei dingin an thuoi nghal a nih.
Assamah Medical Colleges 4 dang
DIBRUGARH: Union Minister of Health and Family Welfare Jagat Prakash Nadda chun, Assam state sunga Nagoan, North Lakhimpur, Dhubri le Diphu hmun haiah Medical Colleges thar 4 indin belsa tum a nih tiin zani hmasaa Assam Medical College and Hospitala Super Speciality Block a hawngna huna a hril. Hieng hmun haia District hospitals hai chu Medical Colleges a dawmsang vawng tum a ni a, Medical colleges pakhat pei dawmsangnaa sum seng dinga riruong chu Rs. 189 crore a ni a, tuchena hin Rs. 22 crores sanctioned a nita a, a dawt dawta hung pek pei ning a tih tiin Mr Nadda chun a hril bawk.
India in a lungawinaw thu an tlun
NEW DELHI: US sawrkarin Pakistan kuoma F16 indo vuongna zawr a tum chungthuah zanikhan India chun New Delhiah US Ambassador Richard Verma koin hi chungthua a lungawinaw thu an tlun. Kum tam tak liemtaa thil tlung hai enin Terrorist hai tukdawlna dingin hiengang thil hin thathnemna a neinaw ding zie a sukchieng tiin External Affairs ministry spokesperson Vikas Swarup chun a hril. Barack Obama inrawinaa US Congress chun tulai hnai el khan Pakistan kuomah dollar 700 million deuthaw man ding F16 fighter jets 8 Pakistan kuoma zawr dingin remtina a lo nei ta a nih.
Suu Kyi in that dinga vauna a hmu
YANGON: National League for Democracy (NLD) thuoitu lu tak Aung San Suu Kyi chun Facebook a inthawk that dinga vauna a hmu nia hril a nih. Hi lei hin Suu Kyi hi venghimtu pek belsa a nih tiin official thusuok chun a hril. An ram danpui siem that a ninaw chun President sin a chel thei naw el thei. An ram danpui chun ram danga pasal nei le nau neihan Myanmar President chel thei naw nih ti a thang a, hi lei hin harsatna a tuok meka hril a nih. Haptakar liemta khan Ye Lwin Myint chun an ram danpui thlakthlengtu chu a kap hlum ding niin facebookah a zieklang. Suu Kyi pa Genral Augn San khawm kum 1947 khan that in a lo um ta a nih.
Nepal PM Feb. 19 in a hung inzin ding
NEW DELHI: Nepal Prime Minsiter K.P. Sharma Oli chu February 1924, 2016 inkar sung khin India ramah a hung inzin ding niin zanita External Affairs ministry thusuok chun a hril. India rama a cham sungin PM Narendra Modi le President Pranab Mukherjee hai inhmupui a tih.
VAWISUN THUPUI
Chuongchun, Pathien that zie le a tium zie chu ngaituo rawh; a tluhai ta ding chun ti a um a nih; nanga ta ding ruok chun a tha a nih, a thatnaa i um zing chun; chuong a ni naw chun, nang khawm satthlakin um veng i tih. Rom 11:22
Editorial
Thuoitu tha
Thuoitu tha (efficient leader) pawimawzie hi hril nawn ngailo khawpa ei hrietchieng a ni awm ie. Bible khawm hi ngun taka ei en chun Pathien khawm hin a mihai thuoitu ding hin thuoitu tha (Roreltu, zawlnei, Lal) a zawngin a ruot hlak ti ei hmu a nih. Thuthlunghlui hun laia inthawk ta khan chieng taka ei hmu chu thuoitu tha hai thuoina hnuoiah chun Pathien ngaisakna le tina a um a, fak le dawnah an intodel a, mipui han an chanvo ding an hmu a, ram a ralmuongin a himin an hlim a, Pathien dan tha takin an zawm hlak. Chuongang chie chun ram thuoituhai an tha naw chun kawng hran hranah ram le mipui han an tuor ngei ngei hlak. Chu le inruol chun an lal han milem pathien le hnam dang pathien chibai an buk leiin Pathien hremna khawm an tuor nasa hle hlak ti ei hmu bawk.
Ei ni rawi hi Israel hai leh inangna tak ei nei a, chu chu mimal, sungkuo, khawtlang nun, sakhaw nun le inrelbawlna hai hi lak hran thei lo, inzawm kuol vawng an nih. Rorelna indik le fel a um naw chun thlarau nun khawm a hrat thei naw a, nghawng tha lo tak a nei hlak. Chuleiin ram le hnam thuoituhai hi an pawimaw em leiin a thlangsuokna kawnga khawm tuta neka uluk le fimkhur lema ei ram mipuihai hin ei ngaituo uluk nawk zuol a tul hle. Kristien ei ni leiin ram inrelbawlna le ei thlarau nun hi sei taka inzawm a ni tlat leiin ram thuoitu ei thlang nawkna ding khawm hin fimkhur tak le lungruol taka thang ei lak a tul hle a nih. A thlangtu hi mipui ei ni tlat leiin ei mawphurna le thilthawtheina (power) hi ei hrietzing a pawimaw. Ei kuta um power hi ei hmang thiem a pawimaw bawk.
Ei ram thuoitu ding mi tha, mi indik, mi huoisen, ringtlak, a ngaina hrie le ram thuoi thei tak tak dinga theina (calibre) nei thlang suok thei dingin mipuihai thangruol tang ei tiu. Thuoitu tha hi an pawimaw em em leiin hnam var le ropui Greek le Rom vanglai khawm khan an lo buoipui nasa ta hle hrim a nih. Thuoitu tha hai chu chawimawiin an ngai ropui hle hlak. Thuoitu tha an nei leiin an hun lai chau ni lovin tulai chen hin an chanchin hril ei la bang theinaw a, an thaw dan ei la entawn pei chu a ni hi. Tulai khawvel changkang tak a lem hin chu thuoitu tha nei hi a pawimaw zuol a nih. Hi lei hin ram ropui tak America rama chun thuoitu tha nei dingin political party chau ni lo, a ram mipui mimir khun an ngaituona an hmang nasa hle. America President dingin a tling (fit) an ti chu an inkhina pawimaw tak a nih. Mingo le dum an thlier hran bik naw a, a senior le senior lo tieng an ngituo naw a, America ram thuoi thei ding mi tha thlang suok khu an thiltum lien tak a nih.
Tienlaia inthawk tulai hun chen hin ‘natural ability” tam tak nei le mi var (intelligence) thuoitu (gifted leader) hi khawvel hin hmu a nuom a, nasa takin a la zawng pei a nih. Ei ni khawmin inthlang nawk huna sinthaw zakhuo ei inhaktir dinghai ei ngaituo ngun a tul hle. Ei ral thlir zing chun ei ram sietna hin a mi la hrut sa tho tho ding a nih. Kut inkuongkuo a ei ngir zing chun thuoitu tha nei thei ngai nawng ei tih. Nang le kei a mawphurna a nih. Ei ni lai hin thuoitu tling (gifted leader) tam tak um ngei an ta, chu hai zawngsuok chu thil pawimaw tak a nih. Chuong thuoitu tha hai chun ei ram hi thuoi hai sienla chu hmasawnna tluontling le tlo (sustainable development) nei thei ei tih.
Ei political party han an hung ruot taphawt, tha mang lo, ram thuoina dinga thlirna tha (vision) le ngaituona var (idea) khawm nei mang lo thlangtling nawk ringawt hlak hi mipui han ei ti hle a hun tah. Mi tha hai an pensuok ve a hun tah. Thaw ding hre ta chuong lo hai kutah hin ei ram hmasawnna ding chem le hrei hai hi ei la sie zing ding a ni? Thuoitu tha ei neinaw leia ei tuorna le ei hnufuolna hi a sawt taluo ta a, mipui ei thanghar a hun ta hle a nih.
Rorelna indik le fel, infepawna lampui, electricity, water supply, fak le dawna intodel, LPG tlasam lo, inchukna tha (quality education), hospital tha, khawl tha le thil tul dang dang ei mamaw hai nawr le hril chiem ngai lova thaw hlak thuoitu le sawrkar ei mamaw a nih. Ei rama project lien tak tak ei neihai khawm thuoitu tha lo ei nei leiin tam tak a hlamzui ta a, thenkhat zo fel hmaa hawng dam an ni a, project sin thaw thei mumal lo khawm iemanizat zet ei nei pha ta a nih. Inrelbawlna tha, kalphung nghet le fel (good & systematic governance) siem thei ding zawng tang ei tiu. A tlachawp le nawr rak ngai hi chu nghawk a um taluo tah. Thuoitu tha han an power intitheinain an show ngai nawh.
HI President dingin Pu Joseph Lalrothang thlangtling a nih
CCPUR: February 12, 2016 a inthawk VTI Auditorium, Rengkai, CCPur hmuna Hmar Inpui 8th General Assembly chu zanikhan zo a lo ni tah. Hmar Inpui General Assembly a ni hnina hun hawngna Pastor Fimthasang Fimate in tawngtaina a nei zovin Assembly tan nia Agenda la hriltlang zo lo hai hriltlang a ni hnungin Assembly Speaker Prof. Vanlalnghak chun Election Commission (Hmar Christian Leaders Forum HCLF) kutah hunan hlan a; Assembly rorel tluong taka zo a ni lawmthu hril tawngtaina Rev. Ros Infimate in a nei zovin boruok zang tak hnuoiah Hmar Christian Leaders Forum (HCLF) inrawinain inthlangna nei a ni a, President dingin Pu Joseph Lalrothang, ZEO (retd) thlangtling a nih.
Kum 20162019 sunga Hmar Inpui General Headquars thuoitu thar dinga thlangtling hai chu – President Pu Joseph Lalrothang (Rengkai, CCPur); Vice President Upa J. Lalchhanhima (Aizawl, Mizoram); General Secretary Pu Francis Songate (Rengkai, CCPur); Joint Secretary Dr Immanuel Zarzosang Varte (Imphal,Manipur); Finance Secretary Upa Lalthlanmawi (Saikawt, CCPur) le Treasurer Nk. May Rose (Rengkai, CCPur) hai an nih.
Tukum Hmar Inpui General Assemblya hin palai an fekhawm tha hlea, inthlangnaa hin Tuithaphai biel sunga palai hai bakah Mizoram, Cachar, NC Hills, Tripura, Meghalaya, Guwahati le Imphal haia inthawk palai mi 200 chuong an thang a nih.
Hmar Inpui GHQ thuoitu thar dinga thlangtling hai hin zani ma khan Hmar Inpui thuoitu ni dinga intiemkamna (Oath taking) an nei nghal a, Rev. Huolthangsei Thiek in intiemkamna an neitir. Thuoitu hlui le thar hai charge inhlanna nei hun ding chieng taka hrietna la neinaw inla khawm an hmatienga nei ni dingin ei thu dawngna chun a hril.
Zani Election nei hmaa Agenda rela um hai chu, Hmar Inpui in Hmarhai delna rama Infrastructure development’ thalema a um theina dingin Hmar Inpui in sawrkara mipuiin ei palai MLA le MDC ei thlang hai leh thangruolin hma hrat lemin hung la raw seh ti remti a ni a; Hmar hnam sunga inpumkhatna thalem a um theina dinga hmalak ni raw seh ti MHWC a inthawk agenda lut chu Hmar Inpui Principle pawimaw tak a ni leiin hrat lem le nasa lema hma lakzawm pei ni raw seh tiin an rel bawk.
Chun zani hmasaa Agenda rel hai laia ei zieklang sa lo HWA in Hmar Inpui ‘nominated’ Executive member lai nuhmei pakhat bek ruot ni raw seh tia an ngenna chu remti a nih. HYA GHQ in ‘Hmar Hnam Dan’a siem chu Hmar hnam ta phawtin hmang le zawm a ni theina dinga hma lak nisien ti remti a nih.
YPA thlan cho dinga inpeisa a nih: Chinngaihpau
CCPUR: Tribal Martyrs 9 hai ruong Feb. 13, 2016 nia vui tumna dodal pawl han Feb. 11, 2016 a inthawk CCPur khawpui sunga bandh an thaw chu zani zanril chen khan la sunzawm a ni a. Zani zignkar khan District Hospital campusah mi tam tak fekhawmin tribal martyrs hai ruong an thungpui a, hi huna hin JAC Chief Convenor H. Mangchinkhup; ADCC Chairman Langkhanpau le YPA GHQ President Chinngaihpau haan thuhrilna hun an hmang.
Hi huna Chinngaihpau in thu a hrilnaah, Manipur sawrkarin pasaltha hai vui thei ding ngirhmuna a mi siem le mipuiin vui dinga ei ti hun huna YPA member hai chu thlan cho dinga inpeisa zing an ni thu; Khawvelah mipui thuneina a lien a, thil an thaw thei bawk; hi lei hin UPF le KNO in ruong vui dinga an tum khawm mipui thangruol leiin vui lovin a um a nih tiin a hril.
Dr Pudaite poster suksiet thuah ngaidam an inhni
CCPUR: UPF le KNO in Tribal martyrs hai ruong vui dinga an ti dodal pawl bandh volunteers han zani zingkar khan HYA GHQ in Sielmat lamthuoma (L) Dr Rochunga Pudaite lim (poster) an tar chu latlain an suksiet bakah lampui dangnaa an hmang leiin HYA GHQ thuoitu hai chun HYA le hnam hmusitnain an ngai leiin an lungawinaw hle. Hi chungthua hin ATML, Tribal Student’s Movement, The Singtangmite and Joint Admin. chun zanikhan HYA GHQ kuoma ngaidam an inhni a, hiengang thil a tlung nawk tanaw ding thu hrilin an ngaidam inhnina pawmpek dingin HYA GHQ an ngen.
Zan dar 8 khan bandh call off a ni tah
CCPUR: Pawl tum tum han Feb. 11, 2016 zanrila inthawk CCPur khawpui sunga bandh an thaw chu Feb. 13, 2016, 8:50PM khan hlip (call off) a ni tah. Hi hnunga buoina siem an la um chun ATML, Student Movement le Jt. Admin in maw an phur tanaw ding thu an puong. A hma chun Bandh hi Feb. 13, 2016 zanril chena dinga an keisei a nih.
Website le Album hawng
CCPUR: Zani 10:00AM khan EBC Guest House, Mini Auditorium, New Lamkaah Tuailai 1434 Pro website le EBC Central Choir Album hawngna program hmang a nih. Rev. V. Thangkhangin, Director of Missions, EBC in Tuailai 1434 pro.org website thar a hawng a, Rev. Paukhanmang Guite, Director of Ministries, EBC chun EBC Central Choir Album “Pathian thupina” ti chu tlangzarna a nei bawk.
KZP GHQ Election nei a nih
CCPUR: Zani zantieng 1:00PM khan Simvenga Simte Innah Khangthah Zuun Pawl (KZP) Gen. HQ Election Commission huoihawtnain kum 201618 sunga KZP GHQ thuoitu thar ding thlangna SMS fethlengin nei a nih. President dingin H. Doumuanthang of Tuibuong; Gen. Secy in P. Thonglianmang of Elim VEng, New Lamka le Fin. –cum Treasurer in H. Thangkhansuan of Rengkai Bible Hill hai thlangtling an nih.
Zanikhan Mumbaiah PM Narendra Modi in “Make in India Centre” le “Make in India Week’ a hawng
NEW DELHI: Zanikhan Mumbai khawpuiah PM Narendra Modi in MMRDA Grounds, Banda le NSCI, Worli hmun haiah “Make in India Centre” le “Make in India Week” hai a hawng. Hi huna hin Finland PM Juha Petri Sipila, Sweeden PM Kjell Lofven, Maharashtra CM Devendra Fadnavis, sumdawng hausa, high officials, milien le milal tam tak an thang. Finland PM le Sweeden PM hai khawmin thu an h ril a, an rama sumdangtuhai chu India ramahan hung sumdawng ding thu le India rama sumdawngtuhai khawm an ram haia sumdawng a, an sum hai zu sukpung ve dingin an fiel.
Narendra Modi chun hi huna thanghai chungah lawmthu a hril bakah Make in India programme hlawtlingna dinga theitawp suo a thang ve dingin a ngen a; Rambung tum tum a sumdawngtuhai chu India rama an sum neihai hung sukpung dingin a fiel tawl. Modi hin Make in India thiltum hai a hrillang bawk.
Make in India Week neina ding hi 2.2 lakh square metres a lien, Halls 27 um, National, International le State Exhibitions um a ta, hi exhibitions a hin Sweden, Germany le South Korea hai khawm an thang ding a nih. Chun, Make in India week a hin rambung 49 a inthawk sawrkar palai le rambung 68 haia inthawk sumdawngtu palaihai an thang ding a nih. PM Narendra Modi hmu le hrietpuiin Maharashtra CM Devendra Fadnavis chun companies lien tak tak (major companies) pathum hai leh Memorandum of Understandings (MoUs) an ziek. Hi programme zo hin Modi chun rambung dang dang thuoituhai leh inlaichinna siem that dan ding thu hai an hriltlang.
Loktak Scam suizui ni dingin a hril
IMPHAL: Manipur mipuihai dit le ngenna angin Loktak Dil inthielfaina ding sum indiklo taka hmang nia hrila um hi suizui ning a tih. A suizui dan ding le hmalak pei dan ding chu tuta inthawk sawtnawte hnungah mipui hrieta puonglang la ning a tih. BJP Manipur Pradesh President sin chu Th. Chaoba in la chel zing a ta, sienkhawm tuta thla sungin BJP Manipur Pradesh President thar ding thlangna um a tih. Th. Chaoba hun hi local body election leia suksei a nih. Ch. Sanjit thina le inzawma Manipur Police Head Constable inpuongna thua hin suksuol nei le inrawl vena neihai chu iengang mi khawm nihai sienla hrem ning an tih tiin zanita BJPManipur Pradesh Officea reporterhaian hmupui huna BJP National General Secretary le Coordinator of North Eastern States, Ram Madhav chun a hril.
Manipur HC Judge dingin sesamna
IMPHAL: Manipur High Court Judge thar dinga ruot Justice Rakesh Ranjan Prasad chun Feb. 15, 2016 sun dar 11 khin Manipur High Courtah Judge sin chel dingin Manipur High Court Chief Justice L.K. Mohapatra kuomah sesamna nei a tih. Justice Rakesh Ranjan Prasad hi Jharkhand High Court a inthawka hung sawn a nih.
NH bandh sunzawm nawk an tum
IMPHAL: Kuki Students’ Organisation (KSO) General Headquarters le All Naga Students Association, Manipur (ANSAM) chun Feb. 17, 2016 zanrila inthawk khin National Highway haiah hun tiemchin um lovin an bandh thaw an sunzawm nawk ta ding niin an hril. State sawrkarin an thil ngen ni 10 sunga sukpuitling pek dinga a tiem chu a sukpuitling naw leia BAndh hi sunzawm nawk an tum niin an hril. An thil ngen chu, kum 2006 batch contract basis teacherhai sin suknghet ding ti a nih. An thil ngen le inzawm hin Feb. 1, 2016 khan State sawrkar palaihai leh an inbiek a, sawrkar palai hai le an inbiek nia inthawka ni 10 sunga sukpuitling pek dingin thu an tiem niin KSO Gen. HQ le ANSAM thusuok chun a hril.
College Lecturer Gateah IED
IMPHAL: Lilong Haoreibi College a Lecturer, Md. Slammuddin (58), s/o Md. Jumer Ali of Lilong Heinou Makhong in gateah zani 11:30AM vel khan remote controlled Improvised Explosive Device (IED) pakhat hriet ngailo han an va sie. Hi thu hi an hriet le le inruolin Lilong Police le Manipur Police bomb Squad expert han an va hnawtzui nghal a, sukpuok a ni hmain an va lak hmang a, pawitawk nawna ding Lilong ITI Road hmuna an va sukpuok. IED hi plastic a intuom a nih.
Free Yoga Theraphy & Meditation camp
IMPHAL: Patanjali Yoga Samiti, Manipur huoihawtnain zanikhan Hapta Kangjeibung ah “Free Yoga Therapy and Meditation Camp” nei tan a ni a, Feb. 17, 2016 chen hi camp hi nei ning a tih. Hi camp a hin Yoga Guru Baba Ramdev in Yoga inchuktirna a nei. Baba Ramdev chun Yoga inchukna hmun ding “Acharyakulam” Imphal hmuna Rs. 1 crore senga indin a ni ding thu zani hmasaa Chanchinbumihai an hmupui huna a hril.
MPSC Exam boycott an tum
IMPHAL: Joint Students Coordinating Committee (JSCC) chun, Manipur Public Service Commission (MPSC) in examination rules a siem chu siemthat (amend or modify) dingin an phut a, siemthat a ni hma chun MPSC Exam, 2016 huoihawt lo dingin Manipur sawrkar an ngen. MPSC rules dungzui hin Manipur puotieng mi hai khawm exama an thang phal a ni a, hiengang hi state dang haiah a um ve nawh tiin JSCC a Convenor Jayantakumar chun a hril. Siemthat a ninaw chun exam an boycott ding thu an hril.
DMK le Congress in thangruol dingin
CHENNAI: Tamil Nadua chun zanikhan Congress le DMK thuoitu han meeting neiin Tamil Nadu Assembly Election hung um dinga thangruol dingin remtina an nei. Senior Congress leader le Rajya Sabha Opposition leader Ghulam Nabi Azad in DMK President M. Karunanidhi a chengna ina an hmupuina huna thangruol dinga remtina hi an nei a nih. Tamil Nadu Assemblya hin seats 234 a um a nih. Lok Sabha election nuhnung taka khan Congress hi an khatin an ngir a, sienkhawm tlingzo an um naw a, Assembly Election nuhnung taka khan DMK leh an thangruol a, seats 5 chau an lak a nih.
Sum hmang dan pelut dingin an hriettir
NEW DELHI: Supreme Court chun India rama states tum tum hai chu financial year liemtaa Mahatma Gandhi National Rural Employment Guarantee Act (MGNREGA) hnuoia sum an hmang zat hai sawrkar thlungpui kuoma pelut dingin an hriettir. MGNREGA hnuoia sum hmang hai bakah hi scheme fepui peina dinga sum an mamaw zat hai sawrkar thlungpuia pelut dingin Supreme Court bencha Justice MB Lokur le RK. Agarwal han state sawrkar hai an inhriettir bawk. India ram hmun tam lem, a bikin khaw inthalna hmun haiah a ni ding anga sin thaw a ni nawh ti thua Supreme Courta Public Interest Litigation (PIL) thelut a ni leia Supreme Court in State sawrkar hai an hriettir a nih.
BVHTDC Chairman in Lalthomlien Hmar
GUWAHATI: Addl. Chief Secrtary to the Govt. of Assam chun Feb. 12, 2016 khan Barak Valley Hill Tribes Development Council (BVHTDC), Assam siemthat a nina official notification an suo. Hi dungzui hin Pu Lalthomlien Hmar, Hmarkhawlien, Cachar chu Chairman niin, Vice Chairman chu Hlunsang Darngawn, Kapakhal, Cachar hai an nih.
NCHAC CEM thar dingin Debojeet Thaosen
HAFLONG: Zanikhan NC Hills Autonomous Council (NCHAC) Chief Executive Member (CEM) thar ding thlangna Council Session hallah nei a ni a, Congress member Debojeet Thaosen chu CEM, NCHAC thar dinga thlangtling a nih. CEM hnuoia hin Executive body thar siem ning a ta, Executive member mi 14 kar thar tieng khin sukfel ning a ta, Executive member ding hai lai hin Pu Hlima Keivom le Pu Khawvelthang Hmar hai an thang. NCHAC a Chairman chu Pu Ngamrothang Hmar a nih.
Army Captain inhmang hmu nawk
LUCKNOW: Ni iemanizat liemtaa inthawk a umna chin hriet lova inhmang 8th Sikh Light Infantry –a Captain Deepak Dhawan chu zanikhan Uttar Pradesha Faizabad hmuna hmu nawk a nih. Captain Deepak Dhawan hi Jammu hmuna posting a ni a, zani zingkar khan Faizabad Kotwali hmun a hungtlung niin Jawahar Lal, Circle Officer, Faizabad Circle chun a hril. Faizabada Dogra Regiment hai chun a chanchin an hriet le inruolin an va lam nghal a, thu indawnna nei dingin an thuoi nghal a nih.
Assamah Medical Colleges 4 dang
DIBRUGARH: Union Minister of Health and Family Welfare Jagat Prakash Nadda chun, Assam state sunga Nagoan, North Lakhimpur, Dhubri le Diphu hmun haiah Medical Colleges thar 4 indin belsa tum a nih tiin zani hmasaa Assam Medical College and Hospitala Super Speciality Block a hawngna huna a hril. Hieng hmun haia District hospitals hai chu Medical Colleges a dawmsang vawng tum a ni a, Medical colleges pakhat pei dawmsangnaa sum seng dinga riruong chu Rs. 189 crore a ni a, tuchena hin Rs. 22 crores sanctioned a nita a, a dawt dawta hung pek pei ning a tih tiin Mr Nadda chun a hril bawk.
India in a lungawinaw thu an tlun
NEW DELHI: US sawrkarin Pakistan kuoma F16 indo vuongna zawr a tum chungthuah zanikhan India chun New Delhiah US Ambassador Richard Verma koin hi chungthua a lungawinaw thu an tlun. Kum tam tak liemtaa thil tlung hai enin Terrorist hai tukdawlna dingin hiengang thil hin thathnemna a neinaw ding zie a sukchieng tiin External Affairs ministry spokesperson Vikas Swarup chun a hril. Barack Obama inrawinaa US Congress chun tulai hnai el khan Pakistan kuomah dollar 700 million deuthaw man ding F16 fighter jets 8 Pakistan kuoma zawr dingin remtina a lo nei ta a nih.
Suu Kyi in that dinga vauna a hmu
YANGON: National League for Democracy (NLD) thuoitu lu tak Aung San Suu Kyi chun Facebook a inthawk that dinga vauna a hmu nia hril a nih. Hi lei hin Suu Kyi hi venghimtu pek belsa a nih tiin official thusuok chun a hril. An ram danpui siem that a ninaw chun President sin a chel thei naw el thei. An ram danpui chun ram danga pasal nei le nau neihan Myanmar President chel thei naw nih ti a thang a, hi lei hin harsatna a tuok meka hril a nih. Haptakar liemta khan Ye Lwin Myint chun an ram danpui thlakthlengtu chu a kap hlum ding niin facebookah a zieklang. Suu Kyi pa Genral Augn San khawm kum 1947 khan that in a lo um ta a nih.
Nepal PM Feb. 19 in a hung inzin ding
NEW DELHI: Nepal Prime Minsiter K.P. Sharma Oli chu February 1924, 2016 inkar sung khin India ramah a hung inzin ding niin zanita External Affairs ministry thusuok chun a hril. India rama a cham sungin PM Narendra Modi le President Pranab Mukherjee hai inhmupui a tih.
VAWISUN THUPUI
Chuongchun, Pathien that zie le a tium zie chu ngaituo rawh; a tluhai ta ding chun ti a um a nih; nanga ta ding ruok chun a tha a nih, a thatnaa i um zing chun; chuong a ni naw chun, nang khawm satthlakin um veng i tih. Rom 11:22
Editorial
Thuoitu tha
Thuoitu tha (efficient leader) pawimawzie hi hril nawn ngailo khawpa ei hrietchieng a ni awm ie. Bible khawm hi ngun taka ei en chun Pathien khawm hin a mihai thuoitu ding hin thuoitu tha (Roreltu, zawlnei, Lal) a zawngin a ruot hlak ti ei hmu a nih. Thuthlunghlui hun laia inthawk ta khan chieng taka ei hmu chu thuoitu tha hai thuoina hnuoiah chun Pathien ngaisakna le tina a um a, fak le dawnah an intodel a, mipui han an chanvo ding an hmu a, ram a ralmuongin a himin an hlim a, Pathien dan tha takin an zawm hlak. Chuongang chie chun ram thuoituhai an tha naw chun kawng hran hranah ram le mipui han an tuor ngei ngei hlak. Chu le inruol chun an lal han milem pathien le hnam dang pathien chibai an buk leiin Pathien hremna khawm an tuor nasa hle hlak ti ei hmu bawk.
Ei ni rawi hi Israel hai leh inangna tak ei nei a, chu chu mimal, sungkuo, khawtlang nun, sakhaw nun le inrelbawlna hai hi lak hran thei lo, inzawm kuol vawng an nih. Rorelna indik le fel a um naw chun thlarau nun khawm a hrat thei naw a, nghawng tha lo tak a nei hlak. Chuleiin ram le hnam thuoituhai hi an pawimaw em leiin a thlangsuokna kawnga khawm tuta neka uluk le fimkhur lema ei ram mipuihai hin ei ngaituo uluk nawk zuol a tul hle. Kristien ei ni leiin ram inrelbawlna le ei thlarau nun hi sei taka inzawm a ni tlat leiin ram thuoitu ei thlang nawkna ding khawm hin fimkhur tak le lungruol taka thang ei lak a tul hle a nih. A thlangtu hi mipui ei ni tlat leiin ei mawphurna le thilthawtheina (power) hi ei hrietzing a pawimaw. Ei kuta um power hi ei hmang thiem a pawimaw bawk.
Ei ram thuoitu ding mi tha, mi indik, mi huoisen, ringtlak, a ngaina hrie le ram thuoi thei tak tak dinga theina (calibre) nei thlang suok thei dingin mipuihai thangruol tang ei tiu. Thuoitu tha hi an pawimaw em em leiin hnam var le ropui Greek le Rom vanglai khawm khan an lo buoipui nasa ta hle hrim a nih. Thuoitu tha hai chu chawimawiin an ngai ropui hle hlak. Thuoitu tha an nei leiin an hun lai chau ni lovin tulai chen hin an chanchin hril ei la bang theinaw a, an thaw dan ei la entawn pei chu a ni hi. Tulai khawvel changkang tak a lem hin chu thuoitu tha nei hi a pawimaw zuol a nih. Hi lei hin ram ropui tak America rama chun thuoitu tha nei dingin political party chau ni lo, a ram mipui mimir khun an ngaituona an hmang nasa hle. America President dingin a tling (fit) an ti chu an inkhina pawimaw tak a nih. Mingo le dum an thlier hran bik naw a, a senior le senior lo tieng an ngituo naw a, America ram thuoi thei ding mi tha thlang suok khu an thiltum lien tak a nih.
Tienlaia inthawk tulai hun chen hin ‘natural ability” tam tak nei le mi var (intelligence) thuoitu (gifted leader) hi khawvel hin hmu a nuom a, nasa takin a la zawng pei a nih. Ei ni khawmin inthlang nawk huna sinthaw zakhuo ei inhaktir dinghai ei ngaituo ngun a tul hle. Ei ral thlir zing chun ei ram sietna hin a mi la hrut sa tho tho ding a nih. Kut inkuongkuo a ei ngir zing chun thuoitu tha nei thei ngai nawng ei tih. Nang le kei a mawphurna a nih. Ei ni lai hin thuoitu tling (gifted leader) tam tak um ngei an ta, chu hai zawngsuok chu thil pawimaw tak a nih. Chuong thuoitu tha hai chun ei ram hi thuoi hai sienla chu hmasawnna tluontling le tlo (sustainable development) nei thei ei tih.
Ei political party han an hung ruot taphawt, tha mang lo, ram thuoina dinga thlirna tha (vision) le ngaituona var (idea) khawm nei mang lo thlangtling nawk ringawt hlak hi mipui han ei ti hle a hun tah. Mi tha hai an pensuok ve a hun tah. Thaw ding hre ta chuong lo hai kutah hin ei ram hmasawnna ding chem le hrei hai hi ei la sie zing ding a ni? Thuoitu tha ei neinaw leia ei tuorna le ei hnufuolna hi a sawt taluo ta a, mipui ei thanghar a hun ta hle a nih.
Rorelna indik le fel, infepawna lampui, electricity, water supply, fak le dawna intodel, LPG tlasam lo, inchukna tha (quality education), hospital tha, khawl tha le thil tul dang dang ei mamaw hai nawr le hril chiem ngai lova thaw hlak thuoitu le sawrkar ei mamaw a nih. Ei rama project lien tak tak ei neihai khawm thuoitu tha lo ei nei leiin tam tak a hlamzui ta a, thenkhat zo fel hmaa hawng dam an ni a, project sin thaw thei mumal lo khawm iemanizat zet ei nei pha ta a nih. Inrelbawlna tha, kalphung nghet le fel (good & systematic governance) siem thei ding zawng tang ei tiu. A tlachawp le nawr rak ngai hi chu nghawk a um taluo tah. Thuoitu tha han an power intitheinain an show ngai nawh.
